Pisikal na Kapaligiran sa Sariling Pag-aaral Oras ng Pag-aaral ni: Lani G. Gregorio
Lunes ng umaga, maagang gumising si Jayjay
upang maghanda sa pagsagot sa kanyang modyul. Maaga rin nagising ang kanyang nakababatang kapatid na si Liana. Pagkatapos nilang mag-almusal at magsepilyo, inayos na niya ang kanyang mga gamit upang makapag-umpisa na siya sa pagsagot sa kanyang modyul. “Kuya Jayjay, laro tayo ng pasahan ng bola,” yaya ni Liana. “Hindi puwedeng makipaglaro sa iyo ang kuya mo. Ngayon ay oras ng kanyang pag-aaral,” sagot ni nanay. Naisipan na lamang ni Liana na manood ng telebisyon. “Pakipatay mo ang telebisyon, Liana,” utos ni Jayjay. “Hindi ko kasi masyadong naiintindihan ang paliwanag ni nanay tungkol sa aking mga aralin dahil sa ingay galing sa telebisyon.” “Oo nga naman, Liana. Mamaya ka na lamang manood pagkatapos ng oras ng pag-aaral ng iyong kuya,” sabi ng Nanay. “Nakaaapekto kasi sa pag-aaral ng iyong kuya ang ingay sa kanyang paligid. Mas madaling maiintindihan ng kuya mo ang mga aralin kapag tahimik at walang istorbo habang siya ay nag-aaral,” paliwanag pa ng nanay. Mga nakaka apekto sa ating pag-aaral Narito ang mga sitwasyon na hindi maganda ang epekto sa iyong pag-aaral gaya ng: maingay sa paligid, madumi o mainit sa silid kung saan ka nag-aaral, iniistorbo ka ng ibang kasama mo sa bahay at iba pa. May mga sitwasyon din na maganda ang epekto sa iyong pag-aaral gaya ng: malinis at sapat ang bentelasyon at liwanag sa silid, akma sa iyo ang mesa at silyang iyong ginagamit, at iba pa. Isagawa Panuto: Kulayan ang puso ng pula kung may magandang epekto sa iyong ang pag-aaral ang sumusunod. Isulat ito sa sagutang papel. Gawain sa Pagkatuto (AP module) Gawain sa Pagkatuto Bilang 1 at 2. P. 12 - 13