Department of Education National Capital Region Schools Division Office of Quezon City
REPLEKSIYON SA IKALAWANG ARAW
Sa araw na ito inilahad ng tagapagsalita (GARY D. ASUNCION) ang
kaparaanan upang malinang ang kasanayan sa PAGKIKLINO ng mga salitang magkakasingkahulugan na nagpapahayag ng damdamin. Nararapat na bigyang diin sa pagsasagawa ng kasanayang ito ang antas o digri ng damdamin ng isang salita batay sa lawak at kahulugang nais ipahayag ng salita. Maaaring mapayaman ang kasanayang ito sa pamamagitan ng paggamit ng kahulugan mula sa diksyunaryo, pagkuha ng salitang ugat ng salita at ang paggamit ng hagdan bilang estratehiya sa pagtuturo ng kasanayan na ito.
Inilahad din ng tagapanayam ang malaking tulong ng INFOGRAPHICS
sa pagpapaunlad ng kasanayang ito. inisa-isa niya ang nararapat na taglay ng infographics bilang kagamitang pampagtuturo sa kasalukuyang Onlibe Distance Learning.
Inilahad naman ng ikalawang tagapagsalita ang mga dapat isaalang-
alang sa paghuhusga sa karakter ng isang akda batay sa kanyang katayuan at naging kilos sa akda. kailangang isagawa ang ganitong kasanayan sapagkat ito ay isang kaparaanan upang matiyak ng isang guro ang pag-unawa ng mga mag-aaral sa akdang kanyang tinalakay. Kinakailangan rin na malinang ang kasanayang ito sapagkat nararapat na mabatid ng mga mag-aaral ang naging kaasalan ng mga karakter sa akda ay nangyayari sa tunay na buhay.