Professional Documents
Culture Documents
SG FPL 11 12 Q2 1302 Mga Bahagi NG Agenda 1
SG FPL 11 12 Q2 1302 Mga Bahagi NG Agenda 1
Yunit 13: Pagsulat ng Agenda
Aralin 2: Mga Bahagi ng Agenda
Nilalaman
Pansinin 1
Panimula 1
Mga Layunin 2
Tuklasin 2
Alamin 4
Mga Bahagi ng Agenda 5
Palawakin 8
Gawain 1 8
Gawain 2 9
Suriin 10
Paglalahat 14
Bibliograpiya 15
Yunit 13.2: Mga Bahagi ng Agenda
Pansinin
Panimula
Lar. 1. Isang lupon na bumubuo ng isang puzzle.
Bawat sulatin ay nagtataglay ng mahahalagang bahagi. Maikukumpara ito sa pagbuo ng
puzzle na nangangailangan ng sapat na detalye para sa bawat bahagi at sa pagbuo nito ay
makikita na ang kabuoang mensaheng tinataglay nito.
Gaya ng makikita sa larawan sa itaas, bawat miyembro ng lupon ay nagiging kabahagi ng
pagsasakatuparan ng isang pagpupulong. Ngunit hindi lahat ng kasapi ay kinakailangan
para sa paghahanda ng sulating agenda.
1
Yunit 13.2: Mga Bahagi ng Agenda
Sa araling ito, tatalakayin natin ang mga bahagi ng sulating agenda. Kung ano nga ba ang
mga esensiyal na elementong dapat na taglayin nito gayundin ang mga pamantayang
kalakip nito.
Mga Layunin
Pagkatapos ng araling ito, ikaw ay inaasahang
● naiisa-isa ang mga bahagi ng sulating agenda;
● natutukoy ang mga pamantayang dapat taglayin ng bawat bahagi; at
● nakasusunod sa pamamaraan ng pagsulat sa bawat bahagi ng sulating agenda.
Kasanayang Pampagkatuto ng DepEd
nakasusunod sa estilo at teknikal na pangangailangan ng akademikong sulatin
(CS_FA11/12PU-0d-f-93)
Tuklasin
5 minuto
Mga Kagamitan
● Kopya ng video clip mula sa YouTube: “Ano ang agenda?” mula sa link na
https://www.youtube.com/watch?v=vQbb7yE6qRg
● Kuwaderno at panulat
Think-Pair-Share
1. Humanap ng kapareha para sa gawain.
2. Panoorin ang v ideo clip na “Ano ang agenda?”
3. Pag-usapan ang nilalaman ng video at magbahaginan ng ideya ukol dito.
4. Magtala ng sampung punto ng pagkakaroon ng agenda at kahalagahan ng
pagkakaroon ng a
genda sa isang pagpupulong
2
Yunit 13.2: Mga Bahagi ng Agenda
Mga Gabay na Tanong
1. Batay sa napanood na video, ilahad ang pinakamahalagang punto na iyong natutuhan?
2. Sa sariling salita at pang-unawa, paano mo ilalarawan ang isang epektibong sulating
agenda?
3. Sa iyong palagay, ano ang pinakamahalagang bahagi ng isang sulating a
genda?
4. Sa pakikipagbahaginan ng ideya, ano ang mga ideyang nabuo ninyo ng iyong kapareha
kaugnay sa paghahanda ng sulating agenda?
3
Yunit 13.2: Mga Bahagi ng Agenda
Alamin
Noong nakaraang aralin, tinalakay natin ang mga kaalaman ukol sa pagsulat ng agenda
bilang isang akademikong sulatin at ang kahalagahan ng paghahanda nito para sa isang
pagpupulong.
Karaniwan sa mga isinasagawang pagpupulong ay may layuning magpaliwanag, magplano,
mangalap ng mga suhestiyon, at iba pa. Esensiyal ang paghahanda ng sulating agenda sa
mga ganitong pagkakataon upang magkaroon ng kaayusan ang magiging daloy ng
gaganaping pagpupulong.
Gaya ng iba pang mga akademikong sulatin, ang sulating agenda ay binubuo rin ng
mahahalagang bahagi na naglalaman ng partikular na detalye na ating aalamin sa aralin ito.
Alalahanin
● Ang agenda ng pagpupulong ay binubuo ng balangkas ng mga
detalyeng kaugnay ng isasagawang pulong.
● Ito rin ay naglalaman ng talaan ng mga paksang tatalakayin.
● Ang mga inaasahang dumalo sa pagpupulong ay paunang binibigyan
ng mga kopya nito bilang paanyaya.
● Naglalaman din ito ng haba ng oras at sakop ng panahon na
maaaring gugulin para sa pagpupulong.
4
Yunit 13.2: Mga Bahagi ng Agenda
Mga Bahagi ng A
genda
Nabanggit sa nakaraang aralin na ang sulating-agenda ay may sinusunod na pormat
sang-ayon sa napagkasunduan ng isang organisasyon o institusyon. Tulad rin ng mga liham
pangangalakal (business letter), ang sulating agenda ay sulating ginagamit para sa panloob na
ugnayan o komunikasyon. Umiikot ito sa mga partikular na taong sangkot sa isang
samahan, kaya naman mahalaga na batid at nauunawaan ng mga kasapi ang bawat bahagi
ng isang a
genda.
Gayundin, ang gampanin ng isang tagapag-ugnay ay maaaring nakabatay sa proyekto o
paksa na dapat talakayin. Sa karaniwang pagkakataon, iniaatas ang pagiging tagapag-ugnay
sa kasaping nakaaalam sa pangunahing layunin ng pagsasagawa ng pagpupulong.
Sa puntong ito, tatalakayin natin ang iba’t ibang bahagi ng isang sulating agenda batay sa
pangkalahatang balangkas nito gaya ng nasa ibaba.
5
Yunit 13.2: Mga Bahagi ng Agenda
Detalye ng Pagpupulong
May mga sulating agenda na gumagamit ng pamuhatan o heading na tumutukoy kung
kanino galing, organisasyon, at tanggapan ito nagmula.
Mahalaga ang pagiging tiyak sa detalye tulad ng petsa at oras ng isasagawang
pagpupulong, bawat minuto ay mahalaga para sa mga taong kasangkot dito kaya
importante na wasto ang makararating sa kanilang impormasyon. Kung may dagling
pagbabago na magaganap sa iskedyul, mahalaga rin na agaran itong maipaalam sa lahat
bilang paggalang sa oras ng lahat ng kasapi. Gayundin, sa pagtatakda ng oras ng
pagsisimula at inaasahang pagtatapos, mahalagang masunod ang oras na itinakda.
Layunin ng Pagpupulong
Dito ipinababatid ang dahilan kung bakit nagpatawag ng pagpupulong. Sumasagot sa mga
tanong na:
Mainam kung magiging tiyak sa paglalahad ng layunin upang sa una pa lamang ay malinaw
na para sa lahat ang dahilan at layunin ng pulong. Makatutulong din ito upang malaman ng
6
Yunit 13.2: Mga Bahagi ng Agenda
mga sangkot kung may kailangan ba silang paghandaan, gaya ng pagboto, suhestiyon para
sa isang proyekto, o mga ulat na dapat ibahagi.
Mga Paksang Tatalakayin
Ito ang pinakaubod ng sulatin na dapat maglaman ng mahahalagang detalyeng lalamanin
ng talakayin sa isang pagpupulong. Sumasagot sa mga tanong na:
● May mga naiwan pa bang katanungan mula sa nagdaang pagpupulong na makikita
sa katitikan ng pulong?
● May mga nais pa bang linawin kaugnay ng mga bagay sa loob ng organisasyon at
tanggapan?
● Ano ang posibleng aksiyon ng organisasyon at ng tanggapan sa magiging resulta ng
pagpupulong?
Maaaring maging detalyado at tiyak ang mga paksang ilalakip sa sulating agenda. Ngunit
ang pinakamahalagang salik ay dapat itong maging malinaw at kompleto. Kalimitan ding
naglalaan ng oras para sa pagtalakay ng iba pang paksa, depende kung hanggang saan
tatakbo ang talakayan sa pagpupulong. Kadalasang nakaayos ang paksa mula sa
pinakamahalaga patungo sa hindi gaanong mahalaga.
Mga Paksang Madalas Tinatalakay sa Pagpupulong
7
Yunit 13.2: Mga Bahagi ng Agenda
andaan
T
Layunin ng pagpupulong na talakayin ang lahat ng bagay/paksa na
kaugnay sa layunin ng pagpapatawag ng pulong. Hanggat hindi
nabibigyang-linaw ang lahat ng tanong ng mga kasapi ay maaaring
lumawak ang talakayan sa pulong. Kaya hanggang maaari ay
naglalaan ng sobrang oras para sa mga ganitong pagkakataon.
Palawakin
Gawain 1
Gumawa ng isang balangkas ng mga detalyeng lalamanin ng iyong sulating-agenda. Pumili
ng kahit anong paksang maaaring maiugnay o magamit sa tunay na buhay bilang mag-aaral.
8
Yunit 13.2: Mga Bahagi ng Agenda
abay sa Pagsagot
G
● Isaalang-alang ang tinalakay na mga bahagi ng sulating a
genda.
○ Detalye ng pagpupulong
○ Layunin ng pagpupulong
○ Mga paksang tatalakayin
● Maging tiyak sa paghahain ng oras, lugar, petsa, at mga paksa. Maging sa kung
sino-sino ang inaasahang dadalo sa isasagawang pagpupulong.
Gawain 2
Magtala ng limang halimbawa ng mga sitwasyon/pagkakataon kung kailan nagsasagawa ng
pagpupulong ang isang organisasyon. Ibatay ito sa mga makatotohanang pangyayari sa
kasalukuyan.
9
Yunit 13.2: Mga Bahagi ng Agenda
abay sa Pagsagot
G
Isaalang-alang ang sumusunod:
● Gawing batayan ang mga makatotohanang pangyayari sa paaralan
● Ipagpalagay na magagamit mo ito balang araw
● Ilarawan nang malinaw ang sitwasyong ilalahad
● Ilahad nang maayos ang layunin kung bakit kinakailangang magsagawa ng
pagpupulong
Suriin
1. Ano-ano ang pangunahing bahagi ng sulating agenda? Itala ayon sa
pagkakasunod-sunod.
2. Ano-ano ang kalimitang dapat lamanin ng mga detalyeng ukol sa isasagawang
pagpupulong?
10
Yunit 13.2: Mga Bahagi ng Agenda
3. Ano ang kalimitang paksa na pinag-uusapan sa isang pagpupulong? Magbigay ng
dalawa o higit pang halimbawa.
4. Sa iyong palagay, ano ang kalimitang karagdagang paksa na napag-uusapan sa mga
pagpupulong?
5. Mahalaga bang malaman kung saan o kaninong organisasyon nagmula ang sulating
agenda bilang imbitasyon? Ipaliwanag ang iyong sagot.
11
Yunit 13.2: Mga Bahagi ng Agenda
1. Sa iyong palagay, may pamantayan ba sa pagtatakda ng tagal o haba ng oras ang isang
pagpupulong? May limitasyon ba ito? Ipaliwanag.
2. Sa iyong palagay, paano mo ilalarawan ang isang makabuluhang layunin ng
pagsasagawa ng pagpupulong?
3. Sa iyong palagay, may mga pagkakataon bang ang isang tagapag-ugnay ay maaaring
bumuo ng sariling balangkas at hindi isaalang-alang ang mga bahagi ng impormasyong
dapat taglayin ng karaniwang agenda? Ano ang maaaring implikasyon nito sa
pagpupulong?
12
Yunit 13.2: Mga Bahagi ng Agenda
4. Sa mga pagkakataong nagiging mahaba ang oras na itinatakbo ng isang pagpupulong,
praktikal ba na itigil o putulin ang aktuwal na pulong upang maipagpatuloy sa susunod
na araw? Ipaliwanag ang sagot.
5. Sa aktuwal na pagpupulong, mahalaga pa rin bang balikan o i-rebyu ang nagdaang
katitikan ng pulong? Paano ito nakatutulong o maaaring iugnay sa layunin ng
pagpupulong?
13
Yunit 13.2: Mga Bahagi ng Agenda
Paglalahat
___________________________________________________________________________________________
● May tatlong pangunahing bahagi ang sulating agenda na nagtataglay ng mga
partikular na detalye kaugnay ng isasagawang pagpupulong.
● Dapat na matagpuan sa unang bahagi ang detalye kung saan gaganapin ang
pagpupulong, kung kailan, at kung gaano kahaba ang oras na inaasahang ilaan
dito ng mga inaasahang dumalo.
● Sa ikalawang bahagi ay dapat na naipaliliwanag ang layunin ng pagpapatawag ng
pulong. Karaniwang sumasagot sa tanong na “bakit?”
● Ang huling bahagi ng sulating agenda ang siyang maglalaman ng listahan ng mga
paksang tatalakayin sa pagpupulong. Maaaring detalyado ang ilahad na paksa o
ideya lamang nito sa kabuuan.
● Karaniwang unang pinag-uusapan ang katitikan ng nagdaang pagpupulong, at
nagtatapos naman ito sa iba pang karagdagang bagay na nais pag-usapan ng
lupon o organisasyon.
___________________________________________________________________________________________
14
Yunit 13.2: Mga Bahagi ng Agenda
Bibliograpiya
Ayessa Jhen Mercado. Linggo 5 Pagsulat ng Agenda at Katitikan ng Pulong. Presentation Slide
mula sa Dela Salle Lipa. Nakuha sa https://www.academia.edu/ noong Mayo 6, 2020.
Julie Mae Pacheco. Sulating Pang-Akademik: Pagsulat ng Agenda. Presentation Slide. Nakuha
sa h
ttps://www.scribd.com/ noong Mayo 4, 2020.
Lorena Seda. Kahulugan, Kalikasan, at Katangian ng Sulating Akademik. Presentation Slide
mula sa Far Eastern University. Nakuha sa https://www.slideshare.net/ noong Mayo 4,
2020.
Santiago, Lilia Quindoza. Mga Ideya at Estilo. Quezon City, Diliman: University of the
Philippines Press, 1995.
Villanueva, Voltaire M. & Bandril, Lolita T. Pagsulat sa Filipino sa Piling Larangan. Quezon City,
Araneta Avenue: Vibal Group, Inc., 2016.
15