• Ito ay tumatalakay sa pinagmulan ng isang bagay,
lugar, o pangyayari o katawagan na maaaring kathang-isip lamang o may bahid ng katotohanan. • Ito ay isang uri ng kuwentong nagsasalaysay tungkol sa pinagmulan ng mga bagay-bagay at ng mga pangyayaring mayroong pinagbatayan sa kasaysayan. • Kaugnay ang alamat ng mga mito at kuwentong- bayan. • Ang salitang alamat ay panumbas sa salitang, “legendus” ng wikang Latin at “legend” ng wikang Ingles na ang ibig sabihin ay “upang mabasa.” kilos, gawi, at karakter KILOS • Ito ay kasingkahulugan ng gawa o paggawa, aktuwal na kasanayan, o pagsasabuhay. • Ang mga adhikain, pagpapahalaga, motibo, iniisip at pagkatao ng isa ay makikita sa mismong ikinikilos at ginagawa. • Nagiging produkto ang kilos ng kung ano ang nasa loob ng isang indibidwal. GAWI • Ang gawi ay tumutukoy sa mga pang- araw-araw na nakasanayan ng isang tao o grupo ng mga tao. • Sa tagal at sa dami ng mga gumagawa ng isang gawi ay maaaring maisama na ito sa kultura at tradisyon ng mga tao sa isang lugar. KARAKTER •Ang karakter (o pag-uugali) ng isang tauhan ay ang paraan kung paano siya nag-iisip, kumikilos at nagpapasya batay sa papel na ginagampanan o binibigyang-buhay. • Sa isang alamat o kuwento, maituturing na mahalagang sangkap ang kilos, gawi at karakter ng isang tauhang gumaganap upang lubos na maunawaan ng mambabasa ang pagkamakatotohanan at ‘di makatotohanan ng mga pangyayaring inilalahad. • Nasasalig din dito kung paano tatanggapin ng mga nakikinig o bumabasa ang mga aral at mensaheng hatid nito. Pagkilala sa Makatotohanan at ‘Di Makatotohanang mga Pahayag Makatotohanan • Ito ay ang mga pahayag na nangyari o nangyayari na may dahilan o basehan. • Ito rin ay suportado ng mga ebidensiya o katuwiran. • Ginagamitan ito ng mga salitang nagpapahayag ng batayan o patunay gaya ng batay sa, mula sa, ang mga patunay, napatunayan, ayon sa, at iba pa. Halimbawa: a. Batay sa pagsisiyasat, totoong nagkasala ka. b. Mula sa datos na aking nakalap, talagang laganap na ang krimen sa ating bansa. c. Ang mga patunay na aking nakalap ay makapipinsala sa iyo. d. Napatunayang mabisa ang panukala ni Pangulong Duterte. e. Ayon sa mga dalubhasa, napatunayan na ang mga gamot na inaangkat ng bansa ay makatutulong sa kasalukuyang krisis-pangkalusugan. Di makatotohanan • ‘Ito ay ang mga pahayag na walang basehan kung bakit nangyari. • Ito ay hindi suportado ng mga ebidensiya o katuwiran. • Karaniwan itong ginagamitan ng mga salitang nagpapahiwatig ng pag-aalinlangan o di- katiyakan tulad ng baka, sa aking palagay, palagay ko, sa tingin ko, marahil, sa tingin ko, at iba pa. PANG-ABAY • Ang pang-abay o adberbyo (adverb sa English) ay bahagi ng pananalita na nagbibigay-turing o naglalarawan sa pang- uri, pandiwa, o kapwa pang-abay. • Bilang bahagi ng pananalita, ito ay may siyam (9) na uri na karaniwang makikita sa mga pangungusap. • Ang mga uring ito ay ginagamit sa pagsulat ng iba’t ibang genre ng panitikan katulad ng alamat. Pamanahon • Nagbibigay turing sa kilos ng pandiwa. • Ito ay nagsasaad kung kalian ginawa, ginagawa o gagawin ang kilos. • Halimbawa: Bukas darating ang mga bisita ng Pamilya Cuz. Pamaraan •Nagsasaad kung paano isinagawa ang kilos ng pandiwa sa pangungusap. •Halimbawa: Ang mga mag-aaral ay tahimik na nagsasagot ng kanilang pagsusulit Panlunan •Tumutukoy sa pook kung saan naganap ang kilos o pangyayari. •Halimbawa: Umalis papuntang Lungsod ng Tagaytay ang aming kapitbahay. Pang-agam •Nagsasaad ng hindi lubusang katiyakan tungkol sa isang bagay o kilos. •Halimbawa: Tila uulan mamaya dahil madilim angkalangitan. Panang-ayon • Nagpapakita ng pagsang-ayon sa isang bagay o pangyayari. • Halimbawa: Tunay na dapat nating ipagmalaki ang ating sariling wika saan man tayo makarating. Pananggi • Nagsasaad ng pagtutol sa kilos na ginawa, ginagawa o gagawin pa lamang • Halimbawa: Hindi ako sang-ayon na lumabas mamayang gabi. Pamitagan •Nagpapakita ng paggalang •Halimbawa: Saan po ba ang punta ninyo? Pampanukat • Nagbibigay ng turing sa sukat, bigat o timbang ng isang tao o bagay. • Halimbawa: Labing-isang kilometro ang layo ng bayan ng General Luna sa bayan ng Macalelon. Panulad • Nagsasaad ng pagkakatulad o paghahambing ng dalawang tao, bagay, pook o pangyayari. • Halimbawa: Higit na mabenta ang Samsung kaysa sa Iphone.