Claire B.

Bueno BSSW-3 Marso 07, 2021

Gawain Blg. 2

SINESOSYEDAD

1. Gumawa ng magkahiwalay na repleksyong papel tungkol sa nabanggit na

pelikula―Pride (2014) at Everything About Her (2016)
2. Alamin at tukuyin ang mga teorya at dulog na ginamit o pinakita sa bawat pelikula.

Everything About Her

Repleksyon

Ang pelikulang “Everything About Her” ng director na si Binibining Joyce Bernal

ay kakikitaan ng mga magagandang eksena, kapupulutan ng aral at halo-halong tema o emosyon.
Sa istorya ay masasalamin ang pampamilyang karanasan o paksa na bagama’t hindi lahat ay
nakakaranas ngunit talagang makikitaan ng pagsasakripisyo, pagtitiisan, asaran, tampuhan,
ngunit kalaunan ay nauuwi pa rin sa pagpapatawaran at pagmamahalan dahil na rin sa
katotohanang ang pamilya pa rin ay pamilya.

Ang kuwento ay pangunahing umiikot sa karakter ng dalawang babae na

magkaiba ang mundo ngunit pinagtagpo ng mga sitwasyon. Si Vivian Rabaya, isang real estate
mogul, sa kabila ng kanyang kasungitan at kaimpaktahan sa kompanya na siya ring paglalarawan
sa kanya ng nakararami, ay may angking kabutihan pa rin lalo na nang nagawa niyang
makipagkilala sa mga batang nagtitinda ng Sampaguita. Si Jaica naman na isang nurse ay
nagsasagisag ng katapangan at pagiging masigasig sa buhay sa kabila ng mga kahirapang
kanilang dinaranas dahil bilang isang panganay sa kanilang apat na magkakapatid at dahil
malayo rin ang kanilang ina sa kanila, kailangna niyang talagang magbanat ng buto at magsipag
lalo na upang matustusan ang pangangailangan ng kaniyang mga kapatid.

Ang mga babaeng sina Vivian at Jaica ay kapwa may iba-ibang katangian na
sadyang hahangaan ng manonood. Kapwa sila ay may dinadalang balakid sa buhay ngunit
patuloy lamang na lumalaban at nakikibaka. Si Vivian ay nagpapakita ng kamalditahan at lakas
ng loob sa harap ng ibang empleyado ngunit sa kaniyang sarili ay may takot na nadarama at
problema niya ang kaniyang anak na si Albert na malamig ang pakikitungo sa kaniya dahil sa
pag-iwan niya noon dito para maiangat ang kaniyang sarili at ang kaniyang pangarap. Si Jaica
naman ay tila isang “easy go lucky” at masiyahing babae sa kabila ng pasanin sa pamilya. Sa
totoong buhay, ang kanilang karakter ay makikita lalo na sa mga taong pinipilit na tumawa at
ipakitang sila ay masaya sa panlabas ngunit sa totoo’y sobra nang nahihirapan at nagdurusa.
 Ang kuwento sa pangkalahatan ay nagbigay ng mga magagandang aral ar halo-
halong emosyon. Sa mga karakter sa akd, naipakita ang tuwa, kulitan, saya, lungkot, at kilig lalo
na sa pagitan nina Albert na anak ni Vivian at si Jaica. Sa huli, ang pinakamahalga at
pinakasentro ng istorya ay ang konsepto ng pagpapatawd sa kabila ng mga nagawa nating
pagkukulang at kasalanan lalo na sa ating mga mahal sa buhay. Sa kuwento, nakuha ko rin ang
konsepto na habang nariyan pa ang mga mahal natin sa buhay ay huwag nating iparamdam na
pawang sila’y hindi mahalaga sa atin dahil dadating ang mga hindi inaasahang pagkakataon
kagaya ng sakit ni Vivian na multiple myeloma, isang uri ng cancer na nagsisimula sa plasma
cells ng bone marrow kung saan siya ay binigyan ng kaniyang doctor ng talaan na 29 buwan para
manatili at mabuhay. Ganoon din dapat sa mga espesyal na tao sa buhay natin o kasintahan.
Habang nariyan pa sila at habang naglalaan sila ng oras para sa atin, huwag nating ipakita o
iparamdam na binabalewala lang natin ang mga kilos nila dahil kapg sila na rin ang napagod,
kusa silang aalis at lalayo at kapag nangyari iyon, baka pagsisihan lang natin sa huli.

Samantala, ang istorya ay magandang nagtapos sapagkat kapwa nagkapatawaran

sina Jaica at ang kaniyang ina pati na si Vivian at si Albert. Isa pang kapana-panabik na parte sa
pagtatapos ang pag-iisang dibdib nina Jaica at Albert.

Mga Teoryang Pampanitikan at Dulog na Ginamit sa Akda:

 Realismo – nasasalamin sa akda o pelikula ang reyalidad na nagaganap sa mga

mayayaman at pati sa mahihirap na pamilya. Sa mga mayayaman, dahil sa sobrang
kaabalahan sa trabaho at pagpapalago ng negosyo, napapabayaan at nakakalimutan ng
mga magulang na bigyang pansin ang kanilang anak na minsan pa’y nauuwi sa
hiwalayan. Sa mga mahihirap na pamilya naman, kailangang pumuta o tumugo sa karatig
bansa ang magulang upang doon maghanap ng trabahong may mas mataas na sahod
sapagkat kapag nanatili sila dito sa Pilipinas ay hindi magiging sapat ang sahod para sa
gastusin ng pamilya.
 Romantisismo - naipakita sa kuwento ang pagmamahal ng ina na si Vivian sa kaniyang
anak na si Albert na matagal na nawalay sa kanya at gayon na din ang magkakapatid na
sina Jaica, Jewey, Jared, at Jewel na umaasa pa rin sa pagbabalik ng kanilang ina. Isa pa
ay naroon din ang pagmamahalan sa pagitan nina Albert at Jaica lalo na nang nalaman
nilang mahal nila ang isa’t isa. Sa huli ay nagkaroon din ng kasalan sa kuwento.
 Feminismo – sa kuwento ay naipakita ang kahinaan at kalakasan ng babae lalo na ng mga
tauhang sina Vivian at Jaica. Sa kahinaang aspeto, Si Vivian ay nahirapang pagsabayin
ang trabaho at ang responsibilidad sa kanyang anak dahilan para maging malayo ang loob
nito sa kaniyang anak. Si Jaica naman ay nagpakita ng kahinaan sa paraang natatanggihan
niya ang kaniyang mga kapatid kapag sila’y humihingi ng kung ano-ano at napakarami.
Sa kabila nito, sila ay masasabing malakas dahil nakayanan ni Vivian ang mamuno ng
isang kompanya at si Jaica na mapabilang sa pinakamahusay na nurse sa buong ospital
  Humanismo – naipakita sa pelikula ang pagbibigay ng kahalagahan ng tao na malaki ang
maiaambag natin sa ikauunlad ng lipunan kagaya ng patuloy na pagtatrabaho ng
dalawang babaeng karakter upang mabuti bumuti ang kanilang buhay pati na ng mga tao
sa paligid nila.

Pride
Repleksyon

Ang pelikulang Pride ay sumasalamin sa mga pangyayari sa lipunan lalo na sa

bansang Great Britain kung saan talamak at sandamakmak ang mga grupo na sumusulong sa
kani-kanilang mga pinaglalabang karapatan at mga kanya-kanyang layunin sa loob ng kanilang
pamayanan.

Sa kuwento ay naipakita ang mga grupo ng mga nasa ikatlo, ikaapat o ikalimang
kasarian o ang mas kilala ng nakararami bilang LGBTQ+ Community. Sila ay mga
pangkaraniwang tao lamang ngunit sa mata ng iba, sila’y hindi basta-basta o minsan nga
nababansagan pa bilang mga sira-ulo dahil hindi sila umaakto base sa kung ano’ng kasarian o ari
ang mayroon sila. Minsan ay kung ano-ano pang mga diskriminasyon at paninira ng ibang tao
ang makukuha nila.

Sa mga bansa sa United Kingdom ay tila mapanghusga talaga sila at negatibo ang
pagtingin nila sa mga bakla, tomboy, bisexual, transgender, o sa medaling sabi, mga
homosexual. Sa kuwentong Pride ay ipinakita ang kahirpan ng mga LGBTQ+ na grupo sapagkat
mismong pamilya nila ay kaya silang itaboy at kamuhian sa kung ano’ng nilalabas at
nararamdaman ng kanilang mga puso, dahilan din upang makatanggap sila ng pag-atake o pag-
aabuso ng mga awtoridad o kapulisan ngunit sa kabilang banda’y natigil dahil ang mga grupo ng
mga nagmimina naman ang inaatake at pinagsasamantalahan ng mga kapulisan. Bilang resulta, si
Mark Ashton ay bunuo ng grupo na tinawag nilang Lesbian and Gays Support Miners upang
lumikom ng pera para sa pamilya ng mga minero na nakararanas ng miner’s strike at ang iba
pa’y illegal na nakakulong.

Para sa akin, ang kuwento ay sumisimbolo sa tunggalian ng mga nasa baba at

nasa taas na posisyon ng lipunan partikular na ang grupo ng mga kapulisan at grupo ng mga
minero sa isang maliit na minahan sa Onllwyn sa Wales, at pati na sa pagitan ng mga kapulisan
at grupo ng mga lesbian at gay o mas kilala bilang LGSM. Sa kabila nito, hindi rin maiiwasan na
mismong ang maliliit na grupo na mismo ang nagtutuggalian dahil sa inggit at sobrang dunong.
Ito ay naipakita sa pag-akto ni Maureen Burray na isa sa mga lider ng Women’s Support Group
kung saan hindi niya matanggap-tanggap ang asosasyon ng LGSM at inilalarawan pa sila bilang
kalaban o kasalungat. Sa kabila nito, ang isa sa mga lider ng Women’s Support Group naman na
si Hefina Headon ay labis ang pagpapasalamat sa grupo nina Mark Ashton na siyang nagbigay
ng donasyon sa grupo ng mga minero. Sa kuwento’y magandang repleksyon din ang maging
matapang at ipaglaban ang karapatan lalo na kung tayo ay agrabyado. Dahil sa pagbibigay ng
ideya ni Mark Ashton kay Sian James, isang unang beses na volunteer tungkol sa harassment
laws at abuse of police power, napapunta si Sian James sa estasyon ng pulis upang mapalaya ang
mga illegal na nakakulong na mga minero at dahilan para sila’y magkaroon ng mas maayos na
relasyon―grupo ng mga minero at LGSM.

Bagama’t marami pa ang mga nagdaang pagsubok lalo na sa pagkontra ni

Maureen Burray sa tulong pinansyal na manggagaling sa LGSM, sa huli ay nakamit pa rin nila
ang karapatang matagal nilang inaasam at pagtanggap sa lipunan lalo na nang maganap noong
umaga sa taong 1985 ang Gay Pride Parade ngunit sa kasamaang palad, namatay si Mark Ashton
matapos ang dalawang taon sa kadahilanang siya ay may AIDS na posibleng nakuha niya sa
kaniyang dating kasintahan.

Ang pangunahing aral sa kuwento ay ang pagpapairal ng kabutihan at pagkakaisa

lalo na kung alam mong tama ang iyong ginagawa kaysa pagtatanim ng inggit at galit na siyang
magbubuwag sa atin at dahilan para mas maabuso at maagrabyado. Kung tayo man ay nasa
posisyon, mas mabuting isulong natin ang tama kaysa mangtapak at manghusga sa kapwa ng
walang sapat na proseso at batas na sinusunod.

Mga Teoryang Pampanitikan at Dulog na Ginamit sa Akda:

 Marxismo – bilang pagpapakahulugan, sinasabig ang Marxismo ay isang teoryang

pampanitikan na nagpapakita ng tunggalian ng mayaman at mahirap, mahina at malakas,
at makapangyarihan at api. Sa pelikulang Pride, ang teoryang Marxismo ay halatang
nagamit sapagkat naipakita na ang mga mahihina o walang masyadong sapat na boses o
kakayahan ay napagsasamantalahan o naabuso kagaya na lamang ng mga minero kung
saan sila ay kinukulong din ng mga kapulisan at pati na ang mga LGBTQ+ na lipunan
sapagkat nakaranas din sila ng pang-aapi. Karagdagan ditto ay ang patungkol sa
Marxismo kung saan gumagawa ang mga bida o mga naaapi ng paraan upang sila’y
umunlad o makawala sa kahirapan. Sa pelikula ay naipakita ito nang si Mark Ashton ay
gumawa o ng grupo na LGSM o ang Lesbians and Gays Support Miners na siya naming
nilahukan ng iba pang kagaya nina Gethin Roberts, Joe Cooper, at Jonathan Blake.
 Teoryang Realismo – ang pelikula mismo ay hango sa totoong kuwento na isinulat ni
Stephen Beresford at director naman si Matthew Warchus. Hindi lang dahil sa ito’y
nangyari sa totoong buhay kaya ito’y masasabing ginamitan ng Teoryang Realismo kundi
pati na rin sa kadahilanang ang mga pangyayari at kaganapan ay pawang nangyayari din
sa ating sosyedad kung saan nakakaranas ng diskriminasyon ang ibang mga grupo o tao
lalo na lamang ang mga nasa LGBTQ+ community at hindi lang mga matataas na
posisyon kundi pati na mga ordinaryong tao. Isang malaking pasasalamat na lang dahil
ayon sa mga pananaliksik, nang naglaon ay nagkaroon ng pagtatanggap at pagrespeto sa
mga homosexual sa United Kingdom.