Ma.

Carlmia Ceniza
BS PSY 1101

Korupsyon

Sa kada araw na nagdaraan at sa paglipas ng panahon, tunay na mapapa isip ka

talaga. Kung bakit nga ba tayo ay nandito parin sa gantong sitwasyon. Kung bakit nga ba hindi
tayo umuunlad at kung sino nga ba ang mga natitirang ating binoto na syangb mamahala sa
ating bansa. Ang pagiging ganid sa pera at kapangyarihan ay ang ugat ng lahat ng kasamaan.
Hindi lingid sa ating kaalaman na ang ating bansa ay nagunguna sa larangan ng korapsyon.
Isa na sa mga sakit ng kahit na anong bansa ang patuloy na isyu ng korapsyon o
katiwalian. Ito na ang nakaukit sa bawat sistema ng gobyerno, na isinasagawa para sa pang-
ekonomiya at panlipunang mga kadahilanan na may pansariling interes at isang pangit na
pakiramdam ng katapatan. Ang korupsyon nga ay ibigsabihin ay tumutukoy ng kawalan ng
interidad at katapatan. May iba’t ibang uri tayo na alaman na mga gawain na kalimitan ay
nangyayari kaya merong korapsyon ang ating bansa. Ito ay una ang Pang-aabuso ng
Kapangyarihan ang hindi angkop na paggamit ng kapangyarihan ng isang tao at mga pasilidad
ng paggawa ng desisyon. Pangalawa naman ay ang Pakikipagsabwatan, ito ay ang
kasunduan sa pagitan ng dalawa o higit pang mga partido na minsang ilegal at kaya ay
malihim upang limitahan ang bukas na kompetisyon sa pamamagitan ng pandaraya, pagliliko
o panloloko ng iba sa mga karapatang nito o magkamit ng isang layuning ipinagbabawal ng
batas na tipikal sa pamamagitan ng pandaraya o pagkakamit ng hindi patas na kalamangan.
Pangatlo naman ay ang Pagnanakaw sa kabang yaman ng bansa ang pagnanakaw ng mga
pinagkatiwalaang pondo na pampubliko sa pamahalaan. Pag ako ay tinanong ng kahit na sino
man kung bakit nga korupsyon ang unang lutasin ay dahil patuloy tayong mahihila sa pababa
ng isyu na ito, walang mangyayari satin dahil sa palpak ang ating mga inilalagay sa pwesto.
Walang mangyayari sa ating bansa, patuloy lamang tayo maghihirap at may posibilidad pa na
lalo pa tayong mabaon sa utang hanggang sa tayo ay magiging sunod sunuran na ng ibang
bansa.
Isang halimbawa na lamang ng korupsyon na kinaharap ng ating bansa ay ang Pork
barrel scam. Ang kontrobersiya na unang nabunyag noong Hulyo 2013 na kinasasangkutan ng
5 senador at mga 23 kinatawan na naglipat ng kanilang pork barrel funds na may kabuuang 10
bilyong piso sa mga pekeng non-government organizations (NGOs) para sa mga hindi umiiral
na proyekto. Ayon sa Commission on Audit, ang paglilipat ng mga mambabatas ng mga pondo
sa mga NGO ay ilegal. Ang sinasabing utak ng pork barrel scam ayon sa whistleblower na si
Benhur Luy ay si Janet Lim-Napoles na CEO at presidente ng JLN Corp. Masasabi natin na ito
ay isang halimbawa ng pagiging ganid o sakim sa kapangyarihan at sa pera. Ang mga
kadalasang korap ay iyong mga politico o empleyado ng gobyerno na hindi makontento sa
kung ano ang kanilang kinikita sa kanilang trabaho. Kung patuloy na mangyayari ito
magdudulot ng kawalang katiwala ng mga mamamayan sa gobyerno. Hindi natin matatanggi
kung gaano kalaki ang epekto ng korupsyon sa ating bansa. Tayo ay maging isang matalino at
may pakialam sa ating bansa at sa ating mamamayan sapagkat tayo at tayo lamang din ang
mahihirapan at patuloy na maghihirap kung hindi tayo maalam pumili ng mga tunay na tao na
magpapalago at magsasaayos sa ating bansa.