Northern Mindanao Colleges, Inc.

Atega St.,Cabadbaran City

Mahabang Banghay Aralin sa Pagtuturo ng Filipino

I. Mga Layunin: Sa pagtatapos ng aralin, ang mga mag-aaral ay inaasahang:

a.Natutukoy ang mensahe at layunin ng nabasang mitolohiya.

b. Naipahahayag ang mga aral o mahalagang kaisipan sa nabasang

mitolohiya.

c. Nakagagawa ng balangkas ng isang kilalang personalidad at ihalintulad

ito sa paksang natalakay.

II. Paksang Aralin

Paksa: Ang Handog na Apoy ni Prometheus sa Sangkatauhan

“Mitolohiya”/Pandiwa
Sanggunian:http://www.dltk-kids.com/world/Greece/m-story-prometheus-
re.htm (nakuha noong Mayo 2015) o anumang kaugnay na website.
May Akda: Crizel Sicat-De Laza
Kagamitan: Laptop, Mga larawan, powerpoint presentation

III. Pamamaraan

A. Paghahanda

Gawain ng Guro Gawain ng Mag-aaral

A.1. Panimulang Gawain
 Panalangin
Bago natin umpisahan ang ating talakayan,
sisimulan muna natin ito ng isang panalangin.
Jepoy pakibasa ng ating panalangin na nasa
monitor. Inaanyayahan ko ang lahat na makinig sa
ating panalangin.
 Pagbating Guro at mag-aaral
Magandang araw sa inyo mga mag-aaral? Magandang araw din po Bb. Angeles!
 Kumusta kayo sa araw na ito? Mabuti naman po.

 Mga Palatuntunin sa Online Class

Mga mag-aaral dahil na sa online class
tayo at kailangan nating harapin ang new
normal scheme ng ating klase, mayroon lang
akong kaunting bilin para maging maayos ang
ating talakayan ngayon.
1. Makinig ng mabuti.
2. Nakapokus sa inyong monitor.
3. Bawal maingay.
4. E off ang inyong mga microphone kung may
nagsasalita.
5. At itaas lamang ang kanang kamay kung
may mga katanungan o gustong
magtanong.

Nagkaintindihan ba tayo mga mag-aaral? Opo Ma’am.

 Pagtse-tsek ng attendance/Ulat Liban

Mayroon bang lumiban sa araw na ito? Wala po Ma’am.

A.2. Pagsasanay sa kayarian

Bago natin sisimulan ang ating talakayan,
ay mayroon muna akong pasasagutan sa inyo.
Panuto: Ibigay ang wastong gamit ng salita
sa pangungusap.
1. Ibinigay (kung,kong) lahat ang aking kaya. :kong
2. Bibigyan kita (kung,kong) susunod ka. :kung
3. Magluluto ako (kung,kong) kakain ka. :kung
4. Iniwan (kung,kong) may makakain ang aking
mga anak. :kong

:Kung (if,when) bilang pangatnig

:Kong (ko+ng) bilang panghalip

Magaling mga mag-aaral.

B. Balik – aral
Noong nakaraang araw ay tinalakay natin
ang Awiting Bayan, ano ulit ang awiting bayan,
John? Ang awiting bayan ay mga awit ng mga
Pilipinong ninuno at hanggang ngayon ay
kinakanta o inaawit parin.

Magaling!
 At paano ito nakatutulong sa pang-araw-
araw na buhay natin, Dennis? Nakatutulong po ito sa atin sapagkat
marami po tayong mga magagandang asal
at aral na makukuha dito. Sa pagkanta din
ng mga awiting bayan ay naisasabuhay
natin ang diwa at napapanatiling buhay ang
ating kulturang Pilipino.
C. Bagong Leksyon
C.1. Pagganyak
Bago ang lahat mayroon muna akong
ipapakitang mga larawan, pagmasdan niyo
itong maigi.

Mula sa mga larawang inyong nakita anong

masasabi mo Jenny? Ito po ay larawan ng mga Diyos at Diyosa.

Tama!
At sa tingin mo sino-sino ang mga iyan? :Sila po ay sina Zeus, Poseidon, Athena at
Aphrodite.

Mahusay!
Mula sa mga larawang inyong nakita, ano sa
palagay niyo ang ating magiging leksyon sa
araw na ito, Jiey? Sa tingin ko po ay tungkol sa mitolohiya.

Magaling!
Pero bago ang lahat mga mag-aaral gusto
kong basahin niyo muna ang ating mga layunin
sa araw na ito. Basahin ng may kalakasan at
sabay-sabay.

Mga Layunin: Sa pagtatapos ng aralin, ang

mga mag-aaral ay inaasahang:
a.Natutukoy ang mensahe at layunin ng
nabasang mitolohiya.
.
b. Naipahahayag ang mga aral o
mahalagang kaisipan sa nabasang
mitolohiya.
c. Nakagagawa ng balangkas ng isang
Tandaan niyo ang ating mga layunin sa kilalang personalidad at ihalintulad ito
araw na ito dahil magsisilbing gabay ito sa ating sa paksang natalakay.
tatalakayin.

C.2. Pag-alis ng Sagabal

Bago tayo magpatuloy sa ating paksa,
mayroon muna akong pasasagutan sa inyo,
ito’y napakadali lamang. Magtatawag ako at
kung sino man ang aking matawag ay siyang
sasagot.

Panuto: Piliin ang tamang kahulugan at

angkop na kayarian ng mga salita sa loob ng
panaklong.
1. Tinuruan ni Prometheus ang mga tao kung
paanong (magparingas, ringas) ng apoy. :magparingas

2. Mas pinili ni Prometheus na (makipamuhay,

buhay) sa mga tao kaysa manirahan sa bundok
Olympus :makipamuhay

3. (Mabangis bangis) ang mga hayop sa gubat. :mabangis

4. (Napagtanto, tanto) kong dapat tularan ang

tulad ni Prometheus. :napagtanto

5. Nagtatago ang mga tao sa kuweba upang

hindi (kain, kainin) ng mababangis na hayop. :kainin

Mahusay mga mag-aaral at nasagutan niyo

ng maayos, palakpakan natin ang ating mga
sarili. (Nagpalakpakan).
C.3. Paglalahad ng Bagong Leksyon
Mga mag-aaral mahilig ba kayong
magbasa o manood ng mga mitolohiya? Opo ma’am.

Kung ganun para sa inyo ano nga ba ang

mitolohiya, Josie? Para sa akin ang mitolohiya ay kuwento po
tungkol sa buhay ng ibat-ibang Panginoon.
Magaling!

Maraming salamat Josie. Ngayon ay

makinig kayong mabuti dahil tatalakayin natin
kung ano ang mitolohiya, ang mga gabay at
pamamaraan sa pagsulat nito. (Nakikinig ng mabuti).

Mitolohiya ay mga tradisyunal na kuwento

ng pantasya at kababalaghan na karaniwang
tumatalakay sa buhay ng mga diyos, diyosa, at
iba pang makapangyarihang nilalang. Madalas
na kakitaan ito ng mga tauhang diyos at diyosa
o kaya ay mga nilalang na kalahating diyos at
kalahating tao (demigod). Ilan sa mga sikat na
tauhan sa mitolohiyang ito ay ang mga diyos na
sina Zeus, Poseidon, Aphrodite, Athena at
marami pang iba.

Gabay at Pamamaraan sa pagsulat

Mitolohiya

1. Pagdesisyonan ang lunan ng iyong

mitolohiya. Paglalarawan sa lokasyon ang
pinakamagandang pagsimulan ng mitolohiya.
2. Buoin ang mga tauhan ng iyong
mitolohiya. Karamihan ng mga mitolohiya ay
binubuo ng mga diyos at diyosa, kung kaya’t
makatutulong kung magbasa ka tungkol sa
mga katangian nila.
3.Bumubuo ng mga angkop na pangalan
para sa tauhan. Tiyakin na ang pangalan ng
mga tauhan ay naayon sa kultura ng lugar na
iyong napili.
4. Huwag gawing komplikado ang kuwento
ng iyong mitolohiya. Sikaping maging maikli
at simple ang mitolohiya.
5. Tapusin ang mitolohiya sa pamamagitan
ng solusyon at pagsagot sa pangunahing
tanong. Kapag ang mitolohiya ay nagtapos sa
pagkamatay ng pangunahing tauhan,
siguraduhing maglagay ng dahilan sa
kamatayan. Kailangan mo ring maglagay ng
mensahe o aral na kadalasang nakikita sa mga
mitolohiya.

C.4. Pagbasa ng mitolohiya

Gustong kong basahin niyo ng sabay-
sabay at may kalakasan ang ating mitolohiyang
tatalakayin ngayon na pinamagatang “Ang
Handog na apoy ni Prometheus sa
Sangkatauhan” Ang Handog na Apoy ni Prometheus sa
Sangkatauhan

Libo-libong taon na ang nakaraan, ayon

sa kuwento ng mga mamamayan ng
sinaunang Gresya, may magkapatid na
hindi gaya ng mga tao, o di rin gaya ng
mga diyos at diyosa ng Bundok Olympus.
Sila ang mga anak na lalaki ng isa sa mga
Titan na lumaban kay Zeus na pinarusahan
at ikinulong sa nakabababang daigdig. Ang
pangalan ng nakatatandang kapatid ay
Prometheus (nangangahulugang pag-
unawa sa kinabukasan). Laging iniisip ni
Prometheus kung ano ang maaaring
mangyari kinabukasan, sa susunod na
lingo, taon, at maging sa susunod na
daang taon. Ang nakababata niyang
kapatid ay si Epimetheus
(nanganghulugang pag-unawa sa
nakaraan). Lagi naman siyang abala sa
muling pag-iisip ng mga nangyari sa
nakalipas at hindi inaalala ang maaaring
mangyari sa hinaharap.
Ayaw manirahan ni Prometheus na
kasama ang mga ulap sa Bundok
Olympus. Masyado siyang abala sa pag-
iisip. Habang ang mga diyos ay nag-
aaksaya ng oras nang walang ginagawa,
abala sa pag-inom ng nectar at pagkain ng
ambrosia, si Prometheus naman ay abala
sa pagpaplano kung paanong mas
magiging mahusay at matalino ang
pamumuhay ng mga tao sa daigdig sa
hinaharap. Kung kaya, sa halip na
manirahan sa Olympus, nagpunta si
Prometheus sa mga tao at nakipamuhay sa
kanila. Napansin niyang hindi na masaya
ang mga tao, hindi tulad noong Gintong
Panahon noong nasa ilalim sila ng
pamumuno ni Kronos, isang Titan. Nakita
niyang naninirahan sila sa mga kuweba,
nanginginig sa ginaw dahil walang apoy,
namamatay sa gutom, at tinutugis ng
mababangis na hayop.
“Kung may apoy lang sila,” sambit ni
Prometheus sa sarili, “maaaring mainitan
ang mga katawan nila at makapagluto ng
kanilang pagkain. Maaari din silang
matutong bumuo ng mga kagamitan at
gumawa ng kanilang mga bahay. Kung
wala silang apoy, mas masahol pa sila
kaysa hayop.”
Nagpunta si Prometheus kay Zeus at
nakiusap siyang bigyan ng apoy ang mga
tao upang maging komportable sila sa
mahabang panahon ng taglamig. “Hindi ko
sila bibigyan ng apoy!” sabi ni Zeus, “Kung
magkakaroon ng apoy ang tao, maaaring
maging malakas din sila at matalino gaya
natin, at kapag nangyari ‘yon ay
palalayasin nila tayo sa ating kaharian!
Delikado ang apoy at masyadong mahirap
at mangmang ang mga tao upang
pagkatiwalaan. Mas mabuting tayo nalang
na mga taga-Olympus ang maghari sa
daigdig para lahat ay manatiling masaya.”
Hindi sumagot si Prometheus. Ngunit
buo na ang loob niyang tulungan ang
sangkatauhan, at hindi siya sumuko sa
layuning ito. Habang naglalakad siya sa
dalampasigan, nakakita siya ng mahabang
tangkay ng haras (fennel). Pinilas niya ito
at nakita niya sa gitna ang tuyo at
malambot nitong bahagi na mabilis
masunog at matagal na mag-aapoy. Dinala
niya ang tangkay at sinimulan ang
mahabang paglalakbay sa tuktok ng
Bundok Olympus. “Kailangan ng
sangkatauhan ang apoy, kahit ayaw itong
pahintulutan ni Zeus,” sabi niya sa sarili.
Nagpunta siya sa kaharian ni Zeus at
nagnakaw ng apoy mula sa mismong
 pinagtataguan ng kidlat. Bumalik nang
mabilis sa sariling bayan si Prometheus,
dala ang ningas ng apoy na nakatago sa
loob ng tangkay.
Nang makarating siya sa bayan ng mga
tao, tinawag niya ang ilan sa giniginaw na
mga mamamayan at gumawa ng apoy para
sa kanila. Tinuruan niya ang mga tao kung
paano magpaparingas ng apoy at kung
paano lulutuin ang kanilang pagkain gamit
ito. Nagtipon-tipon ang mga tao sa paligid
ng apoy, at sumaya nang makaramdam ng
init. Nagpasalamat sila kay Prometheus sa
napakandang regaling hatid nito.
Isang gabi, sumilip si Zeus sa lugar ng
mga tao mula sa Bundok Olympus at
napansin niya ang mga ningas ng apoy na
pinaliligiran ng mga nagsasayang tao.
Hindi nagtagal ay napagtanto niyang
sinuway ni Prometheus ang kaniyang utos
na huwag bigyan ng apoy ang mga tao.
Galit nag alit si Zeus at iniutos na itali si
Prometheus sa gilid ng Bundok Caucasus.
Pinagdusa siya nang habang-buhay
habang tinutuka ng mga buwitre ang
kanyang atay mula sa kanyang katawan.
Dahil immortal si Prometheus, hindi niya
ikinamatay ang pagkain ng buwitre sa
kanyang lamang-loob. Tuwing gabi ay
tumutubo ito at nanunumbalik sa dati ang
kaniyang katawan at kinabukasan ay muli
siyang tutukain ng mga buwitre. Paulit-ulit
ang dinanas na pagdurusa ni Prometheus
sa loob ng libo-libong taon. Kalaunan
natagpuan siya ni Heracles at tinulungang
makalaya. Gayunpaman, may ilang
bersiyon ng mitolohiya na nagsasabing
kalaunan ay naging bato si Prometheus.
C.5. Pangkaisipang Talakayan
Ngayon at tapos niyo ng nabasa ang ating
mitolohiya, mayroon akong inihandang mga
katanungan tungkol dito.

 Ano ang pagkakaiba ni Prometheus sa

kanyang kapatid na si Epimetheus,
Lorena?
 Ang kaibahan nila ay laging iniisip ni
Prometheus kung ano ang maaaring
mangyari kinabukasan, sa susunod na
lingo, taon at maging sa susunod na daang
Magaling! taon.

 Sa tingin mob a ay makatarungan ang

naging parusa ni Zeus kay Prometheus?
Pangatwiran ang iyong sagot, Lenie.
Mahusay!
Sa tingin ko po’y hindi. Dahil ginawa lang ni
Prometheus na magiging maayos ang
takbo ng pamumuhay ng tao dahil sobra
siyang naawa sa mga ito.

 Ano sa tingin mo ang simbolismo ng

pagbibigay ni Prometheus ng apoy sa
mga tao, Arlene?
Ito’y simbolo ng pagiging makatao,
mapagbigay at maalalahain, dahil kahit
hindi niya kauri ang mga tao ay tinulungan
niya parin ang mga ito na malutas ang
Napakahusay! kanilang suliranin.

 Maituturing mo ba na isang bayani si

Prometheus, Dylan? Bakit?
Oo. Dahil hindi sukatan kung may
kapangyarihan man o wala ang mahalaga
ay may naitulong ka sa iyong kapwa na
Napakagaling! siyang magagamit panghabang-buhay.

Ako ay nasisiyahan sa inyong mga sagot.

C.6. Magandang Talakayan

Sa pagbabasa, pagsusuri, at pagsulat ng
isang mitolohiya, mahalaga ang angkop na
pandiwa upang isalaysay ang isang aksiyon,
pangyayari at karanasan.
Bago ang lahat, para sa inyong sariling
palagay, ano nga ba ang ibig sabihin ng
Pandiwa, Alice? Para sa akin ang pandiwa po ay isa sa
mga bahagi ng pananalita na kung saan ay
nagsasaad ng kilos o galaw.
Tama!

Kung ganun ang Pandiwa pala ay

nagpapahayag ng pangyayari sa isang
pangungusap. Ito ay salitang nagsasaad ng
kilos o galaw sa isang pangungusap.
Sa nabasang kuwento tungkol kay
Prometheus, makikita ang sumusunod na gamit
ng pandiwa sa mga pangungusap, Pakibasa ng
unang pangungusap Benjie. 1. Sa halip na manirahan sa Olympus,
nagpunta si Prometheus sa mga tao at
nakipamuhay sa kanila.
Sa tingin mo saan diyan ang mga salitang
nagsasaad ng kilos o galaw? :nagpunta at nakipamuhay po.

Magaling!

Basahin mo ang pangalawang

pangungusap, Aubrey. 2. Nakita niyang naninirahan sila sa mga
kuweba, nanginginig sa ginaw dahil walang
apoy, namamatay sa gutom at tinutugis ng
mga mababangis na hayop.
Saan diyan ang mga salitang nagsasaad
ng kilos o galaw? :nakita, naninirahan, nanginginig at
tinutugis po ma’am.
Tama!

Ngayon basahin mo naman ang

pangatlong pangungusap, Rolly.
Saan naman diyan ang mga salitang
nagsasaad ng kilos o galaw?
3. Nagpunta si Prometheus kay Zeus at
nakiusap siyang bigyan ng apoy ang mga
tao.
: Salitang nagpunta po.

Napakahusay!

C.7. Paglalahat
Ngayon batid kong naintindihan ninyo ang
ating leksyon. Kung kaya’t mayroon akong
itatanong.
 Anong mensahe at layunin ang nais
ipabatid ng nabasang mitolohiya,
Nelson? Ang mensahe po ay kung may maitutulong
po tayo sa’ting kapwa ay gawin natin o
kahit sa ating mga pamilya,
nagsasakripisyo po tayo para sa ikabubuti
ng ating mahal sa buhay.
Napakahusay!

 Kung ikaw yung nasa sitwasyon ni

 Prometheus gagawin mo rin ba kung ano
yung ginawa niya kahit alam mong may : Gagawin ko po lalung-lalo na kung sa
kaparusahan, Marjun? ikabubuti naman ng aking mga mahal sa
buhay kahit na may parusa ito, dahil mas
nanaisin ko pong ako yung masaktan
kaysa makita silang mas nahihirapan.

Napakagaling!
C.8. Pagpapahalaga
Batid kong naisapuso’t damdamin niyo na
ang ating leksyon ngayon kaya’t ako ay labis na
nasisiyahan.

 Mula sa nabasang mitolohiya, para sa

inyo ano ang maihahandog mo para sa
sangkatauhan, Eunice? Ang maihahandog ko sa sangkatauhan ay
ang pagiging mabuti ko sa aking kapwa.
Handa akong tumulong kung may
maitutulong ako.
Mahusay!

 Dakila ang mag-alay ng sariling

kakayahan para sa bayan. Ano ang aral
o mahalagang kaisipan ang nakapaloob
nito, Joseph? Ang taong may kawang gawa para sa
bayan at sa kapwa niya na handang
tumulong na may bukal sa kalooban para
sa ikabubuti at ikauunlad ng lahat.
Magaling!

C.9. Paggamit
Dahil naintindihan niyo na ang ating paksa
sa araw na ito. Gusto kong gumawa kayo ng
isang balangkas.
Panuto: Kung susuriin mo ang iyong
pamilya, pamayanan, lipunan at daigdig na
kinabibilangan, may kakilala o personalidad ka
bang maihahalintulad kay Prometheus? Ilapat
sa sumusunod na balangkas kung sino ito at
ang mga katangian ng pagiging bayani na
taglay niya. Huwag lang masyadong habaan,
isulat lamang ang mga importanteng bagay.
Bibigyan ko kayo ng limang minuto sa
paggawa, pagkatapos ay basahin niyo ito sa
harap ng monitor. Bago ang lahat narito ang
mga pamantayan sa paggawa ng inyong
balangkas.

Rubric sa paggawa ng Balangkas

 Maorganisa ang mga ideya – 10%
 Ang impormasyon ay angkop para sa
paksa – 10%
 Makikita ang ugnayan sa isa’t-isa ng
mga ideya – 10%
Kabuuan – 30%

Umpisahan niyo na ang paggawa. (Kasalukuyang gumagawa).

K.10. Pagtataya/Ebalwasyon
Lubos akong nasisiyahan dahil ang
gaganda ng mga sagot ninyo, kung kaya ay
gusto kong sagutan ninyo ang mga sumusunod
na katanungan.

Panuto: Basahin ang mga pangungusap,

isulat ang letra ng wastong sagot.
1. Sino ang pangunahing tauhan sa kuwento?
a. Zeus c. Prometheus
b. Epimetheus d. Buwitre :C
2. Ano ang ninakaw ni Prometheus sa Olympus
para ibigay sa mga tao?
a. tubig c. haras
b. apoy d. kidlat :B
3. Anong pangalan sa hayop na tumuka ng
pauli-ulit kay Prometheus?
a. buwitra c. buwitre
b. bowitre d. buwitri :C
4. Ano ang kahulugan sa pangalang
Prometheus?
a. pag-unawa sa kinabukasan
b. pag-unawa sa sarili
c. pag-unawa sa mga tao
d. pag-unawa sa nakaraan :A
5. Ano ang ipinakitang ugali ni Zeus nang
humingi ng apoy si Prometheus?
a. mabait c. mapagbigay
b. makasarili d. makatao :B
6. Ano ang pinagkakaabalahang inumin at
kainin ng mga diyos?
a. nektar at ambrosia
b. nektar at ambrosa
c. nektar at amorosa
 d. nektar at ambros
7. Saang tuktok ng bundok naglakbay si :A
Prometheus?
a. Olymus c. Olympous
b. Olympos d. Olympus
8. Saang bundok itinali si Prometheus? :D
a. Bundok ng Olympus
b. Bundok ng Caucasos
c. Bundok ng Caocasus
d. Bundok ng Caucasus
9. Saang bahagi ng katawan tinuka si :B
Prometheus?
a. atay c. paa
b. tiyan d. puso
10. Ito ay nagsasaad ng kilos o galaw sa isang :A
pangungusap.
a. Pandiwa c. Pangngalan
b. Panghalip d. Pangatnig
:A
Magaling mga mag-aaral at nakakuha kayo
ng mataas na iskor sa ating pasulit.

IV. Kasunduan
Magsaliksik sa aklatan o sa Internet ng
isang halimbawa ng mitolohiya. Suriin ito batay
sa mga ibinigay na paraan at pamantayan ng
pagsulat. Magkaroon ng buod at gumawa ng
“audio record” at ipasa sa ating “gc” (group chat
sa messenger).

Ito lamang sa araw na ito mga mag-aaral

sana ay may napulot kayong aral at kaalaman
sa ating leksyon.

Laging tandaan: Mag-aral ng mabuti, dahil

ang taong may pinag-aralan ay hindi basta-
basta malalamangan. Alam kong mahirap mag-
aral, pero mas mahirap ang walang pinag-
aralan.

Paalam na mga mag-aaral? Paalam po Bb. Angeles!