SACRED HEART OF JESUS MONTESSORI SCHOOL

J.R. Borja Extension, Gusa, Cagayan de Oro City

Montessori-Based Learning
Learning Instructional Packets (LIPs)

OFFLINE-PICK-UP

Araling Panlipunan – 10 (3 hours/week)

First Quarter
Mga Isyung Pangkapaligiran at pang-ekonomiya

Week-2-3
Lesson-2
Lesson 2:
a. Iba't Ibang Uri ng Kalamidad sa Komunidad at Bansa: Pagbagyo, Pagbaha, at Storm Surge
b. Mga suliraning pangkapaligiran at mga sakunang pangkalikasan ng mundo, ng bansa at ng
pamayanan

Teacher: Joniel P. Galindo

_________________________________________________

SACRED HEART OF JESUS MONTESSORI SCHOOL

J.R. Borja Extension, Gusa, Cagayan de Oro City

Montessori-Based Learning
Learning Instructional Packets (LIPs)
 Araling Panlipunan-10
S.Y 2020-2021

Name: ________________________________________________ Date submitted: ________________

Grade & Section: ______________________________________ Teacher: _______________________

-----------------------------------------------------------------------------------------------------------------

Content Standard:
Ang mag-aaral ay… Ay may pag- unawa sa mga sanhi at implikasyon ng mga Hamong Pangkapaligiran upang maging bahagi ng
pagtugon na makapagpapabuti sa pamumuhay ng tao.
Performance Standard:
Ang mag-aaral ay… Nakabubuo ng angkop na plano sa pagtugon sa hamong pangkapaligiran tungo sa pagpapabuti ng pamumuhay
ng tao.
Pangunahing Pang-unawa: Mahalagang maging mulat tayo sa mga kontemporaryong isyu sa ating lipunan, sa bansa, at sa
buong mundo.

Pangunahing Tanong: Paano natin matimbang ang mga pahayag tungkol sa mga kontemporaryong isyu sa ating bansa at sa
buong mundo?

I. LEARNING COMPETENCY
 Natatalakay ang kalagayan, suliranin at pagtugon sa isyung pangkapaligiran ng Pilipinas 2 & 3 week

Layunin:

 naipaliliwanag ang konsepto ng suliraning pangkapaligiran

 nasusuri ang kalagayan ng kapaligiran
 Makabubuo ng sulosyon sa suliraning pangkapaligiran?
 Pagkatapos ng aralin inaasahang makakakuha ng 100% na matutuhan ang mag mag-aaral.
 JUNE fruits of normalization (FRIENDLINESS) Beatitude ( blessed are the poor in spirit, for theirs is the kingdom of heaven.
Sariling Layunin: I can … ____________________________________________________________________________________

II. LEARNING CONTENT

Lesson 2 : Mga Isyung Pangkapaligiran at pang-ekonomiya
a. Mga suliraning pangkapaligiran at mga sakunang pangkalikasan ng mundo, ng bansa at ng pamayanan

Materials:

References:
1. K to 12 Curriculum Guide
2. MELCs
3. (Kayaman kontemporaryong Isyu page 8-20

III. LESSON PRESENTATION

Concept Map ng Aralin

Kalamidad
 Ang kalamidad ay tumutukoy sa pangyayari o kaganapang nagdudulot ng malaking kapinsalaan at kabagabagan sa mga tao at
komunidad na tinatamaan nito. Ito ay bunga ng natural na proseso ng kalikasan, subalit may kinalaman din ang mga tao sa madalas at
sa hindi maipaliwanag na pagtama nito. Ang pagdagsa ng maraming kalamidad ay maaring epekto ng climate change o pagbabago ng
klima.
 Ilan sa mga halimbawa nito ay ang pagbagyo, pagbaha, storm surge, paglindol, tsunami, pagputok ng bulkan, La Nino, at La
Nina.
 Iba’t ibang uri na ng kalamidad ang tumama sa Pilipinas. Labis na humahanga sa mga Pilipino ang ibang lahi dahil sa kakayahan
nitong makabangon agad mula sa dagok ng matitinding kalamidad.
Iba’t Ibang Uri ng Kalamidad: Pagbagyo
Ang Pilipinas ay isang kapuluang nakaharap sa Karagatang Pasipiko. Malaki ang kinalaman ng lokasyon nito sa nararanasan nitong
palagiang pagbagyo.
 Ang bagyo ay ang namumuong sama ng panahon, may isang pabilog o spiral na sistema ng marahas at malakas na hangin at may
dalang mabigat na ulan, karaniwang daan-daang kilometro o milya sa diyametro ang laki.
 Kadalasang nabubuo ang bagyo sa gitna ng karagatan kung saan nagtatagpo ang mainit at malamig na hangin. Ang mainit na hangin
ay pumapailanlang dahil sa init ng dagat at habang ito ay umaakyat, nagkakaroon ng Low Pressure Area
(LPA) sa paligid. Dahil sa low pressure na nabuo sa paligid, naaakit nito ang iba pang malamig sa hangin sa ibang lugar hanggang sa
ang malamig na hangin ay iinit din at bubuo ng mga ulap.
 Ang Pilipinas ay karaniwang nakararanas ng 20 bagyo kada taon. May apat na uri ng pagbagyo depende sa bilis ng hangin. Ang
PAGASA ang tumututok at nagpapangalan ng bagyo sa Pilipinas at mauulit kada tatlong taon.
 Ilan sa mga bagyong hindi malilimutan ng mga Pilipino ay ang mga bagyong Ondoy (2009) at Yolanda (2013) na nagdulot ng
matinding pinsala sa mga bayan at lalawigang tinamaan nito
BAGYONG SENDONG

Iba’t Ibang Uri ng Kalamidad: Pagbaha

Kaalinsabay ng malakas na pagbagyo at ng pag-iral ng hanging habagat ay ang malawak at malubhang pagbaha sa iba’t ibang bahagi
ng bansa.
 Ang baha ay ang umaapaw at tumataas na lebel ng tubig na dulot ng malakas at walang tigil na pag-ulan sa komunidad.
 Ang pagbaha sa Pilipinas ay pinalalala ng mga baradong daluyan ng tubig.Sa mga panahong ito, kahit kaunti o sandaling pag-ulan
lamang ay agad nang bumabaha. Ordinaryo na itong nararanasan sa Metro Manila at ilang malalaking lungsod sa Pilipinas, gayundin
sa ilang mabababang lugar o sa mga lugar na malapit sa anyong tubig.
 Labis ding nakapipinsala ang pagbaha dahil sinisira nito ang mga gamit at ari arian. Nagdudulot din ito ng mga sakit gaya ng
leptospirosis (nakukuha kapag nababad ang sugat sa maruming tubig na may ihi ng daga).
Iba’t Ibang Uri ng Kalamidad: Pagdaluyong-bagyo o Storm Surge
Kahalubaybay pa rin ng malakas na pagbagyo ay ang pagdaluyong-bagyo.
 Ang dalúyong-bagyo o storm surge ay ang hindi pangkaraniwang pagtaas ng tubig sa dalampasigan habang papalapit ang bagyo sa
baybayin. Nakaaapekto sa tindi ng dalúyong-bagyo ang lalim at oryentasyon ng katubigan na dinaraanan ng bagyo at ang tiyempo ng
kati (mababa ang tubig sa dagat).
 Ang pagdaluyong-bagyo ay bago sa pandinig. Hindi ito pamilyar hanggang sa naminsala ito kasabay ng bagyong Yolanda. Hindi
ito napaghandaan ng mga tao, kaya, maraming namatay.
 Mahirap iwasan ang pagdaluyong-bagyo dahil hindi ito napipigilan. Ang maaari lamang gawin para makaiwas dito ay ang paglikas
tungo sa mas mataas na lugar kung may nakaambang bagyo o pagtaas ng antas ng tubig mula sa dagat.
Pagnilayan
Sa iyong palagay, natuto na ba ang mga Pilipino sa mga karanasan mula sa malalakas na pagbagyo, pagbaha, at pagdaluyong-bagyo?
Mahahalagang Kaalaman
 Ang kalamidad ay tumutukoy sa pangyayari o kaganapang nagdudulot ng malaking kapinsalaan at kabagabagan sa mga tao at
komunidad na tinatamaan nito.
 Ang Pilipinas ay isang kapuluang nakaharap sa Karagatang Pasipiko. Malaki ang kinalaman ng lokasyon nito sa nararanasan nitong
palagiang pagbagyo. Ang bagyo ay ang namumuong sama ng panahon, may isang pabilog o spiral na sistema ng marahas at malakas
na hangin at may dalang mabigat na ulan, karaniwang daan-daang kilometro o milya sa diyametro ang laki.
 Kaalinsabay ng malakas na pagbagyo at ng pag-iral ng hanging habagat ay ang malawak at malubhang pagbaha sa iba’t ibang
bahagi ng bansa. Ang baha ay ang umaapaw at tumataas na lebel ng tubig na dulot ng malakas at walang tigil na pag-ulan sa
komunidad. Kahalubaybay pa rin ng malakas na pagbagyo ay ang pagdaluyong-bagyo.
Ang dalúyong-bagyo o storm surge ay ang hindi pangkaraniwang pagtaas ng tubig sa dalampasigan habang papalapit ang bagyo sa
baybayin. Nakaaapekto sa tindi ng dalúyong-bagyo ang lalim at oryentasyon ng katubigan na dinaraanan ng bagyo at ang tiyempo ng
kati (mababa ang tubig sa dagat).
Iba’t Ibang Uri ng Kalamidad: Paglindol
Ang Pilipinas ay nasa Pacific Ring of Fire, ang paikot na hanay ng mga aktibong bulkan sa Pasipiko. Ito ang dahilan kung bakit
nakararanas ang bansa ng mga paglindol.
 Ang lindol ay isang biglaan at mabilis na pagyanig o pag-uga ng lupa na dulot ng pagbibiyak at pagbabago ng mga batong nasa
ilalim ng lupa kapag pinakakawalan nito ang puwersang naipon sa mahabang panahon.
 Kung ang malakas na paglindol ay mangyayari sa lugar na maraming tao, maaari itong kumitil ng maraming buhay at magdulot ng
malawakang pagkasira ng mga ari-arian.
 Isang malakas na lindol ang tumama sa Pilipinas noong 2013 kung saan ang pinakanaapektuhan ay ang Gitnang Visayas, partikular
ang Bohol at ang Cebu. Maraming bahay, gusali, kalsada, tulay, at iba pang estruktura at ari -arian ang nasira ng lindol na ito.
Iba’t Ibang Uri ng Kalamidad: Pagtama ng Tsunami
Kung minsan, ang pagtama o paghampas ng tsunami ay hindi maihihiwalay sa paglindol.
 Ang tsunami o mga seismic sea wave ay serye ng malalaking alon na nililikha ng pangyayari sa ilalim ng dagat tulad ng paglindol,
pagguho ng lupa, pagsabog ng bulkan, o pagbagsak ng maliit na bulalakaw. Ito ay maaaring kumilos ng daan-daang milya kada oras
sa malawak na karagatan at humampas sa lupa dala ang mga alon na umaabot ng 100 talampakan o higit pa.
 Ang paghampas ng tsunami ay mapanganib din sa buhay, ari-arian, at kabuhayan ng mga nakatira sa malapit sa dagat.
Naranasan ito sa Japan noong 2011 at nagdulot ng malaking pinsala.
Nangyari ang isang mapaminsalang tsunami sa Pilipinas noong 1994, sa pagitan ng Batangas at Mindoro, kung saan umabot sa anim
na metro ang taas ng mga alon na dulot ng 7.1 magnitude na lindol sa ilalim ng dagat.

Iba’t Ibang Uri ng Kalamidad: Pagputok ng Bulkan

Ang Pilipinas ay nasa Pacific Ring of Fire kaya nakararanas ang bansa ng palagiang seismic and volcanic activities. Nangyayari ang
maraming mahihinang paglindol dahil sa pagtatagpo ng mga pangunahing tectonic plates sa rehiyon.

 Ang bulkan ay isang puwang o siwang sa ibabaw ng lupa, karaniwang nasa anyong bundok o burol. Ang puwang o bunganga
(crater) ay nagsisilbing daanan ng iniluluwang materyales tulad ng abo at lava na nagmumula sa ilalim ng lupa.

 Maaaring maging tahimik ang bulkan sa mahabang panahon ngunit hindi nangangahulugang payapa ito. Sasabog ang bulkan kapag
nagsimula nang gumalaw ang lupa malapit dito. Makaririnig ng dumadagundong na ingay mula sa ilalim ng lupa at makakikita ng
maitim na usok galing sa bunganga ng bulkan.

 Ang pagputok ng bulkan ay nagaganap kapag ang magma (nagbabagang tunaw na mga bato at iba pang materyales) na
nagmumula sa ilalim ng lupa ay umaangat patungo sa bunganga ng bulkan dahil na rin sa pagkapal nito at sa pressure sa ilalim ng
lupa.

 Ang pinakamalakas na pagputok ng bulkan na naranasan sa Pilipinas ay ang pagputok ng Bulkang Pinatubo noong 1991. Ang
Bulkang Pinatubo ay isang aktibong stratovolcano na matatagpuan sa Kabundukang Cabusilan sa Luzon, malapit sa Zambales, Tarlac,
at Pampanga.

 Naging labis na mapaminsala ang pagputok ng bulkang ito. Nagbuga ito ng sulfur dioxide, isang nakalalasong kemikal. Nagdulot
din ito ng ash fall o pagulan ng abo na umabot sa iba’t ibang parte ng Pilipinas. Umagos din ang lahar (volcanic mudflow).

 Malawak ang inabot na pinsala ng pagputok ng Bulkang Pinatubo. Tinatayang umabot sa 800 ang namatay habang 100,000 katao
naman ang nawalan ng tirahan at kabuhayan sa Gitnang Luzon.

Mga Paghahandang Nararapat Gawin kung may Puputok na Bulkan

Binabantayan ng Philippine Institute of Volcanology and Seismology (PHIVOLCS) ang aktibidad ng lahat ng bulkan sa Pilipinas. Ito
ang nagbibigay ng mga babala kung may napapansin silang kakaibang aktibidad sa paligid o sa ilalim ng bulkan. Kapag naglabas na
ng babala ang PHIVOLCS, dapat itong sundin. Kung pinalilikas, lumikas na.

Sa paglikas, magdala lamang ng mahahalagang kagamitan. Huwag kalimutang magdala ng tubig, flashlight, at radyo. Kung kakayanin
pa, isama ang mga alagang hayop. Sundin ang lahat ng paalala at babala ng mga kinauukulan upang hindi malagay sa panganib ang
buhay.

 Kahit pa tapos na ang pagputok ng bulkan ay maaari pa rin itong sundan ng mahihinang pagsabog pati na rin ng paglindol. Huwag
piliting bumalik sa lugar hanggat hindi nasisiguro ang kaligtasan.
Mga Epekto ng Pagputok ng Bulkan

Ang pagsabog ng bulkan ay dulot ng kalikasan. Maraming tao ang naliligalig dahil sa nakapipinsalang epekto nito. Gayunpaman,
nagdudulot rin ito ilang kabutihan.

Mabubuting Epekto

 Ang mga abo at pyroclastic na materyal mula sa bulkan ay nakapagpapataba ng lupa, mainam ito sa produksiyon ng mga pananim.

Ginagamit sa mga industriya ang mga materyal na galing sa bulkan tulad ng perlite, pumice, at scoria pati na rin ang ibang mineral
tulad ng borax at sulfur. Kapag hindi na aktibo ang bulkan, nakukulong ang init upang makapagbigay ng geothermal steam para sa
produksiyon ng elektrisidad.

Hindi Mabubuting Epekto

 Pagbagsak ng abo (ash fall), Pagdaloy ng mga pyroclastic material, Pagsabog sanhi ng singaw (phreatic explosion), Pangalawang
pagsabog at mga kasunod pa, Paglindol, Pagragasa ng lahar

Pagnilayan

Gaano na kahanda ang mga Pilipino sa pagsabog ng bulkan?

 Ang El Ni 隳 ay tumutukoy sa abnormal na pag-init ng temperatura sa ibabaw ng dagat na nagdudulot ng kakaunting pag-ulan sa
rehiyon. Ang pagtama ng El Ni 隳 sa Pasipiko ay tuwing ikalawa hanggang ikasiyam na taon. Karaniwang nag-uumpisa ito sa
pagitan ng Disyembre hanggang Pebrero.
 Ang La Ni 鎙 ay kabaliktaran ng sitwasyon o kondisyon ng El Ni 隳 . Sa Pilipinas, laging kakambal nito ang malalakas na
pagbagyo, pag-ulan, at pagbaha.
 Hindi gaya ng ibang natural na kalamidad gaya ng pagbagyo, paglindol, o pagputok ng bulkan, mas nababantayan at
napaghahandaan ang pagdating ng El Ni 隳 at La Ni 鎙 at mas malilimitahan ang pinsalang maaari idulot.
 Malaki ang maaaring maging epekto ng El Ni 隳 at La Nina sa buong mundo. Sa Pilipinas, nagdudulot ang mga ito ng matitinding
pag-init, tagtuyot, pagbayo, at pagbaha na tumatagal ng ilang buwan.
 Ang climate change ay tumutukoy sa pagbabago ng klima sa buong mundo.
Ang pagbabago ay naramdaman noong kalagitnaan ng ika-20 siglo at nagpapatuloy. Iniuugnay ito sa paggamit ng fossil fuels.
 Ang patuloy na paggamit ng fossil fuels ay naghahatid ng carbon dioxide at iba pang greenhouse gases sa atmospera.
 Ilan sa mga epekto ng climate change ay ang malubhang tagtuyot, matitinding pagbagyo, pag-ulan, pagbaha, wildfires, heat waves,
at iba pa.
Mahahalagang Kaalaman
 Nakararanas ang Pilipinas ng iba't ibang uri ng kalamidad gaya ng pagbagyo, pagbaha, abnormal na pagtaas ng tubig (storm
surge), paglindol, tsunami, pagputok ng bulkan, El Niño, at La Niña.
May mga kagawaran/ahensiya ng pamahalaan na responsable sa kaligtasan ng mga mamamayan tulad ng:
 Philippine Atmospheric Geophysical and Astronomical Services Administration (PAGASA),
 Philippine Institute of Volcanology and Seismology (PHIVOLCS),
 National Disaster Risk Reduction Management Council (NDRRMC),
 Department of Transportation and Communications (DOTC),
 Department of Science and Technology (DOST),
 Civil Aviation Authority of the Philippines (CAAP),
 Philippine Coast Guard (PCG),
 Philippine Information Agency (PIA),
 National Grid Corporation of the Philippines (NGCP), at
 Metropolitan Manila Development Authority (MMDA).
 Mahalaga ang kooperasyon at disiplina ng mga mamamayan bago, tuwing, at pagkatapos ng kalamidad upang mapanatili ang
kaligtasan at mapadali ang pagpapatupad ng mga plano.
 Sa panahon ng kalamidad, maging kalmado at alerto. Manatiling may alam at laging handa sa mga nangyayari sa paligid. Laging
tumutok o makipag-ugnayan sa mga ahensiya ng gobyerno.
Suliraning Pangkapaligiran
 Ang suliraning pangkapaligiran ay tumutukoy sa anumang pangyayari, kalagayan, o problemang may kinalaman sa pagkasira ng
kapaligiran at sa balanseng ekolohikal. Mahalagang matukoy kaagad ang mga suliraning ito upang masolusyonan omaagapan sapagkat
sa kalaunan ay maaaring ikasira ng pamayanan. Dahil sa patuloy na pag-unlad, kasabay ng pag-usbong ng malalaking industriya at ng
hindi mapigilang pag-unlad ng ekonomiya, patuloy na nasisira ang biodiversity o ang pagkakaiba-iba at pagiging katangi-tangi ng
lahat ng anyo ng buhay na bumubuo sa kalikasan.
Mga halimbawa ng suliraning pangkapaligiran:
waste management mining quarrying deforestation flash flood

Gawain 1: KWL CHART

Panuto: Sagutan mo muna ang KWL Chart
 K W L
K ( Know )- Ano ang iyon nalalaman W ( Want to know )- Ano ang iyong L ( What you Learn ) - Ano ang iyong
tungkol sa Paksa nais matutunan sa paksa natutunan tungkol sa Paksa

Gawain 2: Pagsusuri ng mapang pangheograpikal ng Pilipinas

Panuto: Suriin ang mapa ng Pilipinas na nasa ibaba at sagutan ang mga gabay na katanungan batay dito. Makikita rin ang
kopya ng mapang ito sa http://www.maps.com/ref_map.aspx?pid=12302.

Mga Gabay na Tanong:

1. Anong mga katangiang pangheograpikal ng Pilipinas ang makikita sa mapang ito?
2. May mga katangiang pangheograpikal ba ang Pilipinas na hindi maaaring makita sa mapang ito? Anu-ano ang mga ito?
3. Anu-ano ang mga likas yaman ng Pilipinas? May kaugnayan ba ang mga likas yaman ng Pilipinas sa uri ng mga katangiang
pangheograpikal na mayroon ito? Maaari bang mahinuha kung bakit ganoon ang mga likas yaman ng isang bansa batay sa mga
katangiang pangheograpikal na mayroon ito?
4. Paano kaya mapabubuti ang pamumuhay ng tao sa harap ng nararanasan nating mga suliraning pangkapaligiran at sakunang
pangkalikasan?
___________________________________________________________________________________________________________

___________________________________________________________________________________________________________

___________________________________________________________________________________________________________

______________________________________________________________________________________________

______________________________________________________________________________________________

Gawain 3 : Mapa ng Pagbabagong Konseptuwal

Panuto : Ang mapa ng pagbabagong konseptuwal ay madalas na gamitin upang mabantayan ang pag-iiba sa pagkaalam at
pagkaunawa ng isang mag-aaral sa isang aralin. Binabantayan nito ang panimulang pagkakaalam at pagkakaunawa, ang pagbabago ng
pagkakaalam at pagkakaunawa at ang katapusang pagkakaalam at pagkakaunawa ng mag-aaral sa isang aralin. Kaya nga, sa bahaging
ito, sagutan mo ang nasa ibabang mapa ng pagbabagong konseptuwal. Tiyaking ang masasagot lamang ay ang bahagi ng tsart na
nagpapakita ng panimulang pagkakaalam at pagkakaunawa.

Gawain 4 : Pagsusuri sa mga Sanhi ng mga Suliraning Pangkapaligiran

Panuto : Isa sa mga patunay ng pagkakaunawa sa isang aralin ay ang pagkakatukoy sa mga tinatawag na sanhi at
Pangkapaligiran
bunga ng isang pangyayari. Hindi rin naiiba ang pagunawa sa mga suliraning pangkapaligiran, makatutulong na
matukoy at masuri ang mga sanhi ng mga ito sapagkat ang mga suliraning pangpaligiran ay ang bunga na ng mga ginagawa ng tao o
ng mga pangyayari sa kalikasan na nakaaapekto sa kapaligiran. Maaari namang magamit sa pagsusuri sa mga sanhi at bunga ng mga
pangyayari ang tinatawag na fishbone diagram (Tignan ang diagramo sa ibaba.) Kaya nga, gamit ang mga impormasyong nakalap
mula sa mga palabas na Signos at Planet Philippines, ng mga nalalaman mo na ukol sa mga sanhi ng mga suliraning pangkapaligiran
ng Pilipinas at ng iba pang mapagkukunan ng impormasyon na makikita sa ibaba, ilagay sa tamang mga lugar sa fishbone diagram sa
ibaba ang mga nararapat na impormasyon. Para sagawaing ito, gagamiting gabay ang mga sumusunod na alamat (legend):

Gawain 5 :Pag-uuri batay sa mga aspetong pulitikal, ekonomikal,sosyal at kultural

sosyal
Panuto at pang
: Isa kultural
paraan upang mapalalim ang pag-unawa sa isang isyu o usapin ay sa pamamagitan ng pag-uuri ng
mga impormasyon sa mga aspetong pulitikal, ekonomikal, sosyal at kultural. Simula pa sa mababang baytang, nagagamit na ang apat
na aspetong ito sa pagsusuri ng mga aralin sa Araling Panlipunan. Natatandaan mo ba ang mga kahulugan nila? Magaling kung
ganoon. Kaya nga,tumutukoy ang

aspetong pulitikal sa mga ginagawa ng pamahalaan halimbawa na ay ang pagpapatupad ng batas (iyon nga lamang, may mga batas na
tungkol sa pulitika, ekonomiya, kalagayang pansosyal at kultura) habang

ang aspetong ekonomikal naman ay may kinalaman sa mga ginagawa ng tao para kumita ng pera halimbawa na ay ang mga trabaho,
industriya at iba pa at
ang aspetong kultural ay tungkol sa mga tradisyon, paniniwala at pang-araw-araw na gawain ng tao halimbawa na ay mga sayaw,
relihiyon, literatura at pamahiin. Sa kabilang dako,

ang aspetong sosyal ay mga usaping nagpapakita nang higit sa isang aspeto o na nagpapakita ng magkasamang mga aspeto. Isang
halimbawa sa usaping sosyal ay kahirapan na nagpapakita hindi lamang ng aspetong ekonomikal (pera) subalit nagpapakita rin ng
pulitikal (halimbawa na ay kawalan ng ginagawa ng pamahalaan upang mabawasan ang kahirapan) at kultural (baka may ginagawa
ang isang pamilya o tao kaya sila/siya mahirap). Batay sa mga pagpapaliwanag na ito, uriin ang mga sanhi ng mga suliraning
pangkapaligiran ng Pilipinas na nailagay mo sa fishbone diagram sa itaas sa mga aspetong ito gamit ang tsart sa ibaba.

PULITIKAL EKONOMIKAL SOSYAL KULTURAL

Mga Sanhi ng mga
Suliraning
Pangkapaligiran ng
Pilipinas

Gawain 5 :Pag-uuri batay sa mga aspetong pulitikal, ekonomikal,sosyal at kultural

sosyal at kultural
Panuto : Narito ang isang tsart ng mga pinakamalulubhang sakunang pangkalikasang tumama sa Pilipinas.

Class Directory

Name Contact number

1.
2.
3.
4.

Teacher: Joniel Patriana Galindo 0997-206-6128