Mala-Masusing Banghay-Aralin sa Filipino 8

I. LAYUNIN
Sa katapusan ng talakayan, inaasahang 80% ng mga mag-aaral ay:

 Natutukoy ang mga antas ng wika sa impormal na komunikasyon;

 Naipahahayag ang kahalagahan ng paggamit ng impormal na salita sa pang-araw-
araw na komunikasyon; at
 Nakabibigay ng mga salitang ginagamit sa komunikasyong impormal.

II. PAKSANG-ARALIN
Wika: Mga Salitang Gamot sa Komunikasyong Impormal
Sanggunian:
Ilalaang Oras: Isang Linggo
Kagamitan: PowerPoint Presentation, Modyul, Worksheets

III. PAMAMARAAN
A. Panimulang Gawain
   1. Panalangin
2. Pagtatala ng Liban/Atendans
3. Balik-aral

B. Pagganyak
Magpapakita ng mga larawan ang guro na maiuugnay sa mga letrang naka- jumbled na
matutunghayan din sa Powerpoint Presentation. Gamit ang mga larawan, aayusin ng mga
mag-aaral ang mga nagkabaliktarang letra upang mahulaan ang mga salitang ginagamit sa
komunikasyong impormal na tinutukoy ng mga ito.

C. Paglalahad

Ipapakilala ng guro sa mga mag-aaral ang aralin at ipapakita ang inihandang

PowerPoint Presentation. Isa-isang tatalakayin ng guro ang mga antas at magbibigay ng
halimbawa upang maunawaan ng mga mag-aaral ang kaibahan ng apat. Sa kalagitnaan ng

1
talakayan ay muling magtatanong ang guro sa mga mag-aaral upang matiyak na talagang
nakikinig ang mga ito at magkaroon ng interaksyon sa klase.

D. Paglalahat
Magkakaroon ng tanong-sagot sa klase upang malaman ng guro kung may
naunawaan ba ang mga mag-aaral at mabigyang-linaw ang mga bagay na hindi nila
naintindihan sa talakayan. Sa pamamagitan nito magiging mas malinaw ang lahat at
mabeberipika rin ng guro kung naging mabisa ba ang pagtuturo na kanyang ginawa.

E. Pagtataya
Ang guro ay magbibigay ng gawain sa mga mag-aaral upang tayahin kung may
natutunan ba sila sa talakayan. Makikita ang mga gawaing ito sa nai-upload na worksheet
sa google classroom. Kinakailangan na basahing mabuti ng mga mag-aaral ang mga
panuto sa bawat gawain upang masagutan nila ito nang maayos.

F. Paglalapat
Sasagutin ng mga mag-aaral ang mga gawaing ibinigay ng guro at ipapasa ito sa
nakatakdang oras. Makatutulong din kung babasahin nila ang modyul na naka-upload sa
google classroom bago sagutin ang mga gawain upang mapalawak ang kaalaman sa
paksang tinalakay ng guro sa klase.

2
SANGGUNIAN: https://takdangaralin.ph/antas-ng-wika/