Professional Documents
Culture Documents
Modyul 2 Aralin 6 - Fil Pagpoproseso NG Impormasyon para Sa Komunikasyon
Modyul 2 Aralin 6 - Fil Pagpoproseso NG Impormasyon para Sa Komunikasyon
Papel sa Pagsusuri
Sabi ni Cruz (2003), ang pagkikritiko sa ating bayab ay tulad ng pagtawid sa kalye
sa Maynila.
Pinatutunayan nito ang gawaing panunuri sa bansa ay pagtitiyak ng interpretasyon
batay sa sariling karanasan at kaalaman. Napakaraming sikolohiya ang maaaring ilapat
katulad ng maraming sasakyang maaaring sampahan at kabanggain ng manunuri
habang tumatawid sa daan.
Sa layong maitampok ang anumang anyo ng teksto (panitikan, isyu, kalakaran at
mismong tao), isinasagawa ang pagsusuri - pag-alam. Pagtantya, pagkilates,
pagtimbang, pagbubusisi, pagsipat, pagpuna at kritika. Maaaring ito ay politikal at
pampanitikan kung nakaugnay sa larang-akademiko.
Maaaring gawing sanggunian ang mga sumusunod na tanong sa panunuri.
▪ Ano ang sinasabi ng teksto?
▪ Paano ito sunabi/ sinasabi?
▪ Kailan ito nabuo?
▪ Sino ang bumuo?
▪ Para kanino ito?
Binabasa ang teksto batay sa paraang tekstuwal, kontekstuwal at pagbasa sa
subteksto at intertekstuwal.
Ang pagsusuri a tekstuwal kung ang tuon ay nilalaman at elementong bumubuo rito.
Walang puwang ang intensyon ng awtor at ang paghahari ng damdamin sa teksto.
Kontekstuwal ang pagsusuri kung ang binibigyang diin ang kondisyong (lipunan at
kasaysayan) namamayani sa teksto. Samantala, binabasa ang sub-text kapag nakatuon
sa mga detalyeng hindi hayagang sinasabi ng teksto.
Ang pag-uugnay ng teksto sa iba pang anyo ng teksto ay tinatawag na pagsusuring
intertekstuwal.