Kabanata 1

ANG SULIRANIN AT SANLIGAN NITO

Panimula

Ang pagbasa ang siyang gintong susi sa daigdig ng kaalaman at

kasiyahan. Ito ang tinaguriang pangunahing asignatura sa dahilang ito ang

batayan o saligan ng halos lahat ng pangkaisipang karunungan. Lubhang

mahalaga ang pagbabasa para sa ikauunlad ng kaalaman ng mga kabataan

lalo na sa panahon ngayong mabilis ang pagbabagong nagaganap sa

kapaligiran.

Ang pagbasa ay pagkilala, pag-unawa, pagpapakahulugan at pagtataya

ng mga ideya sa mga nakalimbag na simbolo. Ito ay proseso ng pag-unawa sa

mga kasipang hatid ng awtor sa mga mambabasa. Sa pamamagitan ng

pagbasa, nahahasa ang iba’t ibang kasanayan ng isang indibidwal. Ang

pagbasa kung gayon ay napakahalaga sa isang indibwal sapagkat ito ang

tutugon sa kanyang pagkatuto tungo sa mas malawak na kaalaman sa

kanyang kapaligiran, sa bansa at marami pang iba na huhubog ng kanyang

pagkatao.

Ang isang gawain ay nagiging kapaki-pakinabang, mahusay at tama kung

ito ay naaayon sa mga giya at nabasa ng isa ang kahalagahan at tagubilin ng

pagsasagawa nito. Samakatuwid, ang mga mag-aaral sa kanyang

pakikipagsapalaran sa paaralan ay punong-puno ng pagsubok, kung saan isa

sa mga aralin sa iba’t ibang kaalaman na mababatid lamang sa pamamagitan

ng pagbabasa sa aklat at aralin tungkol dito. Na sa kabalintunaan, marami sa

mag-aaral ang hindi naiintindihan at hindi nakakapasa sa mga aralin.

Sa kasalukuyan, mapapansin sa apat na makrong kasanayan, ang

pagbasa ay bihirang isagawa ng mga mag-aaral sapagkat ito ay

nangangailangan ng panahon. Karaniwang ang nakalimbag sa elektroniko ang

binabasa dahil na rin sa impluwensiya ng teknolohiya, kaya ang mga e-book

ay usong-uso sa kasalukuyan. Sa kabila ng penomenon na ito, mahalaga pa

ring ikintal sa isipan ang halaga ng pagbabasa ng mga akdang pampanitikan.

Sabi ni Bob Ong sa kanyang sanaysay na ika nga “Magbasa ka ng libro. Kung

nabasa mo na lahat ang mga libro ko, salamat. Pero kung makakabasa ka pa

ng ibang libro bukod sa isinulat ko o mga ipinabili ng teacher mo, mas magaling.

Hikayatin mo lahat ng mga kakilala mo na magkaroon ng kahit isa man lang

paborito mo sa buhay nila. Dahil wala nang mas nakakaawa pa sa mga taong

talentado pero hindi nagbabasa. Ayos lang lumaki nang lumaki, magpatangkad

at tumanda nang walang natutunan - kung paano ka! Pero bilang tao, may

karne sa loob ng bungo mo na nangangailangan ng sustansiya. Maraming

pagkakataong kakailanganin mong sundutin iyon. At sa bawat sundot, tulad ng

sundot-kulangot, mas maigi kung may kapaki-pakinabang kang makukuha.

Sana mabasa ng mga kailangang makabasa.” Nagsasaad lamang ito kung

gaano kahalaga ang pagbabasa sa isip ng isang tao. Kung ano ang

napakalaking bahagi na magagawa nito sa buhay na gusto mo. Kaya naman

ang Kagawaran ng Edukasyon sa asignaturang Filipino ay patuloy na

nagsusulong na maging mahusay na mambabasa ang mga mag-aaral ng mga

kontemporaryong panitikan na higit na magpapayabong sa kanilang

kasanayan sa tulong at gabay ng kanilang guro sa Filipino na gumagamit ng

iba’t ibang pamamaraan sa pagtuturo sa mas masining at angkop na mga

gawaing lilinang at magpapayaman ng kanilang kakayahan. Ang mga

kaalaman na natipon sa isipan ang magiging matibay na kalasag sa

pakikihamok sa buhay at magdadala sa pagkakaroon ng magandang

kinabukasan.

Kaligiran ng Pag-aaral

Sa mga mababang paaralan, binibigyan ng malaking pansin at

pagsisikap ng Kagawaran ng Edukasyon (DepEd) kasama ng pamunuan at ng

mga guro ang pagtuturo ng pagbasa sa mga murang isipan ng mga mag-aaral.

Ayon kay Vargas-Buendicho (2012), maraming mga suliranin ang kinakaharap

ng mga guro sa usaping pagpapabasa sa mga mag-aaral. May mga mag-aaral

na hindi makabasa ng mga salita na resulta ng kanilang kahinaan sa pagkilala

ng mga titik at pantig.

Sa kabila ng pagsisikap ng mga mababang paaralan, marami pa rin na

pumapasok sa high school ang nahihirapang magbasa maging sa pagkilala sa

salita ( word recognition) at sa pag-unawa sa binasa. Ito ay nagiging malaking

hamon sa mga guro ng mataas na paaralan sa kanilang pagtuturo. Kung saan

sila ay iisip o maghahanap ng mga pamamaraan upang malunasan. Sapagkat

ang kahinaan o ang mismong pagkabigo sa pagbasa ay nagiging dahilan

upang ang isang mag-aaral ay hindi na magtuloy sa pag-aaral. Samakatuwid,

ang kakulangan ng kaalaman sa pagbasa ay maaaring maging dahilan ng

pagkabigo ng isang bata sa iba niyang asignatura Enriquez (2001) sapagkat

sa paaralan na itinuturo ang iba’t ibang kaalaman sa bawat asignatura.

Mahalagang sangkap ang pagbabasa upang maunawaan ang nilalaman ng

isang aralin. Ang pagbabasa ay magsisilbing tulay upang maintindihan ng mag-

aaral ang itinuturo ng guro na mula sa teksto sa pamamagitan ng pag-unawa

dito sa pamamagitan ng pagbasa.

Sa bawat problemang pampaaralan ay may katapat na solusyon. Ang

mga interbensyong sumasailalim sa isang pananaliksik ay isang matimbang na

sandata upang mapaunlad ang kakayahan ng mga mag-aaral. Dapat lamang

na maging mapanuri at matiyaga ang mga guro sa pagsasagawa nito. Ang

pagpili ng naaangkop na kagamitang panturo at interbensyon ay nararapat ding

bigyang halaga. Gayunpaman, ang gurong tagapayo pa rin ang higit na

nakakaalam kung paano mabilis na matututo ang kanyang mag-aaral tulad sa

kakayahan nito sa pagbasa.

Sa panahon ngayon, naglitawan ang ibat ibang pagdulog sa proseso ng

pagtuturo at pagkatuto. Kabilang na rito ang mga interbensyon na

makatutulong na lutasin o hanapan ng solusyon ang mga suliranin na may

kaugnayan sa mga mag-aaral tulad na lang ng kakayahan nito sa pagbasa.

Ang pagbibigay lunas sa problemang ito ay isa sa ginagawan ng

solusyon ng mga guro sa pamamagitan ng paghahanda at pagbibigay ng mga

interbensyon.

Ang Kagawaran ng Edukasyon ay naglalayong muling pasiglahin ang

kawilihan ng mga mag-aaral sa pagbabasa. Batid ng kagawaran na marami sa

mga kabataan ngayon ang nahihilig sa mga libangan o gawaing tulad ng

paggamit ng kompyuter, internet, selfon at panonood ng telebisyon. Bunga nito,

idineklara ng Kagawaran ng Edukasyon ang buwan ng Nobyembre upang

isagawa ang iba’t ibang mga hakbangin upang mahikayat ang mga kabataan

sa pagbabasa. Ang ECARP (Every Child A Reader Program) ay mistulang

panlunas na tulong sa mga kabataan ng ga Pampublikong Paaralan na may

kahinaan sa pagbabasa (DepEd Memo No. 244, S. 2011)

Ang mananaliksik ay magsasagawa ng hakbangin upang malunasan

ang problemang ito ng mga piling mga mag-aaral. Ang mga mag-aaral na ito

na hirap magbasa at may kahinaan sa pag-unawa sa kanilang binabasa ay

sasailalim sa interbensyon. Ang mga interbensyong Remedial Reading, Peer

Teaching at Repeated Reading ang mga interbensyong gagamitin ng

mananaliksik. Upang mapili ang mga interbensyong ito sa pagbasa, ang

mananaliksik ay inalam ang nakaraang resulta ng Phil-IRI (Philippine Informal

reading Inventory) ng mga mag-aaral upang malaman kung alin sa mga

interbensyon sa pagbasa ang epektibong gamitin ng mananaliksik para sa pag-

aaral na ito at makatutulong sa mga mag-aaral sa kanilang suliranin sa

pagbabasa.

Sa pagsasagawa ng hakbanging ito na interbensyon sa pagbasa ng

kontemporaryong panitikan para sa mga piling mag-aaral na nangangailangan

ng tulong, ang mananaliksik ay nagsagawa ng talatakdaan sa pagsasagawa

ng interbensyon sa pagbasa. Kung saan ang mga mag-aaral ay binibigyan ng

iba ibang uri ng interbensyon batay sa kanilang pangangailangan. Ang mga

piniling interbensyon na ginamit ay batay sa sarbey at panayam ng

mananaliksik sa mga kapwa guro mula sa elementarya na matagal nang

nagsasagawa ng interbensyon sa pagbasa at napatunayang ang mga

interbensyong ito ay nagiging epektibo upang ang mga mag-aaral na

nangangailangan ng tulong sa kanilang kahinaan sa pagbasa ay matuto sa

pagbabasa.

Balangkas Teoretikal

Ang pagbabasa ay naghahatid sa atin ng karunungan at mga

mahahalagang impormasyon sa sandaigdigan na magagamit natin sa pang-

araw-araw nating pamumuhay. Mahalaga rin sa isang mambabasa na

maihanda ang kanyang buong pagkatao upang mas maging kapaki-

pakinabang ang pagbabasa ng anumang akdang pampanitikan. Ayon sa

teorya ni Edward Lee Thorndike, ang kahandaan o Law of Readiness, ay

isinasaalang-alang sa bahaging ito ang kahandaan ng kaisipan ng bawat mag-

aaral na babasa ng katha na itaya ang kanilang kahandaan at magsilbing

tagapatnubay upang mapadali ang kanilang paglinang sa kakayahan sa

pagbasa. Sa paglalahad ng pagsasanay (Law of Exercise), kinakailangan na

ang mga mag-aaral ay sanayin na malinang ang kanilang pang-unawa sa

binasang akda. At ang kinalabasan (Law of Effect), sa bahagi namang ito

malalaman ang bunga ng bawat pag-aaral. Sa teoryang ito nasusukat ang

kakayahan ng mga mag-aaral sa pagbabasa at kung ito ba ay naaangkop sa

kanilang tunay na buhay.

 Malinaw na isinasaad sa teoryang ito na mahalaga na malaman ang

kasanayan ng mga mag-aaral sa pagbasa upang mataya ang kakayahan ng

kanilang pang-unawa sa mga akdang binasa na makatutulong sa paglalaman

ng isipan na kanilang magagamit sa pang-araw-araw na pamumuhay at

makatutulong na paunlarin ang kanilang sarili na naaayon sa kasalukuyang

panahon.

Paradima ng Pag-aaral

Ang paradima ng pag-aaral na ito ay nagpapakita ng ugnayan ng

malayang baryabol at di-malayang baryabol.

Malayang Baryabol Di-malayang Baryabol

I. Pananaw ng mga Taga Marka ng mga Mag-aaral sa

sagot Batay sa Ikatlong Markahan
Interbensyong:

 Remedial Reading
 Peer Teaching
 Repeated Reading

II. Antas sa Kasanayan sa

Pagbasa ng mga
Kontemporaryong Teksto
Bataysa:

 MaiklingKuwento
 Sanaysay
 Tula

Figyur 1. Ipinapakita sa Figyur 1 ang Malaya at Di-malayang Baryabol ng

pag-aaral
Paglalahad ng Suliranin

Ang pag-aaral at pananaliksik na ito ay may layuning analisahin ang

paggamit ng mga interbensyon at kaugnayan nito sa performans ng mga

mag-aaral sa pagbasa ng kontemporaryong teksto ng mga mag-aaral ng Sto.

Domingo Integrated High School.

Sa pananaliksik na ito ay bibigyang katugunan ang mga sumusunod

na katanungan.

1. Ano ang pananaw ng mga tagasagot sa mga sumusunond na

interbensyon?

1.1 Remedial Reading

1.2 Peer Teaching

1.3 Repeated Reading

2. Ano ang antas ng kasanayan sa pagbasa ng mga mag-aaral sa iba

ibang kontemporaryong teksto tulad ng:

2.1 Maikling Kuwento

2.2 Sanaysay

2.3 Tula

3. Ano ang marka ng mga mag-aaral sa Filipino sa Ikatlong Markahan?

4. May makabuluhang kaugnayan ba ang paggamit ng mga interbensyon

sa performans ng mga mag-aaral sa pagbasa ng mga kontemporaryong

teksto?
Kahalagahan ng Pag-aaral

Ang kagalingan at pagkatuto sa pagbasa ay isa sa tunguhin ng

Kagawaran ng Edukasyon. Sinisikap ng mga guro na ang mga mag-aral ay

matuto sa pagbasa. Ang mahusay na pagbabasa ay susi sa moral at

akademikong tagumpay, kung kaya nararapat lamang na ang paaralan,

magulang at mag-aaral mismo ay magtulungan upang matugunan ang

seryosong suliranin ng kabiguang magbasa.

Naniniwala ang mananaliksik na ang resulta ng pag-aaral na ito ay lubos

na makatutulong sa mga sumusunod:

Sa mga Mag-aaral. Makatutulong sa mga mag-aaral upang malaman nila ang

kahalagahan ng pagbasa at ang mga interbensyon na maari nilang magamit

nang sa gayon ay mapaunlad ang kanilang kakayahan sa pagbasa.

Sa mga Guro. Ang mga guro sa Filipino ay matutulungan ng pag-aaral na ito

sa pamamagitan ng pagbibigay sa mga mag-aaral ng iba’t ibang interbensyon

sa pagbasa na makatutulong sa mga mag-aaral sa pangangailangan nila. At

makapag-isip ng katulad na pag-aaral sa kurikulum upang matulungan ang

mga mag-aaral na magkaroon ng interes sa pagbabasa ng mga

kontemporaryong panitikan.

Malalaman din nila kung papaano gagabayan ang mga mag-aaral sa

pagbabasa. Magsisilbi rin itong gabay sa mga guro na mapanatiling maayos

ang pagtuturo at magsagawa ng mga interbensyon sa pagpapaunlad ng

kasanayan sa pagbasa ng mga kontemporaryong panitikan.

Sa Paaralan. Magsisilbing daan upang malaman ng mga kinauukulan sa isang

paaralan, tulad ng punong-guro, dalubguro at tagapag-ugnay sa Filipino kung

paano matutulungan at magagabayan ang mga mag-aaal sa kanilang

kahusayan o kakayahan sa pagbasa ng kontemporaryong panitikan.

Sa mga Magulang. Makatutulong ito sa mga magulang upang magabayan at

maipaliwanag sa kanilang mga anak ang kahalagahan ng mga inihandang

interbensyon ng guro para sa ikatututo nila sa pagbabasa. Gayundin ang

pagbibigay ng kaukulang suporta sa programang interbensyon sa

pamamagitan ng pagpapadalo ng kanilang anak sa serye ng pagtuturo sa

paaralan at pagsubaybay sa kanilang pag-aaral.

Sa mga susunod na mananaliksik. Ang pag-aaral na ito ay makatutulong sa

iba pang susunod na mananaliksik na may kaparehong layunin na tuklasin ang

mga pamamaraan na ginagamit ng mga guro tulad ng pagbibigay ng

interbensyon para sa ikatututo ng mga mag-aaral sa pagbabasa. Magagamit

ito ng mga mananaliksik upang magkaroon ng mga hakbang na magagawa at

makatutulong sa pagpapaunlad ng kasanayan at kakayahan sa pagpapabasa

ng mga mag-aaral.

Saklaw at Limitasyon ng Pag-aaral

Ang pag-aaral na ito ay sumasaklaw sa kabuuang tatlumpong (30) mag-

aaral ng ika-pito at ika-walong baitang sa Sto. Domingo Integrated High School.

Kung saan ang mga tagasagot ay napili batay sa resulta ng kanilang Phil-IRI

at batay sa kanilang pangangailangan ng interbensyon sa pagbasa, dahil ang

mananaliksik ay nagnanais na matulungan ang mga tagasagot sa kanialng

kakayahan sa pagbabasa.

Nakapokus ang pag-aaral na ito sa mga interbensyon ng pagbasa at

kaugnayan nito sa performans ng mga mag-aaral sa pagbasa ng mga

kontemporaryong teksto. Itutuon ang pag-aaral sa mga interbensyon sa

pagbasa na gagamitin ng guro. At ang huli ay ang kaugnayan ng dalawang

grupo ng mga baryabol ay sisikaping ipakita sa pamamagitan ng tamang

istadika na tutukoy sa hinuha. Magmumula ang datos sa isang talahanayan na

ihahanda ng mananaliksik.

Ang pananaliksik na ito ay isasagawa upang malaman ang kaugnayan

ng mga gagamitin na interbensyon sa performans ng mga mag-aaral sa

pagbasa ng mga kontemporaryong teksto.

Katuturan ng mga Katawagang Ginamit

Upang lubos na maunawaan ang pag-aaral na ito, ang mga sumusunod

ay binigyang katuturan sa pamamagitan ng operasyonal na

pagpapakahulugan.

Interbensyon sa Pagbasa. Tumutukoy sa mga gawain at istratehiya na nilkha

at ipinapatupad upang matulungan ang mga mag-aaral na malinang ang

kanilang kakayahan sa pagbasa.

Maikling Kuwento. Isang maikling salaysay hinggil sa isa o ilang tauhan na

may isang kakintalan o impresyon laang. Isa itong masining na anyo ng

panitikan.
Marka. Ito ang resulta ng mga kakayahan at kasanayan ng mag-aaral na

kinapapalooban ng iba’t ibang gawain sa loob ng isang markahan.

Pagbibigay Kahulugan ng mga Salita. Ang kakayahan ng mga mag-aaral na

maibigay ang kahulugan ng mga salita ayon sa pagkakagamit nito sa

pangungusap o teksto.

Pagkilala ng mga Salita.Tumutukoy sa mga kakayahan ng mag-aaral na

mabasa nang wasto ang mga salita, gayundin ang gamit nito sa pangungusap

o teksto.

Pag-unawa sa Binasa. Ang pag-unawa ay ang pagbubuo ng kahulugan

habang nagaganap ang interaksyon sa teksto. Ang kakayahan ng mag-aaral

na unawain o mabatid ang mensaheng nais ipabatid ng seleksyon sa

mambabasa. Sa pag-unawa sa binasa, nasasagutan ng wasto ang mga tanong

at natutukoy ang mga detalye ng binasang seleksyon.

Peer Teaching. Pamamaraang interbensyon kung ang isang mag-aaral na

higit na marunong ay tuturuan ang isa pang mag-aaral na mas

nangangailangan ng tulong o mas mahina, tulad ng sa pagbasa.

Remedial Reading. Pagtuturo sa pagbasa na naglalayong mapabilis ang

pagbabasa ng mag-aaral gayundin ang pagpapabuti sa pag-unawa ng

binabasa (reading comprehension).

Repeated Reading. Pinatnubayang pagbasa ng mag-aaral sa seleksyon ng

tahimik o malakas, kung saan aalamin ang kanyang mga pagkakamali sa

pagbabasa.
Sanaysay. Isang anyo ng panitikan na naglalahad ng ideya, pananaw at

saloobon hinggil sa napapanahong isyu na maayos na inihanay ang mga

magkakaugnay na ideya.

Tula. Isang anyo ng panitikan na nagpapahayag ng damdamin ng isang tao.

Ito ay binubuo ng mga saknong at ang mga saknong ay binubuo ng mga

taludtod na ginagamitan ng mga talinhaga at simbolismo.