An Giya Sa Pamibi Kan Adviento

An Giya sa Pamibi kan
Korona nin Adviento

Para sa makahulugan na Pasko
Binikol ni Bro. Gil T. Malanyaon

CFC- St. Therese of the Child Jesus Parish
Chapter
San Jose, Pili, Camarines Sur
~1~
Primerong Parte- An Kahulugan Kan Adviento
An tataramon na adviento iyo an “pagdatung” – An pagdating

o pag abot ni Kristo na satung paraligtas. An adviento may apat
na semana bago umabot an pagkamundag ni Jesus o Christmas. Sa
laog kan mga semanang ini kita tinatawan nin panahon na
makahanda an satung mga puso para sa pagdatung ni Jesus.
Kun kaya kita minahalat ki Jesus na omboy na madara sa satu

nin ILAW asin KATUNINONGAN saka PAGKAMOOT. Iyo ini an kahukugan
kan inaapod tang PASKO o Christmas. Kaya dapat na paghandahan ta
an saiyang pagdatung sa satung pamilya saka harong sa paagi kan
Giya nin Pamibi sa Adviento tanganing mas mahalaga asin makolor
an satung paghalat kan paratubos nin kinaban.
An adviento iyo an panahon nin paghalat panahon nin

paglaom, asin panahon nin pagtalubo.
IkaduangParte- An mga Simbolo sa Adviento
A. An korona nin Adviento
An tunay na kahulugan kan panahon nin adviento iyo

an korona. An kabilogan kan koronang ini minasadul as satuya na
an Dios mayo non katapusan. Na siya Mayon nin kapinonan asin
siya nabubuhay sagkod pa man. Ipinapaguiromdom man sa satu na an
saiyang pagkamoot lomassaka minadanay na mayong kataposan. An
koronang ini ginigibo sa mga herding dahon na haloy minaluyos
arog kan agoho, anocarea o mga dahon na plastic. Biraray
pinagsasadol kits na an Dips nungka minasangle kan saiyang
pagkamoot satu.
B. An mga kandila nin Adviento
An ilaw na hale sa mga kandila na yaon sa korona nin

adviento minapaguiromdom as satu na si kristo iyo nangad an ilaw
nin kinaban. An tunay na Espiritu kan Pasko na puede tang
mamatean sa saying mga puso asin harong iyo an pagsunod asin
pagsuble kan ilaw kan Niño Jesus.
Tolo sa mga kandila para sa korona nin Adviento may kolor

na Lila(purple); an ikaapat na iniilawan sa ikatolong Domingo
nin Adviento, iyo an may kolor na rosa (pink) na minapahiling
nin kaogmahon ta an pasko harani na. Kun an gabos kan apat na
~2~
kandila mga puti o dilaw, tolong lilang also saka sarong Rosa
pwedeng itakod palibot sa mga kandilang ini.
C. An pagamit kan korona nin Adviento
Mayong pinagsususog na paagi kan korona nin Adviento.

Alagad an kada - pamilya mahanap kan pinakamarhay na paagi na
minasubo sa saindang estilo. An korona pwedeng ilaag sa ibabaw
kan TV o Stereo; sa tahaw kan lamesang kakanan o sa ibaba kan
altar. Sa kada banggi saro kan niembro nin pamilya an mapailaw
kan primerong kandila asin an pamilya minapalibot sa tungod kan
korona sa pagpamibi.
Ikatlong Parts - An Pamibion sa Adviento
An rito sa korona nin Adviento iyo an simpleng selebresyon

nin pamibi na pinoponan sa Sabado bago kan enot na Domingo nin
Adviento sa paagi nin pagbendisyon kan korona. An selebresyon
minadanay sa bilog na apat na semana kan Adviento paagi kan
pagsolo kan kandila asin an pagbasa kan mga Pamibion. Ini
ginigibo kada banggi bago mamanggi an pamilya o sa oras non
pagpamibi nin pamilya. An kada banggi sa primerong semana sarong
kandila (Lila) an iilawan. Sa ikaduwang semana, an ikaduang
kandila (Lila). Sa ikatolong semana non Adviento, an ikatolong
kandila (rosa), an enot asin ikadua iilawan man. Sa ikaapat na
semana an gabos na kandila may ilaw na.
An mga pamibion babasahon pagkatapos an kandila mailawan.

An pamayo kan pamilya iyo an nanganganam kan mga pamibion,
alagad, pwede ini itoka sa ibang miembro nin pamilya na
nakakabasa.
An Pagbendisyon kan korona

(Ini an sabihon, pagkatapos na mangorus)
Mahal na Ama, kami nagkatiripon digdi sa ngaran ni Jesus,

an Saimong Aki. Kun Maya kami nagtutubod na ika man yaon digdi
sa samuya. Hinahagad mi sa Saimo na pakibendisyonan mo ining
korona na nagpapaguiromdom sa samo na an saimong pagkamoot
minadanay na mayong Katapusan. Opo, namomotan mo kami nin marhay
na itinao no sa samo an regalo an iyo an simong aking si Jesus.
Tabangi kami makahanda kan samong mga puso sa pagselebrar kan
pagdatong kan saimong ski sa aldaw nin Pasko.
~3~
Sa pagsolo mi kan mga kandila, tabangi man kami
magkagiromdom na si kristo iyo sana an ilaw na makakatunaw kan
kadikloman sa kinaban. Pakitabangi man kami na marimpos an
saiyang ilaw sa samong mga puso sa paagi nin saimong pagkamoot
sa mga tawo na haranisa samu, Amen.
Pagomawon an Ama, an Aki asin an Espiritu Santo . . . . . . . .
MGA PAMIBION KADA ALDAW NIN SEMANA
Enot na Semana
----------------------------------------------------------------
Domingo: Enot na Semana kan Adviento
----------------------------------------------------------------
Madya, Sambahon taan Kagurangnan, an Hade na madatung.
Pagbasa: Tesalonica 3: 12-13
Responsorio:
Lider: Kagurangnan, ipahiling mo sa samo an saimong

pagkaherak asin Pagkamoot.
Gabos: Kagurangnan, ipahiling mo sa samo an saimong

pagkaherak asin Pagkamoot.
Lider: Asin itao mo sa samo an saimong kaligtasan.
Gabos: Kagurangnan, ipahiling mo sa samo an saimong

kaligtasan.
Lider: Pagomawon an Dios Ama, An Dios Aki, asin an Dios

Espiritu Santo.
Gabos: Siring sa pagomaw . . . . . . . . . . . . . . . . . .
Mga Kahagaran:
Lider: si Hesucristo iyo an kawilihan asin kaogmahan kan

gabos na minahalat ka saiyang pagdatung. Magapod sa
saiya asin sabihon: Madya, kagurangnan asin dae ka
logod mahuri!
~4~
Lider: Hinahalat mi nin magaya – gaya an saimong pagdatung.
Gabos: Madya, kagurangnan asin dae ka logod mahuri.
Lider: Panua an samong mga puso kan simong katoninongan.
Lider: Gibohon mo kami mas maimbod asin mamomoton.
Lider: Tanganing kami logod makatabang sa iba na mamidbiran

kang marhay.
Lider: O Dios, samuyang Ama, kami naghahalat sa pagabot kan

simong aki sa samuya, tabangi kami na mahiling mi siya
kun madigdi sasamo sa mga tataramon sa ebanghelyo, sa
pagkamoot nin samuyang mga pamilya, asin sa aro-aldaw
nin samong gawe.
Gabos: Amen
Ama niamo na yaon ka sa langit . . . . . . . . . . . . . . . . .
----------------------------------------------------------------
Lunes: Enot na semana kan Adviento
----------------------------------------------------------------
Pagbasa: Mateo 8: 5-11
Pamibi: Hesus, kami naghahanda kan samong harong para sa

Pasko. Nakalaag na kami nin nagkakapirang dekorasyon
asin kami maoogma kan saimong maabot na pagksmundag.
Alagad, daepa kami totalmente nakahanda sap ag –ako
saimo sa samong harong. Tabangi kami maging mamoooton
saka mabobooton tanganing matawan mi ika nin
magayagayang pagsabat sa samong mga puso. Saka, Hesus,
mabalos sa saimong pagkamoot sa samu.
~5~
Mga Kahagaran:
Lider: Kristo na kagurangnan, aki nin Dios na nabubuhay, ilaw

sa ilaw, giyahe kami pasiring sa ilaw asin ipahiling
mo an kabanalan, sa bilog na komyansa. Mamibi kita:
Madya Hesus na kagurangnan.
Gabos: Madya Hesus na kagurangnan.
Lider: Ilaw na dai napaparong – Pukawe an samong pagtubod na

natuturog.
Lider: Bantayi kami ngonian sa gabos na katibaaran, - logod

an simong kamurawayan makapano kan samuyang kawilihan.
Lider: Tawe kami nin kabinian sag abos na oras para sa kada
saro na samuyang masabatan.
Lider: Madya sa paghaman nin bagong daga para samuya na kun

saen may hustisya saka katoninongan.
Pagomawon an Dios Ama, Dios Aki . . . . . . . . . . . . . . . .
----------------------------------------------------------------
Martes: Enot na Semana kan Adviento
----------------------------------------------------------------
Pagbasa: Lukas 10: 21-24
Pamibi: Namomotan ming Hesus, naiintidihan mi an kadonongan

kan saimong pagkamoot, kun kami simple sana arog kan
mga aking saradit. Iwaras mo samu an mas mabinion na
puso na kabaing kan sadit na aki. Saka ipahiling mo an
dalan para sa Dios, na samong namomotan na Ama.
Pakihinanyoga an samong mga awiton sa pasko bilang mga
awit sa pagomaw sa saimo.
~6~
Mga Kahagaran:
Lider: Dios, amang makakamhan sa pagbiklad kan saimong kamot

guiraray ampona an saimong mga tawo. Mamibi kita
saiya: Kagurangnan, umabot logod an saimong kahadean.
Gabos: Kagurangnan, umabot logod an saimong kahadean.
Lider: Kagurangnan, logod an saimong mga gawe nin pagsolsol

maranga ka – asin logod makaandam kami sa pagabot kan
simong kahadean ta madali na.
Lider: Inihanda mo an sarong dalan para sa samong puso sa

pagabot kan saimong tataramon, asin n simong
kamurawayan maipahayag sasamuya.
Lider: Ibaba mo an samong pakaabaw-abaw asin pano ini kan

samong kaluyahan.
Lider: Gabaan an lanob nin kaangotan na nagbabanga kan mga

nasyones asin patagon an dalan nin katoninongan para
sa katauhan.
----------------------------------------------------------------
Miyerkoles: Enot na Semana kan Adviento
----------------------------------------------------------------
Pamibi: Mabalos, namomotan ming kagurangnan, para sa pagataman

sa samuya. Kan kami nagutom, pinakakan mo. Ka kami
napapaha, tinawan mon in pang-inom, minsan dai mi
napapansin, pinapano mo nin dakul na mga biyaya an
samong mga buhay. Kami nagugutom para sa katoninongan
kami naghahalat na maako ka. Ta ika an prinsipe nin
~7~
katoninongan, an kagurangnan nin hustisya asin
katotoohan.
Mga Kahagaran:
Lider: An tataramon nin Dios minaerok sa samuya kun kaya

pwede tang mahiling an samuyang kamurawayan. Sa
dakulang pagasa, nangangapodan kita sa saiya:
Emmanuel, madya sa samo.
Gabos: Emmanuel, madya sa samo.
Lider: Kagurangnan nin hustisya asin katanosan tawe nin

hustisyan an mga mayong sukat asin an mga naapi.
Lider: Hade nin katoninongan, dinaog mo an mga espada sa mga

lansang nin Arado saka mga panas sa natirikong batbat-
ihawas mo an samong kaangotan para sa pagkamoot saka
an samong kapongotan para sa pagpatawad.
Lider: Dai ka minahusgar sa paagi nin patuyaw sa may mga

hitsura – ipamidbid sa mga sadiri mo.
Lider: Kun ika maabot na may poder asin kosog sa mga

panganoron – tatao na kami umapod bago ika nin mayong
pagkasopog.
----------------------------------------------------------------
Huwebes: Enot na Semana kan Adviento
----------------------------------------------------------------
Pagbasa: Mateo 7: 21, 24-27
Pamibi: Kagurangnan, kami nagsasabi saimo nin nagkakapirang

beses, kun ano an gusto mong gibohon sa samuya.
~8~
Ngonian hinahagad mi? Na ika mamotan ni sana? Na kami
mabuhay sana sa aro- aldaw siring sa kagustohan mo?
Minsan ngani gulping kariribokan sa luwas kami minatao
nin panahon para matoninong sa laog. Tokdoe kami
mamibi kagurangnan. Tabangi kami magdangog sa mga
bagay na saimong sasabihon asin sabihon mo sa samong
mga puso.
Mga Kahagaran:
Lider: Si Kristo an donong asin poder nin Dios, asin an

saiyang minamawot iyo na siya makisumaro sa mga aki
nin tawo, mamibi kita: Kagurangnan, rumani ka sa
samuya.
Gabos: Kagurangnan, rumani ka sa samuya.
Lider: Kagurangnan kong Hesucristo, inapod mo kami sa saimong

mamurawayon na kahadean- maglakaw man logod kami nin
matanos sag abos ming gawe.
Lider: ika na nagtindog sa samuya na mayo kaming pagkaaram-

ipahiling mo an saimong sadiri sa mga tawo.
Lider: Ika na mas harani sa samo ki sa kami sa samong mga

sadiri pakosoga an samong pagtubod asin paglaom nin
kaligtasan.
Lider: Ika an burabod nin kabanalan – gibohon mo kaming banal

asin mayo nin kasalan ngonian asin sagkod sa aldaw kan
saimong pagdatung.
~9~
----------------------------------------------------------------
Biyernes: Enot na Semana kan Adviento
----------------------------------------------------------------
Pamibi: Hesus, an pagduta kan saimong kamot nakakaomay. Kun

kami nakamate nin kapongawan o kahelangan, pakibantay
mo kami, asin tabangi kaming makaguiromdom sa pagapod
saimo. Aram niamo na may marhay na mga aldaw saka
maraot na mga aldaw, maogmang panahon saka mamondong
panahon, mga pagmate nin kahelangan saka pagmate nin
karahayan, asin ta ika yaon sa samuya sa gabos na oras
kun hahagadon mi saimo an mga ini. Pakitabangan mo
kami, O Hesus.
Mga Kahagaran:
Lider: Sa paagi kan saimong Aki, an Dios Ama ipinamidbid an

saiyang kamurawayan sa gabos na tawo, kaya, magkurahaw
kita sa kaogmahan: Kagurangnan, logod ipagrukyaw an
saimong ngaran.
Gabos: Kagurangnan, logod ipagrukyaw an saimong ngaran.
Lider: Tokdoe kami, Kagurangnan, na mamoot sa lambang saro,-

arog ki Kristo na namoot para sa kamurawayan nin Dios.
Lider: Panoa kami nin kaogmahan asin katoninongan sa pagtubod

tanganing kami malakaw sa paglaom asin kosog kan Banal
na Espiritu.
Lider: Inapod moa sin pinalaen mo an saimong pinili- minsan

ngani kami mga parakasala, Koronahan mo kami nin
kaogmahan na mayong kataposan.
~ 10 ~
----------------------------------------------------------------
Sabado: Enot na Semana kan Adviento
----------------------------------------------------------------
Pagbasa: Mateo 9: 35; 10: 1, 6-8
Pamibi: Hesaus, Sinabi mon a sabihan an iba na ika madatung

para gibohon kitang mga marhay na tawo. Pwede ining
gibohon mi bako sana sa tataramon kundi sag awe.
Tabangi kami na makaarog saimo, namomoton asin
maatamanon sa samong mga tugang na lalaki asin babae,
makinoyogkoyog sa samong mga magurang asin maestro,
maitinao asin mapagpatawad sa mga palibot sa samo. Sa
paagi kaini mahiling logod kan mga tawo karahayan asin
kagayonan na mahiling mi saimo. Kagurangnan, matatapos
na an samong pagandam sa primerong semana kan Pasko,
Kaya kami nagpapasalamat saimo ta kami makamidbid
saimo minsan kadikiton pang marhay.
Mga Kahagaran:
Lider: Mamibi kita sa Dios Satung Ama, na sa kapanahonan

inapod niyang mga pinili tanganing makaligtas:
Kagurangnan, ilikay mo an saimong mga tawo.
Gabos: Kagurangnan, ilikay mo an saimong mga tawo.
Lider: Nangako ka na itatanom mo an pisog nin hustisya sa mga

tawo – ilikay mo an, Kabanalan nin saimong Simbahan.
Lider: Kagurangnan, tinukdoan mo an gabos na lalaki asin

babae na makadangog kan saimong tataramonb, - asin
tabangi an mga nagtutubod na mairimpos an kabanalan.
Lider: Papaglaada an samong pagkamoot sa Espiritu, nganing

maako mi an pagkaherak kan saimong Aki na madatung.
~ 11 ~
Lider: Amang maheherakon, pakosoga kami sagkod sa aldaw kan
pagdatung ni Hesus na samong Kagurangnan.
Ikaduang na Semana nin Adviento
----------------------------------------------------------------
Domingo: Enot na Semana kan Adviento
----------------------------------------------------------------
Madya, Sambahon taan Kagurangnan, an Hade na madatung.
Responsorio:
Lider: Kristo, Aki nin Dios na nabubuhay, kaheraki kami.
Gabos: Kristo, Aki nin Dios na nabubuhay, kaheraki kami.
Lider: Ika sana an madatung
Gabos: Kristo, Aki nin Dios na nabubuhay, kaheraki kami.
Lider: Pagomawon an Dios Ama, Dios Aki . . . . . . . . . . .
Gabos: Sagkod sa kaenot –enot . . . . . . . . . . . . . . . .
Mga Kahagaran:
Lider: Para ki Kristo satuyang Kagurangnan, an ilaw nin

kinaban, magkurahaw kita sa kaogmahan: Madya, Hesus na
Kagurangnan.
Gabos: Madya, Hesus na Kagurangnan.
Lider: Igiya mo kami sa dalan pasiring sa Ama sa ilaw kan

saimong pagkatao.
~ 12 ~
Lider: halea an gabos na simong mga regalo na may
pasasalamat.
Lider: Palaada an samong mga puso sa init kan saimong

pagkamoot.
Lider: O Dios, SAmong Ama, pinano mo an samong mga buhay nin

kada marhay na regalo. Tabangi kami na mabilang an
samong mga biyaya saka Makua an kaogmahan sa sempling
mga bagay na palibot sa samuya. Asin, maging logod
kami maogma ta an kamundangan ni Hesus nagrarani na.
Gabos: Amen.
Huring Pamibi: Hesus, Sakong Pastor, dangoga ako, Bendisyoni an

simong obeha ngonian na banggi. Sa kadikloman
yaon ka harani sako. Likayan ako sagkod sa ilaw
nin pagkaaga sa gabos na aldaw an saimong kamot
ginigiya ako asin mabalos saimo sa saimong
pangataman.
Binadoan mo ako, pinakakan mo ako, dangoga an

sakong pamibi ngonian na banggi.
Logod an sakong mga kasalan gabos patawaron.
Bendisyoni an mga amigo na sakong namomotan na

gayo, itao mo kagurangnan, an namit kan langit na
kun saen, kaibanan mo, minalaom na nageerok.
----------------------------------------------------------------
Lunes: Ikaduang Semana kan Adviento
----------------------------------------------------------------
Pamibi: Hesus, pinatawad mo an samong mga kasalan. Tabangi

kami na makasabi na kami nagsolsol kun kami sala,
~ 13 ~
tabangi kami na makasabi, “areglado iyan” kun siisay
man an minahagad nin kapatawaran kun nakulugan sinda.
Tabangi kami na maliwanagan an mga panahon kan an
samong magurang, o mga tugang na lalaki asin babae o
mga amigong may naguinibohan na malaen na samong
namatean. Tabangi kami na maguiromdom bako kan mga
panahon na sinda minasabi na sinda namoot sa satu asin
an pagataman sa satu.
Mga Kahagaran:
Lider: Saimo Kristo samuyang paratuvos, na maabot guiraray

para maihawas sa poder nin kagadanan, an gabos na
mabalik sa saiya, mamibi kita: Madya, Hesus na
Kagurangnan.
Lider: Kan pinagrokyaw mi an saimong pagdatung, Kagurangnan-

linigan mo an samong mga puso sa mga mararaot na
paghona.
Lider: Kagurangnan logod an Simbahan na saimong pinonda-

ipagrokyaw mo an saimong kadakulan sag abos na
banwaan.
Lider: An saimong togon iyo an ilaw kan samong mga mata-

likayan lgod an mga nagtitiwala saimo.
Lider: Ibiniklad mo an kaogmahan kan saimong pagdatung sa

samuya, sa paagi kan saimong simbahan- logod maako mi
na marhay na boot.
~ 14 ~
----------------------------------------------------------------
Martes: Ikaduang Semana kan Adviento
----------------------------------------------------------------
Pamibi: Kagurangnan, inataman mo an lambing saro sa samuya,

Ini arog baga kan dakulang sirkulo nin pagkamoot na
mina kugos samo gabos. An saimong pagkamoot mayo nin
pinapalaen. Ika madatung para sa samuya gabos, para sa
mayong sukat saka naghehelang, sa namomondo saka sa
napopongaw. Sa mayong pagkaaram saka sa mangmang. Para
sa mayong naierok saka sa naghihingalo. Sa nawawara
saka natatakot, mabalos. Hesus kan saimong pagkamoot
sa sako sa kasadit-saditing bagay.
Mga Kahagaran:
Lider: Para ki Kristo na satung Kagurangnan, an ilaw nin

kinaban, magkurahaw kita sa kaogmahan: Madya, Hesus na
Kagurangnan.
Lider: Halea an kadikloman sa samo kan ilaw nin saimong

pakisumaro saka gibohon mo kaming maninigo kan saimong
mga regalo.
Lider: Likayan kami, Kagurangnan tang Dios- Tanganing

pagomawon mi an simong Banal na ngaran sa aldaw na
ini.
Lider: Palaada sa samuyang mga puso an int kan saimong

pagkamoot- asin dai kami malangkag sa pakisumaro sa
saimo.
Lider: Rinanga mo an samong kapungawan – tabangan mo an

naghehelang saka an manga magagadanon ngonian na
aldaw.
~ 15 ~
----------------------------------------------------------------
Miyerkoles: Ikaduang Semana kan Adviento
----------------------------------------------------------------
Pamibi: Hesus, inapod mo an gabos na napapagal asin namomondo.

Ipinanuga mo na sinda tawanan nin kaginhawahan asin
bagong kosog para masabatan kada aldaw. Itinitingkalag
mi saimo an samong mga sadiring problema, pagkahadit,
asin kadipisilan. Inilalaog mi saimong puso an mga
miembro kan samuyang pamilya o mga amigo na may
kamatean nin kamondoan saka kahorasan. Itinataas mi
saimo an gabos na mga mayong namimibi sa sainda.
Kapote kami kan saimong kamot asin tabangi kami
mamidbiran na ika yaon sasamo. Magin ilaw mi ika logod
sa mga panahon nin samong kadikloman.
Mga Kahagaran:
Lider: Para ki Hesukristo samong Kagurangnan, na nagpadigdi

sa samo sa saiyang pakimaherak, makurahaw kita nin
maogma: Madya, Hesus na Kagurangnan.
Lider: Ika hale sa Ama para maging tao – ngonian tubosa kami
sa samong pagkakasala.
Lider: Sarong aldaw namabalik ika giraray sa kamurawayan nin

saimong mga tawong pinili – madya sa samuya ngonian
asin tabangi kaming parakasala na mamidbiran an
saimong pagkaherak asin pagkamoot.
Lider: Kami minaomaw saimo sa katas- taasan, Hesus na

Kagurangnan – madya asin daraha kami sa saimong
kaligtasan.
~ 16 ~
Lider: Sa paagi nin pagtobod, giniyahan mo kami sa ilaw,

logod makua mi an saimong hustisya sa paagi kan
samuyang mga gawe.
----------------------------------------------------------------
Huwebes: Ikaduang Semana kan Adviento
----------------------------------------------------------------
Pamibi: Mabalos Dios ko, kaining magayon na kinaban na itinao

mo sa samuya – an aldaw saka an banggi, an kaitaasan
na may saldang, bulan saka bitoon, an daga na may mga
kahoy , pananom saka mga hayop, an mga tubig na may
mga sira, mabalos sa mga tawo na ibinogtak mo sa
samong mga buhay. Logod magin kita bukas sa mga
tataramon nin pagkamoot na pirmi mong ipinagigiromdom
sa samuya sa paagi kan saimong paglalang.
Mga Kahagaran:
Lider: Mamibi kita sa Dios satung Ama na ipinadara an saiyang

aki nganing iligtas an katauhan: Ipahiling mo an
saimong pagkaherak, Kagurangnan.
Lider: Ama na maheherakon, kami makumpisal kan samong

pagtobod sa saimong aki, si Hesukristo sa samong
tataramon – likayan kami para dai mi siya manigaran sa
samong mga naginibo.
Gabos: Ipahiling mo an saimong pagkaherak, Kagurangnan.
Lider: An samuyang kinaban minalaom na gayo sa pagabot kan

simong Aki. Mamatean mi logod an saimong kaogmahan.
~ 17 ~
Lider: Sa paagi kan saimong pagkaherak mabuhay logod kaming
banal saka mabinion na pagkabuhay sa kinaban na ini –
naghahalat nin marhay kan paglaom saka pagdatung ni
Kristo sa kamurawayan.
----------------------------------------------------------------
Biyernes: Ikaduang Semana kan Adviento
----------------------------------------------------------------
Pamibi: Nagpapasalamat kami sa mga regalo na itatao mo sa

Pasko – an mga regalo na dai pwedeng kahonon na may
sarong laso sa ibabaw kaini. Kami nagpapasalamat sa
regalo ni Kristo, na nagdara samuya nin bagong buhay.
Sa regalo kan samong Ama na nagtrabahong husto para sa
samo. Sa regalo kan samong ina, na may naginibohan nin
manlaen- laen na mga bagay para sa samo. Sa regalo kan
samong mga aki, na nagtatao nin kaogmahan kan saindang
mga pagngisi saka mga kahapotan. Sa regalo kan
samuyang mga esposo na samong winawaras nin mga
problema. Sa regalo kan samong mga magurang asin
kapinsanan na matatao nin suporta asin pagomaw sa
samo. Mabalos sa pagtao mo kaining mga panahon nganing
mabilang mi an mga biyaya saka mamatean mi an
kaogmahan.
Mga Kahagaran:
Lider: Para sa satung paratubos si Kristo, na magdigdi para

iligtas kita sa satung mga kasalan, magkurahaw kita sa
kaogmahan: Madya, Hesus na Kagurangnan.
Lider: An mga propeta kaidto nagsabi na ika mamumundag sa

samo nganian gibohon mo an birtud mabuhay sa samuya.
~ 18 ~
Lider: Ipinahayag mi an saimong gawing kaligtasan – ngonian,
itao mo sa samuya an saimong kaligtasan.
Lider: Napadigdi ka para paomayon an parasolsol, - paomaye

man an mga kaluyahan kan saimong banwaan.
Lider: Napadigdi ka asin pigsararo mo an kinaban, - sa

saimong pagbalik giraray sa paghukom, iligtas mo kami
sa mga kakologan nin pagsakit.
----------------------------------------------------------------
Sabado: Ikaduang Semana kan Adviento
----------------------------------------------------------------
Pamibi: Sa ikaduang semana nin Adviento, naguno mi na an

dakulang kaogmahan na samuya nakua – Opo, minsan ngani
mayo ni sarong sentabo na ginasto. Naguno mi na dai
pirming kaipuhan magtrabaho o magduman sa sarong lugar
para magogma. Naguno mi na may dakol na mga bagay na
pwedeng itao sa mga tawo asin makamit sa mga tawo, mga
bagay na mayo sa laog nin mga kahon na may mga laso sa
ibabaw. Ini mga sadit nag awe nin pagkamoot, paggalang
asin pagkamaboot. Hesus, kami naoogma kun kami
dinadalaw nin sarong amigo intimo. Ika an samong
pinakamamahal na amigo – pinaka harani sa samuyang mga
puso. Sa madaling panahon ika nakikisumaro sa samuya.
Logod, kami nagpapasalamat sa pinakamahalagang regalo
na iyo, Ika.
Mga Kahagaran:
Lider: Para ki Hesuskristo, an samung para tubos, na madatung

guiraray sa kamurawayan na kaiba an mas halangkaw na
poder, mamibi kita: Madya, Hesus na Kagurangnan.
~ 19 ~
Lider: Hesus na Kagurangnan, madatung ka na may dakulang
poder – hilinga an samuyang kadukhaan asin giboha
kaming maninigo kan saimong mga regalo.
Lider: Ika napadigdi para sa mga marahay na bareta kan mga

katauhan – logod ipahayag mo an samong kaligtasan.
Lider: Ika maninigong omawon, dahil ta tinawan mo nin buhay

saka maghade sa gabos na bagay – tabangi kaming
makahalat sa magayagayang paglaom para sa pagabot
kan simong kamurawayan.
Lider: Kami naghahalat sa grasya nin saimong pagdatung

lilingya kami kan regalo nin samong banal na buhay.
Ikatolong Semana nin Adviento
Sa semana ini, an rosang kandila iyo an ilawan kaiba man an

duwang lilang kandila na sinoluan nin duang semana.
----------------------------------------------------------------
Domingo: Ikatolong Semana kan Adviento
----------------------------------------------------------------
Maogmang pirmi sa Kagurangnan, guiraray sasabihon ko, mag-

ogma! An kagurangnan ta harani na, madya, sambahon ta siya.
Responsorio:
Lider: Madya asin ligtasan kami, Dios na kagurangnan nin

poder saka kosog. (Paki uliton tabi)
Lider: An saimong lawog magsirang sa samuya asin kami

makakaligtas.
~ 20 ~
Gabos: Madya asin ligtasan kami, Dios na kagurangnan nin
poder saka kosog.
Mga Kahagaran:
Lider: Para ki Kristo samuyang paratubos, na madigdi para

iligtas kami sa samong kasalan, magkurahaw kita sa
kaogmahan: Madya, madya, Emmanuel!
Lider: Madya, Kagurangnan asin itao mo sa samo an ilaw nin

buhay na mayong katapusan.
Gabos: Madya, madya, Emmanuel.
Lider: Tabangi kami na marimpos an saimong mga togon asin an

paglaom nin pagkamoot sa saimong pagdatung.
Lider: Tabangi kaming maipahayag an saimong kadakulaan sa

iba.
Lider: Logd mailaog mi an samong paglaom asin pagtwala sa

saimong poder nin kaligtasan.
Lider: Namomotan ming gayong Ama, pinadara mo an saimong Aki

para iligtas an gabos na tawo. Ika totoo an
pinadakula. Tabangi kami magpatawad sag abos na mga
nakulugan mi asin para maintindihan mi an mga tawo na
dipisil makiiba sa samu. Sa paging ini, an samong puso
handa na sa pagako sa samongkagurangnan saka
paratubos. Hinahagad mi ini sa sangaran kan saimong
aki si Hesus.
Gabos: Amen.
Ama niamo na yaon ka sa langit . . . . . . . . . . . . . . . . .
Huring Pamibi: Ano an dapat itao saiya// Ta ako sarong mayong

sukat// Kun ako sarong Pastor// Dadarahon ko an
sarong obeha// Kun ako sarong madunong na tao//
~ 21 ~
Gigibohon ko an nadadapat// Alagad, ano an dapat
kong itao saiya// Itatao ko saiya an sakong puso.
----------------------------------------------------------------
Lunes: Ikatolong Semana kan Adviento
----------------------------------------------------------------
Pamibi: Tabangi kami, Hesus na pirming magtubod sa saimo,

tabangi kami na makaintindikun pano mi ika mamimidbid
nin marahay, mas namotan mi ika saka magotob kan
saimong mga togon. Tabangi kaming makagiromdon nap or
dahil saimo kami nagkaigwa kaining selebrasyon nin
pasko asin na ika pirming yaon sa samuya saka kami
minatiwala sa saimo sa pagataman sa samu.
Mga Kahagaran:
Lider: Magkurahaw kita sa kagurangnan, na madigdi sa pagdara

nin kaligtasan: Madya, Kagurangnan, asin ligtasan
kami.
Lider: Kagurangnan tang Hesukristo, satuyang Dios, paratubos

nin gabos – maghidali kang magdigdi asin iligtas kami.
Gabos: Madya, Kagurangnan, asin ligtasan kami.
Lider: Kagurangnan, sa pagdatung mo digdi sa kinaban na ini –

ilikay mo kami sa kasalan nin kinaban.
Lider: Ika na naghali sa Ama – ipahiling mo an dalan na

pasiring sa saiya.
Lider: Ika ipinangidam sa poder kan Banal na Espiritu – sa

paagi kan saimong tataramon mabago mi ulit an
kaparehong espiritu sa samong mga puso.
~ 22 ~
Lider: Ika ipinangaki ni Berhen Maria – likayan an samuyang
mga hawak sa pagkalapa.
Lider: Kagurangnan, tawing pansin an gabos na tawo – na sa

kapinonan nin kapanahonan ipinagbogtak na ninda an
pagtiwala sa saimo.
----------------------------------------------------------------
Martes: Ikatolong Semana kan Adviento
----------------------------------------------------------------
Pamibi: Ano an samuyang itatao saimo, Dios ko? Igua ka na kan

gabos na kaipuhan. Ano an minamawot mo sa samo? Itatao
mi an bagay na siguro mas mahalaga – an samuyang mga
sadiri. Samuyang mga puso, mga isip, asin mga kalag.
Tabangi kami magdaweng marhay saka dai magmaimot
tanganing kami makarani nin marhay sa saimo. Tukdoe
kami kagurangnan, kan saimong mga paagi, nganing
makanuod kaming magin Banal arog sa saimo.
Mga Kahagaran:
Lider: Para sa tataramon na daing katapusan na nagging tawo

para maisabi sa samo an bago saka nabubuhay na mga
paagi, mamibi kita nin maimbod: Madya, Kagurangnan,
asin ligtasan kami.
Lider: O Dios, kami nabubuhay saka naghihiro asin yaon sa

samuyang sadiri – madya asin tukdoe kami na ginigibo
mo kami siring sa saimong sadiri.
Lider: Ika na bakong harayo sa lambing saro sa samu –

ipahiling mo an saimong sadiri sa gabos na naghahanap
saimo.
~ 23 ~
Lider: Ama nin mga dukkha saka tagapaghulit nin mga naapi –
paluwason mo an mga nabibilanggo, tawan mon in
kaogmahan an mga namomondo.
Lider: Pinagsikwal mo an kagadanan asin namotan mo an buhay –

ilikay mo an katauhan sa kagadanan nin mayong
katapusan.
----------------------------------------------------------------
Miyerkoles: Ikatolong Semana kan Adviento
----------------------------------------------------------------
Pamibi: Kagurangnan, an Biblia nagsasabi sa samu kan kadakul

na mga milagro. An vbota pinahiling mo saka an bongong
nakadangong. An lumpo nakalakaw saka an gadan na tawo
nagbangon asin nabuhay liwat. Kun minsan kami man mga
bota por dahil sa samung kakuripotan. Tabangi kaming
mahiling ika nin kada saro. Kun minsan, kami mga
bongong sa kaipuhan nin iba. Gibohon mo kaming
mapagtinao. Kun minsan kami mga lumpo sa samuyang
pakamauri. Tawe kami nin pusong mapagpakumbaba.
Tabangi kami na makaotob na gayo na papatawadon mo an
samong mga kasalan, tawe kami nin bagong buhay, asin
daraha kami sa saimong harong sa langit.
Mga Kahagaran:
Lider: Mamibi kita sa Dios Ama, na nagpadara ka saiyang Aki

para maghatod nin mayong ponding katoninongan.
Kagurangnan mapasamuya an kahadean mo.
Lider: Ama na pinakabanal, lilingya an saimong simbahan,

madya asin bisitaha ining balagon na tinanom nin saimo
mismong tuong kamot.
~ 24 ~
Gabos: Kagurangnan mapasamuya an kahadean mo.
Lider: Hilinga Kagurangnan sag abos na mga aki ni Abraham –

maotob logod an mga panuga na saimong ginibo para sa
saindang mga ama.
Lider: O maheherakon na Dios, hilinga nin mamooton an mga

lalaki asin mga babae kan kada rasa – logod ionra ka
sa saimong karahayan.
Lider: Pastor na mayong katapusan, bisitaha an saimong mga

karnero asin pagsararoa sinda sa sarong lantad.
Lider: Giromdoma an mga nagharale na sa kinaban na ini sa

saimong katoninongan.
----------------------------------------------------------------
Huwebes: Ikatolong Semana kan Adviento
----------------------------------------------------------------
Pamibi: Por medio ta kami nagaandam para sa saimong pagdatung,

kada saro sa samuya may pasensya asin may mas
pakaintindi. May kaogmahan asin katiwasayan an hoyop
nin doros. Sa paagi nin pamibi, tabangi kaming
makaguiromdom na may Pasko por dahil saimo. Madya asin
ika logod an sentro kan samong buhay aro- aldaw.
Mga Kahagaran:
Lider: Para ki Kristo, an dakulang ilaw na pinanuga kan mga

propeta para sa mga nabubuhay sa anino nin kagadanan,
ikurahaw ta an satung mga boses sa pamibi: Madya,
Hesus na Kagurangnan.
~ 25 ~
Lider: An tataramon nin Dios, sa kapinonan linalang mo an
gabos na bagay asin sa kapanoan nin panahon inako mo
an samong pagkatawo – madya asin darahon mo kami sa
kagadanan.
Lider: Ilaw natotoo, na nagsisirang sa katauhan – madya asin

halea kami sa kadikloman.
Lider: Ika an bogtong na aki, na nageerok sa puso nin Ama –

madya asin sabihan mo kami kan pagkamomoton nin Dios.
Lider: Hesukristo, napadigdi ka sa samuya bilang akin in Ama

– ibilang sinda na nakakamidbid sa saimo komo mga aki
nin Dios.
Lider: Inaako mo an gabos na minaapod saimo sa pangangaipo

daraha sinda sa saimo bangketa an mga nagtotoktok sa
pwertahan.
----------------------------------------------------------------
Biyernes: Ikatolong Semana kan Adviento
----------------------------------------------------------------
Pagbasa: Juan 5: 33-36
Pamibi: Kristo, ika an tunay na ilaw nin kinaban. Tabangi

kaming makagiromdom kaini kada mahiling mi an ilaw sa
mga “Christmas tree” o mga kandila sa korona nin
Adviento. Pano mi maiwaras an saimong ilaw sa iba?
Pwedeng gibohon mi ini sa pangisi paminsan- minsan sa
mga palibot sa samo asin sa paagi nin paglipas nin
aldaw na magaya-gaya. Tabangi kami na makahiling sa
~ 26 ~
ladong maliwanag kan mga bagay na minaagi sa samuya.
Sa gaweng ini. Kami naglalaom na maiwaras mi an init
kan samong ilaw sa iba.
Mga Kahagaran:
Lider: Sa pasgtiwala apodon ta si Kristo, an Pastor saka

katambay nin satung mga puso: Kagurangnan, kaheraki
kami.
Lider: An marhay na Pastor kan mga karnero nin Dios – tipona

an gabos sa laog kan saimong simbahan.
Gabos: Kagurangnan, kaheraki kami.
Lider: Hesus na Kagurangnan, tabangi an mga pastor kan

saimong tawong inatang – sagkod na ika magbalik
guiraray, logod pakakanon ninda nin marhay an saimong
mga karnero.
Lider: Pumili ka sa samo na mabalangibog kan saimong

tataramon sa pagpahayag kan saimong ibanghelyo sa
kaporo-porohi kan kinaban.
Lider: Maherak sa gabos na naghingoa asin napadungkal sa

dalan logod sinda makakua nin sarong amigo na matabang
sainda.
Lider: Ipahiling mo an saimong kamurawayan sa langit – para

sa mga nakakadangog kan saimong boses sa daga.
~ 27 ~
----------------------------------------------------------------
Sabado: Ikatolong Semana kan Adviento
----------------------------------------------------------------
Pamibi: O Dios, mabalos sa pagpano mo kan samuyang mga puso

nin paglaom. Sa tahaw nin samong kamonduan, tinawan mo
kami nin rason na kami magogma. Tinawan mo kami nin
sarong ilaw na dai pwedeng daogon nin kadikloman. Sa
semanang ini naisentro mi an paglaom asin pagogma – an
paglaom na mamidbiran ka na ika pirming handa sa
pagpatawad sa samuya. Kami naoogma na pwede kami
guiraray makaselebrar kan aldaw nin pagkamundag ni
Hesus.
Mga Kahagaran:
Lider: Mamibi kita sa Dios satuyang Ama, na sa kapinonan

inapod an saiyang an saiyang mga tawo sa kaligtasan:
Kagurangnan, ilikay mo an saimong katauhan.
Lider: Napanuga ka na itatanom mo an pisog nin hustisya sa

katauhan, - ilikay mo an kabanalan nin simong
simbahan.
Gabos: Kagurangnan, ilikay mo an saimong katauhan.
Lider: Kagurangnan, tukdoe an gabos na lalaki saka babae na

makadangog kan saimong tataramon – asin tabangi an mga
nagtutubod na marimpos an kabanalan.
Lider: Ilaag mo kami sa pagkamoot nin Banal na Espiritu –

tanganing maaraman mi an pagkaherak kan saimong akin a
madatung.
Lider: Ama na mahaharakon na gayo, pakosoga kami saghkod sa

kataposan asin sa aldaw kan pagdatung ni Hesukristo
samuyang kagurangnan.
~ 28 ~
Ikaapat na Semana nin Adviento
An ikaapat na semana iyo an pagako kan pagkatinawo ni

Hesus. Kun kaya an ikaapat na kandila an satuyang sosoloan kaiba
guiraray an tolong kandila.
----------------------------------------------------------------
Domingo: Ikaapat na Semana kan Adviento
----------------------------------------------------------------
Ini an marhay na Bareta na ipinahayag nin mga Propeta: An

paratubos ipapangaki ni Birhen Maria. An Kagurangnan harani na:
Madya sambahon ta siya.
Responsorio:
Lider: An saimong ilaw madatung na, o Jerusalem; an

Kagurangnan masirang sa saimo kan liwanag nin
kagayonan.
Gabos: An saimong ilaw madatung na, o Jerusalem; an

kagayonan.
Lider: Mahihiling mo an saiyang kamurawayan sa laog nindo.
Gabos: An saimong ilaw madatung na, o Jerusalem; an

kagayonan.
Lider: Pagomawon an Ama, Aki . . . . . . . . . . .
Gabos: Siring kan pagomaw . . . . . . . . . . . . . . . .
~ 29 ~
Mga Kahagaran:
Lider: Si Hesus na Kagurangnan, pinangaki ni Birhen Maria.

Mamibi kita saiya: Madya sa samuyang mga puso, Hesus
na Kagurangnan.
Lider: Si Maria inaako ka sa samong mga puso.
Gabos: Madya sa samuyang mga puso, Hesus na Kagurangnan.
Lider: Tanganing namotan mi an Ama siring man ki Maria.
Lider: Tanganing kami man mas makapareho saimo.
Lider: Tanganing mamidbiran ka sa kada saro.
Lider: O Maria, ika an primerong uminsko ki Hesus sa samong

puso. Ipamibi mo kami sa Dios nganing makahanda kami
siring saimo makadangog kan tataramon nin Dios asin
makaako sa saiyang Aki an samong mga puso.
Gabos: Amen
Ama niamo . . . . . . . . . . . . . . . . . . . . . . . . . . .
Huling Pamibi: Maogsyon na babae, nakabado nin asul. Tukdoe ako

kun pano mamibi// An Dios iyo an saimong sadit na
aki// Kaya aram mo an paagi.
----------------------------------------------------------------
Lunes: Ikaapat na Semana kan Adviento
----------------------------------------------------------------
Pamibi: Sa halipot na aldaw, mahal na kagurangnan, Pasko na.

Guiraray itatao mi an regalo kan samong puso.
Papatoson mi an regalo kan samong puso. Papatoson mi
an saimong regalo nin sarong dakulang pagmawot na kami
pirming magibo nin karahayan. Sa semanang ini,
~ 30 ~
hihingohaon mi na mamoot sa lambing saro sa laog nin
harong asin sa mas mainit saka sinsero sa mga tawo na
nasa palibot niamo. Tabangi kami na maggibo nin tama
saka likayan an sala tanganing masabat mi si Kristo
nin tunay sa saiyang pagdatung sa Pasko.
Mga Kahagaran:
Lider: Para ki Kristo satung Paratubos, na mabalik guiraray

sa pag- alpas sa poder nin kahagadan an gabos na
mabalik sa saiya. Mamibi kita: Madya, Hesus na
Kagurangnan.
Lider: Kan ipahayag mi an saimong pagdatung, Kagurangnan-

linigi an samong mga puyso sa dikta nin pagmawot.
Lider: Kagurangnan, logod an simbahan na saimong tinogdas –

ipahayag an saimong kadakulaan sa gabos na katauhan.
Lider: An saimong batas iyo an ilaw nin sakong mga mata-

logod ilikay an mga nagtitiwala sa saimo.
Lider: Pinagpaubaya mo an kaogmahan kan simong pagdatung na

maisabi sa maludok na boot.
----------------------------------------------------------------
Martes: Ikaapat na Semana kan Adviento
----------------------------------------------------------------
Pamibi: Inang Maria, nagsabi ka, iyo, kan an Dios hinagad

saimo na itao si Hesus samuya. Tabangi kaming masabi
an “iyo” sa Dios kun hagaron sa samu na itao si Hesus
sa mga yaon sa palibot niamo. Tabangi kaming makagibo
~ 31 ~
nin sadir na mga gawe nin pagmatinao asin pagmakolog
sa kada saro samong nasasabatan tanganing sa pagkaaga
nin Pasko kada saro sa samo makasabi. “Ginibo ko ini
para saimo, Hesus. Naghingoha ako maitao ka sa iba,
asin ngonian itatao ko an sakuyang sadiri sa saimo.”
Mga Kahagaran:
Lider: Para ki Kristo samong kagurangnan asin paratubos, na

mapasabot nin hayag sa huring aldaw, mamibi kita nin
matiwasay: Madya, Hesus na Kagurangnan.
Lider: Samong paratubos saka Kagurangnan, sa pagigi mong

tawo, hinale mo an magabat na sakal kan pagboot sa
samu – tawan sa samu an mga gawe nin kabootan.
Lider: Sa samuya, hinale mo an ano man na makakaulang sa

paglingkod sa saimong Diosnon na pagkatao – tawan sa
samu an ano man na bagay na samongkakaipuhan sa
paglingkod saimo.
Lider: Itao mo an pagm-awot sa sakung hinahagad saimo ngonian

– palaada an samong puso kan kalayo nin simong
pagkamoot.
Lider: Sa daga, kami nabubuhay sa saimong pagtitiwala – sa

kamurawayan, kami man logod magogma na makaiba ka.
Lider: Baribiha an mga kalag kan mayo na sa kinaban naini –

kan hamog nin saimong pagkaherak asin pagkamoot.
~ 32 ~
----------------------------------------------------------------
Miyerkoles: Ikaapat na Semana kan Adviento
----------------------------------------------------------------
Pamibi: Bendisyoni kami, mahal na Ama, asin gibohon mo kami

mga tulayan nin simong katoninongan. Tabangi kami
maiwarak an espiritu nin magturugang sa sarong kinaban
na iguang nin dai pagtiwala saka kaangotan. Darahon ta
an kawilihan sa mga namomondo. Tanganingan simong ilaw
magliwanag sa mga puso asin sa mga harong.
Mga Kahagaran:
Lider: Para ki Hesukristo, an samong Kagurangnan, na

nagpadigdi sa samu sa saiyang pagkaherak, nakakurahaw
kita sa kaogmahan: Madya Hesus na Kagurangnan.
Lider: Hale ka sa Ama na nagging tawo – ngonian iligtas mo

kami sa mga nagibohan kan kasalan.
Lider: Sarong aldaw ika mabalik guiraray sa kamurawayan sa

mga pinili mong mga tawo – rumani ka sa samu ngonian
asin tabangi kaming mga parakasala na mamidbiran mi an
saimong pagkaherak saka pagkamoot.
Lider: Oomawon mi ika sa kamurawayan, Hesus na Kagurangnan –

madya asin daraha kami sa saimong kaligtasan.
Lider: Sa pagtubod, dinara mo kami sa liwanag – logod

maipahayag mo an saimong hustisya sa paagi kan saimong
mga gawe.
~ 33 ~
----------------------------------------------------------------
Huwebes: Ikaapat na Semana kan Adviento
----------------------------------------------------------------
Pamibi: Naoogma kami saimo. Kagurangnan, inoomaw mi ika.

Ginulat mo kami sa dakul mong mga sorpresa.
Benendisyonan mo kami saka pinagataman mo kami.
Irimpos mo kami sa saimong pagkamoot, mabalos. Hesus,
ta yaon ika sa samo. Mabalos, mamomoton na Ama, kan
gibohon mo kamingsimong mga aki.
Mga Kahagaran:
Lider: Para ki Kristo an satung paratubos, na nagpadigdi sa

pagligtas sa satu sa mga kasalan – mamibi kita: Madya
Hesus na Kagurangnan.
Lider: An mga propeta kaidtong panahon nagbareta kan saimong

pagkamundag – ngonian, gibohon mo an birtud mabuhay sa
samu.
Lider: Nagpadigdi ka sa pagbulong nin pusong nagsusolsol –

bulong an mga kaluyahan kan saimong katuhan.
Lider: Nagpadigdi ka asin nahiling mong pwede nang

mapagsararo an kinaban – kun mabalik ka guiraray sa
paghukom, ilikay mo kami sa mga kasakitan nin
paghukom.
~ 34 ~
----------------------------------------------------------------
Biyernes: Ikaapat na Semana kan Adviento
----------------------------------------------------------------
Pambi: Dios Ama, nagpapasalamat kami saimo para ki Hesus.

Dahil ta siya yaon sa samong buhay, dai na kami
makakamate nin pagka- solo. Ipahiling mo na kun kami
may pagtubod sa saiya saka may pagkamoot sa saiya,
an Pasko minaabot aro- aldaw. Tabangi kami maitao sa
iba an mga regalo nin pagkamoot, pagkaintindi,
pagkamaherakon, pasensya saka pagtiwala bako sana sa
Paskong ini kundi sa bilog nin bagong taon.
Mga Kahagaran:
Lider: Mamibi kita sa Dios na satung Ama na sinubol niya an

saiyang aki para iligtas an kataohan: Kagurangnan,
Ipahiling mo an saimong pagkaherak.
Lider: Ama na maheherakon, kami makumpisal kan saimong

pagtubod ki Kristo sa samong mga tataramon – ilikay mo
kami sa dai mi pagtao nin tiwala sa saiya sa samong
mga gawe.
Gabos: Kagurangnan, Ipahiling mo an saimong pagkaherak.
Lider: Sinubol mo an saimong Aki para mailigtas kami – halea

an kada kamondoan sa lawog kan kinaban saka sa
samuyang banwaan.
Gabos: Pahilinga kami kan saimong pagkaherak, Kagurangnan.
Lider: An samong banwaan minalaom nin kaogmahan sa pagabot

kan simong aki, mamatean logod mi an kapanoan kan saimong
kaogmahan.
Gabos: Pahilinga kami kan saimong pagkaherak, Kagurangnan.
Lider: Sa paagi kan saimong pagkaherak, gibohon mo mabubuhay

sa banal asin dalisay na pagkabuhay sa kinaban na ini
– mahalat kami sa pagdatung ni Kristo sa kamurawayan.
~ 35 ~
Gabos: Kagurangnan, Ipahiling mo an saimong pagkaherak.
----------------------------------------------------------------
Sabado: Ikaapat na Semana kan Adviento
----------------------------------------------------------------
Pamibi: Ama, sa ikaapat asin huring semana kan samong paghanda

sa pasko, nagpapasalamat kami saimo sa pagpadara mo
kan saimong bogtong na aki si Hesus. Ini, ipinahiling
mo kun gurano kadakula an pagkamoot mo sa samuya.
Itinao mi an samong mga sadiri, dahil ta aram mi na
mas marahay an magtao ki kan magako. Inaako mi an
saimong pagkamoot sa samuya asin aram mii na ini
madanay sagkod pa man. An saimong pagkamoot mas marhay
ki kan ibang regalo na samuyang maako dahil ta ini dai
mapapasa o maooras, alagad padagos sagkod nuarin.
Mga Kahagaran:
Lider: Para ki Hesukristo, an satung paratubos, na mabalik

guiraray sa kamurawayan nin dakulang poder, mamibi
kita nin makuri: Madya, Hesus na Kagurangnan.
Lider: Hesus na Kagurangnan, mapadigdi ka sa dakulang poder –

hilinga an samong kaluyahan saka gibohon kami maninigo
sa saimong mga regalo.
Lider: Ika maninigo na omawon, ta ika may buhay – tabangi

kami maghalat sa maogmang paglaom sa pagdatung kan
saimong kamurawayan.
Lider: Minalaom kami kan biyaya nin simong pagdatung –

rangaha kami kan regalo kan saimong sadiring Diosnon
na buhay.
~ 36 ~
Lider: Kami nagpadigdi sa halawig na dalan para sa enot na
banggi kan Adviento. Sa panahon na idto, sinuloan mi
an enot na kandila. Sa masunod na semana, igua nang
duang kandila na inilawan, dangan tolo saka sa
katapusan,apat na kandila an nagliliwanag kan samong
pagkamoot sa saimo.
Saaldaw kan Pasko: Awiton an “Joy to the World”.
Joy to the World

[Verse 1]
Joy to the world, the Lord has come
Let earth receive her King
Let every heart prepare Him room
And heaven and nature sing, and heaven and nature sing
And heaven, and heaven and nature sing
[Verse 2]
Joy to the world, the Savior reigns
Let men their songs employ
While fields and floods, rocks, hills, and plains
Repeat the sounding joy, repeat the sounding joy
Repeat, repeat the sounding joy
[Verse 3]
No more let sins and sorrows grow
Nor thorns infest the ground
He comes to make His blessings flow
Far as the curse is found, far as the curse is found
Far as, far as the curse is found
[Verse 4]
He rules the world with truth and grace
And makes the nations prove
The glories of His righteousness
And wonders of His love, and wonders of His love
And wonders, wonders of His love
~ 37 ~
Let us Sing
“O Come, O Come, Emmanuel”

O come, O come, Emmanuel
And ransom captive Israel,
That mourns in lonely exile here
Until the Son of God appears.
[Refrain]
Rejoice! Rejoice! O Israel
To thee shall come Emmanuel!
~ 38 ~
~ 39 ~

An Giya Sa Pamibi Kan Adviento

Uploaded by

Document Information

Original Title

Copyright

Available Formats

Share this document

Share or Embed Document

Sharing Options

Did you find this document useful?

Is this content inappropriate?

Copyright:

Available Formats

An Giya Sa Pamibi Kan Adviento

Uploaded by

Copyright:

Available Formats

An Giya sa Pamibi kan

Korona nin Adviento

Binikol ni Bro. Gil T. Malanyaon

An tataramon na adviento iyo an “pagdatung” – An pagdating

Kun kaya kita minahalat ki Jesus na omboy na madara sa satu

An adviento iyo an panahon nin paghalat panahon nin

IkaduangParte- An mga Simbolo sa Adviento

A. An korona nin Adviento

An tunay na kahulugan kan panahon nin adviento iyo

B. An mga kandila nin Adviento

An ilaw na hale sa mga kandila na yaon sa korona nin

Tolo sa mga kandila para sa korona nin Adviento may kolor

C. An pagamit kan korona nin Adviento

Mayong pinagsususog na paagi kan korona nin Adviento.

Ikatlong Parts - An Pamibion sa Adviento

An rito sa korona nin Adviento iyo an simpleng selebresyon

An mga pamibion babasahon pagkatapos an kandila mailawan.

An Pagbendisyon kan korona

Mahal na Ama, kami nagkatiripon digdi sa ngaran ni Jesus,

Pagomawon an Ama, an Aki asin an Espiritu Santo . . . . . . . .

MGA PAMIBION KADA ALDAW NIN SEMANA

Domingo: Enot na Semana kan Adviento

Madya, Sambahon taan Kagurangnan, an Hade na madatung.

Pagbasa: Tesalonica 3: 12-13

Lider: Kagurangnan, ipahiling mo sa samo an saimong

Gabos: Kagurangnan, ipahiling mo sa samo an saimong

Lider: Asin itao mo sa samo an saimong kaligtasan.

Gabos: Kagurangnan, ipahiling mo sa samo an saimong

Lider: Pagomawon an Dios Ama, An Dios Aki, asin an Dios

Gabos: Siring sa pagomaw . . . . . . . . . . . . . . . . . .

Lider: si Hesucristo iyo an kawilihan asin kaogmahan kan

Gabos: Madya, kagurangnan asin dae ka logod mahuri.

Lider: Panua an samong mga puso kan simong katoninongan.

Gabos: Madya, kagurangnan asin dae ka logod mahuri.

Lider: Gibohon mo kami mas maimbod asin mamomoton.

Gabos: Madya, kagurangnan asin dae ka logod mahuri.

Lider: Tanganing kami logod makatabang sa iba na mamidbiran

Gabos: Madya, kagurangnan asin dae ka logod mahuri.

Lider: O Dios, samuyang Ama, kami naghahalat sa pagabot kan

Ama niamo na yaon ka sa langit . . . . . . . . . . . . . . . . .

Lunes: Enot na semana kan Adviento

Pagbasa: Mateo 8: 5-11

Pamibi: Hesus, kami naghahanda kan samong harong para sa

Lider: Kristo na kagurangnan, aki nin Dios na nabubuhay, ilaw

Gabos: Madya Hesus na kagurangnan.

Lider: Ilaw na dai napaparong – Pukawe an samong pagtubod na

Gabos: Madya Hesus na kagurangnan.

Lider: Bantayi kami ngonian sa gabos na katibaaran, - logod

Gabos: Madya Hesus na kagurangnan.

Gabos: Madya Hesus na kagurangnan.

Lider: Madya sa paghaman nin bagong daga para samuya na kun

Gabos: Madya Hesus na kagurangnan.

Pagomawon an Dios Ama, Dios Aki . . . . . . . . . . . . . . . .

Martes: Enot na Semana kan Adviento

Pagbasa: Lukas 10: 21-24

Pamibi: Namomotan ming Hesus, naiintidihan mi an kadonongan

Lider: Dios, amang makakamhan sa pagbiklad kan saimong kamot

Gabos: Kagurangnan, umabot logod an saimong kahadean.

Lider: Kagurangnan, logod an saimong mga gawe nin pagsolsol

Gabos: Kagurangnan, umabot logod an saimong kahadean.

Lider: Inihanda mo an sarong dalan para sa samong puso sa

Gabos: Kagurangnan, umabot logod an saimong kahadean.

Lider: Ibaba mo an samong pakaabaw-abaw asin pano ini kan