Pangalan: ____________________________________Baitang at Pangkat: _________________

Asignatura: EsP 7 Teacher: ___________________________ Iskor: _______________

Aralin : Ikatlong Markahan, Unang Linggo, LAS 1

Pamagat ng Gawain: Ang Kaibahan ng Birtud at Pagpapahalaga
Layunin : Nakikilala ang pagkakaiba ng birtud at pagpapahalaga, , MELCS EsP7PB-
IIIa-9.1

Ang birtud o virtue ay isang natatanging katangian ng pagiging isang tao kugnay ng
kabutihan o pagiging moral. Mula sa salitang Latin na “virtus (vir)” na nangangahulugang “pagiging
tao”, pagiging matatag at pagiging malakas. Ang birtud ay nararapat lamang para sa tao sapagkat
ang tao lamang ang biniyayaan ng Diyos ng isip at malayang kilos-loob na may kakayahang
magpasya at kumilos ayon sa kabutihan at tamang katuwiran.
Ang birtud ay hindi isang awtomatikong katangian na taglay ng tao nung siya ay
ipinanganak subalit ito ay nalilinang sa paulit-ulit na pagsasabuhay ng isang mabuting kilos. Ito ay
bunga ng mahaba at mahirap na pagsasanay. Ngunit hindi lamang ito kinagawiang kilos kundi
kilos na pinagpasyahang gawin ayon sa tamang katuwiran.
Ang pagpapahalaga o values naman ay nagmula sa salitang Latin na valore na
nangangahulugang pagiging malakas o matatag at pagiging makabuluhan o pagkakaroon ng
saysay o kabuluhan. Mula sa ugat ng salitang ito, mahihinuha natin na ang isang tao ay
kailangang maging malakas o matatag sa pagbibigay-halaga sa anumang bagay na tunay na may
saysay o kabuluhan.
Ayon naman sa mga sikolohista, ang pagpapahalaga ay anumang bagay na kaibig-
ibig, kaakit-akit, kapuri-puri, kahanga-hanga at nagbibigay ng inspirasyon, magaan at kasiya-siya
sa pakiramdam, at kapaki-pakinabang. Ito ay naghihikayat at gumagabay para pumili at gawin ang
partikular o tiyak na layunin para sa ikauunlad at ikabubuti ng indibidwal.
Ayon kay Max Scheler (Dy M., 1994), ang pagpapahalaga ay obheto ng ating
intensyonal na damdamin. Mauunawaan natin ang pagpapahalaga sa pamamagitan ng pagdama
dito. Hindi ito naghihintay ng katuwiran upang lumitaw sa ating buhay. Ang pagpapahalaga ay
hindi iniisip; ito ay dinaramdam. Hindi ito obheto ng isip kundi obheto ng puso.
 Panuto: Gamit ang venn diagram, tukuyin ang pagkakaiba ng birtud at pagpapahalaga. Gawin ito
sa iyong sagutang papel.

Birtud Pagpapahalaga

PAMANTAYAN SA PAGMAMARKA:

PAMANTAYAN NAPAKAHUSAY MAHUSAY KAILANGANG MAGSANAY

(10) (7) (5)
NILALAMAN
BAYBAY NG MGA SALITA
AT GRAMMAR,
CAPITALIZATION AT
PAGBABANTAS AT GAWI
NG PAGKASULAT

Sanggunian :SLM Learners’ Modules, Quarter 3, Modyul 9

Pangwakas: Kumpletuhin ang pahayag sa ibaba.

Ang mga natutunan ko sa aralin ay ______________________________
____________________________________________________________________________
____________________________________________________________________________

INIHANDA NI: INIWASTO NI:

KAREN BLYTH C. BARNIZO, TI EMELIE Q. VILLASOR, MTI

Subject Teacher Subject Coordinator

BINIGYANG PANSIN NI:

EDWIN C. VALENCIA, PII
School Head