DOKUMENTU KONSTITUZIONALAREN AURKEZPENA ETA IDENTIFIKAZIOA
Testu juridikoa dugu aurrean, Konstituzio bat. Lehen mailakoa da zuzenean ematen baitzaigu informazioa, aldaketarik egin gabe eta garaikoa. Eta noski, publikoa, Madrilgo Gazetan argitaratua jende guztiak haren berri izan dezan, noiz eta 1876ko ekainak 30ean. Esan beharra dago Gerra Zibil baten eta anabas egoera baten ondoren gauzatzen dela testu hau. Nolabait testu honek hasiera emango dio ia 60 urtetako aro berri bati, Berrezarkuntza. Alfontso XII.ak, Borboia, tronuan berrezartzen du bere dinastia. Beraz, alde batetik testu hau estatu kolpe baten ondorioz jartzen da indarrean, baina bestetik hauteskunde eta prozesu konstituziogile baten ondorioz. Berrezarkuntza honen helburua seiurteko demokratikoaren aurreko egoerara itzultzea zen. Beharrezkotzat jotzen zen Konstituzio berri bat egitea, moderatua, joko arau ireki eta berriak ezarriko zituena, liberalismoaren adar guztiak bere barnean hartuko zituena. Horrela garai iraultzailea itxiz ordena politikoa eta publikoa mantenduz eta orekan oinarrituta. Espainiako Gorteak dira egileak Canovasen zuzendaritzapean eta Alfontso XII.ak berretsita. Hartzailea kasu honetan espainiar herria litzateke.
EDUKIAREN DESKRIBAPENA ETA ANALISIA (1,5 puntu)
Konstituzio hau ez zen izan luzeenetarikoa artikulu kopuruan harreta jartzen badiogu. Besteekin konparatuta nahiko laburra, 90 artikulu baino gutxirekin. Aurrean dugun testuan Konstituzioaren artikulu sorta bat bakarrik agertzen zaigu. Lehenengo atalean testuaren aurkezpen bat dugu, Alfonso XII.ak bere burua agintean egoteko arrazoiak mahai gainean jartzen ditu, hala nola, Jainkoaren graziaz Errege dela eta errege konstituzionala dela. Argi uzten da monarkia dela konstituzioa dakarrena eta berresten duena eta konstituzioa monarkiarena dela. 11. artikuluan, eskubideez, boteren banaketaz edo beste hainbat gauzaren aurretik iada Eliza eta Estatuaren arteko harremanaz hitzegiten digu. Zehazki zer erlijiotasunari begira nolakoa den espainiar estatua. Estatuaren erlijioa Katoliko Apostoliko eta Erromatarra dela argi uzten du. Gainera elizarekiko betebeharrak hartzen ditu nazioaren zeregina izango baita kultua eta ministroak mantentzea. Honek ez du esan nahi jendea jazarriko denik katolikoa ez izateagatik, baina kultua, katolikoa ez bada, arlo pribatuan mantendu beharko dute, inongo adierazpen publikorik egin gabe. 13. artikulua hiritarren eskubideetaz diardu, zehazki biltzeko eta iritziak libreki adierazteko askatasun eta eskubideez. 18. artikulua botereen banaketaz ari da. Konstituzioaren arabera botere legegilea Gorteetan dago Erregearekin batera. 19. artikulua botere legegilea jorratzen jarraitzen du kasu honetaren ganbaren antolaketa azalduz. Bi ganbara egongo dira, Senatua eta Diputatuen Kongresua. 20. artikulua senatuaren konposizioaz hitzegiten digu. Senatariak izan zitezken berezko eskubidekoak, hau da, beraien karguagatik edo titulu bat izateagatik senatari izatea atxikituta zutenak; Koroak izendatutatuko eta bizirautekoak zirenak; eta azkenik handikiek eta korporazioek hautatutako senatariak. 28. artikuluak dionez, lege baten bidez antolatuko da Kongresuko diputatuak hautatzeko modua. 50. artikuluaren arabera Botere Beterarazlea Erregearen eskuetan dago. 75. artikulua justiziaren administrazioaz hitzegiten digu. Espainiar lurralde osoan kode juridiko bakarra egongo da espainol guztientzat foru bakarra egongo delarik epaiketa arrunt, militar eta kriminaletan. Aipatzeko modukoa da ez digula konstituzioak subiranotasunaz hitzegiten ezta estatuaren gobernu motaz, nahiz eta sarreratik ondoriozta dezakegun monarkia konstituzionala dela.
TESTUINGURUA (2,5 puntu)
1873an, Amadeo I Saboiakoaren abdikazioaren ostean Espainian Lehen Errepublika aldarrikatu zen. Errepublika honek Gorte Konstituziogileak batzea bilatzen zuen Konstituzio bat aldarrikatzeko. Ez zuen ordea bere helburua lortu 1874ko urtarrilean Pavía eta Serrano jeneralen estatu kolpearen ondorioz. Honen kausaz eta Monarkia tradizionalaren berrezarkuntzaren eta Alfontso XII.aren aldeko Martínez Campos jeneralaren abenduko pronuntziamenduaren ostean, Canovas del Castillok bultzatuta, Berrezarkuntzari hasiera eman zen. Berrezarkuntza Alfontso XII.aren figuran monarkia Espainian berrezartzea bilatzen duen garai politikoa da. Sistema honek Eleiza Katolikoaren bermea izan zuen (alderatua zegoena aro iraultzailean jasotako erasoengatik), hala nola ejerzitoarena eta herriarena ordena publikoa mantenduko baitzuen. Hala ere alderdi politikoak sistemaren aurka agertu ziren. Alderdi tradizionalisten artean karlistek monarkia onartzen zuten baina ez Alfontso XII.a eta errepublikarrak oso bananduta zeuden oso ordezkapen gutxi zeukatelarik. Anarkistak eta sozialistak, hala nola Prat de la Rivaren nazionalista katalanak, nazionalismo galegoa, Blas Infanteren erregionalismo andaluziarra eta Sabino Aranaren euskal nazionalismoa aurrean izango ditu ere. Hasiera batean ordean oposizioak ez zuen garrantzi handirik izan alde batetik normaltasun batera bueltatu nahi zelako eta bestetik Canovasek erreminta guztiak martxan jarri zituelako sistema aurrera ateratzeko. Hiru ezaugarritan oinarritzen zen Berrezarkuntzaren sistema politikoa. Lehena aurrean dugun 1876ko konstituzioa. Gizonezkoen sufragio unibertsal bidez Gorteak osatu ziren Konstituzio berria egiteko. Bereizi egiten zen monarkikoa izateagatik, moderatua eta eklektikoa, aurreko konstituzioen ezaugarri nabarmenenak bilduz. Hurrengo ezaugarria bipartidismoa litzateke. Berrezarkuntza bereiziko duen aspektua, haren sistema politikoa. Bi alderdiren existentzian oinarritzen zen: Alderdi liberal-kontserbadorea (burgesia lurjabea, goi mailako funtzionario eta militarrak, noblezia) Antonio Cánovas del Castillo lider zuena eta sistema hay Londresen ezagutu zuena Errepublika garaian; eta Alderdi fusionista (1869ko konstituzioa eta Amadeo I.a babestu zuten progresista eta demokratak) Mateo Sagastak zuzendua. Txandakatzea izango da azken ezaugarri nagusia. Jauntxokeria erabiliz bi alderdi politikoen txandakatzean oinarritzen zen. Lurralde jakin bakoitzean bertoko jauntxoak eragingo zuen tokatzen zitzaion alderdia garaile irtetzea hauteskundeetan. Hortarako bozken erosketa edo iruzurrera jo zen. Gainera beste puntu batzuk izan behar ditugu kontuan testua aztertzerakoan, ez soilik ze oinarri sortzen dituen. Bereziki euskal aferari dagokionez. Konstituzioak berak ez du horrenbesteko garrantzia ematen subiranotasunari edota gobernu sistemari baina esan dezakegu oinarri batzuk jartzen dituela, sendoak izatea nahi direnak, bertatik espainiar izaera ezartzeko. Konstituzio beraren lehen artikuluak espainola nor eta zer den azaldu eta ezartzera datoz, azken artikuluek (75a) edozein pluraltasun juridiko ezabatzen dutelarik. Beraz 1876ko Foru abolizio legea nahikoa ez balitz konstituzioan bertan bermatuko da berdintasun juridikoa espainol guztien artean (Amerikako eta Asiako koloniak salbu tratamendu berezia izango dutenak). Gerra zibil, identitario eta anabatsuaren ostean identitate orokor, sendo eta moderatua ezarri nahiean. Moderantismo hori eta konstituzio prozesua inguratzen zuen desoreken aurrean (Kubako altxamenduak 1878ra arte jarraituko du) sentarien beraien aukeratze prozesua ere oso kontserbadorea da, argi utziz noble eta agintarien eskuetan haien hautaketa. Testu honek Primo de Riverak bere diktadura garaian indargabetu arte jarraituko du indarrean eta guztiz baztertuko da Bigarren Errepublikaren sorrerarekin. Beraz ia 50-60 urtez egongo da indarrean inoiz Espainian egon den eperik luzeena Konstituzio batentzako.
TESTUAREN GARRANTZIA (0,5 puntu)
Konstituzioa hau garrantzitsua izan zen askatasun eta liberalismoa sakonki jorratzen ez baziren ere absolutismoa alde batera uztea lortu zelako. Politikaren normalizaziorako marko bat ezartzea lortu zen Erregetza batetik bestera pasatuz gainera Alfontso XII.aren erregetzan ezezik Alfontso XIII.aren erregeordetzan eta erregetzan ere indarrean egon baitzen. Nahiz eta Konstituzio honek espainolen hainbat eskubide bermatu, Canovasek berak ziurtatu egin zuen eskubide horiek ez zutela Sistema zalantzan jarriko. Nolabait esateko Berrezarkuntzaren sistema bera Konstituzioaren gainetik geratu zen, izan ere guztiz jazarri ziren sistemaren aurkako erasoak baita zalantza bera ere. Beraz testuan bertan dagoen eskubideen errekonozimendua, gutxienez Canovas bizirik iraun zuen bitartean eta Sagasta tartean ez zegoenean ez zuen ibilbide handirik izan. Bestalde foruzaletasunaren hilobian azkeneko lur palakada bota zuen, behin eta betiko foruak deuseztuz eta identita juridiko propioak ezabatuz horrek izango dituen ondorioekin euskal bizitza politikoan. Orokorrean esan daiteke beraz Konstituzio honek badituela bere intentzio onak, hiritarren batasuna, moderantismoa eta segurtasun publikoa mantendu nahiean. Hala ere iruzurrean, mehatxuan eta kontrol ideologikoan oinarritutako sistema baten bermatzailea ere izango da.