SHEET NG AKTIBIDAD SA PAGKATUTO 3

FILIPINO SA PILING LARANG – TECHVOC

MELCS:
1. Naiisa-isa ang mga hakbang sa pagsasagawa ng mga binasang halimbawang sulating
teknikal- bokasyunal
2. Nakasusulat ng sulating batay sa maingat, wasto, at angkop na paggamit ng wika.
3. Naisaalang-alang ang etika sa binubuong tenikalbokasyunal na sulatin

Layunin: Sa araling ito, malalaman ang mga batayang kaalaman sa pagsusulat ng Paunawa, Babala at Anunsiyo.

ARALIN: Batayan Kaalaman sa Pagsulat ng Paunawa, Babala o Anunsiyo.

Pangkalahatang tinatawag na patalastas ang anumang paunawa, babala o anunsiyo. Nagsasaad ito ng
mahahalagang impormasyon sa tao.

Ang isang paunawa ay isang mensahe na nagsasaad ng mahahalagang impormasyon at mistula din itong
magsasabi kung ano ang maaari at di – maaaring gawin. Maaari ding pumaksa ang paunawa tungkol sa anuman
pagbabago ng naunang nabanggit na impormasyon.

Halimbawa:

1. Gaganapin ang pagpupulong ng mag – aaral sa Jose Rizal Hall sa halip na Andres Bonifaco Room.

2. Inaabisuhan ang lahat na mula ngayong araw, Lunes, Ika 12 ng Hunyo ay hindi na muna magpapasok ng mga
tao sa building na ito dahil sa gagawing area disinfection.

Ang babala ay nagsasaad ng maaaring maging panganib sa buhay, estado o nararanasan ng tao. Maaaring sa
pamamagitan ng salita o larawan maisasaad ang babala.

Halimbawa:

1. Malakas ang alon, mag- ingat sa paglangoy.

2.

Ang anunsiyo naman ay nagbabahagi ng mahahalagang impormasyon na makapagbibigay ng sapat na kaalaman

sa sinumang tao. Maaari din itong isang panawagan sa ilang importanteng Gawain o aktibidad.

Halimbawa:

1. ANUNSIYO:
ANg mga mag – aaral ng Tech-Voc ay inaabisuhan na pumunta sa sa Opisina ng Tagatala sa Lunes, ika- 12
ng Hulyo 2021 mula alas 10 ng umaga hanggang alas 12 ng tanghali para malaman ang mga sabjek na
kukunin sa susunod na semester.

2. ANUNSIYO:

Iniimbitahan ang lahat na dumalo sa paagtitipon ng mga kilalang manunulat. Gaganapin ang pagtitipon sa
Banadero High School Covered School sa ika- 12 ng Hulyo mula ika-8 ng umaga hanggang ika- 4 ng hapon.

Ilang konsiderasyon sa pagbuo ng mga paunawa, babaa at anunsiyo.

1. Paggamit ng wika. Kailangang mapukaw agad ang mga mambabasa. Ang salitang gagamitin ay
kailangang simple at mabilis na maintindihan. Iwasan ang maligoy na salita o paglalarawan ng isang
pangyayari.

2. Paggamit ng imahen o simbolo. Sa kasalukuyan ang kalakip na imahen o simbolo kalakip ang
mahalagang impormasyon ay tinatawag na infographics. Mas nakakapukaw sa mambabasa kung ang
paggamit ng imahen o simbolo ay malikhain, kakaunti ang tekstong babasahin, malinis ang
pagkakagaawa at nakakaakit sa mata dahil sa kulay.Mahalagang ang mga imahen o simbolo ay dapat na
may kaugnayan sa ginagawang paunawa, babala o anunsiyo. Kapag hindi malinaw, ito ay makalikha ng
kaguluhan.

GAWAIN:
Gumawa ng isang paunawa , isang babala at isang anunsiyo. Mamili lamang ng isa sa mga sumusunod na paksa.
Gawin ito sa isang maikling bond paper.

PAUNAWA BABALA ANUNSIYO

1. Mayroong pagbabago sa petsa ng
seminar.
2. Mayroong bagyo at inaabisuhan
ang lahat.
3. Mayroong paglilipat ng terminal ng
sasakyan dahil sa konstruksyoon ng
kalsada.
Babala tungkol sa COVID-19
Babala dulot sa labis na
paggamit ng cellphone
Babala sa sunog sa kagubatan
Panawagan sa donasyon sa
mga nasalanta ng bagyo
Panawagan sa pagbabakuna ng
COVID-19 Vaccine.
Panawagan sa blood-letting
Program

RUBRIK SA PAGGAWA NG PATALASTAS

( 3 ang pinakamataas at 1 ang pinakamababa)
3 2 1
Nakapagsulat ng mahahalagang impormasyon tungkol sa paksa.
Gumamit ng naaayong salita.
Madaling maintindihan ang ginawang patalastas.

Inihanda ni :

MARIA CHARMAINE M. ANDES

Guro

Sanggunian:

Filipino sa Piling Larang (TechVoc). Patnubay ng Guro. Kagawaran ng Edukasyon, 2016.