Hindi na normal ang daloy ng klima sa ating mundo.
Habang tumatagal mas lalong
lumulubha ang epekto ng climate change. Ayon sa National Aeronautics and Space Organization (NASA), ang climate change ay ang pangmatagalang pagbabago ng panahon at klima na may malinaw na epekto sa isang lugar, rehiyon at sa mundo. Ang pinaka-pangunahing dahilan kung bakit nagkakaroon ng climate change ay ang patuloy na pagnipis ng ozone layer ng ating mundo na siyang nagsasala ng mga ultraviolet (UV) rays mula sa araw na lubhang mapanganib sa kalusugan ng mga tao. At dahil sa patuloy na pagnipis nito, ay mas lalong lumalala ang global warming o ang patuloy na pagtaas ng temperatura sa ating mundo. Kaya naisipan namin na magsagawa ng adbokasiya kontra sa climate change. Ang adbokasiyang ito ay lubos na makakatulong sa lahat ng tao na magkaroon ng kamalayan tungkol sa usaping ito. Dahil sa patuloy na pagpapabaya at pagsasawalang bahala natin dito ay mas lalo itong lumalala at mas mapaminsala. Sa loob ng adbokasiyang ito, magkakaroon ng iba't ibang programa isa na dito ang mga sumusunod: environmental sustainability, climate change education, advocating for climate change prevention at marami pang iba. Ang adbokasiyang ito kontra climate change ay mas lalong papaigtingin kung ang bawat isa sa atin ay makikipagtulungan at makiki-isa dahil ang lahat ng ito ay makakatulong upang mailigtas natin ang inang kalikasan at tayong mga tao. Ang climate change ay hindi na dapat nating hayaang lumala, bagkus ngayon pa lamang ay tigilin na ito at iwaksi.