Maikling Banghay Aralin sa Filipino 1

I. Layunin
Natutukoy ang mga salitang magkakatugma
(F1KP-IIIc-8 Grade Level)
II. Paksang-Aralin
A. Paksa: Salitang Magkatugma
B. Sanggunian: Aklat ng Filipino Ngayon at Bukas 1/ https://www.youtube.com/watch?
v=IdpsY2ifpjw&t=68s
C. Kagamitan: Aklat, PPT
III. Mga Gawaing Pagkatuto/Pamamaraan
A. Pagbabalik-Aral
Magtanong sa mga mag-aaral kung ano ang ibig sabihin ng salitang "tugma" at kung
paano ito ginagamit sa pangungusap.
Ipabasa sa mga mag-aaral ang ilang pangungusap na may mga magkakatugmang salita at
ipaalam sa kanila na ang layunin ng aralin ay matutunan ang mga salitang magkakatugma.
B. Pagganyak
Ipakita ang mga larawan ng mga magkakatugmang salita tulad ng "puno-buno," "saging-
baging," atbp.
Itanong sa mga mag-aaral kung alin sa mga salitang ito ang magkakatugma at bakit.
C. Pagtalakay
Ipaliwanag sa mga mag-aaral ang konsepto ng mga salitang magkakatugma.
Ipakita ang iba't ibang halimbawa ng mga salitang magkakatugma sa iba't ibang pangungusap.
D. Paglalapat
Ipabasa sa mga mag-aaral ang isang maikling kwento na may mga salitang
magkakatugma.
Ipahula sa kanila kung anong mga salitang magkakatugma ang maaaring gamitin sa
kwento at bakit.
IV. Pagtataya
1. Isulat ang kasing-tugmang salita ng mga sumusunod na salita:
a. bahay b. bata c. puno d. lapis
2. Tama o mali: Ang salitang "saging" ay magkakatugma sa salitang "puno."
a. Tama b. Mali
3. Ano ang ibig sabihin ng "magkakatugmang salita"?
a. Salitang pareho ang tunog sa dulo
b. Salitang pareho ang kahulugan
c. Salitang pareho ang simula
4. Isulat ang magkakatugmang salita ng mga sumusunod na salita:
a. araw b. langit c. ibon d. ulap
V. Takdang-Aralin
Gumawa ng limang magkapares na salita na magkatugma.