Professional Documents
Culture Documents
Ang teksto, na pinamagatang “Tanggal Wika: Ang Pagkitil sa Wikang Filipino”, ay akdang
isinulat ni Polynne Dira, isang manunulat at punong patnugot ng Philippine Collegian, ang opisyal na
pahayagan ng Unibersidad ng Pilipinas. Nilalayon ng akdang ito na magkaroon ng kamalayan ang mga
mambabasa ukol sa kalagayan ng Filipino ngayon, lalo na’t isinusulong ang pagtanggal nito bilang
asignatura sa kolehiyo. Higit pa, hinihimok ng may-akda ng teksto na ipaglaban ang Filipino, isulong
ang paggamit nito sa iba’t ibang konteksto at tuluyan itong aralin bilang asignatura sa kolehiyo.
Ang akda ay isang halimbawa ng sulating editoryal o opinyon, na kung saa’y ipinapahayag ng
mga patnugot ang kanilang mga saloobin ukol sa iba’t ibang panlipunang isyu at mga paksa ng interes.
Huli ay ang ‘Paglaban’, na kung saa’y naipapahiwatig ang paggamit sa Filipino bilang daluyan
ng radikal na ideya, malawakang pagbabago, at ng mga adbokasiya. Sa paggamit ng Ingles, nage-
gatekeep ang masa sa mayamang impormasyon at kaalaman, kung kaya’t ito’y nakakamit lamang ng
iilan na nakatataas sa sosyal na hirarkiya. Bukod rito, nilalaman ng ‘Paglaban’ ang paghimok sa mga
nakababasa: ipaglaban ang wikang Filipino.
Mga Katanungan
1. Ano ang mahahalagang detalyeng nakapaloob sa sulatin? Ipaliwanag.
2. Ano-ano ang mga ginamit na batis ng impormasyon sa akda? Isa-isahin at ipaliwanag kung
paano nito binigyang katuwiran ang salaysay.
Hindi sapat ang pag-tanghal sa wikang Filipino bilang wikang pambansa lamang sa
ngalan, habang ito’y tuluyang kinakalimutan bilang pagpabor sa mga iba’t ibang wikang
banyaga. Sa kasalukuyan, nakikita natin ang patuloy na pagbaba sa kalidad ng katatasan ng
mga makabagong henerasyon sa paggamit ng wikang Filipino, lalo na sa panahon ng
globalisasyon at malawakang paggamit ng social media.
Hanggang kailan ba uunahin ng mga nakatataas ang dayuhang impluwensya kaysa sa sariling
wika? Ang pag-iisip na ito ang tuluyang kumikitil sa paghubog ng diwang nasyonalismo, kung
kaya’t kulang sa lalim ng kaunawaan ang nakararami kung ano pa nga ba ang kahulugan ng
pagiging Pilipino at ang kabuluhan ng wikang Filipino. Kinakailangan na ipaunawa sa
nakatataas na hindi kinakailangang ikompromisa ang ating mayamang tradisyon, kultura at
wika upang mabigyang-daan ang progreso at pag-unlad. Kinakailangan ang seryoso at
atentibong pagpapalalim sa kaalaman sa paggamit ng Filipino sa iba’t ibang konteksto, at
kinakailangang malaman ng lipunan na ang Filipino ang tunay na daluyan ng progreso at
pagbabago.