Pag-aaral tungkol sa Pagtaas ng Bilang ng Mga Taong May HIV sa

Paglipas ng Mga Taon

An Action Research Proposal

Presented to the

Panel of Oral Examiners

In Partial Fulfillment for the Requirement in Komunikasyon sa Pananaliksik

sa Wika at Kulturang Filipino

Mga Mananaliksik:

Godinez, Viberly

Lambo, Ivan Lee

Lumapay, Jeremy Diane

Perez, Norinne Joy

Tagapayo:

Gng. Maria Elena Daguman

 Kabanata 1

I. Rasyunale ng Pag-aaral

Ang Human immunodeficiency virus (HIV) ay isang lentivirus (na kasapi

ng pamilyang retrovirus) na nagsasanhi ng acquired immunodeficiency

syndrome (AIDS o nakukuhang kakulangan ng immunong sindroma). Ang

AIDS ay isang kondisyon sa mga tao kung saan ang patuloy ng pagkabigo o

paghina ng sistemang immuno ay pumapayag sa mga nakapanganganib sa

buhay na mga oportunistikong mga impeksiyon na manaig. Ang impeksiyon

ng HIV ay nangyayari sa pamamagitan ng paglipat ng dugo, semilya, pluido

ng puke, bagong paglabas (pre-ejaculate) sa mga lalake, o gatas ng suso sa

mga mga babae. Sa loob ng mga pluidong, ang HIV ay umiiral bilang

malayang mga partikulong virus at virus sa loob ng impektadong selulang

puting dugo. Ang apat na pangunahing mga ruta ng transmisyon (pagpasa)

ang hindi ligtas na pakikipagtalik, kontaminadong karayom na itinurok sa

isang impektadong indibidwal, sa gatas ng suso ng ina at pagpasa mula sa

impektadong ina sa kanyang sanggol na ipinanganak.

Kinilala ng mga siyentipiko ang isang uri ng chimpanzee sa West Africa

bilang pinagmulan ng impeksyon sa HIV sa mga tao. Naniniwala sila na ang

bersyon ng chimpanzee ng immunodeficiency virus (na tinatawag na simian

immunodeficiency virus o SIV) ay malamang na nailipat sa mga tao at na-

mutate sa HIV nang naghanap ang mga mangagaso ng mga chimpanzee

para sa kanilang karne, at dahil doon, nailantad sila sa dugong may

impeksyon. Sa paglipas ng mga dekada, ang virus ay dahan-dahang kumalat

sa buong Africa at kalaunan sa iba pang mga bahagi ng mundo.

Ang pagsasaliksik na ito ay nagpapakita ng pagtaas ng bilang ng mga

taong may HIV sa paglipas ng mga taon. Simula ng paglaganap ng sakit na

ito, hindi na ito tumigil at patuloy ng lumala. Wala itong pinipili kung sino

ang maapektuhan, mapababae o mapalalaki, matanda o adolesente,

mahirap man o mayaman.

Ang pagsasaliksik na ito ay isinagawa upang malaman kung gaano

karahas ang paglaki ng bilang ng mga taong may HIV sa paglipas ng mga

taon sa buong mundo simula ng ito ay lumaganap. Ito rin ay isinagawa

upang magbigay ng kamalayan sa mga tao tungkol sa HIV at ang patuloy na

pagkalat nito.