Professional Documents
Culture Documents
- Vicent van Gogh leva ao lenzo a súa experiencia vital cun punto de vista moi persoal, con
pinceladas moi grosas e plásticas, de forte movemento, e cores fortes e planas, iniciando así a
estética do expresionismo e do fauvismo.
ARTE na primeira metade do século XX
Durante a primeira metade do século XX non existe un movemento único nin dominante nas
artes plásticas, senón que a característica da época é a permanente renovación das linguaxes
artísticas. Os acontecementos políticos, os cambios sociais, a renovación científica, os inventos
técnicos e as novas formas de expresión artística como a fotografía e o cine influíron na aparición
de novas formas de manifestacións artísticas. Xorden así pequenos grupos de artistas que ofrecen
novas formas expresivas. Son os ismos ou vanguardas históricas, entre os que destacan:
FAUVISMO: do frances fauves, fieras, cualificativo dado polos críticos aos pintores que se
distinguían pola violencia cromática das súas obras. Reacción contra o impresionismo, dando
protagonismo á cor sobre o obxecto.
CUBISMO: dos cubos cos que, segundo os críticos, compoñían os seus cadros este pintores.
Arte cerebral que diseca os obxectos aplicando novos conceptos da perspectiva.
EXPRESIONISMO: caracterizado polo tratamento de emocións e sentimentos do ser humano
desde o punto de vista subxectivo do mundo interior do artista. Gusto poals situación
psicolóxicas negativas (angustia, medo, desesperación).
SURREALISMO: moi influído polas teorías da psicoanálise de Freud, representa estados de
ánimo do mundo dos soños, do subconsciente, no que se mesturan todo tipo de elementos.
FUTURISMO: que busca plasmar na pintura a sensación da velocidade e dinamismo como
expresión da rapidez con que se siceden nos acontecementos na vida.
DADAÍSMO: caracterizado pola crítica a todo o que representa o modo de vida burgués.
Realizan obras con desperdicio e combinan técnicas (collage, pinto-escultura).
ABSTRACCIÓN: lograda pola combinación de formas e cores en realción coa realidade visual.
As vangardas en España.
Os artistas españois continuaron traballando na estética de movementos xas iniciados con
anterioridade, ao tempo que buscaban novas formas expresivas. O franquismo non foi unha época
na que se potenciaran as artes plásticas, o que non imepdiu que destacase a obra de artistas
indicuduais.
ESCULTURA
Destaca a obra de Pablo Gargallo e Julio González. Entre os galegos: Francisco Asorey,
Xosé Eiroa, Antón Faílde, Xoán Piñeiro, Acisclo Manzano e Camilo Otero.
PINTURA
No surrealismo destacaron os cataláns Joan Miró e Salvador Dalí. Entre os galegos:
Eugenio Granell e Urbano Lugrís.
En Galicia, durante a República, formouse un grupo –Os Novos- que asumiron as linguaxes
artísticas das vangardas europeas. Moitos tiveron que continuar o seu traballo no exilio americano.
A destacar a obre de Manuel Colmeiro, Carlos Maside, Artuto Souto, Laxeiro e Luis Seoane. Entre
os artistas gráficos destacaron Afonso Rodríguez Castelao e Camilo Díaz Baliño. Na Galicia de
postguerra traballaron Manuel Pesqueira, Xulia Minguillón, Manuel Prego e Isaac Días Pardo.
As postvangardas artísticas
Co fin da Segunda Guerra Mundial variaron moito as coordenadas artísticas, diferenciándose
claramente os dous ámbitos: nas democracias populares, a arte oficial volvese realista e púxose ao
servizo da propaganda política, rompendo coas experiencias das vangardas; polo contrario, nas
democracias liberais continuouse experimentando con novas formas de expresión artística. Ademáis
cómpre sinalar novos aspectos como: a incidencia do mercado de obras de arte, a aparición de Nova
York como novo foco de produción artística e a crecente importancia do deseño industrial.
AS NOVAS FORMAS DA ARQUITECTURA
Están marcadas por unha dobre finalidade: lograr un edificio estéticamente atractivo que á
vez sexa funcional e práctico. Os arquitectos realizan deseños para todo o mundo buscando, como
os escultores e pintores, ser recoñecidos por elementos propios que os identifiquen.
CORRENTES MÁIS DESTACADAS DA ESCULTURA
A organicista, cuxo mellor representante foi o estadounidense Herny Moore, autor de obras
dominadas polas liñas curvas e suaves, como pulidas polo paso do tempo.
A cinética, con obras que se moven no espazo, que teñen vida propia, son dinámicas.
A hiperrealista, que plasma a realidade recorrendo incluso a facer moldes dos obxectos
representados.
TENDENCIAS PICTÓRICAS ABSTRACTAS E FIGURATIVAS
Entre as tendencias abstractas destaca o expresionismo abstracto, tendencia que renuncia á
elaboración racional, valorando a expresividade e as calidades dos materiais. Unha variante é a
pintura matérica, así chamada porque combina todo tipo de materiais sobre o lenzo,
Entre as tendencias figurativas destacan: o hiperrealismo, que trata o lenzo co detalle dunha
cámara fotográfica. O pop art utiliza a linguaxe popular e realista para que chegue á maioría da
poboación, por iso busca motivos de inspiración en marcas de alimentos, caras de actores,
personaxes de cómics... O realismo social centra a súa atención en escenas cotiás especialmente
relacionados coa violencia ou a marxinación.