Professional Documents
Culture Documents
Plasma Info Euskara
Plasma Info Euskara
Zer da plasma?
Odolaren zati likidoa da, gehienbat ura da, gatzak, proteinak eta bestelako osagaiak ditu, eta
zelulak garraiatzeko balio du.
Bi bidetatik:
Zer egiten du Osakidetzaren Transfusio eta Giza Ehunen Euskal Zentroak (TGEEZ) lortzen duen
plasmarekin?
Donazioa eta gero, plasma izoztu egiten da bere ezaugarriei ahalik eta hobekien eusteko, betiere
KALITATE-arau zorrotzekin eta Osasun-agintaritzak gainbegiratuta, SEGURTASUNA ETA
TRAZABILITATEA mantentzeko.
Transfusio zuzenerako erabiltzen den plasma Ospitaleetara bidaltzen da, behar duten
pazienteentzat eskuragarri egon dadin.
Plasma farmazia-enpresa batera zatikatzeko bidaltzen da medikamentuak lortzeko.
Zentroak/Osakidetzak kontratu publiko bat du enpresa horrekin, plasma prozesatzeko
instalazio kopuru mugatuan prozesatze tekniko konplexu hori egin dezan.
Immunoglobulinen eta albuminaren bialak lortu ondoren, ospitaleetako farmazietara
bidaltzen dira, behar duten pazienteentzat eskuragarri egoteko. Gure plasma ez da inoiz
sartzen inongo zirkuitu komertzialetan.
Urtean, transfusio zuzenerako, 10.000 unitate inguru erabiltzen dira transfusioetarako, eta
eskaera arazorik gabe betetzen da.
Plasmatik lortutako medikamentuei dagokienez, ehunka mila bial erabiltzen dira, eta eskariaren
erdia betetzen da gutxi gorabehera (eskaria urtetik urtera handitzen ari da).
Eskaera osoari erantzun ahal izateko, nabarmen handitu beharko ditugu plasmaferesi-
donazioak. 2022an 5.106 plasmaferesi egin ziren, eta urtean 30.000 inguru egin beharko
liratekeela kalkulatzen dugu.
Medikamentu horiek giza plasmatik baino ezin dira lortu. Enpresa farmazeutiko batzuek
plasmaferesiak emateko zentroak dituzte zenbait herrialdetan (Ameriketako Estatu Batuetan,
Austrian, Alemanian), ordaindutako emaileekin, hauek donazioa sarritan ematen dute (urtean
56 aldiz ere). Plasma horren bidez, behar duten eta autosufizienteak ez diren herrialdeei
eskaintzen dizkieten medikamentu horiek lortzen dituzte.
COVID-19aren pandemia dela eta, gure herrialdean medikamentu horien eskasia are gehiago
nabaritu da, eta horrek ondorio larriak ekar ditzakeela. Horregatik, plasma estrategikotzat eta
interes orokorrekotzat jotzen da Europan. Eta planak eta proiektuak egituratu dira, Europako
funtsekin, autosufizientzia lortzeko plasmaferesi-donazioa sustatuz, printzipio hauek bermatuz:
borondatezkoa, altruismoa, elkartasuna eta emailearentzako segurtasuna.
EZ. Bi donazio-mota horiek beharrezkoak dira, eta emaile berak bi donazio-motak txandakatu
ditzake. Emateko irizpideak, funtsean, berdinak dira. Bi donazio-mota horiek
TGEEZ/Osakidetzaren ardurapean daude. Ezaugarrien eta odol-taldearen arabera, eta
emailearen segurtasuna helburu hartuta beti, baita eguneroko beharren arabera ere, emaile
bakoitzari aholkatuko diogu maiztasun eta donazio-motarik egokiena.