Republika ng Pilipinas

KAGAWARAN NG EDUKASYON
Rehiyon I
Sangay ng Ilocos Sur

SARILING
LINANGAN KIT SA
FILIPINO
7

Kuwarter : 1
MELC Blg. : 2
PAMAGAT NG ARALIN:
PANGATNIG NA PANLINAW

MELC:Nagagamit nang wasto ang mga pahayag sa pagbibigay ng

mga patunay. F7WG-Ia-b-1

1
Filipino – Ikapitong Baitang
Sariling Linangan Kit (SLK)
Unang Markahan – MELC Blg. 2 – Pangatnig na Panlinaw
Ikalawang Edisyon, 2021

Isinasaad sa Batas Republika 8293, Seksiyon 176 na: Hindi maaaring

magkaroon ng karapatang-sipi sa anumang akda ang Pamahalaan ng Pilipinas.
Gayunpaman, kailangan muna ang pahintulot ng ahensiya o tanggapan ng
pamahalaan na naghanda ng akda kung ito ay pagkakakitaan. Kabilang sa mga
maaaring gawin ng nasabing ahensiya o tanggapan ay ang pagtakda ng kaukulang
bayad.
Ang mga akda (kuwento, seleksiyon, tula, awit, larawan, ngalan ng produkto o
brand name, tatak o trademark, palabas sa telebisiyon, pelikula, atbp.) na ginamit sa
SLK na ito ay nagtataglay ng karapatang-ari ng mga iyon. Pinagsumikapang
matunton ang mga ito upang makuha ang pahintulot sa paggamit ng materyales.
Hindi inaangkin ng mga tagapaglathala at mga may-akda ang karapatang-aring iyon.
Ang anumang gamit maliban sa SLK na ito ay kinakailangan ng pahintulot mula sa
mga orihinal na may-akda ng mga ito.
Walang anumang parte ng materyales na ito ang maaaring kopyahin o ilimbag
sa anumang paraan nang walang pahintulot sa Kagawaran ng Edukasyon, Sangay
ng Ilocos Sur.

Inilathala ng Kagawaran ng Edukasyon, Sangay ng Ilocos Sur

Bumubuo sa Pagsulat ng SLK

Manunulat: Rachel Ann G. Abella, Sinait National High School
Mga Editor/Tagasuri: Maricel L. Acosta, Virginia B. Soberano, Francisco D. Arceo Jr.
Tagaguhit ng Larawan sa Paunang Pahina: Cheryl C. Cantil

Tagaguhit:

Tagapamahala: Jorge M. Reinante, CSEE, CEO VI, CESO V

Pansangay na Tagapamanihala ng mga Paaralan
Nestor C. Heraña, CESO VI
Pansangay na Kawaksing Tagapamanihala ng mga Paaralan
Maria Salome R. Abero, EdD., Punong Superbisor ng Edukasyon,
Sangay sa Implementasyon ng Kurikulum
Maria Teresita R. Gapate, EdD.
Superbisor ng Programang Pang-edukasyon, Filipino at MTB-MLE

Inilimbag sa Pilipinas ng: Kagawaran ng Edukasyon – Rehiyon I – Sangay ng Ilocos Sur

Office Address: Quirino Boulevard, Zone V, Bantay, 2727 Ilocos Sur
Telephone No.: (077) 722-2055
Telefax: : (077) 722-7400
Website: www.depedilocossur.info

KUWARTER 1

2
 SARILING LINANGAN KIT
2
MELC #

TUNGKOL SA SARILING LINANGAN KIT

Ang edukasyon ay para sa lahat at ito ang isa sa pinakamahalagang bagay

na kailangang makamit ng bawat indibidwal, bata man o matanda.
Sa kasalukuyan, kinakaharap natin ang pandemya dulot ng Covid-19. Malaki
ang naging epekto nito lalo na sa edukasyon. Kasabay ng pagbabago ng
panahon ay ang pagbabago rin ng sistema ng edukasyon.
Ang Sariling Linangang Kit ay isang makabagong pandagdag na kagamitan
ng mga mag-aaral sa kasalukuyang panahon na tinatawag na “New Normal o
Bagong Normal.
Ang Sariling Linangan Kit (SLK) na ito ay inihanda para sa iyo. Ito’y inihanda
upang pag-aralan mo ang mga uri ng pangatnig lalong lalo na pangatnig na
panlinaw. Ang SLK na ito ay naglalaman ng talakayan, pagsasanay at ipagsubok
upang palawakin at pagyamanin ang iyong kaisipan at kaalaman tungkol sa
paksa. Ito ay makakatulong sa iyo sa mabisang komunikasyon at malinang ang
kasanayang pang-wika na magiging isa sa mga instrumento at sandata ng
pagkatuto sa mga susunod pang mga aralin.
Laging tandaan na panatilihing malinis at maayos ang SLK na ito.

KASANAYANG PAMPAGKATUTO

F7WG-Ia-b-1
Nagagamit nang wasto ang mga pahayag sa pagbibigay
ng mga patunay.

Pagkatapos ng aralin, ang mga mag-aaral ay inaasahang:

1. Nagagamit nang tama ang mga pangatnig na panlinaw.
2. Napipili ang angkop na pangatnig na panlinaw sa mga
pangungusap
3. Nakabubuo ng isang sanaysay na ginagamitan ng mga
pangatnig na panlinaw.

PAGTALAKAY SA ARALIN
3
 MOTIBASYON Bago mo lakbayin ang SLK na ito. Panahon na upang
tuklasin natin kung gaano kalawak ang iyong kaalaman at
pag-unawa sa SLK na ito sa pamamagitan ng pagbabasa sa
maikling kwentong naihanda para sa iyo at pagsagot sa mga
katangungan sa susunod na pahina.

(Kuha ang mga larawan kay Ma.

Camille Panghulan sa Youtube)

Sagutin ang mga nakalaang katanungan ukol sa maikling kwentong binasa.Isulat sa

kuwaderno ang sagot.

1. Ilarawan si Ted.
__________________________________________________________
2. Sino ang kasama ni Wonderpangatnig sa pagtulong kay Ted?
__________________________________________________________
3. Bakit tinulungan ni Wonderpangatnig si Ted?
__________________________________________________________
4. Ano –ano ang naging bunga ng pagtulong ni Wonderpangatnig kay Ted?

4
 __________________________________________________________
5. Nagpasalamat ba s i Ted kay Wonderpangatnig?
__________________________________________________________

MAIKLING PAGTALAKAY

Natuwa ka ba sa kwento ni Ted?

Dito mo makikita na mahalaga ang pakikipag-ugnayan sa mga
tao sa inyong paligid. Maihahayag mo rin sa kanila ang anumang
nais mong iparating sa pamamagitan ng pakikipag-usap, ibig
sabihin magiging mabisa ang komunikasyon mo sa tao.
Sa araling ito, pag-uusapan natin ang isa sa mga uri ng bahagi
ng mga pananalita, ang pangatnig, partikular na ang isang uri nito
na pangatnig na panlinaw. Isa ito sa mga magiging katulong mo
sa pakikipagkomunikasyon sa tao.

Mahalaga na sa murang edad mo ay naiintindihan at nagagamit ang wikang Filipino.

Kaya naman kailangan ang patuloy na paglinang sa kakayahan mo na magamit ito araw-
araw sa iyong pamumuhay. Sa pag-aaral ng Filipino, hindi sapat na matukoy mo ang mga
bahagi ng pananalita. Sa halip, mas magiging makabuluhan kung gagamitin mo rin ito sa
iyong pakikipagtalastasan.
Sa pakikipagtalastasan, mahalaga ang gamit ng pangatnig upang mas madaling
magkaintindihan. Kung wala ang pangatnig, hindi maisasaayos ang pangungusap.
Nakatutulong ang pangatnig upang pag-ugna-ugnaying ang mga pangungusap.
Ang pangatnig ay mga kataga o lipon ng mga salita at kataga na ginagamit sa pag-
uugnay ng isang salita sa kapwa salita, ng isang parirala sa kapwa parirala, o isang
pangungusap sa kapwa pangungusap.

5
 Sa balarilang Filipino, may pitong uri ang pangatnig. Ito ay maaring magbukod
(katulad ng "o," "ni" at "maging"), manalungat (katulad ng "ngunit," "habang" at "bagamat"),
manubali (katulad ng "kapag" at "sana"), magbigay halintulad (katulad ng "kung saan" at
"gayon din"), magbigay sanhi (katulad ng "sapagkat" at "dahil") ,magbigay ng pagtatapos
(katulad ng "sa wakas" at "upang").

At ang panghuling uri ay maglinaw o pangatnig na panlinaw kung saan dito tayo
magpopokus sa araling ito.

Ang pangatnig na panlinaw ay ginagamit sa pangungusap upang lalong bigyang

linaw ang mga nasabi na. Ito ay nagpapatibay ng mga ideya sa pangungusap.
Ang mga sumusunod ay mga katagang nasa pangatnig na panlinaw.
.*kung gayon
*sa madaling sabi
*kaya naman
*kaya
*samakatuwid 
*kung kaya
*sa halip
*anupa't
* kung
Halaw mula sa https://tl.wikipedia.org/wiki/Pangatnig

MGA HALIMBAWA

Narito ang mga ilang halimbawa ng mga pangungusap gamit

ang pangatnig na panlinaw. Inihanda ito upang lalo mong
maintindihan ang paksa.

1. kung gayon

Nagkasundo na ang mag-asawa, kung gayon magsasama na silang

muli.

6
 Nag-away ang magkaibigang Ana at Belen, kung gayon sila ay hindi na
nagpapansinan.
2. *sa madaling sabi

Ang nanay mo at ang nanay ko ay magkapatid, sa madaling sabi, tayo

ay magpinsan.

3. *kaya

Hindi na niya ginagastos ang pera niya sa alak kaya naniniwala sila na
tanda na ito ng kaniyang pagbabago.
Wala akong masakyang dyip, kaya naglakad na lamang ako pauwi.

4. *kaya naman

Parami nang parami ang mga kaso ng Covid19 sa ating bansa kaya
naman tudo ang pag-iingat ng mga tao sa paghawan sa sakit.

5. *samakatuwid

Ginto ang panahon, samakatuwid ito’y di dapat sayangin.

Masaya ako na kasama ko sila palagi samakatuwid parte na sila ng
buhay ko.

6. *kung kaya

Nag-usap na kami sa barangay kasama ang aming kapitan kung kaya

ang kasong ito ay tapos na.

7. *sa halip

Huwag mong dibdibin ang sinasabi ng ibang tao sa iyo sa halip gawin
mo itong inspirasyon.

8. *anupa’t

Huwag tayong mawalan ng pag-asa sa gitna ng pandemikong ito

anupa’t matatapos din ito.

9. *kung

Hindi sana kumalat ang virus kung sumunod lamang sa protocol.

7
 PAGSASANAY

Inaasahan kong naunawaan mo ang ating aralin. Kung

kaya’t nais kong sagutin mo ang mga aktibiti na nailaan para sa
iyo. Galingan Mo!

PAGSASANAY I
Panuto: Piliin sa kahon ang angkop na pangatnig na panlinaw sa mga pahayag.
Gumamit ng kuwaderno sa pagsagot.

sa halip kung kaya

sa madaling sabi kung
samatuwid kung ganon

1. Malaki ang gampanin ngayon ng mga nagtatrabaho sa sangay ng kalusugan

__________ bigyan dapat sila ng kaukulang sweldo.

2. Bawal lumabas ng bahay ang may gulang 21 pababa at 60 pataas ngayong

kinakaharap natin ang pandemya __________ kailangan nating sundin ito
upang maiwasan ang sakit na Covid-19.

3. Maraming naglilipana na online sellers ngayon kaya babala ng Bureau of

Internal Revenue (BIR) kinakailangan na rin silang magbayad ng buwis
__________ umaabot sa 250,000 ang kita nila sa loob ng isang taon.

4. Hindi sapat ang kinikita ni Aling Marta sa kanyang labada __________ sila ay
hirap ngayon sa buhay.

5. Binigyan ako ni Papa ng pera ngunit pinagalitan ako dahil ipinambili ko ito ng
sigarilyo __________ na pagkain.

PAGSASANAY II
Panuto: Dugtungan ang mga parirala/pangungusap sa ibaba sa pamamagitan ng
paggamit ng mga pangatnig na panlinaw. Isulat ang sagot sa kuwaderno.
1. Si Subekat ay hindi marunong sumunod sa tuntunin...(sa madaling sabi)
_______________________.
2. Inatasan sila ni Abed na magdala ng batong tamang-tama lang sa kanila na
buhatin... (sa halip) _________________________________.

8
 3. Walang mapapahamak kung marunong sumunod, (kung)...
________________________.
4. Napagod sila sa walang humpay na paglalakbay, (kung gayon)…
___________________________
5. Kulang ang tauhan ni Abed sa pagdarasal, (sa madaling sabi)...
_____________________________.

PAGSASANAY III
Panuto: Bumuo ng sariling pangungusap na ginagamitan ng mga sumusunod na
pangatnig na panlinaw. Gumamit ng kuwaderno sa pagsagot.
1. anupa’t
2. kaya
3. sa madaling sabi
4. kung ganon
5. sa halip

PAGLALAGOM

Tandaan:
Mahalaga ang paggamit ng angkop na pangatnig sa
ating pakikipagkomunikasyon at dito mo maipamamalas ang
iyong kakayahang komunikatibo.

9
 APLIKASYON

Sumulat ng isang sanaysay tungkol sa pandemyang

kinakaharap natin ngayon. Salungguhitan ang mga nagamit na
pangatnig na panlinaw. Nasa ibaba ang basehan kung paano
mabibigyang grado sa ginawang awtput. Ilagay sa kuwaderno
ang iyong sagot.

10
 Rubrik sa Pagsulat ng Sanaysay

Kategorya Higit na Nakamit ang Bahagyang Hindi Nakamit Walang Iskor

Inaasahan Inaasahan Nakamit ang ang Inaasahan Napatunayan
(5) (4) Inaasahan (2) (1)
(3)
Gamit Walang Halos walang Maraming Napakarami at *Hindi nakita
pagkakamali sa pagkakamali sa pagkakamali sa nakagugulo ang sa ginawang
estruktura ng mga estruktura ng estruktura ng pagkakamali sa sanaysay.
pangungusap at mga mga estruktura ng
gamit ng mga pangungusap pangungusap at mga
salita. at gamit ng gamit ng mga pangungusap at
Gumamit ng mga salita. salita. gamit ng mga
7pataas na Gumamit ng 5- Gumamit ng 3-4 salita.
pangatnig na 6 na pangatnig na pangatnig na Gumamit ng 1-2
panlinaw. na panlinaw. panlinaw. pangatnig na
panlinaw.
Introduksyon Nakapanghihikayat Nakalahad sa Nakalahad sa Hindi malinaw
ang introduksyon. introduksyon introduksyon ang
Malinaw na ang ang introduksyon at
nakalahad ang pangunahing pangunahing ang
pangunahing paksa paksa gayundin paksa subalit pangunahing
gayundin ang ang panlahat hindi sapat ang paksa. Hindi rin
panlahat na na pagtanaw pagpapaliwanag nakalahad ang
pagtanaw ukol dito. ukol dito. ukol dito. panlahat na
pagpapaliwanag
ukol dito.
Diskusyon Makabuluhan ang Bawat talata ay May kakulangan Hindi nadebelop *
bawat talata dahil may sapat na sa detalye ang mga
sa husay na detalye pangunahing
pagpapaliwanag at ideya
pagtalakay tungkol
sa paksa.
Organisasyon Lohikal at mahusay Naipakita ang Lohikal ang Walang patunay *
ng mga Ideya ang debelopment pagkakaayos ng na organisado
pagkakasunud- ng mga talata mga talata ang
sunod ng mga subalit hindi subalit ang mga pagkakalahad
ideya; gumamit din makinis ang ideya ay hindi ng sanaysay.
ng mga pagkakalahad ganap na
transisyunal na nadebelop.
pantulong tungo sa
kalinawan ng mga
ideya.
Konklusyon Nakapanghahamon Naipakikita ang Hindi ganap na May kakulangan *
ang konklusyon at pangkalahatang naipakita ang at walang pokus
naipapakita ang palagay o pangkalahatang ang konklusyon
pangkalahatang pasya tungkol palagay o pasya
palagay o paksa sa paksa batay tungkol sa
batay sa katibayan sa mga paksa batay sa
at mga katwirang katibayan at mga katibayan
inisa-isa sa mga katwirang at mga
bahaging gitna. inisa-isa sa katwirang inisa-
bahaging gitna. isa sa bahaging
gitna.
Mekaniks Walang Halos walang Maraming Napakarami at
pagkakamali sa pagkakamali sa pagkakamali sa nakagugulo ang
mga bantas, mga bantas, mga bantas, mga
kapitalisasyon at kapitalisasyon kapitalisasyon at pagkakamali sa
pagbabaybay. at pagbabaybay. mga bantas,
pagbabaybay. kapitalisasyon at
pagbabaybay.
Kabuuan

11
 PAGTATAYA

PAGTATAYA I
Panuto: Tama o Mali. Isulat ang TAMA kung ang pahayag ay nagsasaad
ng katotohanan at MALI naman kung ito ay nagsasaad ng
kasinungalingan. Ilagay sa kuwaderno ang sagot.

______ 1. Ang pangatnig mga kataga o lipon ng mga salita at kataga na

ginagamit sa pag-uugnay ng isang salita sa kapwa salita, ng isang
parirala sa kapwa parirala, o isang pangungusap sa kapwa
pangungusap.

______ 2. Mayroong tatlong uri ng pangatnig, ang panlinaw, pamukod at

panubali.

______ 3. Mahalaga ang paggamit ng pangatnig sa mga pangungusap upang

mas mapadali at maunawan ang pakikipagkomunikasyon.

______ 4. Ang pangatnig na panlinaw ay ginagamit sa pangungusap upang

lalong bigyang linaw ang mga nasabi na. Ito ay nagpapatibay ng
mga ideya sa pangungusap,halimbawa nito ay “o” , “ni” , “ ngunit”
at “habang”.
______5. Kung wala ang pangatnig, hindi maisasaayos ang mga
pangungusap.

PAGTATAYA II
Panuto: Hanapin at isulat sa iyong kuwaderno ang mga nagamit na
pangatnig na panlinaw sa maikling kwento sa ibaba.

Ang Hinaing ng isang OFW

Hating gabi na noong ako’y matulog sa kadahilanang nag-abang ako ng

mensahe galing sa aking pinakamamahal na asawa.
Ako si Joseph, isang OFW dito sa Saudi. Mayroon akong isang anak kay
Rosemarie at isa naman sa nauna kong asawa. Kapwa sila taga Davao.

12
 Ngayong may pandemiang nagaganap sa ating mundo. Hindi ko maiwasang
mag-alala dahil hindi na ako nakakapagpadala ng pera sa Pilipinas.
Labis kong ikinalulungkot na di ko masabing wala na akong trabaho dito.
Nagbawas ang kompanya ng mga empleyadong dayuhan, samakatuwid isa na ako
doon.
Tatlong buwan na akong tambay kaya wala na kaming makain at pambayad sa
renta ng bahay.
Araw-araw, kung wala ang mga pulis na nagbabantay sa tapat, lumalabas kami
at namumulot ng basura na maaaring pagkakitaan. Minsan naman kung may
nakikita kaming pagkain sa basurahan ay kinukuha namin ito at inuuuwi.
Nanamnamin kung maaari pang kainin.
Mahirap ang maging isang OFW lalo na sa panahong ito. Walang kadamay
walang makakasama, wala kang sandigan at kalaban mo ang lungkot. Ngunit kahit
na ganito ang nagyayari sa amin dito sa Saudi ay hindi kami nawawalan ng pag-asa.
Pilit kaming bumabangon, pilit naming maghanap-buhay sa halip na magmukmuok
at magutom lamang sa bahay.
Payo ko sa mga naiwang pamilya sa Pilipinas. Alam kong lahat tayo ay
apektado sa pandemyang dulot ng Covid-19 kung gayon masuwerte pa rin kayo
dahil marami kayong matatakbuhan sa oras na ito. Manalangin lang tayo sa Poong
Maykapal anupa’t mawawala rin ang sakit na nagpapahirap sa ating mundo.
Sariling likha ng manunulat

PAGTATAYA III
Panuto: Bumuo ng isa o dalawang pangungusap kaugnay sa mga
larawan. Gumamit ng panghalip na panlinaw. Isulat sa
kuwaderno ang sagot.
A.

13
 1.______________________________________
_______________________________________

2.______________________________________
________________________________________

B.

1.______________________________
________________________________

2.______________________________
________________________________

C.

14
 1.______________________________
________________________________

2.______________________________
________________________________

SANGGUNIAN

https://www.google.com/search?
q=nurse+during+covid+phils+with+patients&tbm=isch&ved=2ahUKEwiQ5KD9gu
HqAhUGa5QKHWtDAz4Q2-
cCegQIABAA&oq=nurse+during+covid+phils+with+patients&gs_lcp=CgNpbWcQ
A1Dqe1jIlgFgopkBaABwAHgAgAGfAYgBlQ-
SAQQwLjE0mAEAoAEBqgELZ3dzLXdpei1pbWfAAQE&sclient=img&ei=40YYX9
DmC4bW0QTrho3wAw&bih=657&biw=1366 (pahina 12)

https://www.academia.edu/37468332/Banghay_Aralin_sa_Filipino_angela (pahina 4)

https://www.google.com/search?
q=face+to+face+learning+covid+with+mask&tbm=isch&ved=2ahUKEwj3qOWD-
NvqAhU2zYsBHf8WC4AQ2-
cCegQIABAA&oq=face+to+face+learning+covid+with+mask&gs_lcp=CgNpbWc
QAzoECAAQE1DDZ1iIjgFgqZABaAFwAHgAgAHDAYgBwg2SAQQwLjExmAEA
oAEBqgELZ3dzLXdpei1pbWfAAQE&sclient=img&ei=UZwVX7e8Gbaar7wP_62s
gAg&bih=657&biw=1366#imgrc=FxKrJqbXmkeBpM (pahina 13)

https://brainly.ph/question/573781 (pahina 6)

https://filipinojournal.com/gaano-nga-ba-kahalaga-ang-tamang-paggamit-ng-wika/
(pahina 4)

http://khimpadilla.blogspot.com/2014/09/rubrik-sa-pagsulat-ng-sanaysay.html
(pahina 10)

15
https://rexinteractive.com/UserFiles/IM/Pointers-Filipino-2/Supplemental%20Filipino
%20High%20School%20Grade%207%20Q1.pdf (pahina 7-8)

https://tl.wikipedia.org/wiki/Pangatnig (pahina 4-5)

https://www.slideshare.net/midnight-jassy/pangatnig-38332631 (pahina 4)

https://www.youtube.com/watch?v=Sg_mMgX81IM&feature=youtu.be&fbclid=IwAR1
ZzCWg9u-VYisOPfyKbD39SpVQKyoL5uZQkA81RZqC41J-sZ1sK1Hn2KI
(pahina 3)

https://www.google.com/search?
q=abc+cnb+franchise&tbm=isch&ved=2ahUKEwi4t872l-
DqAhXwGKYKHVX9D1wQ2-
cCegQIABAA&oq=abc+cnb+franchise&gs_lcp=CgNpbWcQAzoECCMQJ1Ccgw
FY2KYBYNmoAWgAcAB4AYABjQWIAeEbkgEMMC4xMy4xLjIuMC4xmAEAoAE
BqgELZ3dzLXdpei1pbWfAAQE&sclient=img&ei=otYXX7jeKPCxmAXV-
r_gBQ&bih=657&biw=1366#imgrc=xPsoWIgOcJ8VMM&imgdii=p5846_KnjI_gX
M (pahina 13)

16
 MGA SAGOT

Motibasyon
1. mahiyain at walang masyadong kaibigan.
2. si Linda
3. dahil ayaw niyang makakita ng mga taong walang ugnayan sa isa’t isa
4. madalas nang makipag-ugnayan sa tao, gumaan ang pakiramdam at naipapahayag
na ang kanyang sarili sa iba.
5. Oo
Pagsasanay I Pagsasanay II (mga posibleng sagot)
1. kung ganon 1. siya ay pasaway
2. samakatuwid 2. magdala ng mabigat na bato
3. kung 3.maging masunurin tayo
4. kung kaya 4.sila ay nagpahinga muna
5. sa halip 5. siya ay nagalit
Pagsasanay III
(Mga posibleng sagot)
1. Huwag mong pansinin ang mga taong naninira sa iyo, anupa’t titigil din sila.
2. Biglang lumakas ang ulan kaya hindi sila pumunta sa bayan.
3. Ang mga mag-aaral ay magulo sa loob ng klase, sa madaling sabi wala ang
kanilang guro.
4. Ninanakaw niya ang wallet ni Aling Rita kung ganon nararapat lamang na
magbayad siya sa batas.
5. Bawal mag-ingay sa klase sa halip ay manahimik.
Pagtataya I Pagtataya II
1. Tama samakatuwid
2. Mali kung
3. Tama sa halip
4. Mali kung gayon
5. Tama anupa’t
Pagtataya III
.A. 1. Mabigat ang responsibilidad ng mga nars at doctor kung gayon nararapat lamang
silang ituring na mga bagong bayani.
2. Wala sanang nars at doctor na nangingibang-bansa kung malaki ang sahod nila rito sa
Pilipinas.
(posibleng sagot) Ang B at C ay nakadepende ang sariling gawa ng mga mag-aaral.
Bahala na ang guro sa pagwawasto nito.

17