Ito ang dalawang mundong ginagalawan at inaasahang pagtagumpayan ng isang
Estudyanteng Atleta: ang mundo ng kompetisyon sa larangan ng isports at ang mundo ng akademiya sa loob ng silid-aralan.
Tahanan ang Luna National High School sa maraming magagaling na manlalaro at
ako ay mapalad na mapiling isa sa mga Estudyanteng-Atleta ng paaralang ito. Maaring para sa iba, mababa ang tingin nila sa mga tulad naming mga atleta. Marahil sa pag-aakalang isports lang ang kaya naming gawin. Pero hindi nila batid ang hirap ng isip at katawan naming mga atleta para mapagsabay lamang ang pag- aaral at paglalaro. Tulad din ng isang ordinaryong estudyante, kailangan naming galingan sa klase upang magkaroon ng matataas na marka. Hindi biro ang maging isang Estudyanteng-Atleta. Nag-aaral kami, nagpapasa ng mga “school requirements,” at nag sisikap din para makapasa. Kapag nagkatataon pa na may mga laro, kailangan naming humabol sa mga “lessons”. Araw-araw kailangang mag-“training” at mag diet sa pagkain upang mapanatiling malakas at nasa kondisyon ang aming mga pangangatawan. Ang sabado at linggo na karaniwang pahinga ng isang estudyante o araw ng “relaxation” para sa ilan, ay hindi tulad sa aming mga atleta. Kalimitang ito ay “training day” pa din para sa amin. Pag-eensayo sa isports na aming kinabibilangan ang malimit nakasanayan upang sa bawat laban, tagumpay ang maiuuwi. Mas mabigat ang nakaatas sa aming mga balikat. Inaasahan mula sa aming mga Estudyanteng-Atleta ang parehong sipag at pagsisikap sa silid-aralan at sa paglalaro upang makapagbigay karangalan sa aming paaralan. Ang bawat patak ng pawis ng isang atleta ay napapawi kapag medalya na ay nakamit. Tropeyo o medalya na dala naming sa aming mga magulang, sa paaralang humuhubog sa aming isipin at sa aming mga sarili dahil ito ang premyo naming sa lahat ng paghihirap sa pagiging isang Estudyanteng-Atleta. Layunin ng mga bawat atleta na maging huwaran at magandang impluwensya sa iba pang kabataan. Maipakita sa kapwa kabataan na ang isports ay isang daan tungo sa may kalidad na buhay. Ang isports ay higit pa sa pisikal na aktibidad. Ito ay humuhubog din sa personalidad ng isang tao. Sa pamamagitan ng isports, nagkaroroon sila ng kompiyansa sa sarili, respeto sa regulasyon at awtoridad, pagtutulungan at ang matutunan ang pagkatalo minsan at pagbangon muli. Pinapalakas ng isports ang kompiyansa sa sarili ng isang manlalaro. Ito din ang nagiging sandigan niya sa totoong buhay upang mag tagumpay. Ang pagiging Estudyanteng-Atleta ay nagtuturo ng pagsisikap, pagpupursige at ang kahandahang humarap sa anong hamon sa buhay. Ang pagiging atleta ay nagtuturo ng pagtanggap ng tagumpay o pagkatalo man. Natutunan nila na sa bawat pagkadapa ay kailangang bumangon at lumaban muli. Tulad din sa totoong buhay na ating ginagalawan, kahit saang larangan: mundo man ng akademiya o ang mundo ng pagiging atleta, nararapat na bumangon at lumaban. Ang bawat atleta ay nagsisilbing ilaw sa ibang kabataan, na kahit anong hirap ay napapag- tagumpayan. Sa kabila ng hirap na aming sinusuong, kaya din naming pag- tagumpayan ang parehong larangan ng mundo ng “Academics o Athletics” man.