Ang pagsulat ay isang sandata na mabisang nagbabago ng takbo ng mundo at ng
aking sariling buhay. Sa bawat salita na isinusulat ko, nagiging organisado ang aking mga pangarap at layunin.sa buhay.
Sa araw na ito, bumangon ako na may determinasyon na pag-aralan ang mga
bagong kaalaman at abisuhan ang aking kahandaan sa hinaharap.
Nagkaroon ako ng apat na mahahalagang asignatura ngayong araw na ito na
dapat bigyan ng pansin. Ito ang mga asignatura na magpupuno sa aking kakulangan bilang isang guro at mag-aaral. Ang unang klase ko ay nagsimula ng alas otso ng umaga sa asignaturang "Strategies for Teaching and Learning." Kasunod nito ay ang mga klase sa "Dulaang Filipino" at "Panulaang Filipino" na nagtapos ng alas dose at kalahati ng tanghali.
Sa hapon, bumalik ako sa paaralan upang makinig sa leksyon sa asignaturang
"The Teacher and the Community, School Culture and Organizational Leadership." Habang nag-aaral sa aming silid-aklatan, lubos kong pinasasalamatan ang araw na ito sapagkat nailaan ko ang oras ko para sa aking pag-aaral ng mahabang-mahaba kumpara sa mga nakaraang araw. Matapos ang aming mga klase, bumalik ako sa aming tahanan ng alas tres at kalahati ng hapon bitbit ang mga panibagong kaalaman na syang tulay upang makatawid tungo sa pag-abot ng isang pangarap
Sa kabuuan, ang araw na ito ay puno ng pagtitiyaga at pasasalamat. Ang bawat
oras na inilaan ko sa pag-aaral ay naglalayong higit pang mapalalim ang aking kaalaman at maipagpatuloy ang aking pag-unlad bilang isang gurong mag- aaral. Sa tulong ng pagsusulat at pag-aaral, ako'y patuloy na magiging handa sa mga hamon at pagkakataon na darating sa hinaharap.