Asignatura: Filipino 7

Petsa: December 4, 2019

Seksiyon: Del Pilar(7:45-8:45) Dagohoy (11:00-12:00)

I. Pamantayang Pangnilalaman:

 Naipapamalas ng mag-aaral ang pag-unawa sa mga akdang pampanitikan ng Luzon.

Pamantayang Pagganap:

 Naisasagawa ng mag-aaral ang komprehensibong pagbabalita (news casting) tungkol sa

kanilang sariling lugar

Kasanayang Pampagkatuto (Domain): Panonood

Pagsasalita
Layunin:
(F7PD-IIIf-g-15) Nasusuri ang mga elemento at sosyo-historikal na konteksto ng napanood na
dulang pantelebisyon.

(F7PS-IIIf-g-15) Naibabahagi ang ilang piling diyalogo ng tauhan na hindi tuwirang ibinibigay ang
kahulugan.

II. NILALAMAN:
Panitikan: Pagkilala sa Sanaysay

KAGAMITANG PANTURO:
Sanggunian: Supplemental Book, Kalinangan 7, Panitikang Rehiyunal
Kagamitan ng mga mag-aaral: Video clip mula sa youtube, pantulong na visuals
Kagamitan ng Guro: Competency Guide, video galing sa youtube
III. PAMAMARAAN:
Pang-araw-araw na Gawain

- Pagpulot ng mga nagkalat na basura at pagsasaayos ng mga silya

- Pambungad na panalangin
- Pagbati
- Pagtala sa mga lumiban
- Mga Paalala (3M’s, Makinig, Magtanong at Makilahok)

A. Pagsasanay/Drill: Manok, Manok, Paano ka Ginawa?

2
1

4 3
4
 B. Pagbabalik-Aral
1. Ano ang mito?
2. Ano-ano ang mga elemento ng mito?
3. Paano ba naiiba ang mito sa alamat?
C. Pagganyak:

Eggluto!
Rekados:

bawang 1 sibuyas ¼ teaspoon na asin 1/8 teaspoon na paminta 4 na itlog 1/8 cup na mantika

Panuto: Ayusin ayon sa pagkakasunod-sunod ang mga hakbang sa pagluluto ng “scrambled egg”.
Mga Tanong:

1. Ibigay ang inyong hinuha tungkol sa mga gawain.

2. Magbigay kayo ng mga katangian ng manok.
3. Hindi ba kayo nagtataka kung bakit tumitilaok ang manok sa madaling araw?

D. Paglalahad/Pagtalakay

Paghahawan ng mga Balakid

Panuto: Piliin sa kahon ang pinakamalapit na kahulugan ng mga salitang may salungguhit sa
pangungusap.

Ibinunyag gulat na gulat hidwaan layunin

1. Noon pa man ay marami nang sigalutan sa iba’t ibang lahi dahil sa pagpapalawak ng
teritoryo.
2. Nagulantang ang kawal sa malakas na tinig ng Diyos ng Digma.
3. Isiniwalat ng sugo ang lihim ng kanilang kaharian.
Gawain:

1. Ipaparinig ng guro sa mga mag-aaral ang isang Mito na pinamagatang “Bakit Tumitilaok ang
Manok sa Madaling Araw”?
2. Dalawang beses lamang itong ipaparinig ng guro upang masukat ang kanilang kakayahan sa
pag-unawa sa napakinggan.
3. Pagkatapos ng pakikinig ay magkakaroon ng pagtalakay ang buong klase tungkol sa
pagkakasunod-sunod ng mga pangyayari sa napakinggang mito.
4. Tatalakayin din sa klase ang mga salitang hudyat na ginagamit sa pagsusunod-sunod ng mga
pangyayari.

E. Pagsusuri
Dugtungang Pagsasalaysay

 Sisimulan ng guro ang pagsasalaysay sa unang pangyayari sa pinakinggang mito.

 Dudugtungan ito ng mga mag-aaral patungkol sa mga kasunod pang pangyayari hanggang sa
wakas nito.
 Tatalakayin din sa loob ng klase ang mga salitang hudyat sa pagsusunod-sunod ng mga
pangyayari.
F. Paglalapat
Pangkatang Gawain:

Mekaniks:

1. Papangkatin ng guro ang klase sa tatlong pangkat nang pantay-pantay.

2. Bawat pangkat ay pipili ng isang lider, tagapamayapa at taga-ulat sa kanilang mga miyembro.
3. Pupunta ang bawat lider ng pangkat sa harapan upang kunin ang kanilang mga envelope na
naglalaman ng kanilang iba’t ibang gawain.
4. Bibigyan lamang sila ng limang (5) minuto upang matapos ang kanilang gawain.
5. Pagkatapos ng limang (5) minuto ay bubunot ang guro ng isang pangkat na siyang mag-uulat
sa kanilang ginawa samantalang ang dalawang pangkat naman ay siyang magwawasto sa
kani-kanilang mga ginawa.
6. Magkakaroon ng pagproseso sa kanilang mga gawa.

RUBRIKS
Nilalaman- 50%
Presentasyon- 20%
Kaangkupan- 25%
Kabuuan- 100%
 CONCEPT CARAVAN- Pagsunod-sunurin ang mga pangyayari sa mitong
napakinggan gamit ang mga larawan sa Concept
Caravan.

STORYBOARD- Pagsunod-sunurin ang mga pangyayari sa mitong

napakinggan gamit ang mga larawan sa storyboard.

BUBBLE MAP- Pagsunod-sunurin ang mga pangyayari sa mitong

napakinggan gamit ang mga larawan sa Bubble map.

G. Paglalahat
1. Ano ba ang mga hakbang sa pagsusunod-sunod ng mga pangyayari?
2. Saan natin ginagamit ang mga salitang hudyat sa mga kuwento?
3. Bakit ba natin ginagamit ang mga salitang hudyat?Ipaliwanag.
4. Bilang isang mag-aaral, paano mo nagagampanan ang iyong responsibilidad sa tahanan, paaralan,
at pamayanan? Pangatwiranan.

IV. Pagtataya
Panuto: Isulat ang buod ng nabasang alamat nang may maayos na pagkakaugnay-ugnay ng mga
pangyayari. Sa pagsulat ng buod, gamitin nang wasto ang angkop na mga salitang hudyat
sa panimula, gitna, at wakas ng isang akda.

RUBRIKS
Nilalaman- 40%
Pagkakomprehensibo- 20%
Kaangkupan- 20%
Kalinisan- 10%

Kabuuan- 100%

V. Takdang-Aralin

Panuto: Bumuo ng pagkakasunod-sunod ng mga pangyayari patungkol sa inyong mga

ginagawa pagkagising na pagkagising ninyo sa umaga. Maari ninyo itong iguhit,
isatula, isanaysay o hindi kaya’y gawan ng kanta gamit ang mga liriko. Gumamit ng
mga angkop na salitang hudyat sa inyong gagawin.
 Bakit Tumitilaok ang Manok sa Madaling-Araw?
Noong unang panahon, ang Diyos ng Digma na si Sidapa ay abalang-abala dahil sa mga
suliraning kaniyang dinudulog patungkol sa mga sigalot ng lahi gaya ng pagkuha ng lupa, pag-agaw
ng magandang babae o mga hayop at iba pa.

Isang gabi, napakaraming sugo ang nagsadya kay Sidapa at isa-isa niyang itong kinausap. Si
Sidapa ay may lalakarin sa madaling-araw at natitiyak niyang siya’y hahatinggabihin sa pakikitungo
sa mga tao kaya’t inatasan niya ang kaniyang kawal na matulog ng maaga para gumising ng bukang-
liwayway at siyang gigising dito.

Nang tutungo na sana sa kaniyang silid ang kawal ay nawili siya sa pakikipag-usap sa mga
sugong nasalubong niya sa pintuan na ang pati mga lihim sa kaharian ay isiniwalat niya. Napuyat ang
kawal at nakatulog nang mahimbing na naging dahilan kung bakit nakalimutan niya ang kaniyang
tungkulin kay Sidapa.

Nagulantang si Sidapa dahil mataas na pala ang araw. Galit na galit niyang pinuntahan ang
kawal at naabutan itong naghihilik pa. Dali-daling bumagon ang kawal at nagmamakaawang humingi
ng patawad kay Sidapa.“Suwail, suwail! Hindi mo lamang sinuway ang aking utos kundi pati ang
lihim ng kaharian ay ibinunyag mo pa!” bulyaw ni Sidapa. “Tinatanggap ko po, mahal na Panginoon!
Ako po ay handing tumanggap ng inyong parusa”!

Pinarusahan ni Sidapa ang kawal dahil sa kaniyang katamaran at kataksilan. Lumiit nang
lumiit ang katawan ng kawal, tinubuan ng balahibo at ang kaniyang dalawang kamay ay naging
dalawang pakpak. Ang kaniyang bibig ay naging maliit na tuka na lamang. Lumipad at umalis sa
palasyo ang kawal dahil sa tindi ng hiya.

Magbuhat noon, ang kawal na naging hayop ay naging tandang at tuwing magmamadaling-
araw ay gumigising at tumitilaok upang ipagunita sa mga natutulog na siya ang kauna-unahang
nagigising sa lahat ng hayop.