DETAILED LESSON PLAN IN ARALING PANLIPUNAN Grade 10

School Teaching Dates/ (Week 3 )

PANIPUAN HIGH SCHOOL Week

Teacher
Belinda Marjorie L. Pelayo Quarter Unang Markahan

A. Pamantayang Pangnilalaman
Ang mga mag-aaral ay may pag-unawa sa sanhi at implikasyon ng mga lokal at
pandaigdigang isyung pang-ekonomiya tungo sa pagkamit ng pambansang kaunlaran.
B. Pamantayan sa Pagganap
Ang mga mag-aaral ay nakabubuo ng programang pangkabuhayan (livelihood project)
batay sa mga pinagkukunang-yaman na matatagpuan sa pamayanan upang makatulong
sa paglutas sa mga suliraning pangkabuhayan na kinakaharap ng mga mamamayan
C. Mga Kasanayan sa Pagkatuto/ Most Essential Learning Competencies
MELC No. 2 - Naipaliliwanag ang iba’t ibang uri ng kalamidad na nararanasan sa
komunidad at sa bansa (AP10IPE-Ib-3)
D. Layunin
1. Nailalarawan ang aspektong heograpikal at kalagayang pangkapaligiran ng Pilipinas
2. Nabibigyang-kahulugan ang salitang kalamidad
3. Nailalarawan ang iba’t ibang uri ng nararanasang kalamidad
4. Nabibigyang-halaga ang geohazard mapping sa paghahanda laban sa kalamidad o
sakuna

I. NILALAMAN: Sa Harap Ng Kalamidad

II. Kagamitang Panturo
A. Sanggunian
1. Mga pahina sa Gabay ng Guro (TGs): wala
2. Mga pahina sa Kagamitang Pang-mag-aaral (LMs): wala
3. Mga pahina sa Teksbuk (Other references): Kayamanan
(Rex Bookstore) pp: 19-24
4. Karagdagang Kagamitan mula sa Portal ng Learning Resource:
5. Iba pang pinagkuhanang sources: Gr10 AP 1st Q Lecture pp.3-5, Gr10 AP Module I
pp. 6-10,
https://frontlearners.com/blended/pluginfile.php/7863/mod_resource/content/6/in
dex.html
https://tl.wikipedia.org/wiki/Singsing_ng_Apoy_ng_Pasipiko
https://tl.wikipedia.org/wiki/Digmaan
https://www.youtube.com/watch?v=4CAxXfVpryU
https://brainly.ph/question/1300830
https://mimirbook.com/tl/a567fa296db
https://tl.wikipedia.org/wiki/Lindol_sa_Golpo_ng_Moro_(1976)
https://worldpopulationreview.com/countries/philippines-population/
https://brainly.ph/question/121168
https://podarilove.ru/tl/chto-takoe-el-nino-yavleniya-el-nino-i-la-nino/
https://www.wikipedia.org/
https://www.coursehero.com/file/47702998/AP10-Reviewer-Q1docx/

B. Iba pang Kagamitang Panturo: panulat, sagutang papel/kwaderno,

selpon/laptop/desktop

III. PAMAMARAAN
A. Balik-aral sa nakaraang aralin at/o pagsisimula ng bagong aralin (Subukin):

Bago ka magsimula sa pagbabasa ng araling ito, balikan muna natin ang nakaraang
paksa na iyong nabasa at natutunan.

Sa pamamagitan ng pag-aaral at pagtalakay sa mga kontemporaryong isyu,

napagmumunihan natin kung ano an gating kaugnayan at papel na ginagampanan sa mga
pangyayari sa ating sariling komunidad, bansa, o sa buong daigdig. Hindi man tayo
Page 1 of 10
 tuwirang naaapektuhan ng lahat ng mga kontemporaryong isyung nagaganap,
mahalagang pag-isipan natin kung ano ang mga nangyayari sa lipunan at sa daigdig.
Mahalaga ring isipin natin kung ano ang magagawa upang mabigyan ng solusyon ang
mga kontemporaryong isyung ating kinakaharap sa pamayanan at bansa.

Sa kabuuan, ang pagiging mulat sa mga kontemporaryong isyu ay nakakatulong

hindi lamang sa pagpapayabong ng kaalaman at katalinuhan bilang mag-aaral, kundi
maging sa paghubog ng pagkatao bilang isang responsableng mamamayan ng bansa. Sa
pag-aaral ng kontemporaryong isyu, nagkakaroon ng pagmamalasakit at pagmamahal sa
bansa at mas nagiging isang mapagmatiyag, matalino, at produktibong mamamayan.
Dahil ditto ay mas lalo tayong nakaaambag sa paglutas ng mga suliranin at nakatutulong
sa pagkakaroon ng makabuluhang pagbabago sa sariling pamayanan, bansa, at lipunang
global.

Matapos mo pag-aralan ang mga konsepto at kahalagahan ng pag-aaral ng

kontemporaryong isyu, subukin mo naman ang isang gawain na mag-uugnay sa bago
nating aralin.

Taon-taon ay nakararanas ng kalamidad ang iba’t ibang bahagi ng mundo, pati na

ang ating bansa. Napakalaking pinsala ang dulot nito sa ating buhay, ari-arian,
kapaligiran. Magtala ng ilang pangyayaring dulot ng mga kalamidad na iyo nang
nasaksihan o naranasan sa iyong kwadermo. Kopyahin ang table sa ibaba. Masasabi mo
ba kung paano makaiiwas sa masamang epektong dulot nito?

Uri ng Kalamidad Saan at Kailan Paano Nasaksihan

1. __________________ _______________________ _____________________

2. __________________ _______________________ _____________________

Isulat sa kwadernoang sagot sa Pamprosesong Tanong.

Paano tayo lubusang makaiiwas sa masamang epekto ng mga kalamidad?

Nahirapan ka ba sa pagsagot? Huwag kang mag-alala ang mga pahayag na iyong nabasa
sa panimulang gawain ay iyong matutunghayan at matututunan sa mga susunod pang
pag-aaral.

B. Paghahabi sa layunin ng aralin (Panimula)

Gawain 1: Larawan Suri
Suriin mo ang larawan na nasa ibaba. Matapos mo itong suriin sagutin mo ang
pamprosesong tanong sa iyong kwaderno.

Page 2 of 10
C. Pag-uugnay ng mga halimbawa sa bagong aralin
Sagutin mo ang pamprosesong tanong na nasa ibaba na may kaugnayan sa
Gawain 1. Isulat ang sagot sakwaderno.
“Sa iyong palagay, ano ang naganap bago, habang at pagkatapos ng
pangyayari na nasa larawan?”

Gamitin ang iyong pagkamalikahain sa pagbuo ng senaryo ukol sa

pangyayaring ito.

D. Pagtatalakay ng bagong konsepto at paglalahad ng bagong kasanayan #1 (Paglinang/

Alamin Mo/Paunlarin)

Sa puntong ito, tatalakayin natin ang iba’t ibang kalamidad na nararanasan ng mga tao
sa Pilipinas.Kung bakit nagdudulot ito ng malaking pinsala sa buhay ng tao, hayop at
kalikasan. Hand aka na ba? Kung handa ka na simulan na natin!

Page 3 of 10
E. Pagtatalakay ng bagong konsepto at paglalahad ng bagong kasanayan #2 (Paglinang/
Alamin Mo/Paunlarin)

Sa puntong ito maaari mo mapanood ang bidyo na tumatalakay sa ating paksa sa

pamamagitan ng pag-click ng link na nasa ibaba. Sa mga walang access sa
internet maari mong pag-aralan ang mga slides mula sa powerpoint presentation.

 Link sa youtube channel ko na nagtatalakay sa Aralin 2: Sa Harap ng Kalamidad

https://www.youtube.com/watch?v=d5Ick13bGww

Page 4 of 10
 Bakit nga ba ang Pilipinas ay bansang hazard prone sa mga kalamidad?

Ayon sa Wikipedia (ang malayang ensiklopedya), Ang Pilipinas, kasama ang ilang mga
bansa sa rehiyong Asya Pasipiko, ay nakalatag sa isang malawak na sona na kung
tawagin ay Ring of Fire o singsing ng apoy ng Pasipiko, o Circum-Pacific Seismic Belt.
Ang mga lugar na ito ay nagtataglay ng maraming hanay ng mga bulkan, kasama na ang
mga Bulkang Mayon, Pinatubo, Taal, Kanlaon at Krakatoa. Ang pagsabog ng mga bulkan
ay kadalasang nagdudulot ng paglindol o paggalaw ng lupa na nagbubunsod naman ng
mga pagbabago sa pisikal na porma ng anyong lupa at anyong tubig. Tinatayang 81% ng
pinakamalakas na lindol sa mundo ay nagaganap dito.

 Ang Kalamidad at sakuna ay ang biglaan o di – inaasahang pangyayari na nagdudulot ng

pagkaantalang normal na takbo ng isang lipunan, pagkasira ng mga ari-arian, istruktura at
kapaligiran, at lumalabis sa abilidad ng isang lipunan o komunidad na kaya niyang lutasin
gamit ang sariling pinagkukunang yaman.

 Ito ay bunga ng natural na proseso ng kalikasan, subalit may kinalaman din ang mga tao
sa madalas at sa hindi maipaliwanag na pagtama nito.

 Ang pagdagsa ng maraming kalamidad ay maaring epekto ng climate change o

pagbabago ng klima.

 Maituturing lamang na kalamidad ang isang pangyayari kung ito ay nagdudulot ng

malaking pinsala sa komunidad, na humahantong sa pagantala o pagkasira ng normal na
daloy ng gawain ng komunidad.

Nauuri sa dalawa ang kalamidad:

1. Natural Disaster
Ito ay mga kalamidad na dulot ng pagbabago sa normal na estado ng kalikasan.
Mga uri nito:
a. bagyo
b. baha
c. lindol
d. pagputok ng bulkan
e. pagguho ng lupa
f. Daluyong o storm surge
g. tsunami o seismic wave

2. Man – Made Disaster

Ito ay mga kalamidad na ang tao o ang kanyang mga gawain ang nagdulot.
Mga uri nito:
a. sunog
b. epidemya
c. deforestation
d. polusyon
e. digmaan
f. aksidente

Bagyo
Ang Pilipinas ay isang kapuluang nakaharap sa Karagatang Pasipiko. Malaki ang
kinalaman ng lokasyon nito sa nararanasan nitong palagiang pagbagyo.

 Ang bagyo ay ang namumuong sama ng panahon, may isang pabilog o spiral na sistema
ng marahas at malakas na hangin at may dalang mabigat na ulan, karaniwang daan-
daang kilometro o milya sa diyametro ang laki.
 Kadalasang nabubuo ang bagyo sa gitna ng karagatan kung saan nagtatagpo ang mainit
at malamig na hangin. Ang mainit na hangin ay pumapailanlang dahil sa init ng dagat at
habang ito ay umaakyat, nagkakaroon ng Low Pressure Area (LPA) sa paligid. Dahil sa
low pressure na nabuo sa paligid, naaakit nito ang ibapang malamig sa hangin sa
ibanglugar hanggang sa ang malamig na hangin ay iinit din at bubuo ng mga ulap.

Page 5 of 10
 Ang Pilipinas ay karaniwang nakararanas ng 20 bagyo kada taon. May apat na uri ng
pagbagyo depende sa bilis ng hangin. Ang PAGASA ang tumututok at nagpapangalan ng
bagyo sa Pilipinas at mauulit kada tatlong taon.

Ilan sa mga bagyong hindi malilimutan ng mga Pilipino ay ang mga bagyong Ondoy
(2009) at Yolanda (2013) na nagdulot ng matinding pinsala sa mga bayan at
lalawigang tinamaan nito.

Baha
Kaalinsabay ng malakas na pagbagyo at ng pag-iral ng hanging habagat ay ang malawak
at malubhang pagbaha sa iba’t ibang bahagi ng bansa.

 Ang baha ay ang umaapaw at tumataas na lebel ng tubig na dulot ng malakas at walang
tigil na pag-ulan sa komunidad.
 Ang pagbaha sa Pilipinas ay pinalalala ng mga baradong daluyan ng tubig.
 Sa mga panahong ito, kahit kaunti o sandaling pag-ulan lamang ay agad nang bumabaha.
Ordinaryo na itong nararanasan sa Metro Manila at ilang malalaking lungsod sa Pilipinas,
gayundin sa ilang mabababang lugar o sa mga lugar na malapit sa anyong tubig.
 Labis ding nakapipinsala ang pagbaha dahil sinisira nito ang mga gamit at ari-arian.
 Nagdudulot din ito ng mga sakit gaya ng leptospirosis (nakukuha kapag nababad ang
sugat sa maruming tubig na may ihi ng daga).

Lindol
Ang Pilipinas ay nasa Pacific Ring of Fire, ang paikot na hanay ng mga aktibong bulkan sa
Pasipiko. Ito ang dahilan kung bakit nakararanas ang bansa ng mga paglindol.

 Ang lindol ay isang biglaan at mabilis na pagyanig o pag-uga ng lupa na dulot ng

pagbibiyak at pagbabago ng mga batong nasa ilalim ng lupa kapag pinakakawalan nito
ang puwersang naipon sa mahabang panahon.
 Kung ang malakas na paglindol ay mangyayari sa lugar na maraming tao, maaari itong
kumitil ng maraming buhay at magdulot ng malawakang pagkasira ng mga ari-arian.
 Isang malakas na lindol ang tumama sa Pilipinas noong 2013 kung saan ang
pinakanaapektuhan ay ang Gitnang Visayas, partikular ang Bohol at ang Cebu.
 Maraming bahay, gusali, kalsada, tulay, at iba pang estruktura at ari-arian ang nasira ng
lindol na ito.

Pagputok ng Bulkan
Ang Pilipinas ay nasa Pacific Ring of Fire kaya nakararanas ang bansa ng palagiang
seismic and volcanic activities. Nangyayari ang maraming mahihinang paglindol dahil sa
pagtatagpo ng mga pangunahing tectonic plates sa rehiyon.

 Ang bulkan ay isang puwang o siwang sa ibabaw ng lupa, karaniwang nasa anyong
bundok o burol.
 Ang puwang o bunganga (crater) ay nagsisilbing daanan ng iniluluwang materyales tulad
ng abo at lava na nagmumula sa ilalim ng lupa.
 Maaaring maging tahimik ang bulkan sa mahabang panahon ngunit hindi
nangangahulugang payapa ito. Sasabog ang bulkan kapag nagsimula nang gumalaw ang
lupa malapit dito. Makaririnig ng dumadagundong na ingay mula sa ilalim ng lupa at
makakikita ng maitim na usok galing sa bunganga ng bulkan.
 Ang pagputok ng bulkan ay nagaganap kapag ang magma (nagbabagang tunaw na mga
bato at iba pang materyales) na nagmumula sa ilalim ng lupa ay umaangat patungo sa
bunganga ng bulkan dahil na rin sa pagkapal nito at sa pressure sa ilalim ng lupa
 Ang pinakamalakas na pagputok ng bulkan na naranasan sa Pilipinas ay ang pagputok ng
Bulkang Pinatubo noong 1991. Ang Bulkang Pinatubo ay isang aktibong stratovolcano na
matatagpuan sa Kabundukang Cabusilan sa Luzon, malapit sa Zambales, Tarlac, at
Pampanga.
 Naging labis na mapaminsala ang pagputok ng bulkang ito. Nagbuga ito ng sulfur dioxide,
isang nakalalasong kemikal. Nagdulot din ito ng ash fall o pag-ulan ng abo na umabot sa
iba’t ibang parte ng Pilipinas. Umagos din ang lahar (volcanic mudflow).

Page 6 of 10
 Malawak ang inabot na pinsala ng pagputok ng Bulkang Pinatubo. Tinatayang umabot sa
800 ang namatay habang 100,000 katao naman ang nawalan ng tirahan at kabuhayan sa
Gitnang Luzon.
 Sa taong ito 2020, pumutok naman ang bulkang Taal. Marami din angnaapektuhan sa
lugar ng Laguna at Batangas.

Pagguho ng Lupa
 Maaring dulot ng pagbuwal ng bundok, pag-ulan na nagreresulta sa paghina ng lupa at
lindol ang landslide o pagguho ng lupa.
 Ang pagbagsak ng lupa, putik o malalaking bato ay nangyayari nang mabilisan at
minsa’y walang babala.

Daluyong o Storm Surge

Kahalubaybay pa rin ng malakas na pagbagyo ay ang pagdaluyongbagyo.

 Ang dalúyong-bagyo o storm surge ay ang hindi pangkaraniwang pagtaas ng tubig sa

dalampasigan habang papalapit ang bagyo sa baybayin. Nakaaapekto sa tindi ng
dalúyong-bagyo ang lalim at oryentasyon ng katubigan na dinaraanan ng bagyo at ang
tiyempo ng kati (mababa ang tubig sa dagat).
 Ang pagdaluyong-bagyo ay bago sa pandinig. Hindi ito pamilyar hanggang sa naminsala
ito kasabay ng bagyong Yolanda. Hindi ito napaghandaan ng mga tao, kaya, maraming
namatay.
 Mahirap iwasan ang pagdaluyong-bagyo dahil hindi ito napipigilan. Ang maaari lamang
gawin para makaiwas dito ay ang paglikas tungo sa mas mataas na lugar kung may
nakaambang bagyo o pagtaas ng antas ng tubig mula sa dagat.

Tsunami o Seismic Wave

Kung minsan, ang pagtama o paghampas ng tsunami ay hindi maihihiwalay sa
paglindol.

 Ang tsunami o mga seismic sea wave ay serye ng malalaking alon na nililikha ng
pangyayari sa ilalim ng dagat tulad ng paglindol, pagguho ng lupa, pagsabog ng bulkan, o
pagbagsak ng maliit na bulalakaw. Ito ay maaaring kumilos ng daan-daang milya kada
oras sa malawak na karagatan at humampas sa lupa dala ang mga alon na umaabot ng
100 talampakan o higit pa.
 Ang paghampas ng tsunami ay mapanganib din sa buhay, ari-arian, at kabuhayan ng mga
nakatira sa malapit sa dagat.
 Naranasan ito sa Japan noong 2011 at nagdulot ng malaking pinsala.
 Nangyari ang isang mapaminsalang tsunami sa Pilipinas noong 1994, sa pagitan ng
Batangas at Mindoro, kung saan umabot sa anim na metro ang taas ng mga alon na dulot
ng 7.1 magnitude na lindol sa ilalim ng dagat.

Sunog
Ang buwan ng Marso ay itinalagang Fire Prevention Month, Ganunpaman, talamak pa rin
ang mga insidente ng sunog sa iba’t ibang parte ng bansa, lalo na sa panahon ng tag-
init (MarsoMayo). Ang mga light materials na ginagamit sa kabahayan (yero, plastic,
kahoy) ay nakadaragdag din sa mabilisang paglaki ng apoy, lalo na sa kabahayang dikit-
dikit at may makipot ang daan.

Aksidente
Kalimitan ang mga gawain at kagamitang likha ng tao ang nagiging sanhi ng isang
malaking sakuna na lumilikha ng panganib sa kalikasan at sa tao.

Noong 2006 ay nangyari ang Guimaras Oil Spill kung saan mahigit 2 milyong litro ng
langis ang tumapon sa Panay Gulf. Naging sanhi ito ng malaking pinsala sa yamang-dagat
at kabuhayan ng mga naninirahan doon lalo nang mga mangingisda. Naaapektuhan ang
mahigit na isang libo hektarya ng bakawan at bahura, at nanganib ang balance sa
ecosystem sa ilalim ng dagat. Iba’t ibang lokal at internasyunal na ahensiya ang tumulong
sa paglilinis nito.

Page 7 of 10
Epidemya
Ito ay mabilis na pagkalat ng nakakahawang sakit sa komunidad.

Ang pandemya ng COVID-19 ay isang patuloy na pandemya ng sakit ng korona birus

2019 dulot ng SARSCoV-2. Unang naiulat ang birus sa Wuhan, Hubei, Tsina, noong
Disyembre 2019. Idineklara ng Pandaigdigang Organisasyon sa Kalusugan ang pagsiklab
bilang K a g i p i t a n n g P a m p u b l i k o n g K a l u s u g a n g M a y Pandaigdigang
Pakundangan (Public Health Emergency of International Concern o PHEIC) noong 30 ng
Enero, at bilang pandemya noong 11 ng Marso. Pagsapit ng 23 ng Mayo 2020, naiulat ang
higit sa 5.28 milyong kaso ng COVID-19 sa higit sa 188 bansa at teritoryo, na ikinamatay
ng higit sa 340,000 katao. Higit sa 2,100,000 katao ang gumaling.

Deforestation
Ito ay ang pagkaubos ng mga katutubong puno sa isang kagubatan. Ilan sa mga
dahilan nito ay ang pagkuha ng mga troso (lumber, timber) para maibenta sa merkado,
maging lokal man o sa labas ng bansa. Nawawala din ang kagubatan kung ito ay
lilipatan ng tao at lilinisin niya ang kapaligiran. Maaari itong pagtayuan ng bahay,
gawing sakahan o alagaan ng mga hayop gaya ng baka, baboy at manok. Kasabay ng
DEPORESTASYON ang paglaki ng populasyon ng tao.

Polusyon
Ang pagkakaroon ng karumihan o pagiging hindi malinis ng kapaligiran. Maaari ito na
maging polusyon sa hangin, polusyon sa tubig, at gayundin ay polusyon sa lupa. Ibig
sabihin mga maduduming bagay o kapaligiran na maaaring magsapanganib sa
kalusugan at buhay natin.

Digmaan
Ang digmaan o giyera (mula sa salitang Kastila na guerra) ay isang palitan at marahas
ng paglalapat ng lakas sa pagitan ng magkalabang pampolitika na entidad na
naglalayong matamo ang minimithing huling kondisyong pampolitika sa pamamagitan
ng sandatahaang sagupaan. Sa gawa ni Carl Von Clausewitz na On War (Sa
Digmaan), tinatawag ang digmaan bilang ang "pagpapatuloy ng pampolitika na
pagsama-sama, na ginagawa sa ibang kaparaanan. Interaksiyon sa pagitan ng dalawa
o higit pa na mga militar ang digmaan na mayroong "pagsisikap ng mga kagustuhan".
Kapag nararapat na tawagin bilang isang digmaang sibil, tunggalian ito na likas sa
isang lipunan, at ang kalikasan nito'y nasa sa paraan ng pamamahala sa halip na
kalayaan. Hindi tinuturing na digmaan ang pagsakop, pagpatay, o pagpatay ng lahi
dahil sa tumbasang kalikasan ng marahas na pagsasagupa, at ang organisadong
kalikasan ng mga tauhang sangkot.

Ang Krisis sa Marawi, tinatawag ding Labanan sa Marawi, o Pagkubkob sa

Marawi, ay ang limang buwang itinagal na bakbakan sa Marawi sa pagitan ng
puwersa ng Pamahalaan ng Pilipinas at ang mga kaakibat na militante ng Islamikong
Estado ng Irak at ang Levant, kabilang ang mga pangkat ng Maute at Abu Sayyaf na
nagsimula noong ika-23 ng Mayo, 2 0 1 7 . A n g l a b a n a n g i t o a y n a g i n g
pinakamahabang digmaan sa pook na urbano sa makabagong kasaysayan ng
Pilipinas

F. Paglinang sa Kabihasnan( Gawin Mo/ Pagyamanin)

Gawain 2: Bumuo ka ng isang web tungkol sa kalamidad gamit ang Frayer Model. Gamitin
mo ang modelo sa ibaba.

Kalamidad
__________________________________

Katangian Hindi Katangian

___________________________________ _________________________________

Page 8 of 10
 Halimbawa Halimbawa

__________________________________ ________________________________

G. Paglalapat ng aralin sa pang-araw-araw na buhay (Gawin Mo/ Pagyamanin)

Gawain 3: Ipaliwanag mo ang mga sumusunod sa iyong kwaderno.
Paano mo maiiwasan ang epekto ng mga kalamidad sa inyong pamayanan dulot ng:
a. bagyo
b. baha
c. lindol
d. landslide
e. storm surge
f. pagputok ng bulkan -

Sa yugtong ito natapos mo na ang ang pagtutuklas sa paksang “Sa Harap ng Kalamidad” at
ang mga gawain na nakapaloob dito. Sa pagtatapos ng ating aralin, narito ang mga ilang
puntos na dapat mong tandaan.

H. Paglalahat ng Aralin (Tandaan Mo/ Pagyamanin at Isaisip)

 Ang kalamidad at sakuna ay mga pangyayaring di – inaasahan na nagdudulot ng
pagkasira ng komunidad, pagkaantala ng normal na takbo ng lipunan, at kakulangan sa
kapasidad ng pamahalaan na solusyunanang isyu gamit ang mga lokal na pinagkukunang
yaman.

 Ito ay maaring suriin sa dalawang uri:

a. Natural Disaster – bagyo, baha, lindol, storm surge, tsunami, landslide,
pagputok ng bulkan
b. Man –Made Disaster – sunog, aksidente, polusyon, deforestation, digmaan

I. Pagtataya ng Aralin (Natutuhan Ko/ Isagawa)

Binabati kita! Matagumpay mong nagawa ang lahat ng mga gawain. Patunay ito na
handa ka na sa maikling pagsusulit na iyong gagawin.

I. Isulat ang FACT kung ang pangungusap ay Tama at BLUFF kung ito ay mali. Isulat ang
sagot sa kwaderno.

1. Ang kalamidad ay isang pangyayari na kinakailangan nating ipagdiwang araw-araw.

2. Bawat taon 20 bagyo ang pumapasok sa bansang Pilipinas.

3. Ang geohazard map ay ginawa upang mabawasan ang masamang epekto ng mga
sakuna o kalamidad.

4. Ang bagyo, baha, lindol, landslide, tsunami, daluyong at volcanic eruption ay mga Man-
Made Disaster.

5. Ang Natural Disaster ay mga kalamidad na dulot ng pagbabago sa normal na estado ng

kalikasan.

Page 9 of 10
II. Anong uri ng kalamidad ang inilalarawan sa hanay A? Sipiin mo ang letra ng sagot sa
hanay B. Isulat ito sa iyong kwaderno.

A B

1. Pagyanig ng lupa at pagkasira ng mga a. lindol

gusali at mga kabahayan.

2. Biglaang pagbabaha na dala ng malakas b. El NiÑo

na bagyo o matagalang pagbuhos ng
ulan. c. tsunami
3. Pagguho ng lupa.
d. landslide

4. Pagkakaroon ng tagtuyo’t. e.flash flood

5. Pagkakaroon ng malalaking hagupit ng alon f. volcanic

mula sa baybaying dagat. eruption

J.Karagdagang Gawain at Remediation

Sagutin mo ang mga sumusunod na tanong saiyong kwaderno.

1. Nakakaiwas ba ang mga tao sa kalamidad? Paano?

2. May mga lugar ba sa ating bansa na malayong maapektuhan ng

kalamidad? Ano-anong lugar ang mga ito at bakit?

Mahusay! Binabati Kita! Natapos mo ang mga gawain para sa

linggong ito.

Page 10 of 10