TALAAN NG NILALAMAN

NILALAMAN PAHINA

PAMAGAT
ANTAS NG KOMPREHENSYON SA PAGBASA AT KAKAYAHAN SA PAGBABAYBAY

NG MGA MAG-AARAL NG GRADE 7 SA PAARALAN NG ESTI

Kabanata 1

PANIMULA

Napapaloob sa kabanatang ito ang pag aaral na ginawa. Ito ay binubuo ng apat na

bahagi. Una (1) Sanligan ng pag-aaral; Pangalawa (2) Paglalahad ng suliranin; Ikatlo

(3) Kahalgahan ng pag-aaral; Pang-apat (4) Saklaw at Delimitasyoin.

Sanligan ng Pag-aaral

Ayon sa aklat masasabing ang pagbasa ay isang uri ng sining kung saan ang isang tao

ay dapat na tumuklas ng sariling pamamaraan upang ang babasahin ay lubusang

maunawaan. Mahalaga sa pagbabasa ang masusing pakikinig upang maging ganap

ang ugnayan ng bumabasa at manunulat. Gayundin mapalawak ang talasalitaan sa

pamamagitan ng pagsasanay. Huwag ding kalilimutan ang pagtatala ng mga salitang

hindi pamilyar at alamin ang kahulugan.

Ang pagbasa ay hindi kailanman pag aaksaya ng panahon,habang dumarami ang

binabasa ay lalong namang lumalawak ang kaalaman sa mga bagay bagay. Ang

pagbasa ay interpretasyon o pagpapakahulugan ng mga nakalimbag na sagisag ng

isipan. Ang pagbasa ay walang kahilingang imposible para hindi ito maisagawa ng

isang tagabasa. Pang araw-araw na “binabasa” ang mga ekspresyon ng mukha ng mga
taong nakakasalubong. Nakukuha ang pangunahing ideya kung ano nag nagaganap sa

isang pangyayaring naoobserbahan; nakabubuo ng sariling konklusyon sa nakita at

marami pang iba

Ang pagbasa ay isang prosesong pag-iisip na utak ang ginagamit sa pagbasa, hindi

ang mga mata. Ang mga mata ay tagahatid lamang ng mga imahin o mensahe sa utak.

Ang pagpapabuti ng pagbabasa ay nangangahulugan ng pagpapabuti ng pag-iisip hindi

ang pagsasanay sa mabilis na paggalaw ng mata.

Ang pagbasa ay pagkilala at pagkuha ng mga ideya at kaisipan sa mga sagisag na

nakalimbag upang mabigkas nang pasalita ang mga ito. Ang pagbasa’y isang bahagi ng

pakikipagtalastasan na kahanay ng pakikinig, pagsasalita at pagsulat. Itoy pag-uunawa

sa wika ng may-akda ng mga nakasulat na simbolo. Ito ay paraan ng pagkilala,

pagpapakahulugan at pagtataya ng mga kagamitang nakalimbag.

Suliranin ng Pag-aaral

Isasagawa ang pag-aaral na ito upang matugunan ang ilan sa problema na may

kinalaman sa kakayahan ng mga mag-aaral sa komprehensyon ng pagbasa at

pagbabaybay. Ito ay naglalayong masagot ang mga katanungan.

1. Ano ang lebel ng kakayahan ng mga mag-aaral sa komprehensyon ng pagbasa?

2. Ano ang lebel ng kakayahan ng mga mag-aaral sa pagbabaybay?

3. Mayroon bang mahalagang ugnayan sa pagitan ng kakayahan ng mag-aaral sa

komprehensyon ng pagbasa at kakayahan sa pagbabaybay?

 Kahalagahan ng Pag-aaral

Ipinalalagay ng mga mananaliksik na magiging mahalaga ang resulta ng pang-

akademikong aspeto ng mga mag-aaral.

Ang pag-aaral na ito ay nagsilbing instrumento upang maipaalam sa mga guro

ang lebel ng komprehensyon ng mga mag-aaral nang sa gayon ay lalo pang mapaunlad

ang lebel ng komprehensyon ng mga mag-aaral.

Ito rin ay magiging mahalaga para sa mga mag-aaral upang magkaroon ng

kabatiran sa lebel ng komprehensyon sa pagbabaybay. Sa tulong nito, maaaring

magkaroon ng higit na kongkretong kaalaman ang mga mag-aaral ukol sa wasto at

tamang pagbabaybay.

Mahalaga rin ang pag-aaral na ito para sa iba pang mananaliksik upang

mabigyang kaalaman ukol sa mahalagang kaugnayan ng pagbasa at pagbabaybay.

Maaari itong magamit bilang sanggunian at dagdag na pag-aaral

Saklaw at Hangganan ng Pag-aaral

Saklaw at limitado ang pag-aaral na ito sa antas ng komprehensiyon sa pagbasa

at sa kakayahan ng mga mag-aaral sa pagbabaybay. Saklaw ng pag-aaral na ito ang

mga mag-aaral sa Grade 7 ng ESTI, taong 2018-2019. Ito ay nasasaklaw lamang sa

siyamnapu’t anim (96) na bilang ng mga mag-aaral na nasa Grade 7 ng ESTI ang mga

napiling kalahok.
 Kabanata II

KAUGNAY NA LITERATURA AT PAG-AARAL

Ayon kay William Gray (1950), kinilalang “Ama ng Pagbasa” ang pagbasa

ay isang prosesong binubuo ng apat na hakbang: pagkuha sa kahulugan ng salita, o

kabaligtaran; pang-unawa sa kahulugan nito batay sa kaalaman; at pag-uugnay sa

ideya at karanasan.

Ayon kay Kenneth Goodman (1982), ang pagbasa’y isang suliranin sa isa

sa prosesong pangwika, isang larong saykolohistika. Ang kaayusan sa salita o

pahiwatig sa semantika ay makatutulong nang malaki sa pagkaintindi o pagkaunawa sa

mga pahayag.Naniniwala si Goodman na ang pagbasa ay kinapapalooban ng

interaksyon sa pagitan ng wika at kaisipan at ang proseso nito ay pag-ikot ng

paghahalimbawa, paglikha, pagsubok, at pagkilatis sa katotohanan.

Ayon sa aklat nina Arrogante, et.al (2009), ramdam na bumababa ang antas ng

kalinangan ng pagbasa sa kasalukuyan, gawa ng pagsulpot ng mass media- radio,

telebisyon, pelikula at teknolohiya, kompyuter, internet, at iba pa na sa halip magbasa,

mas kinikilingang-hilig ng mga kabataan ang panonood o pakikinig, kaya’t maraming

detalye ang nakakaalpas sa buong kaisipan.

Inilarawan ni Smith (1978), ang dalawang uri ng impormasyong higit na

kailangan sa larangan ng pagbabasa, ang biswal na impormasyon na makukuha sa

mga limbag na pahina at ang hindi biswal na impormasyon na sumasaklaw sa

pagkaunawa sa wika, pamilyar sa paksa, kakayahan sa pagbasa ang kaalaman sa

kahulugan ng salita.

Ayon kay Smith (1998) may katangian ang pagsasaulong puspusan sa mga

letra o listahan habang bumabasa. May relasyong dulot ito sa kasalukuyang pag-aaral

sa dahilang ang pagkakaroon ng dating karanasan ang makakatulong upang mapadali

ang pagkatuto sa pagbasa at ito ay binanggit sa kanyang pag-aaral.

Ayon pa rin sa pag-aaral ni Smith (1997) ang pasalitang pagbasa ay

napapaunlad sa pamamagitan ng pagmomodelo ng guro. Ang mga pag-aaral na ito ay

may dalawang eksperimento. Ang una, may dalawang mag-aaral edad walo na

pinababasa ng malakas ng walang fidbak o instruksyon. Ang pagmomodelo ay ang

guro ang nagbabasa ng malakas mula sa aklat ng isang minuto habang ang mag-aarala

ay nakikinig, pagkatapos ang mga mag-aaral ay pinababasa mula dalawang minuto

hanggang tatlong minuto habang ang guro ay nakikinig ng tahimik. Hinahayaan ng guro

na pabasahin ang mga mag-aaral ng malakas ng kanilang sarili lamang. Ang

pangalawa, isang mag-aaral edad labindalawa na hindi masyadong marunong

magbasa. Ang eksperimentong ito ay mayroong sangkap. Ang batayan ay modelo at

“error correction”, magbalik-aral at follow-up. Ang batayan ng mga mag-aaral ay

pinapabasa ng malakas ng guro ang mga bata ng isang kwento, mga limang minuto, na

mula sa aklat at hindi winawasto ng guro.

Sa isinagawang pag-aaral ni Arabejo (2004) ang pagbasa ay isang

makabuluhang paraan ng pagkilala, pagkuha ng ideya, at pagbibigay kahulugan sa mga

simbolong nakalimbag at susing magbubukas ng damdamin, kaalaman, at kaisipang

nalikom ng tao. Ang pagbasa ay may dalawang uri ayon sa kanyang pagsasagawa nito:

una, ang tahimik na pagbasa na isisnasagawa sa pamamagitan ng mga mata: at

ikalawa, oral o pasalitang pagbasa sa mga nakalimbag na titik at pagsasatinig nito

upang maihatid sa tagapakinig ang mensahe ng may akda. Marami ring mga pag-

aaral ang naisagawa sa larangan ng pagbasa at ang magagawa nito sa buhay ng tao.

Isa na dito ay ang sinabi ni Aist at Mostow (2000),na nagpapaliwanag sa

kabutihang makukuha sa pamamagitan ng pagbasa gaya ng pagkakaroon ng dagdag

na kaalaman, mga ideya, mga mithiin, at mga pangyayari sa nakaraan. Sa

pamamagitan ng pagbasa, nararanasan ng bumabasa ang pagbabago sa kanyang

kapaligiran, mula sa pangalan, sa komunidad patungo sa ibang daigdig.

Ganito rin ang tinutukoy ni Carver (1994), nang sabihin niya na sa buhay ay

dalawa ang magagawang layunin ng pagbasa: una, nagiging daan ito upang

magkaroon ng malinis at maraming impormasyon, at pangalawa, upang matuwa at

maligayahan ang isang tao sa pamamagitan ng pagbasa.

Mula sa artikulong isinulat ni Gutierrez (1997), maraming pagkakataon ng

napatunayan na ang mabisang pakikinig ay nagbubunga ng isang mabisang

interaksyon sa pagpapalitan ng kuro-kuro. Mula rin sa mabisang pakikinig magkakaroon

ng mabisang paakaunawa sa mga aralin lalong higit sa pagkatuto sa pagbasa ng mga

bata. Sinang-ayunan ng mga mananaliksik ang sinabi ni Gutierrez, dahil sa kung hindi

magkakaroon ng mabisang pakikinig ang mga bata ay hindi maganda ang magiging
resulta ng paghahanda sa pagtuturo ng panimulang pagbasa at wastong pagsasalita ng

wika.

Sinabi ni Baguio (1995), na ang mabuting gawi sa pagbabasa ay dapat

malinang sa simula pa lamang ng pagbasa. Ang wastong kilos ng mga mata sa

nakalimbag na pahina ay malilinang kung ang pagbasa ay itinuturo upang makita ang

mga ideya.

Sa ginawang pag-aaral ni Piscasio (1995), ang mga pagsasanay sa paglinang ng

mga kasanayan sa pagbasa sa Filipino, kanyang natuklasan na ang kakayahan sa

isang bagay ay hindi natatamo sa isang paraan lamang. Nangangailangan ito ng iba’t

ibang pagsasanay upang ang kinakailangang kakayahan ay matamo ng mga bata.

Sa ginawang pag-aaral na ito na malaki nga ang tulong ng maagang kasanayan

sa pagbasa subalit sa kasalukuyan nangangailangan pa rin ng mga makabagong teknik

ukol dito na kailangang sundin at pagbatayan.

Malaki nga ang nagagawang kabutihan ng kawilihan ng pagbasa ng isang tao.

Kaya, napakahalagang malaman ng isang guro sa pagbasa ang mga paraan upang

maituro niya ng mabisa ang mga aralin

Maging ang mga salita ay makatutulong sa paglinang sa mabuting gawi sa pagbasa

lalo na sa maaliwalas na kapaligiran, kaya’t dapat sikapin ng guro na ang silid-aralan ay

tutugon sa ganitong pangangailangan. Bukod sa mga pawawaksi sa mga bagay na

makatatawag ng atensyon mula sa aralin, maglalagay siya ng mga aklat sa kanyang

tinuturuan.
 Ayon naman kay Santiago (2000), ang layunin sa pagtuturo ng pagbasa sa una at

ikalawang baitang ay sumasaklaw sa paglinang ng mga kasanayan sa pagkilala at pag-

unawa, sa ikatlo at ika-apat na baitang ay ang paglinang ng mabilisang kakayahan sa

pagbasa na may sapat na pagkaunawa; sa ikalima at ika-anim na baitang ay ang

paglinang ng palagiang kawilihan sa pagbasa sa lalong maunlad na antas ng kanilang

kakayahan. Ang mga kwentong napapaloob sa mga babasahing aklat sa bawat baitang

ay dapat maiugnay o maibagay sa antas ng paglilinang ng mga mag-aaral tungo sa

ikatatamo ng mga layunin.

Ayon kay Rummelhart (1997),ang pagbasa ay hindi tinitingnan bilang teorya ng

“baba-pataas’’ o ‘’ taas-pababang’’ proseso. Sa halip, ito’y tinitingnan bilang padron ng

pagbubuo na nananawagan sa aplikasyon o integrasyon ng lahat ng dating kaalaman

na ipinakikita ng dayagram. Siya ay nagbigay ng panukala sa interaktibong modelo sa

pagbasa at ang modelong ito ay inihambing sa isang kompyuter at binigyan niya ng

katawagan ang bahaging ito na message board. Sa kabuuan ang pagbasa ay sintesis

ng dalawang teorya ng pagbasa na “baba-pataas’’ o “taas-pababa’’.

Ayon kay Spiro (1980),ang pagbasa ay isang multilevel na interaktibong proseso

na ang teksto ay kailangang suriin sa iba’t ibang antas mula sa letra patungo sa

kiabuuan ng teksto. Bilang karagdagan, sa pagpoproseso ng malinaw na larawan ng

teksto, ang mambabasa ay kailangang magbigay ng dating kaalaman sa pag-unawa sa

pagbasa. Ang interaksyon ng proseso batay sa teksto at batay sa kaalaman gayundin

ang mga antas sa bawat proseso ay mahalaga.

Ang Batayang Konseptual sa Pag-aaral

Ipinapakita sa paradaym na ginamit sa pag-aaral kung ano ang antas ng

komprehensiyon sa pagbasa at kakayahan ng mga mag-aaral sa pagbabaybay sa

Grade 7 sa paaralan ng ESTI. Ito rin ay nagpapakita ng relasyon o ugnayan ng

dalawang variable.

Lebel ng Komprehensiyon
sa Pagbabaybay
Lebel ng Komprehensiyon
1. Pagbabaybay na sa Pagbabasa ng mga Mag-
Pasalita aaral
2. Pagbabaybay na
Pangngalang Pantangi

Figyur 1. Ang Paradaym na Ginamit sa Pag-aaral

.

Pagbabaybay

Sa gramatika, mahalagang balikang-aral o balikang tanaw ang mga wastong

gamit ng mga salita. Ayon kina Dr. Veronica Abangan, Racquel Bercero, Romana Gera,

at Dr. Orlando Magno, may-akda ng “Masining na Pagpapahayag” (Filipino 3) “ang

wastong paggamit ng mga salita na siyang tulay sa masining na pagpapahayag”.

Nabanggit ng mga may-akda na hindi maiiwasan na minsan ay maaaring magkapalitan

ang gamit ng ilang mga salita. Subalit kung susuriing mabuti ang kawastuhan ng gamit

nito, matutuklasan ang pagkakamali.Ipinaliwanag din na ang mga manunulat ay tao

lamang, nagkakamali nang di-sinasadya. Ang maling pagbabaybay, maling pagbanatas,

maling gramatika- lahat ng ito ay maaaring magbigay ng ibang kahulugan sa

pangungusap. Hindi maingat na nasusuri ang mga impormasyon kung kaya’t

nagkakaroon ng mga pagkakamali sa isang akda.

Ayon kay Bautista (2004), dulot ng pagbabagong ito ang mga suliranin sa

pagbabaybay sa ortograpiya at gramatika. Sa patuloy na panghihiram ng mga salita sa

ibang wika, nawawalan ng kakanyahan ang isang wika dahil sa mga katangiang

hinahalaw dito na nagpapabago sa anyo ng palabaybayan nito. Kung kaya, gaya ng

dating panuntunan, ang walong dagdag na mga letra (C,F,J,N,Q,V,X,Z) ay gagamitin

lamang sa mga: (1) pantanging ngalan ng tao, lugar, produkto, pangyayari, gusali atbp.;

(2) mga salitang teknikal na hindi karakarang maasimila dahil kapag binaybay nang

ayon sa sinusunod na sistema ng pagbaybay ay nalalayo na sa orihinal na anyo sa

Ingles kaya ayon kay Santiago (2003),ito ay nagkakaroon ng tinatawag na “visual

repulsion” sa mambabasa; at (3) mga salitang may wikang katangiang kultural mula sa

iba’t ibang katutubong wika.

 PASASALAMAT

Ang mga mananaliksik ay lubos na nagpapasalaamat sa Panginoonna Siyang

nagkaloob ng talino at malawak na kaalaman upang magawa ng maayos ang tesis na

ito. Sila ay taos pusong nagpapaabot ng pasasalamat sa lahat ng nagbigay ng suporta,

gabay, lakas ng loob, inspirasyon at panalangin upang mging matagumpay ang mga ito.

Ang mga sumusunod ay lubos na pinasasalamatan:

G. Bormeo Motin, propesor sa research para sa mga advices at kaalaman kanyang

ibinahagi;

G. Sherwin Perlas, butihing tagapayo, para sa walang sawang pag-unawa at

pagsuporta na kanyang ibinigay, maging sa kaalaman sa pagwawasto at pagpapaunlad

ng pag-aaral na ito;

Mga magulang ng mananaliksik para sa walang sawang pagsusuportang pinansyal at

payo upang mapabuti ang gawaing ito.

Sa mga kaibigan, kamag-aral at kamag-anak, para sa knilng suporta at panalangin

upang matapos ng matagumpay ang pag-aaral na ito.

Maraming Salamat po sa inyo.