SHS

Filipino
Pagbasa at Pagsusuri ng Iba’t Ibang
Teksto Tungo sa Pananaliksik
MODYUL 3: PROSESO NG PAGSULAT NG
PANANALIKSIK
Filipino – SHS: Pagbasa at Pagsusuri ng Iba’t Ibang Teksto Tungo sa Pananaliksik
Kwarter 4– Modyul 3: Proseso ng Pagsulat ng Pananaliksik

Isinasaad sa Batas Republika 8293, Seksiyon 176 na: Hindi maaaring magkaroon ng
karapatang-sipi sa anumang akda ang Pamahalaan ng Pilipinas. Gayunpaman, kailangan
muna ang pahintulot ng ahensiya o tanggapan ng pamahalaan na naghanda ng akda kung ito
ay pagkakakitaan. Kabilang sa mga maaaring gawin ng nasabing ahensiya o tanggapan ay
ang pagtakda ng kaukulang bayad.

Ang mga akda (kuwento, seleksiyon, tula, awit, larawan, ngalan ng produkto o brand name,
tatak o trademark, palabas sa telebisiyon, pelikula, atbp.) na ginamit sa modyul na ito ay
nagtataglay ng karapatang-ari ng mga iyon. Pinagsumikapang matunton ang mga ito upang
makuha ang pahintulot sa paggamit ng materyales. Hindi inaangkin ng mga tagapaglathala at
mga may-akda ang karapatang-aring iyon. Ang anumang gamit maliban sa modyul na ito ay
kinakailangan ng pahintulot mula sa mga orihinal na may-akda ng mga ito.

Walang anumang parte ng materyales na ito ang maaaring kopyahin o ilimbag sa anumang
paraan nang walang pahintulot sa Kagawaran.

Inilathala ng Kagawaran ng Edukasyon

Panrehiyong Direktor: Gilbert T. Sadsad

Kawaksing Panrehiyong Direktor: Ronelo Al K. Firmo

Mga Bumuo ng Modyul

Manunulat: Albert F. Escobedo

Editor: Vanesa M. Lopez
Tagasuri ng Nilalaman: Sharon A. Vito
Ana Maria B. Gojar Emma D. Gonzales
Gumuhit ng Larawan: Jotham D. Balonzo
Nagdisenyo ng Pahina: Rey Antoni S. Malate; Jotham D. Balonzo; Ara s. Manata;
Brian Navarro
Paunang Salita

Bilang tugon sa makabagong tunguhin sa pagkatuto ay binuo ang serye ng

modyul na ito. Nilalaman nito ang mga pinakamahahalagang kasanayang
pampagkatuto o Most Essential Learning Competencies (MELC) sa ilalim ng
kasalukuyang kalagayan ng edukasyon. Upang matugunan ang hamong kinakaharap
sa edukasyon, kalusugan at kaligtasan malaking tulong ang modyul na ito sa patuloy
na pag-aaral ng kabataan sa loob at labas ng paaralan sa pakikipagtulungan ng mga
magulang at tagagabay
Inaasahan na ang modyul na ito ay higit na makatutulong sa paglinang ng
kasanayan at kakayahan ng mga mag-aaral.

Para sa Tagagabay:
Upang lalong kagiliwan ng mag-aaral at maging kapaki-pakinabang
ang modyul na ito, tiyaking makapagbigay ng oryentasyon sa mga mag-
aaral, magulang, o sinomang miyembro ng pamilya kung paano gagamitin
at iingatan ang modyul na ito.
Ipabatid na kailangang magkaroon ng sariling sagutang papel ang
bawat mag-aaral para sa paunang pagsubok, mga gawain sa bawat
bahagi at panapos na pagsubok. Kung tapos nang sagutin ang modyul na
ito, ipaalala sa mag-aaral na kaagad itong ibalik sa guro para sa kaukulang
tunguhin.

Para sa mag-aaral:

Inihanda ang modyul na ito para sa iyo.

Kailangan mong sundin at saguting mag-isa ang mga
gawaing nasa loob nito. Huwag kang mag-alala,
kayang-kaya mo ito. Tiniyak kong matutuwa ka
habang natututo.
Ingatan mo ang modyul na ito. Huwag mong
susulatan at iwasang mapunit ang mga pahina.
Gumamit ka ng sagutang papel o ang iyong kuwaderno.
Sige, simulan na natin!

ii
 Proseso ng Pagsulat
ng Pananaliksik
Magandang araw!

Kumusta?
Ano-anong hakbang ang iyong ginagawa para ikaw
ay di mabagot habang mag-isang nag-aaral?

Magaling! Natutuwa ako saiyong pagiging mapamaraan. Ang katangian na iyan

ay iyong magagamit lalo na kung ikaw ay gagawa ng pananaliksik. Dahil isang
proseso ang pananaliksik, kailangang ikaw ay mapamaraan, may abilidad na tukuyin
ang mga nararapat gawin upang matapos ang bawat hakbang sa pagbuo nito. Pero
huwag kang mag-aalala, sa modyul na ito, tuturuan kita ng iba’t ibang paraan sa
teknikal na pagsulat ng pananaliksik.

Handa ka na ba? Halika, sabayan mo akong isa-isahin ang mga paraan at

tamang proseso ng pagsulat na ito!

Sa aralin na ito, inaasahan na naiisa-isa

mo ang mga paraan at tamang proseso ng
pagsulat ng pananaliksik batay sa layunin,
gamit, metodo, at etika ng pananaliksik.

Layunin

1
 May mga bagong salita na dapat mong kilalanin para
sa araling ito. Magagamit mo ang mga ito upang ganap
mong maunawaan ang mga susunod na talakay tungkol sa
ating paksa.

Talasalitaan

Basahin natin.

metodo
proseso layunin gamit
* ito ay makaagham
•ito ang •mithiin o tunguhin. •ito ay estratehikong at masining na
sistematikong Ito ang nais instrumento sa pamamaraan o
paraan sa makamit sa pangangalap ng
hakbangin sa
pagsasagawa ng pananaliksik. impormasyon para
masagot ang layunin pagkamit ng
isang bagay tulad (https://brainly.ph/que
stion/543954) ng pananaliksik. Ito layunin ng
ng pananaliksik. ay sumusukat din sa pananaliksik.
(https://www.tagalogl (Balunsay, 2020)
iba’t ibang varyabol
ang.com/proseso/)
kaugnay ng
paksa.(https://lib.dmu
.edu/db/cinahl/instrum
ents)

pananaliksik
paraan pagsulat etika * isang paraan ng
pangangalap ng
•ito ang hakbang sa •isa sa mga •ito ay mga impormasyon gamit
pagkamit ng isang makrong tuntunin sa ang matalinong at
layunin o tunguhin. kasanayan na pananaliksik. organisadong
(Bernales, 2016) dapat malinang sa Nakalahad dito ang metodo na may
isang indibiwal. Ito mga pananagutan sinusunod na etika
ay pisikal at mental ng isang para sa mas maayos,
na aktibiti para sa mananaliksik. malinis at
iba't ibang layunin. (Balunsay, 2020)
komprehensibong
(https://www.slideshare.n
et/jombasto7/pagsulat- pagsasagasawa.
1599554) (Balunsay, 2020)

2
 Ano ba ang alam mo na sa ating
aralin?

Panimulang Pagsubok

subukin mo nga?
Panuto: Ayusin sa tamang pagkasunod-sunod ang mga hakbang sa pagsulat ng
pananaliksik gamit ang dayagram sa ibaba (Balunsay, 2020). Gayahin ang
dayagram sa inyong sagutang papel.

• Diseminasyon ng pananaliksik
• Pagbuo ng hinuha
• Pagbuo ng kongklusyon at rekomendasyon
• Paglikha o pangangalap ng instrumento ng pananaliksik
• Aktuwal na pangangalap ng datos/ Paglilikom at tabyulasyon ng mga datos at
impormasyon
• Pagrerebyu ng kaugnay na literatura at pag-aaral
• Pagsusuri ng datos na nalikom
• Pagtukoy ng lawak ng populasyon o sampol
• Pagtukoy ng respondent o impormante
• Pagtukoy sa suliranin/ pag-alam ng mga layunin ng pag-aaral.

- - - -

- - - -

- -

3
 Binabati kita. Natapos mo ang unang pagsubok.
Alamin natin sa pahina 14 ang wastong sagot sa mga tanong.
Saang antas ng kaalaman ka nabibilang?
____ 10 (Mahusay na mahusay)
____ 7-9 (Mahusay)
____ 4-6 (Malapit sa katotohanan)
____ 1-3 (Kailangan pang magbasa)
____ 0 (Nahirapan ng sobra) baguhin ang bilang

Excellent!!!

O, di ba alam na alam mo na ang mga paraan at

tamang proseso ng pananaliksik!

Halika, may inihanda pa akong mga dapat mong

matutuhan at ilang gawaing mas lalong magpapaunlad
sa iyong pagkatuto.

Mga Gawain sa Pagkatuto:

PROSESO SA PAGSULAT NG PANANALIKSIK

Basahin mo.

Ano ang mga paraan at tamang proseso ng pananaliksik?

Tama! Ang pananaliksik ay sumusunod sa makaagham na metodo o scientific method. Ito ay

nagsisimula sa pagmamasid at pagtukoy ng suliranin, pagbubuo ng hinuha kung disenyo ay
eksperimental, pangangalap ng datos, pagsusuri ng datos, at paglalahad ng napagkuro o
kongklusyon. Hindi ito magiging matagumpay o hindi matatamo ang inaasahang bunga kung hindi
siyentipiko ang pamamaraan ng pagsasagawa ng saliksik. Maging ang pagtukoy ng mga baryabol
na sasaliksikin, pag-alam sa populasyon at kinakailangang sampol ay siyentipiko ring maituturing.
Sa katunayan, kakailanganin ng isang mananaliksik ang tulong ng isang dalubhasa sa istatistika
upang maging maayos ang kalkulasyon ng mga numerikal na datos sa pananaliksik na kuwantitatibo.
(Balunsay, 2020)

4
 Mahusay! Maliban sa pagiging makaagham o siyentipiko ng pananaliksik, ito ay isa ring masining
na larang. Kagaya ng pagsulat ng anumang komposisyon, ito ay dapat na dumaan sa pormal na
proseso ng pagsulat. Nagsisimula ang pananaliksik sa pre-writing na gawain kagaya ng
pagpaplano, pagbabalangkas, pagmamasid, at paglilinaw ng mga layunin. Ang kasunod nito ay ang
writing stage o ang pagsulat ng kabuuan ng papel-pananaliksik matapos na makalap, malikom at
mabuo ang mga datos at impormasyon.ang pagdedepensa nito sa harap g mga dalubhasang lupon
ng mga tagasulit ay maaaring ihanay sa editing stage. Sa depensa kinikilatis ng lupon ng mga
tagasulit ang kalidad, mekaniks, at pormat ng pananaliksik. Ang lupon ng tagasulit ay nagbibbigay
ng mga konstraktib na mga kritisismo, mga mungkahi, at pagwawasto. Sa mga tesis at disertasyon,
ang papel na dinidepensa ay dapat pang dumaan sa tatlong uri ng editors maliban sa lupon ng
tagasulit at ng tagapayo:
1. editor ng content- tungkulin ng kontent editor na ituwid ang mga kamalian sa nilalaman
kagaya ng maling pormat, maling detalye sa justifications, kawastuhan ng mga inilagay na literatura
at pag-aaral, pagkakasunod-sunod ng mga ito, pagkakaayos ng balangkas konseptuwal, kung akma
ba nag pagkakasulat ng mga bilang pati na ang mga nakalagay sa interpretasyon at implikasyon.

2. editor sa wika- tungkulin ng editor ng wika ang pagwawasto ng gramatika, gamit ng salita,
kapitalisasyon, gamit ngmga bantas, palugit at pasok ng mga talata, estruktura ng sanggunian,
dokumentasyon, pahinasyon, at iba pang gramatikal at retorikal na pagwawasto.

3. editor ng istatistika- tungkulin ng editor sa istatistika na tingnan kung wasto ang

kalkulasyon ng mga numerical na datos, kung tama ba ang proseso ng pagkompyut ng sampol, at
iba Paano mabubuo
pang konsiderasyong ang pinal
istatistikal. na 2020)
(Balunsay, sipi o final paper ng
pananaliksik?

Magaling! Pagkatapos na dumaan ang papel-pananaliksik sa tagapayo, lupon ng

tagasulit at mga editor, isasagawa ng mananaliksik ang pagrerebisa o paglalakip sa papel
ng mahahalagang komentaryo at mungkahing napagkasunduan ng panel. Itutuwid na rin
ng mananaliksik ang kamalian sa content, wika, at istatistika. Pagkatapos nito ay saka
makabubuo ng pinal na sipi o final paper ng pananaliksik.

I. ANG PAKSA AT PAMAGAT-PAMPANANALIKSIK

A. Ang Paksang Pampananaliksik
1. Mga Hanguan ng Paksa
a. Sariling Karanasan
b. Dyaryo at Magasin
c. Radyo at TV
d. Mga Awtoridad, Kaibigan, Guro
e. Internet
f. Aklatan
2. Mga Konsiderasyon sa Pagpili ng Paksa
a. Kasapatan ng Datos
b. Limitasyon ng Panahon

5
 c. Kakayahang Pinansyal
d. Kabuluhan ng Paksa
e. Interes ng Mananaliksik
3. Paglilimita ng Paksa
a. Panahon
b. Edad
c. Kasarian
d. Perspektibo
e. Lugar
f. Propesyon o Grupong Kinabibilangan
g. Anyo o Uri
h. Partikular na halimbawa o kaso
i. Kumbinasyon ng dalawa o higit pang batayan
B. Ang Pamagat-Pampananaliksik
1. Malinaw- hindi matalinghaga
2. Tuwiran- hindi maligoy
3. Tiyak- hindi masaklaw
• Iminumungkahi din ang bilang ng mga salita sa pamagat, hindi kasama ang mga salitang
pangkayarian tulad ng pantukoy, pananda at pang-ugnay. Hangga’t maaari, ang mga salita ay
hindi kukulangin sa sampu (10) at hindi hihigit sa dalawampu (20).
Hal. Korelasyon ng mga Piling Baryabol sa Atityud sa Pang-ekonomikong Pamumuhay ng mga
Magulang na Iskwater sa Bliss Guadalupe
(http://www.filipinoscribe.com/pananaliksik101/pagpili-ng-paksa/)

II. PANGANGALAP NG MGA DATOS, IMPORMASYON AT SANGGUNIAN

A. Mga Hanguan ng Impormasyon o Datos
1. Hanguang Primarya (Primary sources)
a. Indibidwal o awtoridad
b. Mga grupo o organisasyon
c. Mga kinagawiang kaugalian tulad ng relihiyon at pag-aasawa, sistemang legal at ekonomik at iba pa
d. Mga Pampublikong kasulatan o dokumento tulad ng konstitusyon
2. Hanguang Sekondarya (Secondary Sources)
a. Mga aklat
b. Nalathalang artikulo
c. Mga tisis, disertasyon at pag-aaral ng pisibiliti
d. Mga monograp, mawal polyeto, manuskripto at iba pa.
3. Hanguang Elektroniko- Internet
B. Pangangalap ng mga Impormasyon o Datos
1. Tukuyin kung anong uri ng impormasyon o datos ang kailangan at klasipikasyon nito.
2. Isagawa ang pagsusuri ng mga nakuhang impormasyon o datos gamit ang kasanayang browsing,
skimming, at scanning.
3. Salain ang mga napiling impormasyon o datos upang malaman kung magagamit ito, gayon din nag
mga sanggunian hindi makatutulong sa pananaliksik. Maging gabay ang mga sumusunod:
a. Ano ang kaugnayan nito sa paksa?
b. Mapagkakatiwalaan ba ang may-akda at tagpaglathala?
c. Makatotohanan ba ito?
(Balunsay, 2020)

6
III. PAGTATALA NG MGA IMPORMASYON O DATOS
A. Paggawa ng Tala
1. Gumamit ng kard na may sukat na maaaring 3x5, 4x6 at/o 5x8.
2. Itala ang mga sumusunod:
- Pamagat ng impormasyon o datos
- Impormasyon o datos na nais ibilang sa pananaliksik at bibigyang paliwanag
- May-akda o mga may-akda
- Pamagat ng aklat, magasin o kung saan kinuha ang impormasyon kasama ang pahina kung saan
nakuha ito.
B. Paraan ng Pagtatala
1. Tuwirang sipi- eksakto o tuwirang pagsipi ng bahagi ng orihinal na teksto.
2. Pabuod- Kailangang ibuod ang orihinal na teksto gamit ang sariling pananalita (paraphrasing) sapagkat
ang mga teksto ay mahahaba. (Tanawan-Sunga, 2013)
IV. APAT NA URI NG PAGPAPAHAYAG SA PAGSULAT NG NARATIBO NG
PANANALIKSIK

Tumpak! Ginagamit sa pagsulat ng pananaliksik ang mga sumusunod na pagpapahayag:

1. Paglalahad- ginagamit sa pagsulat ng panimula, kaugnay na literatura at interpretasyon ng mga datos kung
saan ang mananaliksik ay tila nagbibigay ng impormasyon sa mga mambabasa.
- hindi nangangailangan ng perspektibo lamang ng mananaliksik kung hindi nilalakipan din ng mga
perspektibo ng mga awtoridad
2. Pagsasalaysay- ginagamit sa mga pananaliksik na kuwalitatibo kagaya ng etnograpiya, penomenolohiya,
aral-kaso, at Grounded Theory; sa bahagi ng paraan ng pagsasagawa, iniisa-isa ang lahat ng mga
pinagdaanan ng mananaliksik mula pagbabasa sa aklatan hanggang sa oagbuo ng awtput.
3. Paglalarawan- kasama ng pagsasalaysay ang paglalarawan sa naratibong kuwalitatibong pag-aaral.
Inilalarawan ng mananaliksik maging ang sampol, paligid ng minasdang comunidad, pamamaraang ginamit,
ang uri o paraan ng pagsagot ng mga impormante. Inilalarawab din niya ang pagkakapareho at pagkakaiba
ng pananaliksik na napili sa mga nirebyung pag-aaral.
4. Pangangatwiran- may himig pangangatwrian ang pagtalakay ng kahalagahan ng pag-aaral. Sa pag-iisa-isa
ng mga tao at institusyong mabibinipisyuhan ng pananaliksik ay tila nangangatwiran ang mananaliksik. May
himig din ang pagtalakay ng mga implikasyon ng mga nasuring datos. (Pacay, 2016)
V. ETIKA SA PAGSULAT NG PANANALIKSIK
Nakuha mo! Dapat tandaan ng sinumang nagbabalak sumulat ng isang sulating pananaliksik na ito ay teknikla
at akademikong sulatin. Sa kadahilang ito, may sinusunod itong mga tuntunin. Ilan sa mga ito ay ang mga
sumusunod:
1.Huwag gumamit ng mga tayutay at idyomatikong pahayag sa naratibo ng pananaliksik. Gagamitin lamang
ang mga salitang ito kung ito mismo ang sinasaliksik o ito mismo ang pangunahing baryabol na sinuri.
2.Huwag gumamit ng mga panghalip na nasa unang panauhan. Ang papel pananaliksik ay hindi personal na
sulatin kaya dapat itong isulat sa ikatlong panauhan.
3. Iwasan ang plagiyarismo o pangongopya. Huwag kalimutan ang tuntunin sa dokumentasyon.
4. Iwasan ang pagsasalin ng teksto na hindi inilalagay ang pinagkuann. Pati ang mga detalyeng binuod o
pinalawak na mula sa ideya ng iba ay dapat idokumento nang maayos. Ang kawalan ng dokumentasyon sa
naturang bagay ay paglabag sa Intellectual Property Rights.
5. Siguruhin ang mga unang talata ng panimula ay dapat galing muna sa mananaliskik. Angmga suportang
pahayag mula sa mga awtoridad at snaggunian ay maaaring isunod na lamng rito. Iwasang gumamit agad ng
awtoridad sa unang mga talata ng panimula.
6. Iwasang gumamit ng mga panimulang tula, anekdota, salawikain, kawikaan, kasabihan, at iba pang mga
literaring paglalahad sapagkat ang sulating pampananaliksik, gaya ng nakasaad sa unahang bahagi , ay hindi
isang sualting pamapanitikan. Gagamitin lamang ang mga tula at kuwento kapag ito ang sabjek na pag-
aaralan sa pananaliksik.
7. Maging maingat sa paglalahad ng datos. Huwag manipulahin ang datos ayon sa sariling kagustuhan.
Igalang ang matutuklasan at huwag manipulahin ang datos na nais mong makuha. Ang isang maling datos o
dinayang detalye ang magsisilbing daan uppang maging mali ang buong pag-aaral. (Balunsay, 2020)

7
Yehey!!! Nasundan mo ba ang talakay sa mga paraan at tamang
proseso ng pagsulat ng pananaliksik?

Mabuti kung ganoon. Natutuwa akong unti-unting nagiging malinaw

sa iyo ang mga paraan at proseso ng pananaliksik.

Ano’ng mahahalagang impormasyon ang iyong nalaman?

Makatutulong kaya ang mga ito sa iyong pag-aaral?

Markahan sa ibaba ang antas ng iyong pagkaunawa:

Lubos na naunawaan
Naunawaan
Naguluhan

Simulan mo na ang iba’t ibang gawain.

___________________________________

LIMITAHAN ANG PAKSA! Pagsasanay 1

Panuto A: Ang sumusunod ay mga pangkalahatang

paksa, limitahan ito at isulat gaya ng halimbawa sa unang
bilang. Gayahin ang talahanayan sa inyong sagutang papel.

Blg. Pangkalahatang Nilimitahang Paksa Lalo pang

Paksa Nilimitahang Paksa

1. Libreng pamimigay ng Libreng pamimigay ng Libreng pamimigay ng

Condom ng DOH para Condom ng DOH sa Condom sa mga mag-
maiwasan ang Pambuplikong Paaralan aaral ng Senior High
lumalaking kaso ng HIV para maiwasan ang School sa
sa Bansa lumalaking kaso ng HIV pampublikong
sa Bansa. paaralan para
maiwasan ang
lumalaking kaso ng
HIV sa Bansa

8
 2 Bilang ng kalalakihang
nasasangkot sa mga
iligal na gawain,
problema ng kapulisan
3
Ang mga magulang
bilang unang gurong
magpapaliwanag
kaugnay sa usaping
sekswalidad
4 Naiibang Tradisyon ng
mga Bikolano
5 Pag-aaral sa wikang
sinasalita ng mga Bakla
6 Paggamit ng mga taga-
Sorsogon ng
teknolohiya
7 Epekto ng Cyber
Bullying sa mga
kabataang biktima
8 Epekto ng
pangkaligirang turismo
sa Pilipinas
Hinango sa http://www.filipinoscribe.com/pananaliksik101/pagpili-ng-paksa/

B. Anong proseso ng pananaliksik ang inilalahad sa gawain A?

__________________________________________________________

Dahil madali mo lang nasagutan ang unang pagsasanay, heto pa ang isa
pang gawaing magpapatibay ng iyong kaalaman.

TUKUYIN MO!!
Pagsasanay 2
Panuto A: Sabihin kung anong uri ng
balangkas ang ipinapakita sa aytem na
hinango sa
https://www.slideshare.net/AkoCiiJehu/pagtukoy-at-paglilimita-ng-paksa.
Isulat ang iyong sagot sa iyong sagutang papel.

9
 1.

2. 3.

A. Sagutin ang mga tanong:

1. Saan ginagamit ang mga istruktura sa Gawain A? ________________
2. Anong proseso ng pananaliksik gagamit nito? __________________

Binabati kita sa iyong tagumpay! Mahusay mong nagagawa ang mga

pagsasanay na inihanda ko. Heto pa ang karagdagan para mas maging
malinaw saiyo ang pag-iisa-isa ng mga paraan at proseso ng pananaliksik.

BALIKAN MO!

Panuto: Balikan ang mga gawain na iyong

Pagsasanay 3
isinagawa sa pananaliksik mo sa
Komunikasyon at Pananaliksik sa Wika at
Kulturang Pilipino. Gumawa ng masining
na timeline ng iyong mga gawain sa
pagbuo ng iyong pananaliksik sa asignaturang nabanggit. Magbigay din ng kaunting
detalye sa mga ilalahad na gawain. Gayahin ang talahanayan sa inyong sagutang
papel.

10
 -
Petsa
Gawain -
at mga
detalye
nito

Nasagutan mo lahat na pagsasanay.

Anong naramdaman mo matapos malaman ang

resulta ng iyong pagsisikap?

 ☺ 

11
 Panapos na Pagsubok

Ang bahaging ito ng modyul ay susukat sa mga

natutuhan mo sa loob ng aralin. Huwag kang matakot dahil
alam kong kayang-kaya mo ito. Huling pagsubok na
lamang ito na kailangan mong gawin.

Panuto: Gumawa ng talaan ng iyong mga plano sa pagbuo ng pananaliksik sa

asignaturang ito gamit ang talahanayan sa ibaba. Maging gabay ang RUBRIKS para
sa maayos na presentasyon ng iyong gawain. Gayahin ang talahanayan sa inyong
sagutang papel.
Petsa/Araw Gawain sa Kailangang Kailangang Kasangkot Inaasahang Mga
Pananaliksik Kagamitan Badyet Bunga/Resulta maaaring
balakid

Pamantayan Puntos
Naisa-isa ang mga paraan at proseso ng pananaliksik 5
Maayos na nasunod ng tama ang proseso ng pananaliksik 5
Nailahad ng malinaw at sunod-sunod ang mga paraan at 5
proseso sa pananaliksik
Nakabuo ng talaan ng mga planong gawain sa pananaliksik 5
Kabuoang Puntos 20
KARAGDAGANG GAWAIN
• Sa pagsasagawa ng pananaliksik, isa sa mga proseso ay ang pangangalap ng
datos. Mabusisi ito kaya kailangan ng pagpaplano. Idetalye dito ang iyong
magiging hakbang sa pangangalap ng datos na kakailanganin mo sa iyong
gagawing pananaliksik. Maging gabay ang pamantayan sa ibaba:

12
 Pamantayan Puntos
Naisa-isa ang mga paraan at proseso pangangalap ng datos 5
sa pananaliksik
Maayos na nasunod ng tama ang pangangalap ng datos sa 5
pananaliksik
Nailahad ng malinaw at sunod-sunod ang mga paraan at 5
proseso ng pangangalap ng datos sa pananaliksik
Nakabuo ng talaan ng mga planong gawain sa pangangalap 5
ng datos sa pananaliksik
Kabuoang Puntos 20

Yehey!

Malapit mo nang matapos ang araling ito. Iwasto

ang iyong mga sagot sa pahina 14.
Ilang bituin kaya ang iyong matatanggap? Suriin sa
ibaba.

 nagawa lahat

 1 hindi nagawa
 2 hindi nagaw
 3 pataas hindi nagawa

Ganoon pala ang mga paraan at

proseso ng pananaliksik.

Mapagkakomplikado ito pero

masayang gawin ang mga
gawain sa pagsasanay.

Sa wakas ay narating mo ang dulo ng

aralin. Ang saya-saya ko at
napagtagumpayan mo ang mga
pagsasanay at gawain.

You are a warrior!

Oh, hanggang sa muli!

13
 14
Panimulang Pagsubok
Pagsasanay 1
A.
Pangkalahatang Paksa Nilimitahang Paksa Lalo pang Nilimitahang Paksa
1. Bilang ng kabataang nasasangkot Bilang ng mga batang lalaking Bilang ng mga batang lalaki (edad
sa ilegal na gawain, problema ng nasasangkot sa mga ilegal na 10-15) na nasasangkot sa mga
kapulisan gawain, problema ng kapulisan ilegal na gawain, problema ng
kapulisan
2. Ang mga magulang bilang gurong Ang mga ama at ina bilang gurong Ang mga ina bilang gurong
magpapaliwanag kaugnay sa magpapaliwanag kaugnay sa magpapaliwanag kaugnay sa
sekswalidad sekswalidad sekswalidad
3 Naiibang tradisyon ng mga Naiibang piyesta sa Sorsogon Naiiibang piyesta sa Gubat,
Bikolano Sorsogon
4 Pag-aaral sa wikang sinasalita ng Pag-aaral sa wikang sinasalita ng Pag-aaral sa wikang sinasalita ng
mga bakla mga propesyunal na bakla mga baklang propesyunal sa
larangan ng Fashion
5 Paggamit ng mga taga-Sorsogon Paggamit ng mga taga-Sorsogon Paggamit ng mga taga-Sotrsogon ng
ng teknolohiya ng teknolohiyang teknolohiyang pangkomunikasyon:
pangkomunikasyon e-mail, cellphone, at fax
6 Epekto ng Cyber Bullying sa Epektong emosyonal ng Cyber Epekto ng Cyber Bullying sa
kabataang biktima Bullying sa kabataang biktima pagkatuto ng kabataang biktima
7 Epektong pangkaligirang turismo Epektong pagkapaligiran ng mga Epektong pagkaligiran ng mga
sa Pilipinas beach resort sa Pilipinas beach resort sa Pilipinas: Kaso ng
Boracay
B.Paglimita ng Paksa/ Pagtukoy ng Suliranin
Pagsasanay 2
A. B.
1. Balangkas ng may animang antas 1. Pagbuo ng Tentatibong Balangkas
2.Balangkas na may tatluhang antas 2. Presentasyon ng datos/ literature/pag-aaral
3. Balangkas ng Bilang
Pagsasanay 3, Panapos na Pagsubok at Karagdagang gawain
Gagamitin ang Rubrics sa pagmamarka ng awtput
Susi sa Pagwawasto
Mga Sanggunian
1. Balunsay, Jovert R. 2020. Maunlad na pananaliksik sa Filipino. 61 Murralla St.,
Intramuros, Manila: Mindshapes Co., Inc.
2. Bernales, Rolando, et. al. 2016. Pagbasa at Pagsulat tungo sa Pananaliksik. Malabon
City: Mutya Publishing House.

3. Pacay, Wilmor L III. 2016, Pagbasa at Pagsusuri ng Iba’t Ibang tekto tungo sa
Pananaliksik, JFS Publishing Services, Inc.
4. Tanawan-Sunga Dolores, et., al. 2013 Lundayan: Pagbasa at Pagsulat tungo sa
Pananaliksik, Taytay, Rizal: Olympia Publishing House.

5. https://brainly.ph/question/543954

6. https://lib.dmu.edu/db/cinahl/instruments

7. http://www.filipinoscribe.com/pananaliksik101/pagpili-ng-paksa/

8. https://www.slideshare.net/jombasto7/pagsulat-1599554

9. https://www.slideshare.net/AkoCiiJehu/pagtukoy-at-paglilimita-ng-paksa

10. (https://www.tagaloglang.com/proseso/)

15
Para sa iba pang tanong at puna, maaaring sumulat o tumawag sa:

Kagawaran ng Edukasyon Rehiyon V

Regional Center Site, Rawis, Legazpi City 4500

Mobile Phone: 0917 178 1288

Email Address: region5@deped.gov.ph