Tagapagsalaysaysay 1: Eleksyon na sa Barangay Pilipil kung
kaya’t nagtipon-tipn ang mga mamamayan ng barangay para sa
meeting de abanse. Bumisita roon ang mahal na pangulo ng bansa, bise presidente at ilang opisyales ng pamahalaan. Kompleto ang lahat para sa pagpupulong na ito kaya’t hindi pa man nagsisimulang magsalita ang pangulo sunod-sunod na himutok ng mga mamamayan na ang kaniyang narinig.
Ekong (Ekonomiya): Mahal na pangulo, nasaan po kayo noong mga
panahong naghihirap ang aming barangay dahil sa kumakalat na virus? Isa po ako sa lubhang naapektuhan, dahil halos lahat ng negosyo ay nagsara. Nawalan ako ng kita at hindi lang iyon, nagutom din ang aking pamilya. Ang dami kong kakilala na nagsara ang negosyo ngayong may virus na kumakalat, nalugi dahil wala naman ng lumalabas ng kanilang mga bahay. Halos pitong milyong tao ang nawalan ng trabaho, mapa-jeepney driver man yan o tricycle driver. Oo nga’t may ibinigay kayong tulong pinansyal at magwala naman ng ing pagkain, ngunit iyon ay sapat lamang sa ilang buwan, paano na kami sa mga susunod pang Linggo at buwan? Sa amin kayo kumukuha ng pambayad sa utang ng bansa, kaya sana inisip niyo rin kami.
Kalusong (Kalusugan): Lalo naman ako, sa tingin niyo ba sapat
ang mga doktor sa bansa para punan ang pangangailangan ng lahat ng pasyente? Alam ko namang mahirap kalaban ang virus na ‘yan, pero sana naman maging flexible kayo kagaya ni Edong (edukasyon) para matugunan lahat ng sakit ng mga tao bukod sa virus. Tignan niyo nga mayroon pang nanganak sa ilalim ng puno dahil sa punuan na ang mga hospital ng mga paseyente ng virus. Ang malala pa niyan konting sakit sa paa, virus na, ultimo pagtatae sinasabing may virus ka na. Takot na ang mga tao na magpa-hospital dahil nagkalat ang mga chismosa sa barangay na kahit magpapareseta ka lang ay sasabihin ng dahil sa virus ‘yan. Hindi ko alam kung takot lang sila o sadyang makakati ang dila. Hindi pa nakatulong yang pagnanakaw ng PhilHealth, ewan ko na lang talaga!
Dong (Doktor): Pangulo, nahihirapan na kami. Tatlo-tatlong
pasyente ang tinutugunan ng isang doktor. Ultimo mga nurses ay hindi na rin sapat. Walang araw na walang pasyenteng dinadala sa hospital. Ang init-init ng PPE namin, araw-araw na naliligo kami sa sarili naming mga pawis, ang malala pa niyan ay pagod na nga kami sa trabaho nakakapagod pang harapin ang iba’t ibang diskriminasyon na aming naririnig at nakikita. Ano sa palagay nila? Naglalaro kami sa hospital? Eh kung gano’n lang sana ay hindi na kami araw-araw na nangangamba, na baka mayroon na kaming virus at baka mahawaan pa namin ang aming pamilya. Napaka-hipokrito ng mga tao, nagpapasalamat kuno sa mga frontliner na katulad namin pero kung may makita naman na isang doktor or nurse grabe kung manghusga. Ang titigas ng ulo ng mga tao, sana makinig naman kayo dahil nahihirapan din naman kaming gamutin kayo. Mapirmi naman sana kayo sa mga bahay niyo!
Vacc (Vaccine): Mahal na pangulo, kebago-bago ko sa barangay
na ‘to pero ang dami ko ng naririnig na pangba-bash. Oo nga’t galing ako sa ibang bansa pero hindi naman ibig sabihin no’n may virus na rin ako o di kaya ay may nakatanim ng maicrochip sa akin at sa mga anak ko. Ano ba naman iyong mainit niyo kaming tanggapin, diba? Hindi naman gulo ang aming hangad, katulad niyo ay gusto lang din namin maging malaya na ang bansa sa virus na kumakalat hindi iyong maging sentro ng usapan dahil lang mula kami sa ibang bansa at masama ang dulot namin ng mga anak ko sa tao. Pero kung ayaw niyo talaga sa amin, eh ‘di huwag, may mga tao pa rin namang tanggap kami, bahala kayo sa bugay niyo.
Edong (Edukasyon): Basta ako, flexible ako. Kahit na bagong
normal na hindi pa rin ako tumigil at patuloy pa rin ang trabaho ko. Work from home nga lang ang peg namin ngayon pero okay na iyon kesa namang tumigil ako. Ang akin lang, mahal na pangulo eh, ang daming sagabal sa work from home na iyan, ang hirap mag-adjust at medyo may kamahalan din dahil ang daming kailangang gamitin. May linggohan pang pagbabayad ng internet, minsan nga tatlong araw lang kailangan na ulit magbayad. Minsan pa nga ay kailangan pang umakyat sa puno o bundok makasagap lang ng malakas na signal. Hindi rin pala natigil mga trabahador ko na pumasok, mamaya siguro ay magsasalita ang mga iyon.
Tseng (Teacher): Magandang araw po mahal na pangulo at mga
kawani ng gobyerno. Ako po ang naatasan na maging boses ng mga kapatid ko. Isa po ako sa trabahador ni Edong Ang akin po ay sana matulungan niyo kami na magkaroon ng gagamitin para sa work from na pagtatrabaho. Mga papel, printer at pati na rin po sana laptop kung maaari dahil nahihirapan na po kaming pagkasyahin ang aming kinikita sa pangangailangan ng aming pamilya at paggastos sa mga pangangailangan ng trabaho namin. Kung maaari rin po sana ay tumaas ang sahod namin tutal po ay hindi kami natitigil sa pagtatrabaho kahit pa nga gabi ay minsan pinagtya-tyagaan naming tapusin ang dapat na tapusin. Iyon lang naman po.
Lispo (Pulis): Mahal na pangulo nakakasawa na pong sumawayin
ang mga matitigas na ulong hindi mapirmi sa kanilang mga bahay. Kahit curfew na ay nasa labas pa rin para mag-ML minsan pa nga ay nag-iinuman pa. Hindi lang iyon, may mga hindi pa marunong magsuot ng kani-kanilang mga face mask at face shield. Ang sakit sa ulo! Hindi pa nakakatulong iyang kapatid ko na kung pumatay ay akala mo naman sila ang nagpakain at nagpalaki sa pinatay nila. Kaya kaming mga tapat sa serbisyo ay nadadamay dahil sa kanila. Buseng (Business Woman/Man): Mahal na pangulo, isa po ako sa sinasabi ni Ekong kanina na nagsara ang negosyo bunsod nga ng virus. Noong mga panahong sinabi ninyong bawal ang lumabas ng mga bahay ay nagsara na rin ang aking mga negosyo, nagbawas naman ako ng trabahador noong niluwagan ninyo ang paghihigpit. Ngunit ngayon ay tuluyan ng nalugi ang aking negosyo at tuluyan ko na itong isinara. Wala po ba kaming tulong na makukuha kahit papaano? Ang mga ibinabayad naming buwis ang tumutulong sa bansa kaya sana naman ay mabigyan niyo kami ng pansin lalo pa’t maliit lang naman na negosyo ang akin.
Sakang(Magsasaka): Ang problema ko ay wala pa mang virus ay
hindi na nabibigyang pansin mas lalo lang ngayon. Sa amin galing ang mga bigas na inyong kinakain kaya sana ngayon pakinggan niyo na kami tutal naman kailangan niyo ang boto namin para mahalal kayo sa posisyon. Saka lang naman kami binibigyan ng pansin kapag eleksyon. Ngayon sa harap ng maraming tao, nais ko sanang taasan ninyo ay presyo ng palay para naman tumaas ang aming kita. Kami itong may sakahan pero kami naman itong isang kahig isang tuka. Itinuring na naming palasyo ang palayan kahit ang baba ng kita, iyong ginto sa amin, piso lang sa inyo. Maawa naman kayo, sobra na iyong pangmamaliit niyo sa amin, lalo na yang si Villar. Kami ang nagsu-supply ng pagkain sa inyo kaya tandaan niyong kung wala kami, paniguradong magugutom kayo.
Ara(Mag-aaral): Kami ang pinakamababang sektor ng trabahador
ni Edong, mahal na pangulo. At kami ang labis na apektado sa trabahong ito. Oo nga’t kumikita kami, pero iyon ay dahil sa wala na akming ibang pagpipilian. Nakakatakot ang tumigil kaya kahit hindi na bukal sa aming kalooban ay ipinagpapatuloy pa rin namin. Gaya ng sabo ni Tseng kanina ay ang daming sagabal, una ay ang mahinang internet at mahal na load para dito, pangalawa ay ang maingay na kapaligiran sa bahay, pangatlo ay ang pagkawala minsan ng kuryente. Ang hirap magtrabaho kung ang tanging gabay mo ay ang youtube o google, kailangan din namin ng personal na magtuturo sa amin kung paano gawin ang mga bagay-bagay. Isa pa ay nakakadagdag sa isipin ang trabahong ito, dahil bukod sa may mga problema kami na tanging nasa isip lamang ay isa pa ito sa aming pino-problema. Alam kong bawal sumabat ang mga bata sa usapan, pero apekatdo rin kami kaya sana kahit pakinggan niyo kami, tutal kami ang pag- asa ng bayan.
Kole (Kolehiyo): Mahal na pangulo, ako po ay kolehiyo na. Ang
akin pong problema ay ang hindi na pagkakaroon ng face to face sapagkat paano po malilinang ang aming kakayahan lalo na ang mga kursong kinakailangan ng masinsinang pag-aaral kagaya ng pagtuturo, nursing at iba pa. Paano na lang kami gagalaw sa totoong mundong iyon pagkatapos ng pandemya at bumalik na sa dati ang lahat? Paano? Ang hirap-hirap na online na lang ang lahat, alternatibo ang mga gamit at wala pang kasiguraduhan kung tama o mali ang aming ginagawa. Sana kahit papaano ay magkaroon kami ng face to face dahil nadagdagan na nga kami ng dalawang taon sa hayskul pagkatapos nagkaroon pa ng virus, nakakasawa naman ng maging experiment lagi. Experiment sa K to 12 ngayon naman sa blended learning. haaayyy
Menta(Mental Health): Kagaya lang din ako ng virus na iyan,
hindi rin nakikita, pero ang kaibahan namin ay sa isip ako sumasalakay hindi sa iba’t ibang parte ng katawan. Patok ako ngayon sa mga kabataan. Ang sabi ng iba ay nag-iinarte lang ang mga bata kung ako ang kaibigan nila, aba, hindi niyo lang alam na taimtim kaming nag-uusap ay nilalamon ko siya sa mga sinasabi ko. Alam ko namang naguguluhan siya, ang dami ko pa namang satsat pero kahit na ganoon gusto ko rin naman siyang maging masaya. Marahil ay puro mga negatibong bagay ang dulot ko sa kanya pero sana isang araw mag-usap kami ng hindi naman tungkol sa problema.
Tagapagsalaysay 2: Dahil sa sunod-sunod na pagtayo at
pagbibigay ng problema ng mga taong bayan nagkatinginan ang mga tao sa harapan at hindi alam kung sino ang mauunang magsalita. Natahimik ang lugar na kanilang pinagpupulungan bago nagdesisyon ang isang tumayo at magsalita sa harapan.
DepEd: Kami, ang kawani ng edukasyon, ay kaisa ninyo sa laban
kontra virus. Asahan ninyong patuloy namin kayong gagabayan sa tamang pagtuturo sa mga bata upang ang kanilang edukasyon ay magpatuloy at maabot nila ang kanilang pangarap sa gitna ng kumakalat na virus. Nananawagan kami sa mga magulang na turuan ng mabuti ang mga bata at hindi sila ang magsagot ng mga dapat sagutan ng kanilang mga anak. Sa tulong nga bagong daloy ng edukasyon, maipagpapatuloy natin ang mithiing makapaghatid ng edukasyon sa gitna ng pandemya.
Ched: Sa mga mag-aaral sa ilalim ng mas mataas na antas ng
edukasyon, nais kong malaman ninyo na hindi na kayo makababalik sa unibersidad. Ang lahat ay mangyayari na onlinem at gustuhin niyo man o hindi kailangan ay maging handa kayo sa bagong normal. Wala ng face to face classes sa lahat ng kurso, ito ay para masigurado ang kaligtasan ng bawat isa sa inyo. Maraming salamat.
Bise: Magandang araw mga mahal naming mamamayan ng barangay
Pilipil. Kami ay inyong kasama sa paglaban at pagpuksa ng virus na kumakalat ngayon. Asahan ninyo na bukas palad kaming tutulong upang matugunan kahit papaano ang inyong mga hinaing. Hindi namin kayo iiwan sa laban na ito. Nasa iisang bangka tayo kaya’t asahan ninyo ang tulong ng gobyerno para sa inyong mga pangangailangan. Mas papalawakin natin ang sakop ng mga hospital upang sa ganoon ay matugunan ang lahat ng pasyente na nangangailangan ng agarang medikasyon. Magbibigay tayo ng mga kagamitan para sa mga mag-aaral at trabahador upang masigurado na may pinagkakakitaan sila at nagagamit sa pag-aaral. Asahan ninyo na sa darating na eleksyon sabay-sabay nating makikita ang pagbabago ng bansa.
Pangulo: Mga kababayan kong Pilipino, I am addressing you once
again about the problem of COVID pandemic. It is getting worse. So once again I’m telling you the seriousness of the problem and that you must listen. Kung tinatanong ninyo kung nasaan ako sa gitna ng krisi na ito, nasa Malacañang ang inyong pangulo at nagtra-trabaho ako para masigurado na may makukuha tayong vaccine mula sa ibang bansa. Ang iba inyong mga problema ay may sektor na kinabibilangan, iisa lamang ako hindi ko kayo kayang tugunan ang lahat ng problema ninyo kung kaya’t nariyan sila upang tulungan kayo. Kayo ay mga anak ko na rin kaya labis din akong nasasaktan sa mga nangyayari ngayon. Hindi madaling labanan ang virus dahil mabilis itong kumalat lalo’t hindi natin nakikita kaya sana makinig kayong lahat na huwag na munang lumabas ng inyong mga bahay. Makinig kayo. May mga batas tayo tungkol sa diyan, kaya kung ayaw ninyong makulong matuto kayong sumunod kung hindi ako mismo ang huhuli sa inyo. Maawa rin kayo sa ating mga frontliners, buhay din nila ang kanilang sinasakripisyo, irespeto natin sila dahil sa hirap ng kanilang ginagawa. Matuto kayong maghanap ng pagkakakitaan online hanggat mapagkaroon nga solusyon sa problema sa ekonomiya. At higit sa lahat, magpabakuna kayo, huwag kayong maniniwala sa microchip na iyan dahil hindi iyan totoo. Huwag niyo na munang isipin ang eleksyon dahil hanggat ako ang ama ninyo, sinisigurado ko sa inyo na hinding-hindi ko kayo papabayaan. Narito ako para sa inyo mga anak.
Tagapagsalaysay 1/2: Matapos makapagsalita ang lahat ng kawani
ng gobyerno ay aalis na sana ang lahat ng may biglang tumayon at nasalita.
Kobida: Ako si Kobida at alam niyo ang dami niyong satsat.
Diba nga ang sabi ng iba sa inyo na ngayong nasa loob na lang bahay ay nag-improve kayo? May mga pinopost pa nga kayong workout session niyo tapos ngayon puro kayo satsat ng mga problema niyo, kung sana naghanap kayo ng solusyon hindi lang yang pagrereklamo ang inaatupag ninyo. Iyong iba nga na nawalan ng trabaho nga bebenta online, ba’t di niyo gawin ng kumita kayo, ‘ano? Try niyo ring mag-meditate mga ‘teh, yoga o di kaya ay exercise para ma-divert yang pago-overthink ninyo. Ang dami-daming pwedeng gawin eh, maging plantito at plantita rin kaya kayo ‘no? Dami-dami niyong pwedeng subukan, eh! Jusko, kaloka, makaalis na nga.