Paano nakaapekto ang sistema ng edukasyon na ipinamana ng mga mananakop
na Amerikano sa bansang Pilipinas at sa mismong mga mamamayang Pilipino. Ipaliwanag at iugnay ito sa kasalukuyang sitwasyon ng ating bansa. (15 puntos) Sa unang tingin masasabing ang edukasyon na pinamana ng mga dayuhang Amerikano ay masasabing puro ang mabuting adhikain at nagkaroon ng malawak na magandang epekto sa mga Pilipino dahil nagkaroon ng bagong kaalaman, bagong lenggwahe, bagong pamamaraan ng pamumuhay at iba pa. Ngunit kung mabuti natin na susuriin, masasabing tayo ay pinagkaitan at ninakawan ng kahapon at kung ano talaga ang dapat na mayroon tayo sa kasalukuyan. Sa pagpapamana ng mga Amerikano sa atin ng edukasyon ay kaakibat nito ang layunin na maturuan at hubugin ang kasipan ng mga Pilipino upang maging sunod-sunuran. Ginamit na kasangkapan ang sistema ng edukasyon sa Pilipinas upang lupigin ang mamamayang na maipagtanggol ang bagong kamit na kalayaan laban sa mananakop na nagpapanggap na kapanalig. Karagdagan dito ay ginamit ng mga dayuhang Amerikano ang edukasyon upang mawala sa Pilipino ang nag-aalab na pagkakaisa at nasyonalismo. Ang naging unang hakbang ng mga dayuhan upang makuha ang kontrol sa pangangasiwa sa mga Pilipino ay pagtuturo ng wikang Ingles gamit ang edukasyon. Ang wikang Ingles ang naging balakid o pader sa pagitan ng mga Pilipino at sakanilang kahapon sapagkat sa pagpapatuloy na pagturo ng wikang Ingles, kahit ang kanilang nakasanayan na pamumuhay ay nabago at masasabing naging bagong Amerikano na ang mga Pilipino dahil sa edukasyon na kolonyal. Di kalaunan, ang edukasyon na ito ay ginamit din ng mga dayuhan sa pagpapatayo ng Amerikanong institusyong politikal sa Pilipinas at nagging tulay ito na maisakatuparan nila ang kanilang interes sa Pilipinas at tuluyan na rin nakuha ang kontrol sa pagpapangasiwa ng bansa. Sa kasalukuyan, ang edukasyong kolonyal at wikang Ingles ay malaki ang epekto, mula pa lamang sa araw-araw na pagkikipagkomunikasyon ay may halong Ingles na ang ating binibigkas sapagkat ito na ang kasanayan, sa pagtuturo sa paaralan, sa pag-aapply ng trabaho, at iba pa. Sa kasalukuyan, madali para sa mga Pilipino na talikuran ang kanilang sariling wika sapagkat itinuturing ng mas nakakarami na mas nakakababa ang wikang Filipino. Madalas nga ay mas binibigyan pansin pa ang pagiging wrong grammar sa wikang Ingles at tutuksuhin na hindi marunong at walang natutunan dahil lamang sa dahilan na ito. Nakakalungkot isipin na ang wikang Ingles na ang pamantayan upang masabing matalino o mahusay ang isang Pilipino. Karagdagan pa dito ay mas mahilig ang nakakarami sa mga babasahin na libro at pelikula na may gamit na wikang Ingles. Sa konklusyon, nangangahulugan na patuloy pa rin tinatangkilik ng Pilipino ang wikang Ingles, tinuturing na mas nakakatas ang mga Amerikano, at higit sa lahat ay hindi pa rin umuulad ang sistema ng ating edukasyon. Patuloy tayong makukulong sa edukasyong kolonyal at sa mga dayuhan kung hindi natin yayakapin ang sariling wika at kultura. Tayo ay makalaya lamang kung isasaisip ang nais nating kinabukasan ng Pilipinas . 2. Base sa sanaysay ni Apigo at sariling pananaw, masasabi mo bang isang makapangyarihang puwersa o instrumento ang Filipinolohiya upang maging konsepto na siyang magbibigay daan sa Pambansang Kaunlaran ng ating bansa? Ipaliwanag. (15 puntos)
Ayon kay Apigo, ang Filipinolohiya ay disiplina ng karunungan na
nakasalig sa maka-agham na pag-aaral sa pinagmulan, kalikasan at ugnayan ng wika, panitikan, kultura, lipunan, kasaysayan, komunikasyon at iba pang batis ng karunungang Pilipino, gayundin ay nililinang nito ang mga karunungang ambag ng mga Pilipino sa daigdig ng mga karunungan. Ang Filipinolohiya ay ang pag-aaral ng ating kasaysayan at pinagmulan sa ating sariling pananaw at kaisipan. Sa aking pananaw, ang Filipinolohiya aymakapangyarihang puwersa upang magbigay daan patungo sa pambansang kaunlaran sapagkat ito ay nabuo upang palabasin ang pagka-Pilipino ng bawat larangan na meron ang kultura ng Pilipinas at makalaya o makawalawa sa maka- amerikanong kaisipan. Dahil ang Filipinolohiya ay naglalaman ng malawak na hanay ng mga aspeto, ito ay may malaking kontribusyon sa mga mag-aaral. Nagbibigay ito ng karunungan na makakatulong sa kanilang pag-unlad. Ang pagsasanay sa Filipinolohiya ay may maraming benepisyo at nagdudulot ng malalim na pang-unawa sa wikang Filipino. Ito rin ay mahalaga para sa masusing pagsusuri ng sariling identidad, kultura ng Pilipinas, mga paniniwala, at kasaysayan. Ang pag-aaral ng Filipinolohiya ay hindi lamang naglalaman ng mga impormasyon, kundi isang paraan upang maipakita ang ating pagkakakilanlan.
Sa konklusyon, ang pagkuha ng kursong Filipinolohiya ay makakalinang
ng iyong kakayahan upang matuklasan ang iyong pagkakakilanlan at nagbibigay ng impormasyon at karunungan para makatulong sa pag-unlad ng bansa.