PAGPAPALAWAK NG MGA PANGUNGUSAP Ang panibagong aralin tungkol sa tamang paggamit ng mga salita sa isang pangungusap. Ang paksa at pang-uri, panglahat na bahagi sa isang pangungusap na maari pang mahati sa mga maliit na bahagi. Mas pinalawak at pinalalim lalo ang pagtalakay, mga paningit o ingklitik, mga salitang nagdadagdag upang magkaroon ng diin ang mensahe sa isang talata. May 16 ingklitik na nakapaloob dito, ang raw o rin na maaring gamitin kapag ang pagtatapos ng salita ay patinig o malapatinig samantalang ang daw o din ay inilalagay kapag ang salita ay nagtatapos sa katinig. Ang pagpapalawak ng mga pangungusap ay may isa pang paraan, ito ay ang mga panuring, nagbibigay pa lalo ng turing sa pangngalan o panghalip. Nahahati ito sa dalawa, ang pang-uri bilang panuring na tumuturing sa mga pang-uring ginamit sa panglalarawan sa pangngalan at ang pang-abay bilang panuring na nagbibigay turing sa pang-abay na pamanahon (kailan), panlunan (saan) at pamaraan (paano). Ang mga pamuno sa pangngalan, ang ginagamit kung saan nagbibigay-diin sa paksang nakapaloob na maaring makabuluhan sa tinatalakay. Nahahati naman sa pitong paraan ang paggamit sa mga kaganapan ng pandiwa. Ang kaganapang pandiwa, ito ay gumaganap sa kilos na sinasabi ng pandiwa at ito ay gumagamit ng panandang ni at ng. Ang kaganapang layon na sumasaad sa mga bagay na tinutukoy o pinahahayag ng pandiwa, ang panandang ng ay salitang halimbawa nito. Sinasabi naman sa kaganapang taga-tanggap kung isno ang makikinabang sa kilos na sinaad ng pandiwa, ang lugar o pook na pinagganapan ng kilos ay nakapaloob naman sa kaganapang ganapan. Sinasaad sa kaganapang kagamitan ang kung anong bagay ang ginamit upang maisagawa ang ninanais na kilos. Ang kaganapang direksyonal ay tumutukoy sa lugar o saan ang direksiyon ng kilos at ang kaganapang kilos ay ang dahilan ng pagkaganap ng kilos ng pandiwa sa isang pangungusap. Ang tinatawag na mga kaugnay na parirala ay ang mga salita o parirala na may dinudugtong at may kaugnayan na isang pangungusap upang palawakin pa lalo ang kaisipan. Isang pananaw ng tao o opinyon ay may malaking epekto sa pananaw rin ng iba, kaya pinagaralan natin ang mga angkop na mga pahayag sa pagbibigay ng sariling pananaw upang maging isang epektibong tagapag-hikayat sa pagpapahayag at sa pangangatwiran. Lagi nating tandaan ang wastong pananalita at tamang pagbuo ng mga pangungusap ay nakapaglalahad ng mas makatotohanang saloobin. Maging malumanay at maayos na tagapagsalita, makinig sa kapwa- tagapagsalita at huwag pilitin ang kausap na sang-ayunan ang iyong sariling paniniwala dahil tayo ay may kanya-kanyang pananaw at karanasan sa buhay. Ngayong araw ay nagtala kami ng mga pangungusap batay sa ibinigay na mga salitang ginagamit sa pagpapalawak ng mga salita upang mahasa at mapatunayan na kami nga ba ay may natutunan sa kasalukayan naming topiko. Masasabi kong may natutunan ako sapagkat nakasagot ako sa mga tanong at may naitindihan ako. Ito ay aking nakamit sa pamamagitan ng pagtuturo ng aming guro kahit di man nagkikita-kita.