Episode-4

1.INT.Soodo Guto Hariso Mine

Soodo guto Hariso reeshshu gede goxino.

Shurbo suutunni dagge amasira hasaabbanno.

Shurbo(Hashaasha)

Ama ama.....Ama'ya?

Ladawe

Maa loosanni nootta Shurbo?

Shurbo

Eeggatena mitto galata loosie?

Ladawe

Maati?

Shurbo

Anna'ya kayisoonke'e.Rosu Minira hojja'ya hara hasireemma.

Ladawe

Dadillitooti, annikki ayee woyte keeshshe goxawo daafira manchaamete gede dololae goxella hosanno.

Shurbo (Oso'litanno)

Hashshu,Hashshu,Hashshu, Halaale ikkitino.

Ladawe

Kowiicho keeshshattaro,Annikki miteekke kaysannohe Shoo'mite kaoottaro,Xaa Hari.

FX:Shurbo aantete doddanni fulittanno

 2.EXT.Soodo Guto Qarqaru Doogora

Shurbonna Ficho hasaawanno

FX:Soodo guto widoonni

Shurbo

Maati qarru? Togoonni maati yaadisinoheri?

Ficho

Maa ikkeemmakka,Oommasi xagichinni rosiisaanchinke hura hoogiro.

Shurbo

Halaalancho ikkate,Ani shiimunni qarramoomma.Isi Mittoro ikkannokkita

afoommo.Korkaatuno,Ahaahe'ya Xagichooti.Ayee woyte umisera horonsidhannoho.

3.EXT.Araarso Gate Soodo

Araarso gatisira loosirara fulanno woyte gatisi gawajjamino.

FX:Shiimu Way,Bubbetenna Haqqete Daro Huuro

/Araarso/Screams in Shock)

Dee'ni! Dee'ni! Maati kalaqaminori? Magano'ya?

______________????????????????!

4.EXT.Qarqaru Doogora Soodo

Shurbonna Ficho hasaawanna Laalo...........

FX:Laalo Owaataano Huuro,Soodo Widoonni

 Laalo

Keere galootta Coommado'ya?

Shurbo

Keere galootta La'lama'ya Laalo?

Laalo

Ayeeti techo rosu minira ledokki harannohu?

Shurbo

Ani baxxeemmahe jaala'yaati noomma.Sumaseno Ficho Yinannise.

Ficho

Hawalle ate ledo xaadumma.Shurbo ate daafira duucha higge kuloottae.

Shurbo

Maahooyye,Ati loosatta Asaanburisi kaliqete ikkannohu dino.

Laalo/Oso'litanno

Barru saikkinni assa noohenka!Galaxxeemmahe.Kaynni,May maikkeennati annikkira? Xissaminonso

mayikkino?

Shurbo

Danchu garinni digoxanno.Hashsha wo'ma Minenna gobbara fulanni eanona.Xaa goxe kondooranni noo.

Laalo

Maahooyye,Umokki agadhi.Mitto Asaanburisa adhi.

Shurbo/Fichcho

Galaxxeemmahe La'Lo! Keerunni!

5.INT.Daraaro mine, barra

======================

Dureessi baxannosekkiti kaphu baxillaancho Ayyaantu Daraarowa dagganno

....... . FX:-Qarqaraho xeertote macciishshantanno huuro

............. . Daraaro

Ayyaantu, beetto'ya qarrantooti mine wolu nooehu dinona. Waajjittakkinna saalittakki coyiiri

.............. . Ayyaantu

Xawisate.... lowo geeshsha qarrisinoe.

Daraaro

Ayiirino kalaqaminoro kulie fojokki ayeeno diafannona,

Ayaantu

...............

Daraaro

Coyiira hoogittaro, kaa'lammahera didandeemmahe. Lowo looseemmahu nooena yanna'ya huntootie.

FX:-Daraaro gobbara fultara shootti yitanno

. Ayyaantu

Danchaho, Ahaahe'ya Daraaro eeggatena ofolli. Ani lowo qarri giddo noomma,... godowe noomma,
qaaqqo ilate dihasireemma.

/Ayaantu coyiidhanni wi'litanno./

Daraaro

Mayiiraati? ila hasiroottakkihu?

 Ayyaantu

Korkaatuno, Annisi mama nooro diafoomma.... konnira maate'ya waajjoomma. Anni'ya shaannoe,
atewa dawoommahu Godowoommaha dirrisanno xagicho aattaera dawoomma.

Daraaro(Foole tugganno)

Togoore loosate didandeemma. Xisso xagise hurseemma ikki nina Mannu lubbo dihuneemma.

Ayyaantu

Eeggate ate agurranna kaa'lannoehu dinoewe.

Daraaro

Lowo geeshsha dadilloomma, atera aa dandeemmati mitticho amaale qarra tidhattati qaaqqu anninna
maatesi ledooti.

Ayyaantu, qaaqqu maganu eltooti. Kunino meyaate heeshsho giddo dhaggeeffachishanno coyeeti.

Ayyaantu(wi'litanni gobbara fultanno

6.EXT.Rosu Mini Barra

Shurbonna Ficho Rosu Mini haranno.

FX:-Rosu Mini hoowe giddo batinyu Qaaqquulli huuro

Shurbo

Keereho Ficho,Rosiisaancho Laalo?

Ficho

Deeni,Wo'munku koo'o mitteenni ofolitte no.Kaynni,la'a didandoommasi.Giiramoonka.

Shurbo

Mama noo isi?

Ficho

Diafoommasi Sburbo! Mitteekkite shiteeti.

 FX:-Rosiisanchu hedeweelcho badhensaanni daanno.

Rosiisaanchu

ihii,Ayee hasidhinanni heedhinoonni!

(Lamenti Hashashamanno)

_____+++

7..EXT.Laalo Asaanburisasi Mine Barra

Araarso wiinamunni Laalowa daanno

Fx:-Qarqaraho barri Saatera

Araarso

Laalo! Laalo! Ballo! Ane...........

Laalo

May kalaqami!?

Araarso

Lai Ane,Sa'u yannara gate'ya ikkeewo manni dayno!

Araarso

Gati'ya gawajjamino.Haqqeno murantino.

Shiimmaaddu Awukaatto nafa dino.

Laalo

Araarso,balaxe umokki geisi! Assa noosi konne!

Araarso

Gowwa Olliichonke huluullamoomma.Techo Rosu minera Shurbo ledo saino.

Laalo

Shurbo,techo umi yannara rosu mine callichose hadhino.

 Araarso

Maati? Mayra?

Laalo

Hariso,Digoxino lawinoe hashsha,konnira goxara harino.

Araarso

Afoommo,konne assanninohu mittu isooti.Hare minesi haseemmo.

Laalo

Araarso agari,buuxa hoogattata dandaattona buuxi...........Araarso!

Magano'ya Durreessira bilbila,Mama noo bilbila'ya/Silke'ya.Hoola Maganoho!

FX:-Aantete Araarso dodanno.

8.ENT.Faayyo Mine Soodo Guto

Faayyo Ayiiddese towaayyo assitanni Hawaasa no.

FX:-Soodo guto widoonni Hawaasi quchumira

Faayyo

Keereho Anna?

Faayya Anna

Keereholla beetto'ya

Faayyo

Anna,Gute Soodo mamira haratto?

Faayyo Anna

Mamirano diharoommo,higeemmo mulenni.

Faayyo

Badheekki maaxottorichi maati?

 Faayya Anna

Maaxoommori mittturi dino.

Faayyo

Kaphitootie Anna,Maatiro maaxoottori laoomma.Maa assattoraati Billawunni?

Faayyo Anna

Rosichikki gede ane ledo yeekkeeramattaraati?

Faayyo

Hasaawa hasiissannonke!

Faayyo Anna

Ate hajo di'ikkitino di'ikkitino.

Faayyo

Anna,kowiicho uurrisa noohe

Faayyo Ama

Annakki aguri harona

Faayyo

Dee'ni,Ama maa loosaraati Billawa badheenni maaxire harannohu? Manni loosara haranni no umosi
gawajjara.

Faayyo Anna

Maatilla,Konne mine yemakko woshshado amaddino gede macciishshamannoe.

Faayyo

Anna,Xaa ani dancha woxe baantannae loosanni afameemma.Jawa mine hasate dandeemma.

Faayyo Anna

Jawu mini baalare soorra hasiranno......

Faayyo mulenni higeemmona.....

FX:-Aante waalchu Fa'namanna

Faayyo

Maati iso qarrinsori?

Faayyo Ama

Annakki Quchumu giwisinosi.Yaadotenninna hedotenni fulate umosi loosunni biqino.

Faayyo(Umo heeshshi yaa)

Eeggate atera dandaamiere baala,asseemmana.........

Faayyo Ama

Ate soro di'ikkitino beetto'ya ,dandaamihere baala assattata anfoommo.

Faayyo

Maahooyye,Maa assa nooe'ya?

Faayyo Ama

Annakki halaalunni hagiirisisannori maatiro afate hasiratta?

Faayyo

Halcheemma,Afate

Faayyo Ama

Shiimu gatinkera Rakkora higate.Buninke,Saadankenna jaallanke.......w.k.l gatinke giddo Gide la'nanni

harama qalli assitanonke.Dandaammannokkitano anfummorono,Lolahu baalankare gawajjinku
hanafe.Tini baala yannara halchineemmote.

9.EXT.Hariso Mine Barra

Araarso,Hariso Minira iillanno woyte Hariso goxe no.

 FX:Bubbete,Haqqete daronna Araarso lekka huuro

Araarso

Hariso! Hariso! Mamalla noorto!?

Ladawe

Ayeeti ati? Keere nootto?

Araarso

Dee'ni! Hanqoommo,Caacawommo galatu galitekkira ikkona.

Maa?? Tini Shiima Awukaaticho Diishshote koshira woroonni noote?

Maati loossannori kowiicho?

Anera konne looso loosate ,ate galitte agurranna,wolu ane diseeyatanno.

Laalo

Maati coyidhanni noottori?

FX:Waalchu Fa'namanno Huuro

Hariso

Ati mayraati,Koo mancho keere hunattonkehu?

Araarso

Loosoottore afootto!
 Hariso

Maa loosanna laoottoe?

Araarso

Ankarto,Haqqe'ya mooroottonna gawajjootto!

Hariso

Ani? Maati Coyrattori? Kuni Wodana baoottohu gowwu geerchi.Hatto yte kassasoottoe? Kaphunni?

Ladawe

Araarso,hatto yiittohu galite'yaati.Ninke diOllaaho,Hariso togoore loosa noosi?

Araarso

Huluullo'ya garaho! Minikki badheenni Awukaatto'ya haqqicho maa loossanno?

Ladawe

Galitte'ya haqqicho mooraanno yee diammaneemma.Hattoore dihasiranno.

Araarso

Cee'maaleessu Manchaame,ki'ne gati di'ishineho aneha hinaasoottoe,duucha woyteno

assattoreeti,kaynni gaabbatto asseemmohe!

Hariso

Afookki beeshshirittoro woyyanno,roore!?

 Araarso

Woy Roore maati?

Hariso

Agari ga'manno Woshichi gede fushshe shorreemmohena!

Araarso

Ati mancho ikkoommo yte hedattoro,Amo fulitte wo'naalie.

Hariso

Aguri kuloommohena,Hattee gattinohe lekkakki hiqqeemmona!

Araarso

Coyra assa babbaxxitanno,Amo!

FX:Gibbote Huuro

Ladawe (Cancitanno)

Lamunku uurrisse! Huucciroomma'nena! Mimmito mayra shitinanni! Ayeeti iille'e! Giwama'ne uurrisse!
Ki'ne mittu ollireeti.

FX:Aantete mancho insawa higge doddanno.

Dureessa

Maati cancu,Anna uurrisi! Hariso macharaarottoni.Adabbe! Uurrise! Ki'ne canci ollaa cancishanni noona.
 Hariso

Annakki gati'yanni fushsha hoogittoha ikkiro,umo'ya gargadhate qaafo adheemmo.

Araarso

Baalunkunni,Ollii'nera shollaataamu ateti! Durreessa mereerinni ho'li albasi gane faceemmona

Hariso

Maahooyye,Ho'le! agurre hoolitinoonitte'e! Konne Shitalaamosina!

Dureessa

Milli yeemmokkita kuloommohe.....Hariso,Wori uulla siqqo Xaa!? Wodana baootto?

Araarso,Maa loosay noottoro hedootto? Wori uulla kincho!?

Hariso! Araarso! Ikko'ne! Gadaannati coyranni noo'nehu!Giwansho uurrisse!

The end of Episode-4