Hindi ako sang-ayon sa proposisyong “Nararapat gamitin ang
Wikang Filipino bilang wikang panturo sa lahat ng asignatura sa kolehiyo.” Mayroon tayong MTB-MLE upang mapadali ang pagkatuto ng mga kabataang mag-aaral, kaya, kailangang matutong gumamit ng pandaigdigang Lingua Franca na Ingles dahil ito ang wikang ginagamit na naiintindihan ng maraming tao sa mundo.
Ang pagkatuto ng Wikang Ingles at gawing ugali ang paggamit
nito ay isang malaking tulong sa kinabukasan ng isang mag-aaral. Napakaraming oportunidad ang makayang abutin sa buong mundo kapag mahusay ang isang indibidwal sa pagsasalita ng wikang Ingles.
Hindi ko namang sinasabi na ang wikang Filipino ay hindi
makakatulong sa kinabukasan, ang laking tulong ang pagkatuto ng sariling wika at ang ating wika ay isang malaking bahagi sa pag-unlad ng ating kultura, ang sinasabi ko lang ay kapag mayroon tayong malaking kaalaman sa pinakagamit na wika sa buong mundo, mas mapadali ang pagpakilala ng ating kultura sa iba’t ibang parte ng mundo.
Naniniwala rin naman ako sa kasabihang mahalin ang sariling
wika at totoong-totoo ito, pero kung gusto nating mas-mapaangat ang mapaunlad pa ang ating buhay at kultura, kailangan nating matutong maging komportable sa paggamit ng pandaigdigang Lingua Franca na Ingles.
Kaya, hindi ako sang-ayon sa proposisyong “Nararapat gamitin
ang Wikang Filipino bilang wikang panturo sa lahat ng asignatura sa kolehiyo.” Dapat gamitin lamang ito sa mga asignaturang mayroong pokus sa wikang Filipino katulad ng asignaturang nagtatalakay sa balarila o kasaysayan ng Pilipinas at gamitin ang wikang Ingles hangga’t maari.