May mga panahon na nawawalan tayo ng kumpyansa sa sarili at nakakalimutang pangalagaan

ang sarili. Ngunit alam naman nating mahahalaga ang mga ito sa ating kalusugan at imahe sa

ibang tao kung kaya’t ako’y nagtatala ng mga pamamaraan kung pano ko pangangalagaan ang

aking sarili at palalakasin ang kumpiyansa ko sa sarili.

Sa tuwing ako’y kinakabahan na pumasok sa isang kwarto na puno ng tao sinisigurado ko muna

na ako’y maayos at presentable tignan. Tinitignan ko ang aking sarili sa salamin kung may dumi

sa damit ko at kung wala naman ay inaayos ko ang aking damit at postura, susuklayan at aayusin

ang buhok, maglalagay ng lipstick at konting kolorete sa mukha upang magkakulay, ngingiti sa

salamin upang tignan kung may tinga o stain ng lipstick sa aking labi at titignan kung mabango

ang aking bibig. Kung maayos na ang aking sarili hihinga ako ng malalim bago pumasok sa

kwarto at sisiguraduhing handa ako. Palaging nag iisip ng positibo at dapat palaging alam ang

ginagawa.

Sa pangangalaga naman sa aking sarili sa paggising sa umaga ako’y nagsstretching muna at

pagkatapos kong magstretching, ako’y umiinom ng tubig na hindi malamig. Dahil madalas ako’y

naiiwang mag isa sa bahay, ako’y nagluluto ng aking almusal at kakain na. Iinom ng vitamins at

maghahanda na ng pagkain para sa mga alagang hayop. Magsisipilyo at magpapahinga muna

bago maghugas ng mga pinagkainan at pinaglutuan at maglilinis na ng bahay. Kapag nagawa ko

na lahat ng gawaing bahay, gagawin ko na ang mga bagay na nagpapasaya sakin tulad na lamang

ng panonood ng palabas, pagcocrochet, pakikipaglaro sa aking mga alagang hayop o paglalaro

ng online games. Maliligo sa hapon. Sa gabi naman ay nagsusulat sa diary tungkol sa mga

nangyare sakin at pagdating ng 10:00 ng gabi ako’y matutulog na.