Professional Documents
Culture Documents
TALA
Inihanda ni: LEVY P. CORONEL
1. Pagsasaling-wika
Ang pagsasaling-wika, bilang paraan ng pagtatala ng datos, ay isang napakahalagang kasanayan lalo
na sa akademya. Itinataas nito ang antas para sa intelektuwalisasyon ng wika sa disiplinang
pinagkakadalubhasaan. Sentral ang wika lalo na sa pananaliksik na nag-uuri mula sa kaugnay na pag-
aaral, pangangalap, hanggang sa pagsusuri, at representasyon ng mga datos.
Ang pagsasalin ay paglilipat mula sa orihinal na anyo ng wika (source language) patungo sa iba pang
wika (target language). Kapag sinabing anyo ng wika, kalakip dito ang mga aktuwal na salita,
parirala, sugnay, pangungusap, talata, at iba pang estrukturang nakakabit sa wika. Kalakip dito ang
mga aspektong pangkultura at mga tono (nuances) na makapagbibigay sa tagapagsalin ng ideya sa
kabuuang kahulugan ng teksto. Hindi puwedeng ihiwalay sa teksto ang kontekstong nakabaon sa
sulatin. Ang mga anyo ng wikang ito ay tinatawag na nakalitaw na estruktura ng wika (surface
structure). Ibig sabihin, ito ang katangian ng wika na nababasa, naririnig, at nasusulat. Tinutukoy nito
ang gramatikal, leksikal, at ponolohikal na estruktura ng wikang isasalin. Sa pagsasalin ng mga
anyong ito, ang estruktura ay tinutumbasan ng gayon ding anyo sa wikang pinagsalinan.
Nakatagong estruktura (deep structure)