Filipino 2

Filipino – Ikalawang Baitang

Ikaapat na Markahan – Modyul 1: Napapantig ang mas mahahabang salita.
Unang Edisyon, 2020

Isinasaad sa Batas Republika 8293, Seksiyon 176 na: Hindi maaaring magkaroon
ng karapatang-sipi ang sinuman sa anumang akda ng Pamahalaan ng Pilipinas.
Gayunpaman, kailangan na may pahintulot ng ahensiya o tanggapan ng pamahalaan na
naghanda ng akda kung ito ay pagkakakitaan. Kabilang sa mga maaaring gawin ng
nasabing ahensiya o tanggapan ay ang pagtakda ng kaukulang bayad.

Ang mga akda (kuwento, seleksiyon, tula, awit, larawan, ngalan ng produkto o
brand name, tatak o trademark, palabas sa telebisiyon, pelikula, atbp.) na ginamit sa
modyul na ito ay nagtataglay ng karapatang-ari ng mga iyon. Pinagsumikapang malikom
ang mga ito upang makuha ang pahintulot sa paggamit ng materyales. Hindi inaangkin
ng mga tagapaglathala at mga may-akda ang karapatang-aring iyon. Ang anumang gamit
maliban sa modyul na ito ay kinakailangan ng pahintulot mula sa mga orihinal na may-
akda.

Walang anumang bahagi ng nilalaman nito ang maaaring kopyahin o ilimbag sa

anumang paraan nang walang pahintulot sa kagawaran.

Inilathala ng Kagawaran ng Edukasyon Dibisyon ng Lungsod ng Pasig.

Komite sa Pagsulat ng Modyul

Manunulat: Aileen Rose S. Bienvinida
Editor/Tagasuri: Rozl Ann M. Ogbac
Tagaguhit: Edison P. Clet
Tagalapat: Jaymomuar P. Agustin
Tagapamahala: Ma. Evalou Concepcion A. Agustin
OIC-Schools Division Superintendent
Carolina T. Rivera, CESE
OIC-Assistant Schools Division Superintendent
Victor M. Javeña EdD
Chief, School Governance and Operations Division and
OIC-Chief, Curriculum Implementation Division

Education Program Supervisors

Librada L. Agon EdD (EPP/TLE/TVL/TVE)

Liza A. Alvarez (Science/STEM/SSP)
Bernard R. Balitao (AP/HUMSS)
Joselito E. Calios (English/SPFL/GAS)
Norlyn D. Conde EdD (MAPEH/SPA/SPS/HOPE/A&D/Sports)
Wilma Q. Del Rosario (LRMS/ADM)
Ma. Teresita E. Herrera EdD (Filipino/GAS/Piling Larang)
Perlita M. Ignacio PhD (EsP)
Dulce O. Santos PhD (Kindergarten/MTB-MLE)
Teresita P. Tagulao EdD (Mathematics/ABM)

Inilimbag sa Pilipinas, Kagawaran ng Edukasyon – Pambansang Punong Rehiyon

Tanggapan ng mga Paaralan ng Sangay-Lungsod Pasig
 Filipino 2
Ikaapat na Markahan
Modyul 1 para sa Sariling Pagkatuto
Napapantig ang mga mas mahahabang
salita
Paunang Salita

Para sa tagapagdaloy:
Malugod na pagtanggap sa asignaturang FILIPINO-Ikalawang Baitang ng
Modyul para sa araling napapantig ang mga mas mahahabang salita!

Ang modyul na ito ay pinagtulungang idinisenyo, nilinang at sinuri ng mga

edukador mula sa Tanggapan ng mga Paaralan ng Sangay-Lungsod Pasig na
pinamumunuan ng Nanunuparang Pinuno-Tanggapan ng Pansangay na
Tagapamanihala, Ma. Evalou Concepcion A. Agustin, sa pakikipag-ugnayan sa Lokal
na Pamahalaan ng lungsod sa pamumuno ng butihing Punong Lungsod, Kgg. Victor
Ma. Regis N. Sotto, upang matulungang makamit ng mag-aaral ang pamantayang
itinakda ng Kurikulum ng K to12 habang kanilang pinanagumpayan ang pansarili,
panlipunan at pang-ekonomikong hamon sa pag-aaral.

Inaasahan na sa pamamagitan ng modyul na ito, ang mga mag-aaral ay

makauugnay sa pamamatnubay at malayang pagkatuto ng mga gawain ayon sa
kanilang kakayahan, bilis at oras. Naglalayon din itong matulungan ang mag-aaral
na makamit ang mga kasanayang pang-ika-21 siglo lalong-lalo na ang 5 Cs
(Communication, Collaboration, Creativity, Critical Thinking and Character) habang
isinasaalang-alang ang kanilang mga pangangailangan at kalagayan.

Bilang karagdagan sa pangunahing teksto, makikita ang pinakakatawan ng

modyul sa loob kahong ito:

Mga Tala para sa Guro

Ito'y naglalaman ng mga paalala at
estratehiyang magagamit sa paggabay sa
mag-aaral.

Bilang tagapagdaloy, inaasahang bibigyan mo ng paunang kaalaman ang

mag-aaral kung paano gamitin ang modyul na ito. Kinakailangan ding subaybayan
at itala ang pag-unlad nila habang hinahayaan silang pamahalaan ang kanilang
sariling pagkatuto. Bukod dito, inaasahan mula sa iyo na higit pang hikayatin at
gabayan ang mag-aaral habang isinasagawa ang mga gawaing nakapaloob sa
modyul.
Para sa mag-aaral:

Malugod na pagtanggap sa FILIPINO-Ikalawang Baitang Modyul ukol sa

napapantig ang mga mas mahahabang salita!
Ang modyul na ito ay ginawa bilang tugon sa iyong pangangailangan. Layunin
nitong matulungan ka sa iyong pag-aaral habang wala ka sa loob ng silid-aralan.
Hangad din nitong madulutan ka ng mga makabuluhang oportunidad sa pagkatuto.

Ang modyul na ito ay may mga bahagi at icon na dapat mong maunawaan.

MGA INAASAHAN
Sa bahaging ito malalaman mo ang mga dapat mong
matutuhan pagkatapos mong makumpleto ang modyul.

PAUNANG PAGSUBOK
Dito masusukat ang dati mo nang kaalaman at mga dapat mo
pang malaman sa paksa.

BALIK-ARAL
Dito masusukat ang iyong matutuhan at naunawaan sa mga
naunang paksa.

ARALIN
Tatalakayin sa bahaging ito ang aralin batay sa kasanayang
pampagkatuto.

MGA PAGSASANAY
Sa bahaging ito, pagbibigay ng guro ng iba’t ibang pagsasanay
na dapat sagutin ng mga mag-aaral.

PAGLALAHAT
Sa bahaging ito ibunuod ang mahahalagang konsepto na dapat
bigyang-halaga.

PAGPAPAHALAGA
Sa bahaging ito ay titiyakin kung ang mga kasanayang
pampagkatuto ay naiuugnay at nailalapat sa inyong mga
pagpapahalaga.

PANAPOS NA PAGSUSULIT
Dito masusukat ang mga natutuhan ng mga mag-aaral.
 MGA INAASAHAN

Sa pagtatapos ng modyul, inaasahang ang mag-aaral

ay:
A. napapantig ang mas mahahabang salita; at

B. nasusulat nang papantig ang mahahabang salita.

PAUNANG PAGSUBOK

PANUTO: Basahin ang mga salita at bilugan ang tamang

pantig nito.
1. masaya – mas-ya, ma-sa-ya, ma-sy-a
2. bintana – bin-ta-na, bi-nta-na, bin-tan-a
3. abokado – abo-ka-do, a-bok-a-do, a-bo-ka-do
4. halaman – hal-am-an, ha-la-man, ha-la-ma-n
5. sapatos - sa-pa-tos, sap-at-os, sa-pa-to-s

BALIK-ARAL

PANUTO: Basahin ang pangungusap at bilugan ang

salitang naglalarawan.
1. Si Ana ay maganda.
2. Ang mga bata ay masayang naglalaro.
3. Matarik ang bundok na inakyat nila.
4. Ang papaya ay hinog na.
5. Dakila ang mga bayaning Pilipino.

ARALIN

Ano ang pagpapantig?

Ang pagpapantig ay paghahati ng salita sa pantig o
mga pantig. Ito ay galaw ng bibig, saltik ng dila na may
kasabay na tunog ng lalamunan o walang antalang
bugso ng tinig sa pagbibigkas ng salita.
Halimbawa:
1. A-ko
2. i-i-wan
3. mang-ya-ya-ri
4. ma-a-a-ri
5. sam-bot

1. Ang pagpapantig ay paraan ng pagbabahagi ng

salita sa mga pantig.

a. Kapag magkasunod na dalawa o higit pang patinig sa

posisyong inisyal, midyal, final na salita. Ito ay hiwalay
ng mga patinig.

Halimbawa: aalis-a-a-lis totoo- to-to-o

b. Kapag may dalawang magkaibang katinig na
magkasunod sa loob ng isang salita maging katutubo
o hiram man ang una ay kasama sa patinig na
 sinusundan,at ang pangalawa ay sa patinig na
kasunod

Halimbawa: Pinto – pin-to sobre – sob-re

c. Kung may tatlo o higit pang magkaibang katinig sa
magkasunod sa loob ng isang salita ang unang
dalawa ay kasama sa patinig na sinusundan at huli ay
patinig nakasunod.

Halimbawa: Eksperimento – eks-pe-ri-mento

d. Kapag ang una sa tatlong magkasunod na dalawa ay
alinman sab l, br, pl, t ang unang katinig (M o N) sa
sinusundang patinig ay kasama at ang huling dalawa
ay kasunod sa patinig.

Halimbawa: Asembleya- a=sem-ble-ya

Alambre- a-lam-bre
e. Kapag may apat na magkakasunod-sunod na katinig
sa loob ng isang salita,ang unang dalawang katinig ay
kasama sa patinig na sinusundan at ang huling
dalawa ay patinig na sinusundan.

Halimbawa: eksklusibo- eks-klu-si-bo

2. Pag –uulit ng pantig:

a. Kapag ang unang tunog ng salitang ugat o batayang

talasalitaan ay patinig,ang patinig lamang ang inuulit.
Halimbawa: a-lis- a-alis, a-mbon – a-ambon
b. Kung ang unang pantig ng salitang ugat ay
nagsisimula sa KP(Katinig/Patinig), ang katinig at ang
kasunod na patinig lamang ang inuulit.

Halimbawa: lakad- la-la-kad, basa- ba-ba-sa

c. Kung ang unang pantig ng salita –ugat ay may KK
(Klaster ng katinig) na kayarian, dalawang paraan ang
maaaring gamitin.

- Inuulit lamang ang unang katinig at patinig.

Halimbawa: piso – pi-pi-so, sampu – sa-sam-pu

- Inuulit ang klaster ng katinig kasama ang patinig.

Halimbawa: plantsa – pla-plan-tsa-hin

prito – pri-pri-tu-hin
PANUTO: Basahin ang maikling kuwento. Hanapin ang
mga mahahabang salita at pantigin ito sa sulatang papel.

Ang Kakaibang Bisita

Sabi ni nanay may bisitang dumating sa ating
bansa.Pero ang bisitang ito ay sadyang kakaiba. Lahat
ng tao ay natataranta, natatakot at pinaguusapan
ang kanyang pagdating. Bawal siyang salubungin at
patuluyin sa bahay. Laman din siya ng mga balita sa
radyo,telebisyon,dyaryo at mging sa “social media”
Sadyang napakasikat niya. Sino ba siya? Ah…Covid-
19, isang uri ng sakit na nakakahawa at kumitil na ng
maraming buhay.Bawat isa ay
 pinagiingat. Lahat ng mga Lungsod sa Metro Manila at
karatig na probinsya ay may mga patakaran na
pinapatupad. Gaya ng pagsusuot ng face mask,face
shield,physical/social distancing paghuhugas ng
kamay,pagpapanatilihing malinis ang kapaligiran
.Bawal din lumabas ng bahay ang mga batang katulad
ko. Inip na inip na ako, gusto ko nang maglaro sa
labas,pumasok sa paaralan at mamasyal.Pero mas
mahalaga ang pagsunod para sa kaligtasan ng bawat
isa. Sana ay makatuklas na nang gamot ang mga
eksperto sa larangan ng siyensya at medisina para
bumalik na at maging normal na ang buhay namin.

PANUTO: Sagutin ang mga tanong batay sa kuwentong

iyong narinig.

1. Sino ang bisitang dumating?

____________________________________________________

2. Bakit kaya kakaiba ang bisitang dumating?

____________________________________________________

3. Ano ang nararamdaman ng mga tao sa kanyang

pagdating?
____________________________________________________
4. Ano-ano ang mga patakaran ang pinapatupad ng
mga Lungsod sa Metro Manila at karatig probinsya?
____________________________________________________
5. Bakit mahalaga na ang isang bata ay marunong
sumunod?
___________________________________________________

MGA PAGSASANAY

PAGSASANAY 1

PANUTO: Isulat sa patlang ang Tama kung wasto ang

pagkakapantig ng mga salita at Mali kung hindi.

__________ 1. kabataan = ka-ba-ta-an

__________ 2. pagdiriwang = pag-di-ri-wang
__________ 3. nagpasalamat = nag-pa-sa-lam-at
_________ 4. pagkakasakit = pag-ka-ka-sa-kit
_________ 5. pangunahin =pa-ngu-na-hin

PAGSASANAY 2

PANUTO: Piliin ang titik ng tamang pagkakapantig ng mga

salita. Isulat ang letra ng tamang sa sagot sa patlang.
_____ 1. matanda
A. ma-tan-da C. mat-and-a
B. mat-an-da D. ma-ta-nda

_____ 2. paglalaro
A. pag-lala-ro C. pag-la-lar-o
B. pag-la-la-ro D. pa-gla-la-ro
_____ 3. telebisyon
A. te-leb-is-yon C. te-le-bi-syon
B. tel-bis-yon D. te-le-bis-yon

_____ 4. natatakot
A. na-ta-ta-ko-t C. nat-at-ak-ot
B. na-ta-ta-kot D. na-ta-tak-ot

_____ 5. sinamahan
A. si-nam-ahan C. si-nam-a-han
B. si-na-ma-han D. sin-ama-han

PAGLALAHAT
PANUTO: Isulat ng papantig ang mga salita.
1. eksperto - ________________
2. mag-aaral - _______________
3. asembleya - _______________
4. simbahan - ________________
5. pamilihan - ________________

PAGPAPAHALAGA

PANUTO: Gumuhit ng ( ) sa patlang kung ang

pangungusap ay nagpapakita ng pagsunod sa utos ( )
at kung hindi.
________1. Sumusunod kaagad ako kung ako ay
inuutusan.
________2. Sasabihan ko na lang na iba na lang ang
utusan.
________3. Nagbibingi-bingihan ako kapag ako ay
inuutusan.
________4. Itinitigil ko agad ang aking ginagawa kung ako
ay inuutusan.
________5. Sumusunod ako s autos kapag may pabuyang
ibibigay sa akin.

PANAPOS NA PAGSUSULIT

PANUTO: Isulat ang pangalan ng larawan ng papantig na

salita.

1. 2.
_______________ _______________

3. 4.

_______________ _______________

5.

______________________
PAUNANG PAGSUBOK BALIK-ARAL
1. Ma-sa-ya 1. maganda
2. Bin-ta-na 2. masaya
3. A-bo-ka-do 3. matarik
4. Ha-la-man 4. hinog
5. Sa-pa-tos 5. dakila
ARALIN PAGSASANAY 1
1. covid -19 virus 1. tama
2. laman siya ng balita 2. tama
3. natatakot at natataranta 3. mali
4. Magsuot ng face mask 4. tama
5. Para di mapahamak 5. tama
PAGSASANAY 2 PAGLALAHAT
1. a 1. Eks-per-to
2. b 2. Mag-a-a-ral
3. a 3. Ka-ba-ta-an
4. a 4. A-sem-ble-ya
5. b 5. Pa-mi-li-han
PAGPAPAHALAGA PANAPOS NA PAGSUSULIT
1. 1. Pa-a-ra-lan
2. 2. bi-sik-le-ta
3. 3. sim-ba-han
4. 4. te-le-bis-yon
5.
5. e-rop-la-no
SUSI SA PAGWAWASTO
 Sanggunian

Online o Elektronikang Pinagmulan

Yenbehold, Sining Filipino Blog Spot, Wika at Panitikan, August
3,2011
August 12,2020, http://siningfilipilno.blogspot
Illustoon, Black and White Small School, August 12,2020,
https://illustoon.com
Clipart library, a. Black Airplane Clipart, August 12,2020,
http://clipart-library.com
b. Television Clipart Black and White, August 12,2020, http://clipart-
library.com
Pinterest.ph( mycutegraphics.com), Black and White Bicycle clip
art, Black and White Bicycle image, August 12,2020,
http://pinterest.ph
Shutter Stock, Church icon of vector illustration(by Panda Vector),
August 12,2020, http://shutterstock.com