Ang kabanatang ito ay tumutukoy sa mga suliraning kinakaharap ng
pagkakaroon ng kasanayan sa text o pagtetext. Ang ‘texting’ ay isang modernong proceso ng pakikipagkomunikasyon gamit ang teknolohiya o cellphone. Marahil,ang mga Pilipino ay mahihirapang mamuhay kung wala ang cellphone. Ito ay dahil sa katotohanan, ang Pilipinas ay isa mga bansang may pinakamaraming mensahe na naipapadala sa buong mundo gamit ang text. Nakuha ang mga suliraning nakalahad sa kabanatang ito mula sa nosyon na dahil sa pag-usbong ng teknolohiya ay marahil nakalilimutan na ang komunikasyon sa pagsulat na pamamaraan, gamit ang tamang balarilang Filipino, pagbaybay at mga kinakailangang bantas.
Sa mga piling brand ng cellphone, nilalagyan nila ng limitasyon ang pagtetext
hanggang 160 karakters lamang na nagreresulta sa pagpapaikli na iba’t ibang mga salita. Dahil sa pagpapaikling ito ay nabubuo ang tinatawag na Short Messaging Service Language o SMS Language upang mapadala sa kausap ang kailangang mailahad. Sa panahon ngayon hindi makakaila ang kalaganapan ng pag-tetext sa mga tao lalo na sa kabataan ngunit naaapektuhan nito ang pagbaybay ng mga salita dahil na rin sa kaparaanan ng pag-tetext kung saan pinaikli nito ang bawat salita kung kaya’t napagisipan ng mga mananaliksik ang epekto ng SMS texting o Short Messaging Service texting sa pagbaybay ng mga mag-aaral.
Layunin ng pag-aaral
Ang layunin ng mga mananaliksik ay upang malaman ang epekto ng SMS
( Short Messaging Service) texting sa pagbaybay sa mga piling mag-aaral ng Tagpopongan National High School.
Saklaw at Limitasyon
Ang pananaliksik na ito ay mangyayari lamang sa loob ng brgy.
Tagpopongan. Ang mga respondente ay ang mga piling mag-aaral na may bilang na limampu (50). Makukuha ang mga datos sa pamamagitan ng pagsagot ng sarbey. Kahalagahan ng Pag-aaral
Ang pag-aaral na ito ay mahalaga sapagkat ito ay maaaring maging daan
upang masulusyonan ang problemang kinakaharap ng paaralan lalong lalo na sa larangan ng akademikong partikular na sa pagbaybay ng isang mag-aaral na maaaring epekto ng SMS texting.Maaari itong kapakinabangan ng guro, magulang at mag-aaral upang maging gabay tungo sa kaayusan ng pag-aaral. Depinisyon at Terminolohiya
SMS- Short Messaging Service
Epekto- Isang pagbabago na nagreresulta kung saan may nangyayari.
Cellphone- Isang maliit na telepono na dinadala ng mga tao at ginagamit sa labas
ng bahay.
Respondente- Isang taong nagbibigay tugun o nagsasagot sa mga tanong lalo na
sa mga parte ng sarbey. Paglalahad ng suliranin
1.Sino-sino ang mga respondente?
1.1 Kasarian
2.Gaano kadalas gumagamit ng cellphone para mag-tetext ang isang mag-aaral?
3.May epekto ba ang SMS sa pagbaybay ng mag-aaral?