Bionote ni Steve Jobs

Si Steven Paul Jobs (February 24, 1955 – October 5, 2011) ay isang American
business magnate at investor. Ipinanganak siya sa San Francisco, California kung
saan din siya ipinampon agad ng kanyang tunay na ina. Taliwas sa inaasahan ng
marami, hindi niya tinapos ang kanyang pag-aaral sa kolehiyo. Siya ay naging
chairman, chief executive officer (CEO), at co-founder ng apple Inc. Siya rin ay
naging chairman at majority shareholder ng Pixar, miyembro ng board of directors
ng The Walt Disney Company, at founder, chairman, at CEO ng NeXT. Si Jobs is
kinikilala bilang tagasulong ng microcomputer revolution noong 1970s at 1980s,
kaakibat niya rito ang Apple co-founder na si Steve Wozniak.

Itinayo nina Jobs at Wozniak ang Apple noong 1976 para ibenta ang gawa ni
Wozniak na Apple I personal computer. Sila ay sumikat at yumaman matapos ang
isang taon nang mailabas ang Apple II, isa sa mga pinakamatagumpay na personal
computer na ginawa para sa masa. Ang kanila ring imbensyon na Macintosh (1984)
ay naging makasaysayan dahil ito ang unang mass-produced computer na may GUI o
graphical user interface. Ngunit sa kabila ng mga ito ay sapilitang pinaalis mula sa
apple noong 1985 matapos ang kanyang mahabang pakikipag-agawan ng
kapangyarihan sa dating CEO ng kumpanya.

Noong parehong taon na iyon ay itinayo ni Jobs ang NeXT. Isa itong computer
platform development company na espesyalidad ang mga para sa mataas na
edukasyon at business market. Bukod pa rito, siya ay tumulong sa pagpapaunlad ng
industriya ng visual effects nang pondohan niya ang Pixar, ang kumpanyang
gumawa ng unang 3D computer animated film na Toy Story (1995).

Sa pagsasama ng Apple at NeXT, muling nagbalik si Steve Jobs bilang CEO ng

Apple noong 1997. Malaki ang naging papel niya sa pagsalba ng Apple na nasa bingit
na noon ng pagkakalugi. Sa tulong ni Jony Ive ay nakagawa sila ng mga produktong
kakaiba na lubos na pumatok sa publiko. Nagsimula ito sa kanilang “Think different”
advertising campaign hanggang sa humantong sa pagkakagawa ng iMac, iTunes,
iTunes Store, Apple Store, iPod, iPhone, App Store, at ang iPad.

Nagkaroon si Jobs ng pancreatic neuroendocrine tumor noong 2003.

Ikinamatay niya ang respiratory arrest dahil sa nasabing tumor sa edad na 56 noong
October 5, 2011. Ikinalungkot ng buong mundo ang pagkamatay ng isa sa
pinakamagaling na henyo na mayroon ito. Maaga mang namatay si Steve Jobs, siya
naman ay nakapag-iwan siya ng kanyang hindi matatawarang legasiya sa mundong
ito na hanggang ngayon ay napakikinabangan at mapakikinabangan pa sa
hinaharap.