AP-10

Republic of the Philippines

Department of Education
Region V
Schools Division of Sorsogon
Bulan National High School

AP 10 – LEARNING ACTIVITY
AP 7- LEARNING ACTIVITYSHEET
SHEET # Q1-
1 Lesson 7
Pangalan: ________________________ Antas/Seksiyon: 10-_______________ Petsa:__________
ARALIN 7 : CBDRRM PLAN
I.Kasanayang Pampagkatuto mula sa MELCs
Naisasagawa ang angkop na hakbang ng CBDRRM Plan (MELC 5)
II. Overview/Pangkalahatang Ideya
Sa kasalukuyan, ang National Disaster Coordinating Council (NDCC) ay kilala bilang National Disaster
Risk Reduction Management Council (NDRRMC) ng Pilipinas. Ito ay kasapi sa proyektong “Partnerships for
Disaster Reduction-Southeast Asia (PDR-SEA) Phase 4 (2008) na kung saan layunin ng programang ito na
maturuan ang mga lokal na pinuno sa pagbuo ng Community Based Disaster Risk Management Plan. Lubhang
napakahalaga ng proyektong ito sapagkat binibigyan nito ng sapat na kaalaman at hinahasa ang kakayahan ng mga
lokal na pinuno kung paano maisasama ang CBDRM Plan sa mga plano at programa ng lokal na pamahalaan.
III. Mga Gawain
Gawain 1. Basa-Suri
Panuto: Basahin ang teksto at sagutan ang pamprosesong tanong.
Ang CBDRMM Plan ay mayroong apat na yugto. Sa araling ito, tatalakayin at uunawain natin ang ang
iba’t ibang yugto nito. Sa unang yugto: Disaster Prevention and Mitigation, tinataya ang mga hazard at
kakayahan ng pamayanan sa pagharap sa iba’t ibang suliraning pangkapaligiran. Mula sa mga impormasyon na
nakuha sa pagtataya ay bubuo ng plano upang maging handa ang isang pamayanan sa panahon ng sakuna at
kalamidad. Isinasagawa ang Disaster Risk Assessment kung saan nakapaloob dito ang Hazard Assessment,
Vulnerability Assessment at Risk Assessment. Bahagi din nito ang dalawang uri ng Mitigation. Ang Structural
Mitigation at Non-Structural Mitigation. Ang Structural Mitigation, tumutukoy sa mga paghahahandang ginagawa
sa pisikal na kaanyuan ng isang komunidad upang ito ay maging matatag sa panahon ng pagtama ng hazard. Ilan sa
mga halimbawa nito ay ang pagpapagawa ng dike upang mapigilan ang pagbaha, paglalagay ng sandbags,
pagpapatayo ng flood gates, pagpapatayo ng earthquake-proof buildings at pagsisiguro na may fire exit ang mga
ipinapatayong gusali. Ang Non-Structural Mitigation naman ay tumutukoy sa mga ginagawang plano at
paghahanda ng pamahalaan upang maging ligtas ang komunidad sa panahon ng pagtama ng hazard. Ilan sa mga
halimbawa nito ay ang pagbuo ng disaster management plan, pagkontrol sa kakapalan ng populasyon at paggawa
ng ordinansa at batas.
Mayroon ding mga anunsyo sa radyo, sa mga pahayagan at maging sa ating pamayanan tungkol sa mga
gagawin natin kung sakaling tayo ay makararanas ng iba’t ibang kalamidad. Ito ay ilan lamang sa mga gawaing
nakapaloob sa ikalawang yugto ng DRRM Plan na tinatawag na Disaster Preparedness. Ito ay tumutukoy sa mga
hakbang o dapat gawin bago at sa panahon ng pagtama ng kalamidad, sakuna o hazard. Mahalagang malaman ng
mga miyembro ng pamilya, ng mga mamamayan sa komunidad at maging ng mga kawani ng pamahalaan ang mga
dapat gawin sa panahon ng sakuna o kalamidad. Dapat ding maliwanag sa bawat sektor ng lipunan ang kanilang
gagawin upang magkaroon ng koordinasyon at maiwasan ang pagkalito at pagkaantala na maaari pang magdulot ng
dagdag na pinsala o pagkawala ng buhay.
Ang ikatlong yugto ay tinatawag na Disaster Response. Sa pagkakataong ito ay tinataya kung gaano
kalawak ang pinsalang dulot ng isang kalamidad. Mahalaga ang impormasyong makukuha mula sa gawaing ito
dahil magsisilbi itong batayan upang maging epektibo ang pagtugon sa mga pangangailangan ng isang pamayanan
na nakaranas ng kalamidad. Nakapaloob sa Disaster Response ang tatlong uri ng pagtataya: ang Needs Assessment,
Damage Assessment, at Loss Assessment.
Ang ikaapat na yugto ay Disaster Rehabilitation and Recovery. Tinatawag din ang yugto na ito na
Rehabilitation. Sa yugtong ito ang mga hakbang at gawain ay nakatuon sa pagsasaayos ng mga nasirang pasilidad
at istruktura at mga naantalang pangunahing serbisyo upang manumbalik sa dating kaayusan at normal na daloy
ang pamumuhay ng isang nasalantang komunidad. Halimbawa nito ay ang pagpapanumbalik ng sistema ng
komunikasyon at transportasyon, suplay ng tubig at kuryente, pagkukumpuni ng bahay, sapat na suplay ng pagkain,
damit, at gamot. Kabilang din dito ang pagbabantay sa presyo ng mga pangunahing bilihin at pagkakaloob ng
psychosocial services upang madaling malampasan ng mga biktima ang kanilang dinanas na trahedya.
Pamprosesong Tanong:
1. Ano-ano ang mga hakbang sa bawat yugto ng CBDRRM Plan?
2. Sa palagay mo matagumpay ang mga hakbang na ito kung walang pagtutulungan at pakikiisa ng
komunidad? Ipaliwanag

Gawain 2: Let’s Act, Now Na!

1|Page
 Panuto: Makibahagi sa inyong barangay o pook o kaya magsaliksik tungkol dito sa INTERNET.
Magsagawa ng Vulnerability at Capacity Assessment sa inyong lugar gamit ang sumusunod na format.
Mahalagang isaisip at isabuhay ang health protocols na mahigpit na ipinapatupad sa isang pamayanan.
VULNERABILITY ASSESSMENT CHART
Lugar: Uri ng Hazard:

Elements at Risk: Dahilan:

People at Risk:

Location of People at risk:

CAPACITY ASSESSMENT CHART

Lugar:
A. Kagamitan

B. Human Resource

C. Transportasyon at Komunikasyon

Gawain 3: I-Tsart Mo!!!

Basahing mabuti ang mga konsepto o sitwasyon na nasa loob ng kahon. Isulat sa tsart
ang titik ng tamang sagot.
A. Pagguho ng mga gusali sa paaralan E. Pansamantalang walang pasok sa
B. Pagkain eskwela
C. Pagkamatay ng mga hayop F. Kawalan ng maayos na daloy ng
D. Tubig komunikasyon
G. Pagguho ng bahay

Needs Assessment Damage Assessment Loss Assessment

1. 3. 5.
2. 6.
4.

PARA SA PERFORMANCE TASK

Gawain 3: HANDA ANG MAY ALAM!
Panuto – Pumili ng isang uri ng hazard o kalamidad. Gumawa ng POSTER AD (ito ay pinagsamang
poster at advertisement) gamit ang isang “bond paper” na nagpapakita ng sumusunod:
1. Impormasyon tungkol sa katangian at kahulugan ng disaster
2. Mga sanhi at epekto nito
3. Mga dapat gawin bago, habang, at pagkatapos ng disaster
4. Mga gamit na dapat ihanda upang maging ligtas kapag naranasan ang disaster
5. Mga opisyales, kawani ng pamahalaan o NGOs na maaaring hingan ng tulong

IV. Rubrik sa Pagpupuntos

Gawain 2: Let’s Act, Now Na!
Rubrik sa Pagmamarka ng Vulnerability at Capacity Assessment Chart
Pamantayan Deskripsyon Puntos
Nilalaman Wasto ang nilalaman. Gumamit ng napapanahong datos. Nailahad ang hinihinging
2|Page
 impormasyon sa tsart. 3
Pagsusuri Naipahayag ang pagsusuri sa dahilan gamit ang napapanahong datos 3
Presentasyon Malikhain at organisado ang paglalahad ng ideya sa tsart. 4
Kabuuan 10
Gawain 3: HANDA ANG MAY ALAM!
Rubrik sa Pagmamarka ng Poster Ad
Pamantayan Deskripsyon Puntos
Nilalaman Wasto at makatotohanan ang mga impormasyon. Nakatulong upang maging handa ang
mga mamamayan sa panahon ng kalamidad. 3
Kaangkupan Madaling maunawaan ang ginamit na salita, mga larawan, at simbolo sa ginawang poster
ad. Madali ring maunawaan ang ginamit na lenggwahe. 3
Pagkamalikhain Nakapupukaw ng atensyon ang ginawang poster ad dahil sa ginamit na mga larawan at
salita na nakahikayat sa mga mamamayan upang ito ay bigyan ng pansin. 4
Kabuuan 10
V. SUSI SA PAGWAWASTO
Gawain 1 – 2 : Gawing gabay sa pagmamarka ang Rubrik.
(Ang sagot ay depende sa nakuhang datos ng mag-aaral)
Gawain 3:

Needs Assessment Damage Assessment Loss Assessment

1.B 3.A 5.C

4.G 6.E/F
2.D

VI. Sanggunian
 LM. AP 10: Mga Hamon sa Kontemporaryong Isyu; pahina 97-12
 Araling Panlipunan 10, Learners Material, pah. 121- 135
 Araling Panlipunan 10, Alternative Delivery Mode, Unang Markahan, Modyul 8:Disaster Rehabilitation and Recovery
 Araling Panlipunan 10, Unang Markahan, Modyul 5: Mga Hakbang sa Pagbuo ng Community-Based Disaster Risk
Reduction and Management Plan
 May-akda SLP REVA L. ESCOREL, Bagahanglad National High school Masbate Province Division
 May-akda -SLP MARICRIS V. DILAO SAN JACINTO NATIONAL HIGH SCHOOL Masbate Province Division

GRADE 10 AP TEACHERS

JOSELITO G. GIDOC ( A – B – 3 – 12 –15 )

TRITANY G. GURAY ( 1 – 2 – 4 – 5 – 14 )
GERALDINE GLIPONEO ( 6 – 7 – 8 – 9 – 13 )
RANILO V. FORESCAL ( 10 – 11 )
Noted by:
Napoleon M. Dominguez

3|Page