Sa isang bayan ng aminhan Brgy. Agbagay may isang matipuno, kaakit’akit
at napakandang lalaki na nagngangalang Reyne Boy. Dahil sa taglay niyang katangian ay halos lahat ng mga babae sa kanilang lugar ay nagkakagusto sa kanya. Isa sa mga babaeng lihim na humahanga sa kanya ay si Mary Lous. Si Mary Lous ang pinakamagandang dalaga sa kanilang lugar, mayaman at kilala ang pamilya. Isang araw habang naglalakad si Reyne Boy ay nabangga niya si Mary Lous. Sa lakas nang kanilang banggaan ay tumilapon ang isang ngipin ni Mary Lous. Agad na humingi ng tawad ang binata sa dalaga. Hinanap nila ang ngipin na tumilapon subali’t hindi nila makita. Huli na nang sabihin ni Mary Lous na nalunok na pala niya. Habang naglalakad ang dalawa ay bigla na lamang napasin ni Reyne Boy ang kagandahan ng dalaga. Tinanong niya ang pangalan nito. Agad naman na sumagot si Mary Lous habang ngumingiti at may halong kilig. Matapos magkakilala ay inimbitahan ni Mary Lous si Reyne Boy sa kanilang tahanan. Agad naman na pumayag ito. Nang naroon na sila ay agad bumangad sa binata ang malamansiyong bahay ng dalaga. Bigla na lamang siyang tinubuan ng hiya. Inalagaan at pinakain siya maayos ng dalaga sa sobrang tuwa niya ay nakaramdam siya ng lumalagablab na pag-ibig sa dalaga. Nagpasalamat ang binata sa dalaga. Pauwi na sana si Reyne Boy nang may Makita siyang larawan ng binata sa istante. Nagtanong siya kay Mary Lous kung sino ang lalaking iyon. Sumagot naman ang dalaga at nagwikang “ ako dati yan noong Jomar pa ang pangalan ko. Lumondag ang puso ni Reyneboy nang marinig niya ito. Nanlumo ang binata at agad na umalis, nang biglang nahulog ang pitaka nito. Agad na pinulot ni Mary Lous ang pitaka, at may nakita siyang larawan sa pitaka ni Reyne Boy. Ito ay larawan ng babae. Nagtaka ang dalaga at nagtanong. Kung sino ang babae sa pitaka. Sumagot naman ang binata at nagwika” Ako yan, noong si Shareyne pa ang pangalan ko. Parehong tumalikod ang dalawa at sabay na nagwika sa isat’isa “ Huwag mong ipagsabi sa iba”. Mula noon ay hindi na nagkita o nag usap ang dalawa dahil sa sobrang hiya.