Edukasyon ang susi para sa magandang kinabukasan ng isang
indibiduwal pati na rin ng kanyang bansa. Ilan lamang ng resulta ng magandang sistema at libreng edukasyon ay ang tumataas ng ekonomiya, mas nagiging produktibo ang mga manggagawa, tumaas ang kalidad ng edukasyon, yumayabong ang pamumuhay ng bawat Pilipino. Isa ako sa mga naniniwala na makakatulong ang libreng matrikula sa mga estudyante na papasok at pumapasok kolehiyo upang makapagtapos ng pagaaral at makahanap ng magandang trabaho na siyang magaangat nito sa kahirapan gayun na din sa ating bansa. Ayon panga sa ating pangulo na si Duterte ang mga kabataan ang magiging daan sa pagunlad ng ekonomiya ng bansa. Ikinataba ng puso naming mag-aaral ang pagpirma ni Pangulong Rodrigo Duterte sa batas na naglalayong magbigay ng dekalidad na pang-kolehiyong edukasyon para sa mga Pilipino nito lamang nakaraang Ikalima ng Agosto. Ang Edukasyon ay para sa lahat! Sang-ayon ako sa nakasaad sa 1987 Konstitusyon ng Republika ng Pilipinas, Seksyon 1 "Dapat pangalagaan at itaguyod ng estado ang karaptan ng lahat ng mga mamamayan sa mahusay sa edukasyon sa lahat ng antas at dapat magsagawa ng angkop na mga hakbang upang matamo ng lahat ng gayong edukasyon." ibig sabihin, obligasyon ng gobyerno na ibigay ang karapatan at pangangailangan ng mga nasasakupan nito lalo na ang sapat at pinag-isang sistemang pangedukasyon na naaangkop sa pangangailangan ng sambayanan at lipunan. Sumakatuwid, nararapat lang na matamasa ng masa ang libreng edukasyon noon pa lamang. Ang edukasyon ay karapatan! Ayon sa International Human Rights Law, ang edukasyon mula sa primarya hanggang sekundarya ay nararapat na libre. Maging ang matrikula ng kolehiyo ay libre din. Dagdag pa rito, kinakailangan din na ang bawat estado ang siyang unang gumawa ng hakbang para sa pagkamit ng libreng matrikula. Bukod pa rito, nakasaad din hindi dapat ipairal ang konsepto ng kahit anong uri ng diskriminasyon sa larangan ng edukasyon (Talata 38, General Comment) Ang pagsasabatas ng libreng edukasyon ay tagumpay ng bawat Pilipinong mag-aaral gaya ng pagkakakahulugan ng AnakBayan. Ipinahayag naman ng Presidential Spokesperson na si Aquillino Pimentel III na ito ay isang napakahalagang pangyayari sa kabila ng opresyong nagaganap sa Marawi. Sabi nga ‘Education is the most powerful weapon that you can use to change the world.’ Ang pagsasabatas nito ay katumbas ng pag-asa ng ginhawa, katumbas nito ang kinabukasan ng mga kabataan at ng ating bansa. Ang pagkakaroon ng libreng edukasyon ay malinaw na indikasyon na ang bansa ay may kakayahang makipagsabayan sa integrasyon at modernisasyon. Ano na lamang ang maiaambag natin sa mundo kung walang kakayahan ang mga kapos na makapag-aral? Paano tayo makikipagsabayan sa mundo kung mang-mang ang karamihan sa atin? Nararapat lang na gawing libre ang edukasyon! Nararapat lang na ilaan ang buwis sa edukasyon! Nararapat lang na punlaan ng kaalaman at hindi ng kasakiman ang utak ng mga Pilipino. Nararapat lang na pandayin ang isip ng mga Pilipino sa pamamagitan ng libreng edukasyon. Mabuhay ang bansa! Mabuhay ang matatalinong Pilipino!