1

BANAL NA ORAS
(UPANG IPAG-ADYA ANG BAYAN SA COVID-19)

PAGTATANGHAL NG SANTISIMO SAKRAMENTO

Ilalagay ng pari ang Santisimo Sakramento sa Ostensoryo.

PAG-IINSENSO
Iinsensuhan ng pari ang Santisimo Sakramento. Aawitin ng koro ang O Salutaris
Hostia.

O salutaris hostia,
Quae caeli pandis ostium:
Bella premunt hostilla,
Da robur fer auxilium

Uni trinoque Domino

Sit sempiterna gloria:
Qui vitam sine termino
Nobis donet in patria.
Amen.

PAANYAYA SA PAGPUPURI AT PASASALAMAT

Pari:
Amang mapagmahal,
pinagpapala mo ang mga matuwid
dahil sa kanilang mga mabuting gawa,
at pinatatawad mo ang mga makasalanang
taimtim na nagsisisi.

Sa kapangyarihan ng iyong Salita

pinanunumbalik mo kaming mga naligaw ng landas
at kami ay pinananatili mo,
aming tanging Diyos, sa iyong piling.
 2
Taglay ang taos-pusong pasasalamat aming
ipinahahayag:
Bayan:
Pinupuri ka namin, Diyos ng awa at pag-ibig, ngayon at
kailanman.

Pari:
Amang mapagkalinga,
naparito ang iyong Anak na si Hesukristo
upang ipahayag sa mahihirap ang Mabuting Balita,
pagalingin ang mga may karamdaman,
at palayain ang mga nasadlak sa kasalanan.
Kinakasihan mo kami sa tunay na paglilingkod
sa pamamagitan ng kanyang pagmamahal
at paglingap sa mga nangangailangan.
Taglay ang taos-pusong pasasalamat aming
ipinahahayag:

Bayan:
Pinupuri ka namin, Diyos ng awa at pag-ibig, ngayon at
kailanman.

Pari:
Amang maawain,
ipinagkakaloob mo sa amin ang oras ito
upang aming lubusang pagsisihan ang mga kasalanan,
at magkawanggawa kalakip ang pag-ibig.
Kinalulugdan mo ang aming panalangin,
pag-aayuno, pagkalinga sa mga dukha,
at pagtakwil sa kasakiman.
Taglay ang taos-pusong pasasalamat aming
ipinahahayag:

Bayan:
 3
Pinupuri ka namin, Diyos ng awa at pag-ibig, ngayon at
kailanman.
Pari:
Amang manlilikha,
sa panahong ito ng pagsubok,
pinatitibay mo ang aming pananampalataya
sa pamamagitan ng iyong banal na salita
at sa pagsasalu-salo namin sa Eukaristiya.
Inaakay mo kami tungo sa pagbabagong-buhay
at minamarapat na magalak sa iyong dulot na
kapayapaan.
Taglay ang taos-pusong pasasalamat aming
ipinahahayag:

Bayan:
Pinupuri ka namin, Diyos ng awa at pag-ibig, ngayon at
kailanman.

Pagkatapos ng paanyaya sa pagpupuri, maglaan ng ilang sandali ng

katahimikan.

SANDALING KATAHIMIKAN

Sisimulan ng pari ang pagdiriwang sa pambungad na panalangin.

 4

PAMBUNGAD NA PANALANGIN

Pari:
Manalangin tayo.

Ama naming makapangyarihan,

tunghayan mo ang aming tinitiis na kahirapan
at ibsan mo kami sa mabigat naming pasan.
Ang aming pananampalataya ay gawin mong matibay
upang ang iyong makaamang pagkupkop sa aming
buhay
ay walang alinlangan naming pagtiwalaan
sa pamamagitan ni Jesu-Kristo kasama ng Espiritu
Santo,
iisang Diyos magpasawalang hanggan.

Bayan:
Amen.

Tagapagdaloy:
Ating pakinggan ang Salita ng Diyos

PAGPAPAHAYAG NG SALITA NG DIYOS

Pagbasa mula sa Aklat ng mga Panaghoy 3:17 – 26

Naglaho sa akin ang bakas ng kalusugan, maging kapayapaan at

kaligayahan man.
Kaya't sinasabi ko, “Nawala na ang aking lakas at ang aking pag-asa
kay Yahweh.”
Simpait ng apdo ang alalahanin sa aking paghihirap at kabiguan.
Lagi ko itong naaalaala, at ako'y labis na napipighati.
 5
Gayunma'y nanunumbalik ang aking pag-asa kapag naalala kong:
Pag-ibig mo, Yahweh, ay hindi nagmamaliw; kahabagan mo'y
walang kapantay.
Ito ay laging sariwa bawat umaga; katapatan mo'y napakadakila.
Si Yahweh ay akin, sa kanya ako magtitiwala.
Si Yahweh ay mabuti sa mga nananalig at umaasa sa kanya,
kaya't pinakamainam ang buong tiyagang umasa sa ating kaligtasang
si Yahweh ang may dala.

Ang Salita ng Diyos.

Bayan:
Salamat sa Diyos!

Tagapagdaloy:
Tayo po ay sandaling tumahimik para sa pagninilay

Aawit ang koro ng isang awit-pampagninilay.

UMASA KA SA DIYOS

Koro: Umasa Ka sa Diyos

Ang mabuti gawin
At manahan kang ligtas, sa lupain
Sa Diyos mo hanapin ang kaligayahan
At pangarap mo ay makakamtam

Ang iyong sarili sa Diyos mo ilagak

Pagnagtiwala'y tutulungan kang ganap
Ang kabutihan mo ay magliliwanag
Katulad ng araw kung tanghaling tapat. Koro

Sa harap ng Diyos ay pumanatag ka,

Maging matiyagang maghintay sa kanya;
H’wag mong kaiingitan ang gumiginhawa
Sa likong paraan, umunlad man sila. Koro

IKALAWANG PAGBASA
 6

Pagbasa mula sa sulat ni Apostol San Pablo sa mga taga-Roma

8, 31b – 39

Mga kapatid: Kung ang Diyos ay panig sa atin, sino ang laban sa
atin? Hindi niya ipinagkait ang sarili niyang Anak kundi ibinigay
para sa ating lahat. Kung naipagkaloob niya sa atin ang kanyang
Anak, hindi ba niya ipagkakaloob sa atin ang lahat ng bagay, kasama
ng kanyang Anak? Sino ang maghaharap ng sakdal laban sa mga
hinirang ng Diyos, gayong ang Diyos ang nagpapawalang-sala sa
kanila? Sino ang hahatol ng kaparusahan? Si Kristo Hesus bang nasa
kanan ng Diyos? Siya pa nga ang namatay at muling binuhay, at
ngayo’y namamagitan para sa atin. Sino ang makapaghihiwalay sa
atin sa pagmamahal ni Kristo? Ang paghihirap ba? Ang kapighatian,
ang pag-uusig, ang gutom, ang kahubaran, ang panganib, o ang
tabak? Ayon sa nasusulat,

“Alang-alang sa iyo, nanganganib kaming mamatay sa buong

maghapon. Ibinibilang kami na mga tupang papatayin”

Hindi! Ang lahat ng ito’y kayang-kaya nating pagtagumpayan sa

pamamagitan niya na nagmamahal sa atin. Sapagkat natitiyak kong
ang kamatayan, ang buhay, ang mga anghel, ang mga pamunuan,
ang mga bagay sa kasalukuyan, ang mga bagay na darating, ang mga
kapangyarihan, ang kataasan, ang kalaliman, o ang alinmang
nilalang ay hindi makapaghihiwalay sa atin sa pag-ibig ng Diyos –
pag-ibig na ipinadama niya sa atin sa pamamagitan ni Kristo Hesus
na ating Panginoon.

Ang Salita ng Diyos.

Bayan:
Salamat sa Diyos!

Tagapagdaloy:
Tayo po ay sandaling tumahimik para sa pagninilay
 7

Aawit ang koro ng isang awit-pampagninilay.

HUWAG KANG MANGAMBA

Koro: Huwag kang mangamba, 'di ka nag-iisa

Sasamahan kita, saan man magpunta
Ika'y mahalaga sa 'King mga mata
Minamahal kita, minamahal kita

Tinawag kita sa 'yong pangalan

Ikaw ay Akin magpakailanman
Ako ang Panginoon mo at Diyos
Tapagligtas mo at Tagatubos. Koro

Sa tubig kita'y sasagipin

Sa apoy ililigtas man din
Ako ang Panginoon mo at Diyos
Tapagligtas mo at Tagatubos. Koro

Tagapagdaloy:

Tayo po’y magbigay galang sa mabuting balita

VERSE BEFORE THE GOSPEL

Kapag ngayo’y napakinggan

Ang tinig ng poong mahal
Huwag na ninyong hahadlangan
Ang pagsasakatuparan
Ng mithi nya’t kalooban

MABUTING BALITA

Ang Mabuting Balita ng Panginoon ayon kay San Marcos

 8

Kinagabiha'y sinabi ni Jesus sa mga alagad, “Tumawid tayo sa

ibayo.” Kaya't iniwan nila ang mga tao at sumakay sila sa bangkang
sinasakyan ni Jesus upang tumawid ng lawa. May iba pang mga
bangkang nakisabay sa kanila. Habang naglalayag, inabot sila ng
malakas na bagyo kaya't ang bangkang sinasakyan nila'y hinampas
ng malalaking alon at ito'y halos mapuno na ng tubig. Si Jesus ay
natutulog noon sa may hulihan ng bangka, nakahilig sa isang unan.
Ginising siya ng mga alagad at sinabi, “Guro, balewala ba sa inyo
kung mapahamak kami?”

Bumangon si Jesus at sinaway ang hangin, “Tigil!” at sinabi sa

lawa, “Tumahimik ka!” Tumigil nga ang hangin at tumahimik ang
lawa. Pagkatapos, sinabi niya sa mga alagad, “Bakit kayo natatakot?
Hanggang ngayon ba'y wala pa rin kayong pananampalataya?”
Natakot sila nang labis at namangha. Sabi nila sa isa't isa, “Anong
klaseng tao ito? Pati hangin at lawa ay sumusunod sa kanya!”

Ang Mabuting Balita ng Panginoon.

Tagapagdaloy:

Magsiupo po ang lahat.

HOMILIYA

Pagkatapos ng maikling homiliya, sandaling katahimikan para sa

pagninilay.

SANDALING KATAHIMIKAN

LITANYA NG MGA PAGLUHOG

Tugon: Pinupuri ka namin, Panginoon

 9
Diyos na totoo at taong totoo, na tunay na nananahan sa Banal na
Sakramento, T.

Aming Manunubos, Diyos na sumaatin, tapat at puno ng awa, T.

Aming hari, Panginoon ng sannilikha at ng kasaysayan, T.

Ikaw na nagwagi laban sa kasalanan at kamatayan, T.

Kaibigan ng sangkatauhan, ikaw na nabuhay na magmuli at

naluluklok sa kanan ng Ama, T.

Tugon: Sumasampalataya kami, Panginoon!

Bugtong na Anak ng Ama na nanaog mula sa kalangitan para sa

aming kaligtasan, T.

Banal na manggagamot, na ibinaba ang sarili sa aming karalitaan, T.

Korderong hain, inialay upang tubusin kami mula sa sala, T.

Mabuting pastol, na nag-alay ng kanyang buhay para sa minamahal

niyang kawan, T.

Tinapay ng buhay na siyang nagbibigay ng buhay na walang

hanggan, T.

Tugon: Iadya mo kami, Panginoon

Mula sa kapangyarihan ni Satanas at sa mga pang-aakit ng mundo,

T.
 10
Mula sa kapalaluan at sa pag-aakalang makakayanan namin nang
hindi ka kapiling, T.

Mula sa panlilinlang ng takot at dalamhati, T.

Mula sa kawalan ng pananampalataya at pag-asa, T.

Mula sa katigasan ng puso at sa kawalang-kakayahang magmahal, T.

Tugon: Iligtas mo kami, Panginoon

Mula sa lahat ng kasamaang nagpapasakit sa sangkatauhan, T.

Mula sa gutom, tagsalat, at pagkamakasarili, T.

Mula sa mga sakit, epidemya, at sa takot makisalamuha sa aming

kapwa, T.

Mula sa kahangalan, mga malulupit na interes at kasamaan, T.

Mula sa kasinungalingan, sa mga di-totoong pagbabalita, at sa

pagsupil sa mga konsensya, T.

Tugon: Aliwin mo kami, Panginoon

Masdan mo ng iyong simbahang naglalakbay sa isang disyerto, T.

Masdan mo ang sangkatauhang binabalot ng takot at dalamhati, T.

Masdan mo ang mga maysakit at mga malapit nang mamatay na

sinisiil sa kalungkutan, T.

Masdan mo ang mga doctor at iba pang nagsisilbi sa larangan ng

kalusugan na pagod at napapagal, T.

Masdan mo ang mga pulitiko at iba pang nasa katungkulan, na pasan

ang tungkulin ng wastong pagpapasya, T.
 11

Tugon: Isugo mo ang iyong Espiritu, Panginoon

Sa mga oras ng pagsubok at pagkatalo, T.

Sa mga panahon ng tukso at kahinaan, T.

Sa paglaban sa kasamaan at kasalanan, T.

Sa paghanap sa kabutihan at tunay na kaligayahan, T.

Sa pagpasyang manatili sa Iyo at sa iyong pakikipagkaibigan, T.

Tugon: Gawin mo kaming bukas sa pag-asa, Panginoon

Kapag sinisiil kami ng kasalanan, T.

Kapag isinasara ng galit ang aming mga puso, T.

Kapag dinadalaw kami ng panglaw, T.

Kapag sumasagi sa aming isipan ang panlalamig sa pangangailangan

ng aming kapwa, T.

Kung tutupukin na kami ng kamatayan, T.

Pari:
Bilang isang pamilya, tumawag tayo sa Ama sa pamamagitan
ng panalanging itinuro ni Hesus sa atin.

Aawitin ng koro ang Ama namin.

 12
AMA NAMIN

Matapos awitin ang Ama Namin, luluhod ang lahat para sa bendisyon ng
banal na sakramento

PANGWAKAS NA PANALANGIN AT BENDISYON NG

BANAL NA SAKRAMENTO

Tagapagdaloy: Magsiluhod po ang lahat at ating awitin ang Tantum

Ergo

TANTUM ERGO
 13

Tantum ergo Sacramentum

Veneremur cernui:
Et antiquum documentum
Novo cedat ritui:
Praestet fides supplementum
Sensuum defectui.

Genitori Genitoque
Laus et jubilatio,
Salus, honor, virtus quoque
Sit et benedictio:
Procedenti ab utroque
Compar sit laudatio.
Amen.

V. Panem de caelo praestitisti eis.

R. Omne delectamentum in se habentem.

Oremus:
Deus, qui nobis sub sacramento mirabili,
passionis tuae memoriam reliquisti:
tribue, quaesumus,
ita nos corporis et sanguinis
 14
tui sacra mysteria venerari,
ut redemptionis tuae fructum
in nobis iugiter sentiamus.
Qui vivis et regnas
in saecula saeculorum.

BANAL NA PAGPUPURI

Purihin ang Diyos.

Purihin ang kanyang Santong Ngalan.
Puirihin si Hesukristo, Diyos na totoo at Tao namang
totoo.
Purihin ang ngalan ni Hesus.
Purihin ang kanyang Kamahal mahalang Puso.
Purihin ang kanyang kabanal-banalang Dugo.
Purihin si Hesus sa Banal na Sakramento sa Altar.
Purihin ang Espiritu Santo, ang Mang-aaliw.
Purihin si Maria, dakilang Ina ng Diyos.
Purihin ang kalinis linisang paglilihi sa kanya.
Purihin ang kanyang maluwalhating pag-akyat sa
langit.
Purihin ang ngalan ni Maria, Birhen at Ina.
Purihin si San Jose, ang kanyang kalinis-linisang
esposo.
Purihin ang Diyos sa kanyang mga anghel at mga santo.

PANALANGIN SA MAHAL NA PUSO NI HESUS

Pari at Bayan:

Mahal na puso ni Hesus, sa harap ng malalim na sugat at pagkasira

ng aming bayan, kami ay hinahamon mong muli na harapin ang
mga suliraning naming ito ngayon.
 15
Kami’y sugatan; ang aming mga puso’y wasak at nanglulupaypay.
Kailangan namin ang iyong Puso, O Panginoon, sa paghahanap
namin ng lunas upang maging buo muli.

Tangan ang aming pananampalataya sa iyo at ang aming

pagmamahal sa bayan, ibig naming makiisa sa iyong gawain ng
pagpapanibago ng kalooban ng mga tao, ng bawat pamilya, mga
ugnayan at ng lipunan.

Sa kapangyarihan na nakapagbabagong dulot ng iyong pag-ibig,

kami’y nakatatagpo ng bagong lakas, ng tibay ng lakas ng loob, ng
alab ng puso na magbabago sa buhay namin at ng aming bayan.

(Maaaring banggitin ang mga pansariling kahilingan.)

Puso ni Hesus, puspos ng pag-ibig, dalangin namin ay lakas ng

loob at pagtitiyaga.

Puso ni Hesus, puno ng karunungan, turuan mo kaming

manalangin at gumawa na may pag-asa at pag-ibig sa lahat ng
sandali. Amen.

Mahal na puso ni Hesus, kaawaan mo kami.

Kalinis-linisang puso ni Maria, ipanalangin mo kami.

Habang tinatanggal ang Banal na Sakramento sa onstensaryo atibinabalik

sa
tabernakulo, aawitin ang sumusunod o ibang naangkop na awit.

O sacrament most holy

O sacrament divine
All praise and all thanksgiving
 16
Be every moment thine
Be every moment thine.

Maaaring umawit ng awitin para sa Mahal na Birheng Maria

O Santa Maria, O Reyna't Ina ng Awa,

Ika'y aming buhay, pag-asa't katamisan.
Sa 'yo nga kami tumatawag,
Pinapanaw na anak ni Eva.
Sa 'yo rin kami tumatangis,
Dini sa lupang bayang kahapis-hapis.
Kaya't ilingon mo sa amin
Ang mga mata mong maawain,
At saka kung matapos aming pagpanaw,
Ipakita mo sa amin: Ang iyong anak na si Hesus.
O magiliw, maawain, matamis na Birheng Maria.