Sa nakalipas na aralin, nalaman natin na ang isang tekstong nangungumbinsi ng
mambabasa na tanggapin ang punto ng may-akda ay tinatawag na tekstong persuweysib. Subhetibo ang tono ng isang tekstong persuweysib sapagka’t nakabatay ito sa damdamin at opinyon ng manunulat. Sa araling ito ay tatalakayin natin ang tekstong argumentatibo na naglalayon ding kumbinsihin ang mababasa ngunit hindi lamang ito nakabatay sa opinyon o damdamin ng manunulat, batay ito sa datos o impormasyong inilatag ng manunulat. Sa tatlong paraan ng pangungumbinsi- ethos, pathos, at logos, ginagamit ng tekstong argumentatibo ang logos. Upang makumbinsi ang mambabasa, inilalahad ng may-akda ang mga argumento, katwiran, at ebidensiya na nagpapatibay ng kaniyang posisiyon o punto.
Hindi nagkakalayo ang tekstong argumentatibo at persuweysib, kapwa ito
nangungumbinsi o nanghihikayat. Gayunpaman, may pagkakaiba rin ang mga ito. Suriin ang talahanayan sa ibaba:
Tekstong Argumentatibo Tekstong Persuweysib
Nangungumbinsi batay sa datos o Nangungumbinsi batay sa opinyon impormasyon Nakahihikayat dahil sa merito ng mga Nkahihikayat sa pamamagitan ng ebidensiya pagpukaw ng emosyon at pagpokus sa kredibilidad ng may-akda Obhetibo Subhetibo
Isipin ang pagsulat ng isang tekstong argumentatibo ay parang pakikipagdebate nang
pasulat na bagama’t may isang panig na pinatutunayan at nais panindigan ay inilalantag pa rin ang mga katwiran at ebidensiya ng kabilang panig.
Hakbang sa Pagsulat ng Tekstong Argumentatibo
1. Pumili ng paksang isusulat na angkop para sa tekstong argumentatibo
Halimbawa: Ang pagpapatupad ng K to 12 Kurikulum 2. Itanong sa sarili kung ano ang panig na nais mong panindigan at ano ang mga dahilan mo sa pagpanig dito 3. Mangalap ng mga ebidensiya. Ito ay mga impormasyon o datos nasusuporta sa iyong posisyon 4. Gumawa ng burador (draft) Unang talata: Panimula Ikalawang talata: Kaligiran Ikatlong talata: Ebidensiyang susuporta sa posisyon. Maaaring magdagdag ng mga talata kung maraming ebidensiya. Ikaapat na talata: Counter argument. Asahan mong mayroong ibang mambabasa na hindi sasang-ayon sa iyong argumento kaya ilahad ditto ang iyong mga lohikal na dahilan kung bakit iyon ang iyong posisyon. Ikalimang talata: Unang kongklusyon na lalagom sa iyong sinulat Ikaanim na talata: Ikalawang kongklusyon na sasagot sa tanong na “E ano ngayon kung ‘yan ang iyong posisyon?” 5. Isulat na ang draft ng iyong tekstong argumentatibo. 6. Basahing muli ang isinulat upang maiwasto ang mga pagkakamali sa wika at mekaniks. 7. Muling isulat ang iyong teksto taglay ang anumang pagwawasto. Ito ang magiging pinal na kopya.