KHUTBAH IDUL FITRI 2024 M / 1445 H

KU DENI SETIAWAN

Khutbah I:
‫) َو ِهّٰلِل ْالَح ْم ُد اْلَح ْم ُد ِهّٰلِل اْلُم ْنِع ِم َع َلى َم ْن َأَطاَع ُه َو اَّتَب َع‬٣×( ‫) ُهللا َأْك َب ُر‬٣×( ‫) ُهللا َأْك َبُر‬٣×( ‫ُهللا َأْك َبُر‬
‫ اْلُم َتَك ِّفُل ِبَأْر َز اِق ِعَباِدِه َفَال‬،‫ اَّلِذ ى َيْع َلُم َم ا َأْظَهَر ُه اْلَع ْبُد َو َم ا َأْخ َفاُه‬،‫ اْلُم ْنَتِقِم ِمَّم ْن َخ اَلَفُه َو َع َص اُه‬،‫ِرَض اُه‬
‫ َأْح َم ُد ُه ُسْبَح اَنُه َو َتَع اَلى َع َلى َم اَأْع َطاُه َأْش َهُد َأْن آل ِإٰل َه ِإَّال ُهللا َو ْح َد ُه َالَش ِرْيَك‬،‫َيْتُر ُك َأَح ًدا ِم ْنُهْم َو َالَيْنَس اُه‬
.‫ َو َأْش َهُد َأَّن َس ِّيَد َنا ُمَح َّم ًدا َع ْب ُد ُه َو َر ُس ْو ُلُه اَّل ِذ ي اْخ َت اَر ُه ُهللا َو اْص َطَفاُه‬،‫َلُه َش َهاَد َة َع ْبٍد َلْم َيْخ َش ِإَّال َهللا‬
‫ّٰل‬
‫ اَّتُق وا َهللا‬، ‫ َفَيآ َأُّيَها الَّن اُس‬، ‫ َأّم َأَبْعُد‬،‫ َو َع َلى ٰا ِلِه َو َص ْح ِبِه َو َم ْن َو اَالُه‬، ‫ال ُهَّم َص ِّل َو َس ِّلْم َع َلى َس ِّيِد َنا ُمَح َّمٍد‬
‫ َو َح َّر َم َع َلْيُك ْم ِفْي ِه‬، ‫ َأَح َّل ُهللا َلُك ْم ِفْيِه الَّطَع اَم‬، ‫ َو ِع ْيٌد َك ِرْيٌم‬، ‫َح َّق َتْقَو اُه َو اْع َلُم ْو ا َأَّن َيْو َم ُك ْم ٰه َذ ا َيْو ٌم َع ِظ ْيٌم‬
‫ َفَس ِّبُحْو ا َر َّبُك ْم ِفْيِه َو َع ِّظُم ْو ُه َو ُتْو ُبْو ا ِإَلى ِهللا‬، ‫ َفُهَو َيْو ُم َتْس ِبْيٍح َو َتْح ِم ْيٍد َو َتْهِلْيٍل َو َتْع ِظ ْيٍم َو َتْم ِج ْيٍد‬، ‫الِّص َياَم‬
‫َو اْسَتْغ ِفُرْو ُه‬
Hadirin Sadayana, Jamaah Solat Idul Fitri Anu Mulya
Teu aya kalimat anu pang sae-saena anu dikedalkeun ku urang di danget ieu
anging Alhamdulillah. Puji syukur kanu Maha Agung. Dzat anu murbeng alam. Dzat
anu parantos ngajajapkeun urang sadayana dugi kana poe lebaran. Saparantosna
urang berjuang nahan haus jeung lapar. Saparantosna urang jihad mayunan godaan
nafsu jeung amarah. Akhirna dugi oge kana ieu poe. Poe dimana urang diharamkeun
puasa jeung dikudukeun barang dahar.
Solawat sareng salamna muga dikocorkeun salamina ka jungjunan Alam, yakne
Kangjeng Nabi Muhammad Saw. Nabi nu janten pamingpin sadaya utusan Gusti, nabi
nu janten pamuka hidayah ka umatna. Solawat sareng salamna oge muga
dilimpahkeun ka para sahabat, tabiin, sareng tabi'it tabiin, dugika urang salaku umat
anu hoyong ngengingkeun syafaatna.

Jamaah Idul Fitri anu mulya,

Teu hilap sateuacan ngalajengkeun khutbah, ngalangkungan ieu minbar, khotib
wasiat ka diri pribadi oge jamaah sadayana. Hayu urang ningkatkeun iman sareng
takwa urang sadayana ka Dzat Alloh Robbul Izzati. Dzat anu salawasna ngatur oge
maparin ni’mat ka urang sadayana. Ti kawit nikmat iman, islam, ihsan, panjang yuswa,
oge sehatna.
Kersaning Alloh urang tiasa kempel berjamaah di ieu tempat, mungkas sadayana
rangkaian ibadah Romadon. Kalayan bari ngemutan kumaha urang neraskeun tur
ngalestarikeun nilai-nilai Romadon. Naon wae pelajaran penting nu tiasa ku urang
dipetik tina Romadon. Supaya urang ka payun gaduh langkah anu jelas, langkah anu
matak ngajajap ka kasaean, langkah anu matak ngajajap kana rido sareng surgana
Alloh swt.
Ku hal sakitu, hadirin sadayana, dina waktos ieu, khotib bade medar naon wae
pelajaran penting tina Romadon anu tiasa dipetik ku urang. Sangkan urang teu
kajongjonan teuing ku uforia lebaran, bari poho kana amanat Romadon. Hayu urang
sami-sami kupingkeun, regepkeun, oge amalkeun.

Page 1 of 6
 Kahiji, pelajaran puasa Romadon teh nyaeta nembongkeun kadeudeuh Alloh
kanggo urang salaku umat Kangjeng Rosul supaya ngalipetkeun ganjaran jeung
ngahontal rupi-rupi kahadean. Sakumaha kauninga, umat Kangjeng Rosul mah
parendek yuswana, rata-rata ukur 60 taunan, oge paling lami ukur saratus taunan.
Tapi sanaos kitu, ku bulan Romadon, ibadah urang tiasa ngabanding kana ibadahna
umat-umat kapungkur anu yuswana paranjang dugika ratusan tahun. Hal ieu terjadi
ku ayana dilipet-lipetankeunnana pahala dina bulan Romadon, salah sawiosna
ngalangkungan Laelatul Qodar anu kahadeannana ngabanding sarebu bulan,
sakumaha anu tos ditetelakeun dina Al-Quran.
‫ َلْيَلُة اْلَقْد ِر َخ ْيٌر ِم ْن َأْلِف َش ْهٍر‬، ‫ َو َم ا َأْد َر اَك َم ا َلْيَلُة اْلَقْد ِر‬، ‫ِإَّنا َأْنَز ْلَناُه ِفي َلْيَلِة اْلَقْد ِر‬
Sing saha-sa anu anu ngalaksanakeun ibadah malem atanapi qiyamullail dina
bulan Ramadhan, komo lamun ngenaan ka Lailatul Qodar disarengan ku kaimanan
sareng kaikhlasan, maka panghampura dosa balasannana. Kitu sakumaha anu
parantos didugikeun ku Kangjeng Nabi saw.
‫ ُغ ِفَر َلُه َم ا َتَقَّد َم ِم ْن َذْنِبِه‬،‫ ِإيَم اًنا َو اْح ِتَس اًبا‬،‫َم ْن َيُقْم َلْيَلَة الَقْد ِر‬
Hartosna, “Sing saha-saha jalma anu ibadah malem Lailatul Qodar disarengan ku
kaimanan oge kaikhlasan maka bakal dihampura dosa-dosana,” (HR. Al-Bukhori).

Di dieu puasa masihan pelajaran kanggo urang, yen Alloh kawasa

ngunggulkkeun hiji perkara di antawis perkara-perkara sanesna. Tah bulan puasa oge
bulan anu diunggulkeun di antawis bulan-bulan sejenana. Nyakitu keneh Alloh kawasa
ngunggulkeun jalma-jalma pilihannana di antawis jalma-jalma sejenna, ngalimpahkeun
rezekina, ngaluaskeun elmuna, ngaluhurkeun darajatna, manjangkeun umurna,
ngasepkeun rupana, jeung sajabana.
Tapi di sisi sanes, Alloh kawasa ngadamel jalmi-jalmi anu sabalikna ti eta.
Hartosna sanes Alloh teu kawasa ngabeungharkeun sadaya jalma. Sanes teu kawasa
Alloh ngelmuan sadayana jalma. Tapi di balik eta Alloh nyimpen hikmah sareng rahasia
anu luar biasa.

‫ُهللا َأْك َبُر ُهللا َأْك َبُر ُهللا َأْك َبُر َو ِهّٰلِل اْلَح ْم د‬
Maasyirol Muslimin, sidang solat id anu dimulyakeun ku Alloh
Kadua, pelajaran puasa teh nyaeta lahirna rahasia antawis urang sareng Alloh.
Teu aya hamba anu tiasa ningal hakekatna kecuali Alloh. Matak pantes, teu aya anu
hak ngabales puasa anging Alloh. Hal kitu luyu sareng katerangan hadis qudsi:
، ‫ ِإاَّل الَّص ْو َم‬:‫ َق اَل ُهَّللا َتَع اَلى‬، ‫ُك ُّل َع َم ِل اْبِن آَد َم ُيَض اَع ُف اْلَح َس َنُة َع ْش ُر َأْم َثاِلَها ِإَلى َس ْبِع ِم اَئِة ِض ْع ٍف‬
‫ َو َأَنا َأْج ِزي ِبِه َيَد ُع َطَع اَم ُه َو َش َر اَبُه َو َشْهَو َتُه ِم ْن َأْج ِلي‬،‫َفِإَّنُه ِلي‬
Hartosna, “Satiap amal turunan Adam dilipatgandakeun balesanana. Hiji kasaean
dilipetgandakeun kana sapuluh dugika saratus lipetna. Alloh swt ngadawuh, ‘Anging
ibadah puasa. Saenya-enyana puasa teh keur kaula. Oge kaula anu baris ngabalesna.
Sabab, hiji hamba ninggalkeun syahwat jeung kadaharanna karena kaula.’” (HR. al-
Bukhari).
Tah pelajaran puasa ieu kalintang pentingna kanggo urang ngaitkeun sagala
rupa perkara ka Alloh. Sahingga urang salawasna tiasa berhubungan sareng Alloh,

Page 2 of 6
ngaraos diteuteup ku Alloh, diawasi ku Alloh. Ka dituna, urang ngaraos diatur ku Alloh,
digerakkeun ku Alloh, sareng sajabina.
Intina, sagala rupa anu terjadi teu aya anu luput tina katangtosan Alloh. Nyakitu
keneh urang ibadah teh sanes keur makhluk, tapi kanggo Alloh, matak kudu ngarasa
aya di payuneun Alloh. Ka ditu na urang teu wantun ngareumpak larangan Alloh,
sabab ngaraos dipencrong ku Alloh. Tah ieu anu namina ihsan sakumaha anu parantos
digambarkeun ku Kangjeng Rosul waktos ditaros ku malaik Jibril.
‫ َفِإَّنَك ِإْن اَل َتَر اُه َفِإَّنُه َيَر اَك‬،‫ َأْن َتْع ُبَد َهَّللا َك َأَّنَك َتَر اُه‬: ‫ َقاَل‬،‫ َيا َر ُسوَل ِهَّللا َم ا اِإْل ْح َس اُن ؟‬: ‫َقاَل‬
Hartosna, “He Rosulalloh, naon ari hartosna ihsan?” Anjeuna ngawaler, “Ihsan
teh anjeun ibadah ka Alloh, siga-siga anjeun ningal ka Alloh. Sanajan anjeun teu
ngaraos ningal ka Alloh, tapi Alloh mah ningal ka anjeun.” (HR. Ahmad).

Tah ieu kedah leres-leres dijiwai ku urang sadayana. Urang ibadah teh hungkul
ka Alloh. Sing bener-bener khusyu’ siga urang tos tiasa ningal sareng papayun-payun
sareng Alloh. Mung saupamina teu acan ngaraos papayun-payun sareng Alloh, urang
sing emut yen urang salamina diteuteup ku Alloh.
‫ُهللا َأْك َبُر ُهللا َأْك َبُر َو ِهّٰلِل اْلَح ْم د‬
Katilu, pelajaran puasa teh nyaeta nyadarkeun yen kawajiban puasa tina dahar,
nginum, sareng tina rupa-rupa pangbatalan mah tempatna ukur dina bulan Romadon
hungkul. Tapi puasa tina rupa-rupa perkara haram sareng padamelan tercela mah
tempatna dina saumur hirup urang. Sareng deui, lamun keur sejeroning puasa urang
sadayana dipiwarang ngeker tina perkara anu halal, maka komo tina perkara anu teu
halal.
Tah saenya-enyana mah puasa teh rek mere pelajaran keur urang, yen dina
sagala rupa oge urang teu kenging kaleuleuwihi sanaos eta perkara teh halal jeung
milik urang. Rek tina jihat kadaharan, rek tina jihat gaul jeung bojo.
Jadi makna imsak anu secara bahasa nyaeta ‘ngeker’, saatos kaluar tina bulan
puasa kudu bisa diterapkeun dina sagala widang. Ngandung harti urang teu meunang
kaleulewihi. Kalebet dina poe lebaran ieu. Urang lain teu meunang bungah, lain teu
meunang nganggo pakean weuteuh, lain teu meunang meser kadaharan anu
ngeunah. Tapi kade urang ulah kaleuleuwihi. Sabab, Alloh swt. teu mikaresep ka jalma
anu kaleuleuwihi. Kitu sakumaha anu tos diamanatkeun dina salah sawios ayat-Na:
‫يا َبِني آَد َم ُخ ُذ وا ِزيَنَتُك ْم ِع ْنَد ُك ِّل َم ْس ِج ٍد َو ُك ُلوا َو اْش َر ُبوا َو ال ُتْس ِرُفوا ِإَّنُه ال ُيِح ُّب اْلُم ْس ِرِفيَن‬
Hartosna, “He anak incu Adam, pake pakean anjeun anu endah satiap (asup) ka
masjid oge dahar jeung nginum aranjeun, tapi ulah kaleuleuwihi. Saenya-enyana
Anjeuna (Alloh) teu resep ka jalma-jalma anu kaleuleuwihi,” (QS. al-A’raf [7]: 31).

Malahan dina ayat sanesna mah, jalmi anu kaleuleuwihi teh diancam
kagolongkeun kana ahli naraka. Naudzubillah.
‫َو َأَّن اْلُم ْس ِرِفيَن ُهْم َأْص َح اُب الَّناِر‬
Hartosna, “Saenya-enyana jalma anu kaleuleuwihi maranehna teh golongan ahli
naraka,” (QS. al-Mu’min [40]: 43).

Cohagna mah Romadon teh ngajarkeun kasederhanaan. Romadon ngalatih

urang nahan perkara halal, sumawona perkara nu teu halal. Urang kedah emut kana
Page 3 of 6
alam padang, poe panjang, nagara tanjung sampurna alias alam akherat tea namina
anu bakal disanghareupan ku urang ngalangkungan alam kubur. Nalika urang dikubur,
pakean urang ukur boeh anu basajan. Minyak wangi urang ukur kamper anu sok
dipake ngusir cucunguk. Harita urang dibalikkeun deui kana taneuh anu asalna tina
taneuh.
‫ِم ْنها َخ َلْقناُك ْم َو ِفيها ُنِع يُد ُك ْم َو ِم ْنها ُنْخ ِرُج ُك ْم تاَر ًة ُأْخ رى‬
“Tina (taneuh) Kaula nyiptakeun anjeun, kana taneuh Kaula bakal mulangkeun
anjeun jeung tina taneuh Kaula bakal ngaluarkeun anjeun dina waktu anu sejen,” (QS.
Thaha [20]: 55).

Rajakaya anu loba teu dibawa. Sabab nu dibawa mah amal soleh urang. Nu
dibawa mah harta urang anu dititipkeun di jalan Alloh. Anu dibawa mah ladang sabar
urang. Persis nu digero dina poe kiamah ku malaikat teh teu aya deui nyaeta jalma-
jalma anu sabar. Dina ngalaksanakeun taat, sabar nyingkahan maksiat, sabar dina
nandangan cocoba.
‫َس اَل ٌم َع َلْيُك ْم ِبَم ا َص َبْر ُتْم َفِنْع َم ُع ْقَبى الَّد اِر‬
(Malaikat nyarios,) “Salāmun ‘alaikum (mugia kaselametan dipasihkeun ka
aranjeun) kusabab kasabaran aranjeun.” (Eta teh) panghade-hadena tempat balik
(surga),” (QS. ar-Ra’du [13]: 24).
‫ ُهللا َأْك َبُر َو ِهّٰلِل اْلَح ْم د‬،‫َو ُهللا َأْك َبُر‬
Hadirin, jamaah id sadayana
Kaopat, puasa teh mere palajaran keur urang supaya mikanyaah kaum papa
jeung duafa. Salila puasa urang nahan lapar, diajar ngarasakeun kumaha laparna
jalma-jalma anu teu mampu. Matak di akhir Romadon, urang diwajibkeun ngaluarkeun
zakat fitrah, infak, sareng sodakoh, di antarana keur nunjukkeun kanyaah jeung
kapedualian urang ka maranehna. Bayangkeun lamun urang hirup serba kakurangan.
Rek pisakumahaeun ngagerikna ati. Matak urang ulah kajongjonan. Ngeunah dewek
hanteu lian. Kudu bisa ngaragap diri batur ku rasa urang. Sahingga urang teu wani
koret ka batur, sabab urang oge embung dikoretan batur. Urang teu wani ngahina
batur sabab urang ge embung dihina batur, jeung sajabana.
Anu leuwih penting ti eta, zakat teh keur meresihan diri urang tina rereged jeung
kokotor batin anu teu katingal ku mata dohir. Sakaligus panamal tina perkara-perkara
anu ngaruksak kasampurnaan puasa urang. Oge emut kana hak harta urang, yen anu
halalna hisabeun, anu haramna siksaeun. Geus jelas jeung pasti kabeh nu
diamanatkeun ka urang bakal dipertanggung-jawabkeun ku urang di payuneun Alloh.
Emut riwayat Nabi Sulaeman nabi anu pang beungharna. Di akherat, anjeuna
lebet ka surgana 500 taun leuwih lambat tibatan Nabi Isa anu pang miskinna.
Alesannana, Nabi Sulaeman kudu mayunan hisab sakabeh hartana. Cacak-cacak Nabi
Sulaeman kabeh hartana dianggo taat, kantenan lamun urang gaduh harta teu
dianggo taat. Matak hayu, sanes dina Romadon wae, urang ngaluarkeun hak harta
urang sakaligus meresihan diri urang.
Hadirin, tah eta diantawisna pelajaran puasa keur urang sadayana. Insya Alloh,
masih seueur keneh pelajaran anu sanesna, keur renungkeuneun jeung maknaaneun
urang. Sakali deui kade urang urang leupas kitu wae ninggalkeun Romadon. Kedah
aya tapakna urang salami digemleng ku rupi atikan jeung didikan Romadon.
Page 4 of 6
 Mudah-mudahan urang sing kalebet jalmi unu uih kana fitrah anu hartina bersih
jeung dihampura dosa. Minal aidin wal faizin. Mugia urang sing dijantenkeun jalmi anu
uih kana kasucian sareng meunangkeun kauntungan. Mugi amal ibadah Romadon
urang ditampi ku Nu Maha Kawasa. Mugi doa urang diijabah ku Mantenna. Amin amin
ya arhamar rohimin. Amin amin ya mujibas sa’ilin.
‫ َب اَر َك هللاُ ِلْي َو َلُك ْم‬. ‫َج َع َلنَا هللاُ َو ِإيَّاُك ْم ِم َن العَاِئِد ْيَن َو الَفآِئِزْيَن َو َأْدَخ َلنَا َو ِاَّياُك ْم ِفْي ُز ْم َر ِة ِع بَاِدِه الُم َّتِقْيَن‬
‫ َو َتَقَّبَل ِم ِّنْي َو ِم ْنُك ْم ِتَالَو َتُه ِاَّنُه ُه َو‬. ‫ِفْي الُقْر آِن الَعِظ ْيِم َو َنَفَع نِي َو ِاّيَاُك ْم ِبَم اِفْيِه ِم َن اآلَياِت َو الِّذ ْك ِر الَح ِكْيِم‬
‫ َو ُقْل َر ِّب اْغ ِفْر َو اْر َح ْم َو َاْنَت َخ ْيُر الَّراِح ِم ْيَن‬. ‫الَّس ِم ْيُع الَعِلْيُم‬

Page 5 of 6
‫‪Khutbah II‬‬
‫ُهللا َأْك َبُر (×‪ُ )٣‬هللا َأْك َبُر (×‪ُ )٣‬هللا َأْك َبُر َو ِهّٰلِل ْالَح ْم ُد‬
‫َاْلَح ْم ُد ِ ِهّٰلل َر ِّب اْلَع اَلِم ْيَن ‪َ ،‬أْش َهُد َأْن َالِإَلَه ِإَّال ُهللا َو ْح َد ُه َالَش ِرْيَك َل ُه َو َأْش َهُد َأَّن ُمَح َّم ًد ا َع ْب ُد ُه‬
‫َو َر ُسْو ُلُه‪َ ،‬الَّلُهَّم َص ِّل َو َس ِّلْم َع َلى َس ِّيِد َنا ُمَح َّم ٍد َو َع َلى آِل ِه َو َأْص َح اِبِه َأْج َم ِع ْيَن ‪َ .‬فَياِع َب اَد ِهللا‬
‫ِاَّتُقْو ا َهللا َح َّق ُتَقاِتِه َو َال َتُم ْو ُتَّن ِإَّال َو َأْنُتْم ُم ْس ِلُم ْو َن‬
‫َقاَل ُهللا َتَع الَى ِفْي ِكَتاِبِه ْالَعِظ ْيِم "ِإَّن َهللا َو َم َالِئَكَتُه ُيَص ُّلْو َن َع لَى الَّنِبِّي ‪َ ,‬ي ا َأُّيَه ا اَّل ِذ ْيَن َأَم ُن ْو ا‬
‫َص ُّلْو ا َع َلْي ِه َو َس ِّلُم ْو ا َتْس ِلْيًم ا"‪َ .‬الَّلُهَّم َص ِّل َو َس ِّلْم َع لَى َس ِّيِد َنا ُمَح َّم ٍد َو َع لَى َاِل ِه َو ًأْص َح اِبِه‬
‫َأْج َم ِع ْيَن ‪َ .‬و الَّت اِبِع ْيَن َو َت اِبِع الَّت اِبِع ْيَن َو َم ْن َتِبَع ُهْم ِبِإْح َس اٍن ِإلَى َي ْو ِم الِّدْيِن ‪َ .‬و َع َلْيَن ا َم َع ُهْم‬
‫ِبَر ْح َم ِتَك َي ا َاْر َح َم الَّراِح ِم ْيَن َالَّلُهَّم اْغ ِف ْر ِلْلُم ْس ِلِم ْيَن َو ْالُم ْس ِلمَاِت‪َ ,‬و ْالُم ْؤ ِمِنْيَن َو ْالُم ْؤ ِم َن اِت‪,‬‬
‫َاَأْلْح َياِء ِم ْنُهْم َو ْاَألْم َو اِت ِإَّنَك َسِم ْيٌع َقِر ْيٌب ُم ِج ْيُب الَّد َع َو اِت َيا َقاِض َي ْالَح اَج اِت‪َ .‬ر َّبَن ا اْفَتْح‬
‫َبْيَنَنا َو َبْيَن َقْو ِم َنا ِبْالَح ِّق َو َأْنَت َخ ْيُر ْالَفاِتِح ْيَن ‪َ .‬ر َّبَنا َأِتَنا ِفي الُّد ْنَيا َحَس َنًة َو ِفي ْاآلِخ َرِة َح َس َنًة‬
‫َو ِقَنا َع َذ اَب الَّناِر‬
‫ْأ‬
‫ِع َباَد ِهللا ِإَّن َهللا َي ُم ُر ِباْلَع ْد ِل َو ْاِإل ْح َس اِن َو ِإْيَت اِء ِذ ي ْالُق ْر بَى َو َيْنهَى َع ِن ْالَفْح َش اِء َو ْالُم ْنَك ِر‬
‫َو ْالَبْغ ِي َيِع ُظُك ْم َلَع َّلُك ْم َتَذَّك ُرْو َن ‪َ .‬فاْذ ُك ُرْو ا َهللا َيْذ ُك ْر ُك ْم َو اْدُع ْو ُه َيْسَتِج ْب َلُك ْم َو َلِذ ْك ُر ِهللا َأْك َبُر‬

‫‪Page 6 of 6‬‬