Somogat MEd-Filipino Asignatura: Fil 217- Estruktura ng Wikang Filipino Tagaturo: Dr. Natalie Gayumao
Gawain 2: Oktubre 29, 2023
Panuto: Talakayin. 10 puntos bawat isang aytem.
1. Ang mga dagdag na titik ay pagluluwag sa importasyong pangwika.
Ang wikang Filipino ay natatangi sapagkat may katangian itong kakaiba tulad ng ito ay may masistematikong balangkas, sinasalitang tunog at iba pa. Sa paglaganap ng modernisasyon ay kasabay nito ang pagpapaluwag ng importasyong pangwika na kung saan gumagamit tayo ng mga hiram na salita lalong-lalo na sa mga terminolohiyang pang-agham at teknolohiya na ating tinutumbasan ng salitang hiram upang mas mailahad ang nais maipabatid. Ngunit ang paraan ng panghihiram ay umiba bunga ng modernisasyon at nagbunga ito ng kalituhan para sa mga taong may kaunting kaalamang ortograpiya. Nararapat na lapatan ng wasto at angkop na mga letra ang panghihiram ng salita lalong-lalo na sa mga salitang pang-agham. Dagdag pa, ang impluwensya ng kultura at relihiyon ay may malaking papel din sa pagpapaluwag ng importasyong pangwika na kung saan ay dahil sa nakasanayan ay nananatili sa paraang alam lalo na sa pangtututmbas at paghihiram ng salita. Napakahalaga ng pagkakaroon ng sapat at mayamang bokabularyo ang isang tao upang maiwasan ang ang pagkalito hindi lamang sa sarili kung maging para sa iba.
2. Kailangan ang masipag na pagsubaybay sa Filipino upang maging
estandardisado ito at maging modelo ng mga wikang katutubo. Bilang isang guro ng asignaturang Filipino, may malaki akong responsibilidad sa pagpapayaman ng wikang Filipino. Ang pagsubaybay sa Filipino upang maging estandardisado ay ang paggamit ng Filipino hindi lamang sa sarili kundi maging sa mga estudyante. Ang pagsasalita at pagsusulat sa Filipino ay nagpapakita lamang na dapat gamitin natin ito lalong-lalo na sa komunikasyon. Napakamakabuhuluhan ng wikang Filipino, ito’y natatangi di tulad ng mga banyagang salita. Sa patuloy na pagbabago ng ating mundo dulot ng modernisasyon ay huwag nating hayaang baguhin din nito an gating wika. Gawin nating bisaha an gating sarili sa wikang Filipino. Ating buuin ang ating pangangailangan, pansosyal o pampersonal .
3. Hindi kailangang hiram lagi ang pampayaman sa bokabularyo ng
Filipino Sa panahong ngayon, hindi makakaila na karamihan ay gumagamit ng mga salitang hiram. Nagpapakita lamang ito na hindi sapat ang kanilang bokabularyong Filipino. Sa simpleng salita, mapapayabong at mapapayaman pa natin ang ating bokabularyo sa paraang palagi natin ito dapat gamitin, sa bahay man, sa eskwela, sa daan at kung saan pa dahil isa itong daan tungo sa pagiging dalubhasa sa wikang Filipino. Magiging bukas ako sa lahat ng mga posibilidad na kung saan tutulong sa akin para pagyamanin pa ang aking bokabularyo sa Filipino.