Professional Documents
Culture Documents
Љубојно
Љубојно
Во Љубојно сум. Тоа е планинско село кое се наоѓа во Преспа, под планината Баба.
Моето чувство кон селото го содржи и самото име, Љубојно-љубов. Кога сум во Љубојно
чувствувам слобода, затоа што каде и да се свртам е мирна природа. Кој не би се чувствувал
слободен во вакво место, во зеленило, на чист, свеж воздух; езеро, кое од секоја куќа, од секој
балкон се гледа и сјае од сончевите зраци; животни, кои од сите страни шушкаат, па понекогаш си
помислувам дека е некоја голема мечка. Тука пролетта мириса на разновидни чаеви, летото на
млади, зимзелени дрвја, есента на влажни, дождовни лисја, а зимата на снежен студ.
Со моето семејство тука доаѓаме преку целата година, но најдолго се задржваме во лето и
остануваме најмалку два месеци. Нема ден што сум го поминала неубаво во Љубојно. Деновите
тука секогаш ми се исполнети со разни забавни авантури , полни со долги, истражувачки
прошетки, со креативни изработки од гранчиња и камчиња што ги наоѓаме наоколу, кои можеби
не можам да ги направам дома, во Скопје. Тука научив да возам велосипед, а лани со моите
родители извовез дури 10 километри.
Преку лето има и многу деца. Сите се собираме на сред село или како што таму го викаат-
полена, и дури до ноќните часови играме брканица, криенка, граница, вистина или предизвик.
Тука научив за разни видови дрвја и плодови. Дабот ми стана омиленото дрво, поради
интересните ливчиња и желадите. Тополата, за која научив дека има плиток корен и лесно може
да падне при силно невреме. Оревот, којшто има миризливи, зелени ливчиња, чии оревчиња се
највлусни додека се млади. На крајот на август и почетокот на септември, точно пред да си
заминеме, созреваат капините кои ни се најслатка ужина дур шетаме низ шумата.
Љубојно е мојот втор дом кој премногу го сакам, не би го дала ни заменила за ништо на
светот. Јас сум едно среќно дете и сум благодарна што имам можност да растам и уживам во ваква
убавина.