𝙠𝙪𝙩𝙖𝙖 2𝑓𝑓𝑎𝑎

BARUMSA AMANTAA
-------------------++--------------------
-------------------++--------------------
𝙬𝙖𝙖𝙦𝙖𝙮𝙮𝙤𝙤𝙩𝙩𝙞 𝙖𝙢𝙖𝙣𝙪𝙪
𝙬𝙖𝙖𝙦𝙖𝙮𝙮𝙤 𝙖𝙢𝙖𝙣𝙪𝙪 jechuun:- sirna uumamaa irratti hundaa'udhaan jiraachuu isaa, addunyaa uumuu isaa, nama jiraachisuu isaa fi hundaa danda'aa
ta'uu isaa gara laafessaa fi sooressa ta'uu isaa beekuun ittiinis jiraachuu jechuu dha.
Akkasumas ammas waaqayyotti amanuu yoo jennu:- jireenya isaa fi haala jireenya isaatti, amalummaa ibiddummaa (Akkeenya) isaatti, waaqummaa
tokkoon, qaama sadiin bara baraaf jiraachuu isaatti, hojii isaa sirrii fi dhugaa ta'etti, kabaja isaa bara baraatti, jaalala abbummaa isaatti, kennaa isaa
himamee hin dhumnetti, dubbii abdii inni kennetti, hojii fayyinaa inni hojjatetti, kennaa Afuura qulqulluutti amanuu jechuu dha. Waaqayyotti amanuun
addunyaa kana uumee kan bulchu isaadha jedhanii amanuu, walitti dhufeenya waaqayyo namaa fi ergamoota waliin qabutti amanuu, karaa kiristoos
adeemee nama fayyisetti amanuu, doogmaattis (kan hin jijjiiramnee fi hin fooyyofnetti) amanuu dha. Waaqayyotti amanuu jechuun akkasuma
amalummaa waaqayyoi beekuu jechuudha.
𝙖𝙢𝙖𝙡𝙪𝙢𝙢𝙖𝙖 𝙬𝙖𝙖𝙦𝙖𝙮𝙮𝙤 𝙞𝙩𝙩𝙞𝙞𝙣 𝙞𝙗𝙨𝙖𝙢𝙪
1➤ Waaqayyo Afuura hin mul'annee dha:- afuura hin qoramne, kan uumamni isa qoratee bira hin geenye dha. "kunoo Waaqayyo guddaadha, garuu nuyi
guddina isaa hin hubannu, lakkoofsi bara isaatis kan hin qoratamnee dha" (𝙞𝙮𝙤𝙗 36፥26).
2➤ Waaqayyo kan hanga ammaatiin nu gahee dha:- kan jiraachisee dabarsu malee kan ofii hin dabarree dha. "Waaqayyo gooftichi inni hundumaa
danda'u, inni ture, inni amma jiru, inni dhufuuf jirus, qulqulluu dha, qulqulluu dha, qulqulluu dha" jedhani in faarfatu. (𝙢𝙪𝙡 𝙮𝙤𝙝 4፥8)
3➤ Waaqayyo kan hundaa raawwatuu dha:- kan hundaa danda'uu dha, kan mul'atu kan hin mul'anne hundaa uumee, wanta gochuuf yaades akka hin
taanef kan isa dhoowwu hin jiru. (𝙪𝙢 18፥14, 𝙡𝙪𝙦 1፥37)
4➤ Waaqayyo alfaaf oomeggaa dha:- kan jalqabaa fi kan xummuurasi dha. Waaqayyo uumama daangessa malee uumamni isa hin daangessu. "Ati hin
beekneree? hin dhageenyesiiree? Waaqayyo, gooftaa bara baraan jiraatu dha, inni isa guutummaa biyya lafaa uumee dha, inni hin mudhuku, hin
dadhabus, hubannaa isaas namni qoree bira hin gahu" (𝙞𝙨𝙖 40፥28). "Waaqayyo bakkuma hundaa jira" (𝙞𝙨𝙖 59፥1). hanga har'aatti amalummaa isaatin
waaqayyoon kan arge tokkollee hin jiru. inni namootaaf of ibsuu yoo barbaade akka fedha isaatti wantoota adda addaa irra bulee yeroo adda addaa warra
jaallatuuf mul'atee kan of agarsiisun alatti jechuudha.
5➤ Waaqayyo Qulqulluudha:- (𝙞𝙨𝙖 6፥3 , 1𝑓𝑓𝑎𝑎 𝙨𝙖𝙢 2፥2 , 𝙢𝙪𝙡 𝙮𝙤𝙝 15፥3 , 𝙡𝙪𝙦 1፥49
6➤ Waaqayyo hundumaa ni beeka. (𝙛𝙖𝙖𝙧 139፥3-4)
7➤ Waaqayyo Abbaa murtii isa dhugaati. (𝙛𝙖𝙖𝙧 7፥11 , 2𝑓𝑓𝑎𝑎 𝙭𝙞𝙢 4፥1
8➤ Waaqayyo ogummaa qabeessadha. (𝙛𝙖𝙖𝙧 139፥3)
9➤ Waaqayyo Jaalala. 1𝑓𝑓𝑎𝑎 𝙮𝙤𝙝 4፥8
.
.
egaa walumaa galatti amalummaan waaqayyoo wantoota gaariidhaan kan ibsamaniidha. Waaqayyo abbaa dhiifamaati, arjaadha, jaalalli isaa guutudha,
amanamaadhas. Akkasuma amaloota uumamaa ilaaludhaan waa'ee uumaa isaanii hubachuun ni danda'ama.
➥ 𝙞𝙗𝙞𝙙𝙙𝙖 ilaaludhaan hundaa danda'aa ta'uu isaa
➥ 𝙦𝙞𝙡𝙡𝙚𝙚𝙣𝙨𝙖 ilaaludhaan abbaa murtee isa dhugaa ta'uu isaa
➥ 𝙗𝙞𝙨𝙝𝙖𝙖𝙣 ilaaludhaan abbaa dhiifamaa fi araara qabeessa ta'uu isaa
➥ 𝙙𝙖𝙘𝙝𝙚𝙚 ilaaluun sooressa ta'uu isaa beekuu jechuu dha.
"Namni seerota isaa eegu, abboommii kitaabichaa ni dhagaha, kan waaqayyottis amanu, wanti inni dhabu hin jiru" (𝙨𝙞𝙧𝙖𝙠 35፥24).
Lafa kana irratti wanta hedduu abdanna ta'a. Abdannee dhuma irratti yoo abdiin keenya nuuf milkaa'e baay'ee gammadna. Haa ta'u malee ilma
namaatiif abdiin amantaa isaa caaluf hin jiru. karaa amantaa sanarra deemudhaan bara baraaf akka jiraatu caalaa wanti nama gammachiisu fi abdachiisu
hin jiru . Jalqaba irratti amantaa yoo jennu kiristaanummaa keessatti sadarkaa jalqabaa irratti kan argaman
➜ Yaadaan (onneetiin) yaadachuu
➜ Afaaniin dhugaa bahuu, barsiisuu
➜ Hojiidhaan murkaneessu dha.
"Iyyesuus akka gooftaa ta'e afaan keetiin yoo ragaa baate, waaqayyo du'aa akka isa kaase ammoo garaa keetti yoo amante, fayyina bara baraa ni argatta."
(𝙧𝙤𝙢 10፥9).
Akkasumaas
➥ Icciitii nama ta'uu (Foonummaa) keessatti:- qaama sadan keessaa qaamni tokko ilmi foon uffatee nama ta'ee dubroo Maariyaam irraa dhalachuu isaa
amanuu dha. Kunis uumama addunyaa dura Abbaa irraa haadha malee, bara boodas immoo Abbaa malee haadha irraa dhalachuu isaa (dhaloota lama
qabaachuu isaa) amanuudha.
➥ Icciitii Cuuphaa keessatti:- Gooftaan keenya iyyasuus kiristoos fakkeenya nuuf ta'uuf jedhee waggaa soddoma isaatti laga yordaanositti harka
Yohaannisiin cuuphamuu isaa fi namni icciitiiwwan olirratti caqasame amanu hundi maqaa Abbaa, Ilmaa fi Afuura Qulqulluutiin cuuphamee Sillaasee
irraa ijoollummaa bara baraa akka argatutti, bishaan argamuun (mul'atuun) surraa hin mul'anne akka argatu, cubbuu isaas akka dhiifamuuf, diyaabiloosiin
akka ittiin moo'atuuf, mootummaan waaqayyoos kan ittiin argamu ta'uu isaa ilmi namaa baratee beekuu qaba.
➥ Icciitii Qurbaanaa keessatti:- kan foon koo nyaate, dhiiga koos dhuge jireenya bara baraa qaba akkuma jedhu, itti amanee foonii dhiiga gooftaa
nyaatee dhuguun jireenya bara baraatiif of qopheessuun isarraa eegama.
➥ Icciitii du'aa ka'uu keessattis:- gooftaan namoota mugan hundaaf angafa ta'ee akkuma awwaala keessaa ka'e, akkasuma ilmi namaas foonsaa kan du'ee
tortoree hundi ka'ee jireenya bara baraa ni argata. Warri cubbuu hojjetan akkuma hojii isaanitti ni adabamu jechuun amanee fudhachuu dha.
𝙬𝙖𝙖𝙦𝙖𝙮𝙮𝙤 𝙟𝙞𝙧𝙖𝙖𝙘𝙝𝙞𝙨𝙪𝙪 𝙞𝙨𝙖𝙖 𝙖𝙠𝙠𝙖𝙢𝙞𝙞𝙣 𝙗𝙚𝙚𝙠𝙣𝙖
𝙠𝙪𝙩𝙖𝙖 3𝑓𝑓𝑎𝑎 itti fufa......
#Assaayimantii 2ffaa
1/ Waaqayyotti Amanuu jechuun maali ?
2/ Amaloota Waaqayyoo ibsaa? caqaasa waliin
3/ Icciitii Nama ta'uu isaa amanuu jechuun maali ?

𝙠𝙪𝙩𝙖𝙖 2𝑓𝑓𝑎𝑎

BARUMSA AMANTAA
-------------------++--------------------
-------------------++--------------------

𝙬𝙖𝙖𝙦𝙖𝙮𝙮𝙤𝙤𝙩𝙩𝙞 𝙖𝙢𝙖𝙣𝙪𝙪

𝙬𝙖𝙖𝙦𝙖𝙮𝙮𝙤 𝙖𝙢𝙖𝙣𝙪𝙪 jechuun:- sirna uumamaa irratti hundaa'udhaan jiraachuu isaa, addunyaa uumuu isaa, nama jiraachisuu
isaa fi hundaa danda'aa ta'uu isaa gara laafessaa fi sooressa ta'uu isaa beekuun ittiinis jiraachuu jechuu dha.
Akkasumas ammas waaqayyotti amanuu yoo jennu:- jireenya isaa fi haala jireenya isaatti, amalummaa ibiddummaa (Akkeenya)
isaatti, waaqummaa tokkoon, qaama sadiin bara baraaf jiraachuu isaatti, hojii isaa sirrii fi dhugaa ta'etti, kabaja isaa bara baraatti,
jaalala abbummaa isaatti, kennaa isaa himamee hin dhumnetti, dubbii abdii inni kennetti, hojii fayyinaa inni hojjatetti, kennaa
Afuura qulqulluutti amanuu jechuu dha. Waaqayyotti amanuun addunyaa kana uumee kan bulchu isaadha jedhanii amanuu, walitti
dhufeenya waaqayyo namaa fi ergamoota waliin qabutti amanuu, karaa kiristoos adeemee nama fayyisetti amanuu, doogmaattis
(kan hin jijjiiramnee fi hin fooyyofnetti) amanuu dha. Waaqayyotti amanuu jechuun akkasuma amalummaa waaqayyoi beekuu
jechuudha.

𝙖𝙢𝙖𝙡𝙪𝙢𝙢𝙖𝙖 𝙬𝙖𝙖𝙦𝙖𝙮𝙮𝙤 𝙞𝙩𝙩𝙞𝙞𝙣 𝙞𝙗𝙨𝙖𝙢𝙪

1➤ Waaqayyo Afuura hin mul'annee dha:- afuura hin qoramne, kan uumamni isa qoratee bira hin geenye dha. "kunoo Waaqayyo
guddaadha, garuu nuyi guddina isaa hin hubannu, lakkoofsi bara isaatis kan hin qoratamnee dha" (𝙞𝙮𝙤𝙗 36፥26).
2➤ Waaqayyo kan hanga ammaatiin nu gahee dha:- kan jiraachisee dabarsu malee kan ofii hin dabarree dha. "Waaqayyo gooftichi
inni hundumaa danda'u, inni ture, inni amma jiru, inni dhufuuf jirus, qulqulluu dha, qulqulluu dha, qulqulluu dha" jedhani in
faarfatu. (𝙢𝙪𝙡 𝙮𝙤𝙝 4፥8)
3➤ Waaqayyo kan hundaa raawwatuu dha:- kan hundaa danda'uu dha, kan mul'atu kan hin mul'anne hundaa uumee, wanta gochuuf
yaades akka hin taanef kan isa dhoowwu hin jiru. (𝙪𝙢 18፥14, 𝙡𝙪𝙦 1፥37)
4➤ Waaqayyo alfaaf oomeggaa dha:- kan jalqabaa fi kan xummuurasi dha. Waaqayyo uumama daangessa malee uumamni isa hin
daangessu. "Ati hin beekneree? hin dhageenyesiiree? Waaqayyo, gooftaa bara baraan jiraatu dha, inni isa guutummaa biyya lafaa
uumee dha, inni hin mudhuku, hin dadhabus, hubannaa isaas namni qoree bira hin gahu" (𝙞𝙨𝙖 40፥28). "Waaqayyo bakkuma hundaa
jira" (𝙞𝙨𝙖 59፥1). hanga har'aatti amalummaa isaatin waaqayyoon kan arge tokkollee hin jiru. inni namootaaf of ibsuu yoo barbaade
akka fedha isaatti wantoota adda addaa irra bulee yeroo adda addaa warra jaallatuuf mul'atee kan of agarsiisun alatti jechuudha.
5➤ Waaqayyo Qulqulluudha:- (𝙞𝙨𝙖 6፥3 , 1𝑓𝑓𝑎𝑎 𝙨𝙖𝙢 2፥2 , 𝙢𝙪𝙡 𝙮𝙤𝙝 15፥3 , 𝙡𝙪𝙦 1፥49
6➤ Waaqayyo hundumaa ni beeka. (𝙛𝙖𝙖𝙧 139፥3-4)
7➤ Waaqayyo Abbaa murtii isa dhugaati. (𝙛𝙖𝙖𝙧 7፥11 , 2𝑓𝑓𝑎𝑎 𝙭𝙞𝙢 4፥1
8➤ Waaqayyo ogummaa qabeessadha. (𝙛𝙖𝙖𝙧 139፥3)
9➤ Waaqayyo Jaalala. 1𝑓𝑓𝑎𝑎 𝙮𝙤𝙝 4፥8
.
.
egaa walumaa galatti amalummaan waaqayyoo wantoota gaariidhaan kan ibsamaniidha. Waaqayyo abbaa dhiifamaati, arjaadha,
jaalalli isaa guutudha, amanamaadhas. Akkasuma amaloota uumamaa ilaaludhaan waa'ee uumaa isaanii hubachuun ni danda'ama.
➥ 𝙞𝙗𝙞𝙙𝙙𝙖 ilaaludhaan hundaa danda'aa ta'uu isaa
➥ 𝙦𝙞𝙡𝙡𝙚𝙚𝙣𝙨𝙖 ilaaludhaan abbaa murtee isa dhugaa ta'uu isaa
➥ 𝙗𝙞𝙨𝙝𝙖𝙖𝙣 ilaaludhaan abbaa dhiifamaa fi araara qabeessa ta'uu isaa
➥ 𝙙𝙖𝙘𝙝𝙚𝙚 ilaaluun sooressa ta'uu isaa beekuu jechuu dha.
"Namni seerota isaa eegu, abboommii kitaabichaa ni dhagaha, kan waaqayyottis amanu, wanti inni dhabu hin jiru" (𝙨𝙞𝙧𝙖𝙠 35፥24).

Lafa kana irratti wanta hedduu abdanna ta'a. Abdannee dhuma irratti yoo abdiin keenya nuuf milkaa'e baay'ee gammadna. Haa
ta'u malee ilma namaatiif abdiin amantaa isaa caaluf hin jiru. karaa amantaa sanarra deemudhaan bara baraaf akka jiraatu caalaa
wanti nama gammachiisu fi abdachiisu hin jiru . Jalqaba irratti amantaa yoo jennu kiristaanummaa keessatti sadarkaa jalqabaa irratti
kan argaman
➜ Yaadaan (onneetiin) yaadachuu
➜ Afaaniin dhugaa bahuu, barsiisuu
➜ Hojiidhaan murkaneessu dha.
"Iyyesuus akka gooftaa ta'e afaan keetiin yoo ragaa baate, waaqayyo du'aa akka isa kaase ammoo garaa keetti yoo amante, fayyina
bara baraa ni argatta." (𝙧𝙤𝙢 10፥9).
Akkasumaas
➥ Icciitii nama ta'uu (Foonummaa) keessatti:- qaama sadan keessaa qaamni tokko ilmi foon uffatee nama ta'ee dubroo Maariyaam
irraa dhalachuu isaa amanuu dha. Kunis uumama addunyaa dura Abbaa irraa haadha malee, bara boodas immoo Abbaa malee
haadha irraa dhalachuu isaa (dhaloota lama qabaachuu isaa) amanuudha.
➥ Icciitii Cuuphaa keessatti:- Gooftaan keenya iyyasuus kiristoos fakkeenya nuuf ta'uuf jedhee waggaa soddoma isaatti laga
yordaanositti harka Yohaannisiin cuuphamuu isaa fi namni icciitiiwwan olirratti caqasame amanu hundi maqaa Abbaa, Ilmaa fi
Afuura Qulqulluutiin cuuphamee Sillaasee irraa ijoollummaa bara baraa akka argatutti, bishaan argamuun (mul'atuun) surraa hin
mul'anne akka argatu, cubbuu isaas akka dhiifamuuf, diyaabiloosiin akka ittiin moo'atuuf, mootummaan waaqayyoos kan ittiin
argamu ta'uu isaa ilmi namaa baratee beekuu qaba.
➥ Icciitii Qurbaanaa keessatti:- kan foon koo nyaate, dhiiga koos dhuge jireenya bara baraa qaba akkuma jedhu, itti amanee foonii
dhiiga gooftaa nyaatee dhuguun jireenya bara baraatiif of qopheessuun isarraa eegama.
➥ Icciitii du'aa ka'uu keessattis:- gooftaan namoota mugan hundaaf angafa ta'ee akkuma awwaala keessaa ka'e, akkasuma ilmi
namaas foonsaa kan du'ee tortoree hundi ka'ee jireenya bara baraa ni argata. Warri cubbuu hojjetan akkuma hojii isaanitti ni
adabamu jechuun amanee fudhachuu dha.

𝙬𝙖𝙖𝙦𝙖𝙮𝙮𝙤 𝙟𝙞𝙧𝙖𝙖𝙘𝙝𝙞𝙨𝙪𝙪 𝙞𝙨𝙖𝙖 𝙖𝙠𝙠𝙖𝙢𝙞𝙞𝙣 𝙗𝙚𝙚𝙠𝙣𝙖

𝙠𝙪𝙩𝙖𝙖 3𝑓𝑓𝑎𝑎 itti fufa......

#Assaayimantii 2ffaa
1/ Waaqayyotti Amanuu jechuun maali ?
2/ Amaloota Waaqayyoo ibsaa? caqaasa waliin
3/ Icciitii Nama ta'uu isaa amanuu jechuun maali ?

See less

All reactions:

88Abbittii Tolasaa and 87 others

Maqaa Abbaa Kan Ilmaa Kan Afuura Qulqulluu Waaqa tokkoo Ameen!

#BAGA #AYYAANA #MASQALAA(#FANNOO)#NAGAAN #GEESSAN!

''waa'ee fannoo kiristoos dubbachuun warra karaa badiinsaa irra jiraniif gowwummaadha nuyi warra karaa fayyinaa irra jirruuf garuu inni humna waaqayyooti''1Qor1:18

#WAA'EE #FANNOO #JALQABA #IRRAA #GABAABUMATTI

Addaam fi Hewewaan seera waaqayyoo cabsuudhaan ija firii mukaa ergaa nyaataanii booda sanyiin ilma namaa hundi du'a fonniifi du'a lubbuun qabamanii ibidda bara baraa keessa jiraataa
turan.

Waaqayyoo ilma namaa fayyisuuf Waadaa galeen woggoota 5500 booda gooftaa iyyasuus kiristoos nama ta'ee

lafa kana irratti Dubaroo Maariyaam irraa foonnin dhalate akka ilma namaatti guddatee cuuphamee namoota karaa fayyinaa barsiisee dhuma irrattis jaalala isaa hanga du'aatti ibsuun muka
Fannoo irratti fannifamee.

fannoo irratti fannifamee foonsaa kutamee dhiigni isaa dhangala'ee namootaaf jireenya bara baraa badhaase.fannoo irratti fannifamuu isaatinis lubbuun namoota heduu walbbumma argatte.Du'as
Fannoo isaatiin ajjeese!

#KANAAF #FANNOO #YOMMUU #ARGINU

1. Jaalala Waaqayyoo nuuf qabu ittin yaadanna.

''Waaqayyoo akkasitti tokkicha ilmaa isaa hamma kennuutti biyyaa lafaa jaalate kuni immoo isatti kan amanu hundinuu jireenya bara baraa haa qabaatuuf malee haa baduuf miti''(Yuh 3:16)

2. Cubbuu keenya nu yaadachisa.

qulqulluu phawuloos

“Waaqayyo gatiidhaan isin bitate; kanaaf guutummaa dhagna keessaniin waan inni ittiin galateeffamu hojjedhaa!”jedhe

— 1Qor. 6:20
3. Dhiifama walii godhuu fi fayyuu keenyaa nu yaadachiisaa.

"Yaa abbaa, waan godhan hin beekani'o isaaniif dhiisi!"

— Luq. 23:34

4. Fannoon du'aa ka'uufii abdii dhufaatti gooftaa nu yaadachisa.

“Yommus milikkinni ilma namaa waaqa keessatti in mul'ata; yeroo sanatti sabni biyya lafaa hundinuu boo'uuf jiru; ilmi namaa immoo duumessoota waaqaa irra humnaa fi ulfina guddaadhaan
dhufuu isaa arguuf jiru.”

— Mat. 24:30

"Namni tokko illee ana duukaa bu'uu yoo barbaade, waa'ee ofii isaa dhiisee, fannoo isaa [isa anaaf jedhee baatu] of irra kaa'atee, ana duukaas haa bu'u!”

— Mar. 8:34

Kanaaf fannoon goofta kiristaanootaaf:_

_#Humna keenyaa( Qol 2:14)

_#Nu jajjabeesaa( Gal. 6:14)

-#Fura keenya fayyisaa lubbuu keenyaati.kanaaf fannoo goofta keenya _dhungachuudhaan sagada kennaa sagaduufiidhaan (Far48/49:1)

_Mallattoo fannootiin mallatteessuudhaan(Far143/144:1)

_ Morma keenya irratti hidhachuudhaan

(Fakk 16:20)kanaaf hin kabajna.jaalala keenyas in ibsina.

#BADEE #ARGAMUU #FANNOO #GOOFTAA #KEENYAA.

fannoon gooftaa keenya iyyasuus kiristoos itti fannifamee ture namoota du'aa kaasa dhukkubsattoota fayyisaa humna hamaa baasaa waan tureef yihudootni hinaaffaa fi wallaalummaadhaan gaara
Qaraaniyoo irra aawwaluun akka kosiin itti gatamu godhan.Israa'elonni hunduu kosii achii geessani gatuu eegalan waggaa 300 booda waaqayyoo Mootii #QOSXANXINOOS kaase.

innis diina #Maksimiyaanos jedhamu waliin lola irra ture osoo waraana kanaan gunnamaa jiruu samii irra ifni fannoon fakkaate itti mul'ate''kanaa booda mallattoo kanaan diina keen in moota''
sagalee jedhu samii irraa dhagahee.kuniis kan ta'e Mootichi yeroo yaadaan badee turettidha.yeroodhuma sana amantii kiristaanaa amaanee fudhate.maqaan haadha mootii kanaa #Qulqulleetti
#Illeenii jedhamti,bara dulluma ishee waaqayyoo akka gara Israa'eel deemtee fannoo gooftaa isa gataa kosii jala awwaalame baastu raajiidhaan itti hime gaafa deemtu garuu bakka inni
awwaalame beekuu hin dandeenye.

Turtii ishee qulqulluu Yaareed kitaaba #Duggaa irratti akkasitti barreesseera "Giiftitti Illeeniin fannicha barbaacha nagaan deemte Ibroota keessaas amantoota argatte bakkee gooftaan fannifame
eessa jette gaafatte isaanis Qaraaniyoo jedhaniin"

Namoota gaafatte keessa namoonni #KIRAAKOS fi#AMIINOOSIN jedhaman turan.isheenis Amiinoosif Kiraakos Yihuudootini goofta eessatti akka fannisan natti himaa jetten Kiraakos akkas
jedheen; barri isa dheeraa waan ta'eef akka hin beekne hime garuu bakki isaa Qaraaniyoo ta'uusaa akka abbaan isaa itti hime ture isheetti ime."Abbaa Maqaarsi kan jedhaman phaaphaasiin
Iyyarusaalem bakkeen fannoon itti awwaalame sun gaara Qaraaniyoo sana irra ta'ee bakkee olka'aa akka ta'e itti himan. garuu sana irra iddoon olka'aan hedduutu jiru turan.Ammas fannoon sun
argamuu hin dandeenye giiftittii Illeeniinis "yoo fannoon kun hin argamne uffata Mootummaa koo kana hin uffadhu" jettee,sagalee guddaadhaanis Waaqayyootti iyyatte.

Subaa'ee galuun kadhaa jalqabde.osoo kana irra jirtu ergamaan waaqayyoo"#Damaraa damarii ixaana itti dabalii gubi aari ixaanichaas bakkee fannoo sanaa sitti agarsiisa"jedhee itti
hime.isheenisFulbaana 16 damaara hojjechiistee ixaanni itti dabalamee ibiddi itti qabsiifame Aarri ixaanichaa samitti ol bahee gad yommuu deebi'u bakkee fannoosanaatti akeeke Qulqulluu
Yaareed"ixaanichi iddoo fannoon jirutti akeeke aarri isaas fannichaaf sagadee"jedhee barreessera.

Yeroodhuma kana fannicha baasuuf qotuun jalqabame. ji'a jaha booda akkuma kitaaba sinkisaaraa irratti himame #Bitootessa 10 fannoon namootni lamaan bitaa fi mirga gooftaa keenyaa
fannifamanii fi kan goofta keenyaa argamanii. walumaa galatti sadii jechuudha.

fannoon gooftaa keenyaa raajii hojjachuun adda baheera.gonfoon qoraatti gooftaaf godhames waliin awwaalamee ture mismaaronni inni ittiin rukutames wajjuman arganiiru jedha akka
Sinkisaara irratti barreefametti. Giifti Illeeniinis gammadee gaara Qaraaniyoo irratti mana Kiristaana hojjechiiste.manni amantichaas #Fulbaana 16 eebbifamee #Fulbaana 17 tti sirni qulqulleessa
keessaatti rawwate.Kaanaf manni amanta keenyaa #Fulbaana 16 #Damaraa jette kabajji.#Bitootessa 10 immoo guyyaa fannoon kun itti bahee wan ta'eef kanas ni yaadatti.

#Ameen #Galanni #Waaqayyoof

#Deessu isaa Durbee #Maariyaamif

Ulfaata #Fannoo isaaf Yaa ta'u!

 Tiksee koo Tube #follow_my_page

All reactions:

45You and 44 others

1 comment

7 shares

Like

Comment

Share

Write a public comment…

Koorsaa B. Guyyaasaa

Ulfaadhu jabaa koo!!

Fannoon Kiristoos siin haafayyisu!

Eebbifami!

 Like
 Reply
 Share
 12 m

Faarfannaa Ortoodooks Afaan Oromoo

Seenaa Magarsaa Jiidhaa · ·

aga Ayyaana Masqalaa Geessan!

Fannoo fi #Daamaraa
 Akkuma beekamu Dinqiiwwan gurguddoo waaqayyo hojjete heedduu yoo ilaalle mal'attoon kan ifaa tureedha.

Ulfina Aaroon kan deebifte uleen aaroon , dinqii kan hojjechaa turte uleen Musee, furii (beza) yiisaaq kan ta'e biqiltuun hoolichi irraa argamee mal'attoo
haadha keenyaa qulqulleettii dubroo maariyaamii fi fannoo gooftaa keenyaati.

S/lakk 17:2-10 S/umam 22:13

Mal'atttoon Kunis dhalli namaa akka abdii hin kutanne mal'attoo fayinaa ta'ee bara kakuu moofaa keessa abdiin akka jiraatan gochaa ture. akka bara
ammaa waanti qabatamaan osoo hin kennaminiif abdii qofaan jiraachaa turan. nuti garuu biyya kakuu nuuf galame akka israa'elotaa #riqitoota (selayoch)
irraa kan dhageenye osoo hin taane ija keenyaan agarree mirkaneeffanneetu waaqeffanna.

Rom 10:17

Garuu biyyattii hanga gallu qofatti mootummaan kee haa dhufu jechaa jiraanna. Mootummaa samii irraa kan jedhames kiristoosiidha. erga inni
mootummaa samii irraa ta'ee immoo isa kan arganne fannoo irratti malee masaraa daawit teessoo solomoon irra taa'ee miti.

Diinni diyaabiloos kana gatii beekuuf ciminaan fannoo gooftaa kan mormu. diyaabiloos qofa osoo hin taane namootni man'dhee diyaabiloos ta'anillee
fannoo gooftaa hin jaallatan.

Filiph 3:18

dhiigni ilma waaqayyoo waan irratti dhangala'eef fannoon jaamaa ija banee du'aa kaasaa waan tureef diinni diyaabiloos keessa ayihuudotaa bulee
fannoon gooftaa waggoota dhibba sadiif #awwaalamee akka turu kan godhe. bu'uuruma irraayyuu diyaabiloos gatii hin beekneef malee iddoon sirriin
fannoon keessa awwaalamee jiru #laphee #amantootaa (kiristaanotaa) ti malee lafa keessa miti. qaraaniyoon iddoo namni jalqabaa Addaam itti
awwaalame waan ta'eef gooftaanis addaamii fi ilmaan isaa fayisuuf waan dhufeef iddoon fannoo isaa qaraaniyoo ta'eera. "iddoo lafee mataa" kan
jedhameef kanaafi.

Mat 27:32

kana booddee fannoon sammuu (laphee) ilmaan Addaam keessa malee jiraachuu akka hin dandeenye kan mul'isu waggoota fannoon awwaalamee ture
hundumaattuu jaalalli fannoo sammuu (laphee) kiristaanotaa keessaa baduu dhiisuu isaati. fannoon yeroo awwaalamettis ta'ee isaan booda baayinni
namoota fannoo baatanuu hin hir'anne.

Fannoon kunis awwaalamee akka hin hafneef bakka itti awwaalamee akka baastuuf afuurri qulqulluun qulqulleettii illeenii kaase. yeroon isaas yeroo
ga'etti daandii isheen hin beeknerra waaqayyo ishee gaggeesse. Yeroodhaaf hanga abbaan warraa ishee saanduqa keessa kaa'ee galaana irratti ishee
gatutti daandiin ishee irra keessi isaa daandii gidiraa yoo fakkaatellee iccitiin isaa daandii hojiin waaqayyoo irratti mul'atu daandii jireenyaa ture. iccitii
daandichaa garuu waaqayyo qofatu beekaa ture.

Abraham kaaraanii gara kana'aanitti maaliif akka waamame, erga kana'aan ga'ees biyya aannanii fi damma burqisiiftu kan jedheen waaqayyo ta'ee
osoo jiruu sababa beelaatiin akkanni biyya misiraatti godaanu kan godhe irra keessi isaa godaansa gidiraa yoo fakkaatellee iccitii isaa hanga yeroon isaa
ga'utti waaqayyoon ala namni beeku hin turre.

Qulqulleettii illeeniinis gaarummaan ishee abbaa warraa ishee Tarbinoos itti inaafsisuun saanduqa keessa kaa'ee galaanatti darbachuun isaa
yeroodhaaf gidiraa yoo fakkaatellee iccitiin isaa waaqayyo hojii guddaa karaa isheetiin hojjetu waan qabuuf ture. kanaafis galaanichatti si'a darbatuun
danbaliin galaanichaa geessee biyya Roomaatti ishee gate. Bulchaan biyya Roomaa Qonisxaa jedhamu warreen qurxummii qaban harkaa qulqjlleettii
Illeenii fuuchuun ji'a 6 erga coomaa fi daadhii wayinii ishee obaaseen booda fuudhee bara 258 dh k b Qosxenxinoos deesse. Erga ilmi ishee
Qosxenxinoos guddatee iddoo abbaa isaa bu'uun biyya Roomaa bulchuu eegaleen booda bara 327dh k b'tti fannoo gooftaa bakka awwaalamee baasuuf
gara iyyeruusaalemitti imalte.
 Yeroo achi geessus ayihuudonni jibbaa fannoo kiristoos irraa qabanuun kan ka'e dachaa tabba lama gidduutti fannoo isaa gatuun namootni biyyichaas
balfa mana jaraa geessanii fannoo gooftaa irratti gataa waan turaniif dachaan sun ol ka'ee gaara sadaffaa kan biraa uumuu isaatiin gaara sadan keessaa isa
kam keessatti fannoon akka awwaalame waan hin beekneef subaayee (tsoomaa fi kadhannaa)'n waaqayyoon gaafatte. subaayee ishees erga xumurteen
booda maanguddoo 'kiraakoos' jedhamu si'a gaafattu kiraakoos gaara sana sadan keessaa isa tokko keessa fannoon gooftaa awwaalamee akka jiru itti
himee garuu adda baafachuuf xombooraaf daamaraa walitti qabdee gubuu akka qabdu gorse. isa kiraakoos eegaleef ergamaan waaqayyoo moo muka
(daamaraa) fi xomboora walitti qabuun erga bobeessiteen booda ixaana adii 'sendiroos' jedhamu akka itti naqxu ajajeen. isheenis waan ajajamte si'a
raawwattu sana booda aarri ixaanichaa xiyya uumee gaara sadan keessaa isa fannoon gooftaa keessa awwaalamee jirutti gomboobe (sagade). kunis
fulbaana 16/327 dh k b ture.

Mal'attoo Kanaanis iddoo inni itti awwaalame erga barteen booda fulbaana 17/327 dh k b gaara sana qotuun eegalamee bitootessa 10/327 dh k b
fannoo bakka itti awwaalamee baasteetti.

Fannoo isa kan gooftaan itti fannifame kan warra bitaaf mirga gooftaatti fannifaman irraa adda baasuuf yeroo nama du'erra kaa'an akkuma duraanii
du'aa kaaseera. sana booda fannoo sanaaf goligootaatti bataskaanni ijaaramee keessa kaa'ameera. yeroo boodas fannoon kun bakka adda addaatti
qoodamuun kutaalee biyya adda addaa geessameera. kana keessaas tokko inni kutaa gara harka mirgaa iyyesuus bara mootii (atsee) daawiti biyya keenya
galee gisheenii jira. kunis akkuma duraanii dinqiiwwan gara garaa gisheenitti hojjechaa jira. Miti fannooo gooftaa uleen museeyyuu dinqii gurguddaa
hojjechaa turte.

S/ba'uu 3, 4, 5,

#Hubadhaa! Maqaa Iyyesuusiitiin warri fannoo Awwaalan ka'aniiru, Maqaa Iyyesuusiitiin warri fannoo bakka awwaalamee baasan ka'aniiru, Maqaa
Iyyesuusiitiin qulqulloonni heedduun ka'aniiru. Maqaa Iyyesuusiitiin warri qulqulloota ariyatan /ajjeesan/ ka'aniiru, garuu kun hundumtuu yoo ta'e nu
baay'ise malee nu hin balleessineem.

Maqaa isaatiin faarfatameera, Qaddasameera, Maqaa isaatiin Afuurri hamaan ba'eera, Lallabameera hanga tewaahidoon jirtuttis kun ittuma fufa.

#Nuti ijoolleen tewaahidoo gidiraa fannoo isaa laphee keenya keessatti, fannoo isaa immoo qoma (morma) keenyarratti baannee isa faana buuna ni
waaqeffannas.

Seenaa Daamaraa fi argama fannoo liinkii armaan gadii tuqaatii dubbisaa! B/sa keenya B/aa Naahimii sagalee jireenyaa nuuf haa dhageessisu.

https://www.facebook.com/114552607120040/posts/592789962629633/

Ayyaanni gooftaa Iyyesuus Kiristoos, jaalalli Waaqayyoo, tokkummaan hafuura qulqulluus hunduma keenyaa wajjin haa ta'u!

2Qor. 13:13

Eebbaaf ta'aa!

Ameen.

Samuel T'n

15/01/2016

Qulqulleettii Illeenii

Maqaa Abbaa kan Ilmaa kan Afuura Qulqulluu Waaqa Tokkoon.Ameen!

Qulqulleettii mootii Illeeniin kan fannoo Gooftaa keenya Iyyasuus Kiristoos bakka awwaalamee akka bahu taasifteedha. Seenaan
ishees, Abbaa warraa Tarbinoos jedhamu waliin jiraachaa turte. Illeenii jechuun afaan Hibruutiin ‘bareedduu’ jechuudha. Illeeniin
kan dhalatte dhaloota Kiristoos booda bara 247 tti magaalaa Bitaaniyaa kan Iyyaruusalemirraa kiilomeetira 5 qofa fagaattee argamtu
keessattidha. (Seenaan iddoo dhaloota ishee kana Eeshiyaa xiqqoo keessatti bakka Bitaaniyaa jedhamutti kan booda Helenopolis
jedhamtee maqaan magaalatti Qosxonxinoosiin jijjiiramtetti jedhus jira).

Abbaan manaa Illeenii Tarbinoos jedhamu kun daldalaa ture. Bara sanatti daldalli biyya tokkoo gara biyya biraatti godhamu
waggoota hedduu fudhata ture. Innis karaa dheeraa deemee waan daldaluuf manatti Illeeniidhaaf gargaartuu qacareefii mooraa
keessa akka gadi hin baanee fi aduun akka ishee hin dhoofne godhee gara daldalaatti biraa deeme. Illeeniin amantaa isheetti baay’ee
cimtuu fi yeroo baay’ee hanga abbaan manaa ishee deebi’utti kadhaadhaan dabarsiti ture. Wangeelas ni beekti ture. Tarbinoos
immoo kan daldala isaa xumuree gara biyyaatti deebi’u waggaa 3’n booda ture. Daldaltoonni kun waggaa sadii ykn afur yemmuu
daldalanii gara mana isaanitti deebi’an karaa irratti waa’ee haadha warraa isaanii waliin haasa’u ture.

Isaanis akkas jedhu ture, “Egaa amma nu kunoo akkanatti dhamaanee aduu fi qorraan gubannee gara biyya keenyaatti yoo deebinu
haati manaa keenya yoona dhiira biraa baran ta’a,” waliin jechaa deemu turan. Yeroo kana Tarbinoos abbaan warraa Illeenii, “Ani
kan keessan hin beeku malee haatii warraa koo Illeeniin garuu wanta akkanaa gonkuma ana irratti hin hojjettu; baayiseen ishii
amana,” jedheen.

Illeeniinis erga abbaan warraa ishee daldalaaf ba’ee mana isheetti kadhachuu malee gad illee baatee dhiira ijaan agartee hin beektu
ture. Yeroo sana namoota Tarbinoos waliin jiran keessaa tokko, “Ati gowwaadha abboo, sanyii Hewaan keessaa kan haadha warraa
kee addamoo? Amma osoon dhaqee wajjin ciisee dhufe maal goota?” jedheen. Achumaan Tarbinoos, “Ani waan isin jettan kanatti
hin amanu haadha warraa koos gonkuma hin shakku” jedheen. Yeroo sana namni gidiramaan daldaltoota keessaa inni tokko, “Yoon
deemee haadha manaa kee dogongorsiisee dhufe maal naaf kennita?” jedheen. Tarbinoos immoo, “Ani ati dhuguma Illeenii
dogongorsiiftee dhufta taanaan bu’aan hanga ammaatti daldalee argadhe qabeenya koo kana hunda wajjiin ni fudhatta,” jedhe.
Tarbinoos kan kana jedhe haati warraa isaa gonkuma akka amanamtuu taate waan beekuuf ture.

Daldalaa gidiramaan sunis yoo Illeenii dogongorse qabeenya Tarbinoos hunduma fudhachuuf walii galee gara haadha warraa
Tabinoositti daldaltoota kaan dursee adeeme. Yemmus gara ganda Illeeniin jiraattu ga’ee, “Mee haadha warraa Tarbinoos natti
agarsisaa,” jedhee namoota gaafate. Isaanis, “Isheen bar namatti hin muldhattu, keesummattuu gonkuma dhiiratti hin mul’attu,”
jedhaniin. Innis mala baafatee, “Tole erga isheen hin dhuftu ta’ee mee hojjettuu ishee naaf waamaa,” jedheen . “Isheellee siif ni
waamna,” jedhanii waamaniif. Innis hojjettuu Illeeniitiin, “Biyya fagoodhaa nama si dubbisu dhufeetu jira jedhii mee Illeenii naaf
waami,” jedheen. Isheenis gara manaatti ol deebitee, “Namni si barbaada,” jettee gaafannaaniif Illeeniin fuula itti kennuu didde.
Namichi sun ammas yeroo lammataaf, “Dhaqiitii nama qarshii baay’ee siif kennutu dhufe jedhii itti himi,” jedheen. Isheenis akkas
jettee yemmuu itti himtu yemmus Illeeniin, “Anaan haadha warraa Tarbinoosiin akkas jettaa?” jettee qodaa harkaa qabduun
gargaartuu ishee rukuttee gadi baafte.

Yeroo sanas hojjettuun gadi baate dubbiin akka ta’uufii dide itti himte. “Daldalichis mee maal gochuu naaf wayya ishee argachuuf,”
jedhee gargaartuu ishee sana mariisise. Qarshii baay’ees akka kennuuf itti hime. Yeroo sana gargaartuun ishee, “Hidhannoo mormaa
kudhaama Tarbinoosii fi Illeeniin qofti beekaan tokko morma Illeenii irra jira, isan siif fida atis isa fuutee Tarbinoositti agarsiiftee
akka ishee wajjin ciiste itti himta,” jetteen. Innis yaada kanatti gammade. Innis, “Daldaltoonni dhufanii jiru qophaa’aa,” jedhee
iyyuu eegale. Gargaartuun sunis yeroo sana ol deebitee Illeeniidhaan, “Daldaltoonni dhufan ka’ii dhiqadhu urgooftuus dibadhu,”
jetteen. Isheenis, “Maal yeroo biraa situ na dhiqa mitii,” jettee dhugaa seetee dhiqachuuf kaate. Yemmuu dhiqattus hidhannoo
morma irraa sana bakka dhiqattetti irraanfatte. Hojjettuun sunis fuutee namichaaf dallaa irraan darbiteef. Innis kudhaama mallattoo
fannoo of irraa qabu sana fudhatee ka’ee gara Tarbinoositti deebi’e.

Tarbinoosiin, “Kunoo haadha warraa kee wajjin ciiseen dhufe,” jedheen. Innis amanuu dide. Achumaan namtichi, “Kunoo
inumaayyuu na jaalattee kudhaama kana naaf kennite,” jedhee sobee kudhaamicha hojjettuun (mallattoo fannoo kan jedhus jira)
Illeenii kenniteef sana Tarbinoositti agarsiise. Tarbinoosis kudhaama fannoo qabu sana isaafi ishee qofatu beeka waan ta’eef
yemmuu argu dhuguma se’ee ofitti aaree; ni na’es. Akkuma jecha isaatti qabeenya isaa hunda daldalticha wajjin jiru sanaaf kennee
harka duwwaa manati gale.

Yemmuu manatti galus bifti isaa gurraacha’ee, garmalee gaddee agarraan haati warra isaa Illeeniin, “Maal taate?” jettee gaafatte.
Isheen baay’ee yaaddee eegaa turte. “Dur yoo galtu ni taphatta ture har’a maal taate?” jetteen. Innis, “Danbaliin ka’ee meeshaa
kiyya hunda balleesse akkamiin hin aariin naan jetta,” jedheenii sobe. Isheenis dhugaa seetee, “Maaloo hin aariin haa badu ati fira
50 yoo qabaatte, anis fira 50 yoon qabaadhe liqeeffannee daldallee bakka duraatti deebina,” jetteen. Wangeelas waan beektuf,
“Waaqayyoo kan siif kenne yoo sirraa fudhate hin aarin,” jetten.

Innis akka hiriyaa isaa wajjin ciifte osoo itti hin himiin kan garaa isaa garaatti qabatee, “Biyyan kabajametti salphadhee taa’uu hin
qabu baduun qaba,” jedhee baduuf ka’e. Isheenis, “Guyyaa gammachuu kee si faana dabarsee guyyaa gaafa gaddaa fi rakkoo kee si
biraa hafuu hin qabu,” jettee wajjin deemuuf kaate. Innis saanduqa dheerina hojjaa isheetiin hojjechiisee gaalatti fe’e gara bishaan
galaanaa jiru cinaatti geesse. Achumaanis galaana irratti ishee saanduqa sana keessa godhee, “Osoon si amanuu na gantee nama
biraa wajjin ciifte,” jedheen. Isheenis, “Maaloo akkas gonkuma hin raawwanne,” jettuuniis dhagahuu dide. “Kunoo mallattoon ani
siif kenne kan aniifii ati qofti beeknu akkamiin harka nama biraa bira gale ree?” jedhee mallattoo fannoo sana itti agarsiise. Innis,
“Hojii badaa kana hojjette taanan Waqaayyo si hin baasiin, hin hojjene yoo ta’e si haa baasu,” jedhee ishee bishaanirratti gatee jalaa
sokke. Yemmuus isheen Waaqayyotti boossee wareega Waaqayyoof wareegde. “Yoo bishaan kana keessaa na baafte ani fannoo kee
isa bade sana gidiraa guddaadhanis ta’u barbaadeen arga,” jettee garaa isheetti Waaqayyotti himte. Danbaliin bishaaniis ishee
fuudhee asii fi achi raasaa oolee biyya mootiin Roomaa qunisxaa (konsitaandiyoos) jedhamu bulchutti gate.

Namoonni galaana cinaatti qurxummi qaban saanduqicha arginaan (eegdotas jedha) saanduqni kun maal laata jedhanii itti fiiganii
baasan. Yemmuu bananii ilaalanuu dubartii bareedduu dha. Isaan garuu qarshii daldaltoota jalaa danbaliin fudhate se’anii itti fiigan
ture. Isheenis bareedduu waan turteef hundumtuu fuudhuuf irratti wal lolanii. Boooda garuu, “Mootii keenyatti geessuu qabna,”
jedhanii mootichatti kennan. Mootichis yemmuu argu bareedina ishee waan jaalateef fudhuuf karoorfate. Baatii 6’f masaraa
keessatti waan gaarii akka nyaattee dhugduu fi urgooftuu gaariis akka dibattu erga godhee booddee ishee fuudhe. Isheenis dhaloota
kiristoos booda bara 258 tti Qosxenxiinoos deesse. Isheenis ilma ishee waa’ee kiristaanummaa umurii daa’imumma isaa eegaltee ni
barsiifti ture. Erga ilmi ishee Qosxenxiinoos abbaa isaa bakka bu’ee Mootii ta’ee Roomaa akkuma jirutti of jala galchee booda
mootittii Illeeniin wareega fannoo baasuu sana raawwachuuf bara 327 gara Iyyarusaaleem deemte. Yemmu achi geessus iddoon
fannoon itti awwaalame nama itti himu dhabde.

Boodarra manguddoo Kiraakoos jedhamu tokko argatte inni malaan itti hime. Kana booda daamotii hiitee, ixaana baay’ee itti
naqxee kadhaa eegalte. Kunis, Fulbaana 16 ture. Aarri daamotii fi ixaanaas xiyya hojjetee bakka fannoon gooftaa jirutti sagade.
Isaanis, bakka xiyyaan aaraa itti agarsiise sanatti Fulbaana 17 qotuu eegalamee Bitootessa 10 ni ba’e.Yoo ba’us kan namoota lamaan
gooftaa waliin fannifamaniis jira ture. Isaan keessaa fannoo gooftaa addaan baafachuuf nama du’e irra yoo kaa’an du’aa ni kaase, ija
ni bane dhibamaas ni fayyise.

Sana booda fannoo gooftaa fuudhanii kabajanii golgootatti bataskaana itti ijaarsiftee fannoo gooftaa itti galchan. Isheenis fannoo
akkuma baasifteen waggaa isaatti bara 328 DH.K.B waggaa 80’n isheetti boqoteerti. Ayyaanni yaadannoo ishees Caamsaa 9.
Galanni Waaqayyoof haa ta’u.Waaqayyoo kadhannaa qulqulleettii kanaatiin nutti haa araaramu. Sugni ishees nu waliin haa ta’u.
Ameen!(Madda barreeffamaa,kitaaba Qulqulloota fi ayyaana yaadannoo isaanii jedhu,madda suuraa Wikimedia)
All reactions:

157Firew Abebe, Temesgen Legese and 155 others

Seexanni yommuu qabeenya Iyyoobiin mancaasu , kurnan ijoollee isaatii yommuu ajjeesu , fayyaa isaa yommuu dura fudhatu wanta tokko garuu duraa
hin xuqne.
Haadha warraa isaa
Maaliif?
Kan inni haadha warraa isaa hin xuqneef tariitii waan akka nyakkistuu wayii taatee gidiraa Iyyoob keessatti waan lakka'aamteef ta'innaa? Kan seexanni
haadha warraa isaa duraa hin maqsineef , "Dhikkifata" isaa haa taatu jedheetii laa?
Ogeessichi , "Manni guyyaa roobaa dhimmisuu fi dubartiin haati dubbiin isaan tokko" jedha. Fakk. 27:15 Tarii'iitii daayya Seexanaatiin Iyyoobiin
hadheeffachiisuuf haati warraa isaa turuutu isheerra ture laa?
Dhuguma'uu haati warraa Iyyoob , "Uumaa arrabsii tii du'i" kan jettu ta'uushee yommuu arginu Iyyoobiif qorumsa akka taatuuf ta'a jechuun keenya hafa
hin qabu. Seexannumtuu akkas yoo yaanne hin jibbu.
Dhimmichi garuu garana jira. Seexanni akka inni haadha warraa Iyyoobiin hin xuqne kan taasise ajajuma Waaqayyoo ture.
"Jireenya isaa dhiisi malee ; Ilaa hoo! Inni harka kee keessa jira" jedhee , Waaqayyo seexana akeekkachiisee ture. Seexanni jireenya isaa hin xuqin
jedhame waan biraa hunda yoo bal'eessu kan inni haadha warraa isaa hin xuqneef garuu , haati warraa waan jireenya taateefi dha. Haadha warraa isaa
xuquun, Iyyoobumaan xuquu ture. Eeyyee ! Haati warraa, isheen jireenya dha. Akka haadha manaa Iyyoobiin hammaattus , akka ishee kitaaba
fakkeenyaa 31'rraa ba'eettii taatus isheen jireenya dha. Jireenyi , gammachuus gaddas qaba. Akkuma Faransaayi , "Jireenyi, isheenis akkasi dha" c'est la
vie jedhu. Iyyoobumtis , "Dachee irratti , jireenyi namaa hiriira ijibbaataa mitii ree?" Jedheera. Iyyoob. 7:1
Addaamis akkas jedhe : -
"Lafeen kun lafee kooti , foonni kun foon kooti"
"Addaamis Hewaan ati jireenya kooti isheen jechaa ture"
Via Heenook H
Masqala Mootii Ayyaanaa
Maqaa Abbaa kan Ilmaa kan Afuura Qulqulluu Waaqa Tokkoon.Ameen!
“Ani garuu fannoo gooftaa keenyaa Iyyasuus Kiristoos isa ittin biyyi lafaa ana irraa fannifame, anis biyya lafaa jalaa fannifame sanaan malee waan
biraatin of jajuun matumaa anaaf hin ta’u.” Gal 6:14
I. Waa’ee Fannoo Jalqaba Irraa Gabaabumatti
Addaam fi Hewaan abboommii Waaqayyoo cabsuudhaan ija firii mukaa erga nyaatanii booda sanyiin ilma namaa hundi du’a foonii fi du’a lubbuun
qabamanii waggoota 5500 gadadoon mana hidhaa keessa jiraataa turan. Waaadaa Waaqayyo ilma nama fayyisuuf galeen waggoota 5500 booda gooftaa
Iyyasuus nama ta’ee lafa kana irratti Dubaroo Maariyaamiirraa fooniin dhalate. Dhalatee akka ilma namaatti guddatee, cuuphamee namoota karaa
fayyinaa barsiisee dhuma irrattis jaalala isaa hanga du’aatti ibsuun muka fannoo irratti fannifamee. Fannoo isaa irrattis foonsaa kutamee dhiigni isaa
dhangala’ee namootaaf jireenya bara baraa badhaase. Fannoo irratti fannifamuusaatinis waggoota 5500 ibidda keessatti gubachaa kan turan lubbuun
namoota heddu walabumma argatte.Du’as fannoo isaatiin ajjeese. Ergasii as fannoon mallattoo seexana ittiin moo’annu mallattoo du’a ittiin injifannu
humna keenya nuuf ta’e. Kanaaf Kiristaanotaaf fannoon mallattoo walabummaa keenyati. Akkuma:
“Waa’ee fannoo Kiristoos dubbachuun warra karaa badiisaa irra jiraniif gowwwummaadha, nuyi warra karaa fayyinaa irra jirruuf garuu inni humna
Waaqayyooti.” 1Qor1:18
Fannoo jechuun hiikaa ‘walqaxxaamuruu wantoota lamaa agarsiisa’. Kunis akka boca ilma namaa kan qabuu dha. Namni harka isaa osoo diriirsee ol
sirraa’ee dhaabatee mallattoo fannoot qaba. Mataa hanga lukaatti, harka bitaa hanga harka mirgaatti jechuu dha. Kakuu Moofaa Keessatti namoota
cubbuu hojjetantu fannoo irratti fannifama ture.(Keessa Deebii 21,22,23 ilaalaa). Fakkeenyummaan fannoo kakuu moofaa keessatti baay’eedha.
Fakkenyaaf Yaaqoob Efreemii fi Minaasee yemmuu eebbisu harka isaa fakkeenya fannootiin wal jala dabarseet eebbise ture(Uma 48:13). Kanaaf
hardhas luboonni fannoodhaan nama eebbisu.Siiqqeen Museetiis kakuu moofaa Keessatti fakkeenyummaa fannoo Gooftaa Iyyasuus dha. Egaa gooftaan
maaf fannoo irratti fannifame gaaffii jedhuuf: jaalala isaa nuuf ibsuuf, mataa seexanaa reebuuf, fakkeenyummaaf, jireenya bara baraa nuuf kennuuf, hojii
seexanaa harkaa fashaleessuuf: seexanni baala mukaatiin nama dogongorse, Gooftaanis muka irratti fannifamee deebisee nu fale.
Kanaaf nutis fannoo gooftaatiin jaalala Waaqayyoo kan ilma namaaf dhuma hin qabne sana barree jirra(Yoh 3:16),dhiifama arganneerra (Efeson
2:14),of-gadi qabuus barannee jirra, jabeenyas arganneeniiiirra. Hundumaa ol kan taate Dubaroo Maariyaamii akka haadha keenyaatti bara baraaf kan
arganne fannoo jalatti(Yoh 19:26).
Kanaaf Fannoon gooftaaKiristiyaanotaaf:
v Fannoonsaa humna keenya(Qol 2:14)
v Kan nu jajjabeessu fannoo isaati(Galaatiyaa 6:14)
v Fannoonsaa fura keenya
v Fanoon isaa fayyisaa lubbuu keenyaati
“Waaqayyo wanta hundumaa karaa isaa ofitti araarse;dhiiga kiristoosif isa fannoo irratti dhangala’eenis samii irratis lafa irrattis nagaa buuseera” Fil 1:20
Kanaaf nuti kiristiyaanonni afaanin qofa osoo hin taane fannoo gooftaa dhungachuudhaan, sagada kennaa sagaduufiidhaan(Far 48/49:5), mallattoo
fannootiin mallatteessuudhaan(Far 143/144:1), morma keenya irratti hidhachuudhaan(Fakkeenya 6:20) ni kabajna.Jaalala keenyas ni ibsina.
II. Fannoon Gooftaa Iyyasuus Irratti fannifamee Baduu Isaa
Erga Gooftaa Iyyasuus fannifamee booda fannoon isaa achumatti waggaa sadiif ture. Fannichis bakkuma jirutti kan dhibame fayyisee, kan ijaan hin
agarre ifa banee kan okkolu qajeelchee namoota baay’ee fayyisuu qabnaan Yihudoonni akkuma baratanii fi diina fannoo waan ta’aniif fannoo kana
balleessuu qabna jedhanii irratti ka’an. Kanumaanis fuudhanii awwaalanii. Jiraattonni biyya Yihudaa hundi akka haraa fi waan xuraa’oo gara garaa irratti
gatan labsii dirqisiisaa ta’e baasan. Namoonni haraa achitti gatu ture. Osoo wal irraa hin citin iddoon fannoon gooftaa itti awwaalametti waggoota 292’f
waan haraan itti gatameef hamma tulluu guddaa tokko ga’ee tuulame. Kanaanis namoonni iddoon fannoon kuni jiru beekuu danda’an dhabamaa dhufee,
wa’een fannoo gooftaas irraafatamaa dhufe.
III. Mootiitti Illenee fi Argamuu fannoo Gooftaa
Mee amma immoo seenaa baay’ee nama dinqisiisu erga awwaalamee waggoota baay’ee booda fannoon akkamiin akka argamuu danda’e ilaalla. Seenan
isaas Mootittii Illeniidhaan wal qabata. Akka armaan gadiitti dhihaateera.
Abbaa warraa fi haadha warraa Tarbinoos fi Illeenii jedhamantu wajjin jiraataa ture. Illeenii jechuun Afaan Hibruutiin bareedduu jedhuudha. Illeeniin
kan dhalatte dhaloota Kiristoos booda bara 247, Iyyaruusalemirraa kiilomeetira 5 qofa fagaattee kan argamtu magaalaa Bitaaniyaatti.
Abbaan manaa Illeenii Tarbinoos jedhamu kun daldaalaa ture. Bara sanatti daldallli biyya tokkoo gara biyya biraatti godhamu waggoota heddu fudhata
ture. Innis karaa dheeraa deemee waan daldaluuf manatti Illeeniidhaaf gargaartuu qacareefii mooraa keessa akka gadi hin bane aduun akka ishee hin
dhooofne godhee gara daldalaatti biraa deeme. Illeniin amantaa isheetti baay’ee cimtuu fi yeroo baay’ee hanga abbaan manaa ishee deebi’utti kadhadhan
dabarsiti ture. Wangeelas ni beekti ture. Tarminoos kan daldala isaa xumuree gara biyyatti deebi’u ammo waggaa 3 booda ture. Daldaltooni kun waggaa
sadiif afur yemmuu daldalanii gara mana isaanitii deebi’an karaa irratti waa’ee haadha warraa isaanii waliin haasa’u ture.
Isaanis akkas jedhu ture “Egaa amma nu kunoo akkanatti dhamaanee aduu fi qorraan gubannee gara biyya keenyaatti yoo deebinu, niitoliin keenya hoona
dhiira biraa baran ta’a bar” waliin jechaa demu turan. Yeroo kana Tarbinoos abbaan warraa Illeenii “Ani kan keessan hin beeku, haatii warraa koo
Illeeniin garuu wanta akkanaa gonkuma ana irratti hin hojjettu, baayiseen ishii amana” jedheen.
Illeeninis erga abban warraa ishee daldalaaf ba’ee mana isheetti kadhachuu malee gad ille baate dhiira ijaan agartee hin beektu ture. Yeroo sana namoota
Tarbinoos waliin jiran keessaa tokko: “Ati gowwaadha abboo, sanyii Hewaan keessaa kan haadha warraa kee addamoo?, amma osoon dhaqee wajjin
ciisee dhufe maal goota?” jedheen. Achumaan Tarbinoos ‘ani waan isin jettan kanatti hin amanu haadha warraa koos hin gonkuma hin shakku’ jedheen.
Yeroo sana namni gidiramaan daldaltoota keessaa inni tokko “Yoon deemee haadha manaa kee dogongorsiisee dhufe maal naaf kennita?’ jedheen.
Tarbinoos immoo ani ati dhuguma Illeenii dogongosiiftee dhufta taanaan bu’aan hanga ammaatti daldalee argadhe qabeenya koo kana hunda wajjiin ni
fudhatta jedhee. Innis kan kana jedhe haati warraa isaa gonkuma akka amanamtuu taate waan beekuf ture.
Daldalaan gidiramaan sunis yoo dogongorsee qabeenya Tarbinoos hunduma fudhachuuf wallii galee gara haadha warraa Tabinoositti daldaltoota kaan
dursee adeeme. Yemmus gara mandara Illeeniin jiraattu ga’ee “Mee haadha warraa Tarbinoos natti agarsisaa jedhee namoota gaafate, isaanis isheen bar
namatti hin muldhatu, gonkuma dhiiratti “ jedhaniin. Innis mala baafate, “tole erga isheen hin dhuftu ta’ee mee hojjettuu ishee naaf waamaa” jedheen .
Isheelle siif ni wamna jedhanii waamaniif . Innis Hojjettuu Illeeniitiin “ biyya fagoodha nama si dubbisu dhufetu jira jedhii mee Illeenii naaf waami”
jedheen. Isheenis gara manaatti ol deebitee “namni si barbaada” jettee gaafannaaniif Illeeniin fuula itti kennuu didde.
Namichi sun ammas yeroo lammataaf “Dhaqiitii nama qarshii baay’ee siif kennutu dhufe jedhii itti himi” jedheen. Isheenis akkas jettee yemmuu itti
himtu yemmus Illeeniin ‘Anaan haadha warraa Tarbinoosin akkas jettaa?” jettee qodaa harkaa qabduun gargaartuu ishee rukuttee gadi baafte.
Yeroo sanas hojjettuun gadi baate dubbin akka ta’uufii didde iti himte. Daldalichis mee maal gochuu naaf wayya ishee argachuuf jedhee gargaartuu ishee
sana mariisise.Qarshii baay’ees akka kennuuf itti hime. Yeroo sana gargaartuun ishee Mallattoo fannootiin kan tolfame kudhaama Tarbinoosii fi Illeeniin
qofti beekaan tokko morma Illenii irra jira, isan siif fida atis isa fuutee Tarbinoositti agarsiiftee akka ishee wajjin ciiste itti himta jetteen. Innis yaada
kanatti gammade. Innis “Daldaltoonni dhufanii jiru qophaa’aa” jedhee iyyuu eegale. Gargaartuun sunis yeroo sana ol deebitee Illeeniidhaan
“Daldaltoonni dhufan ka’ii dhiqadhu urgooftuus dibadhu” jetteen. Isheenis maal yeroo bira situ na dhiqa mitii jettee dhugaa seetee dhiqachuuf kaate.
Yemmu dhiqattus kudhaama fannoo mormaa irraa sana bakka dhiqatteti irraanfatte. Hojjettuun sunis fuutee namtichaaf dallaa irraan darbiteef. Innis
kudhaama mallattoo fannoo of irraa qabu sana sana fudhatee ka’ee gara Tarbinoos jirutti deebi’e.
Tarbinoosiin kunoo haadha warraa kee wajjin ciiseen dhufe jedheen. Innis amanuu dide. Achuman namtichi sunis ‘kunoo inumaayyuu na jaalattee
kudhaama kana naaf kennite’ jedhee sobee kudhamicha hojjettuun Illeenii kenniteef sana Tarbinoositti agarsiise.
Tarbinoosis kudhaama fannoo qabu sana isaafi ishee qofatu beeka waan ta’eef yemmuu argu dhuguma se’ee ofitti aaree,ni na’es akkuma jecha isaatti
qabeenya isaa hunda daldalticha wajjin jiru sanaaf kennee harka duwwaa manati gale.
Yemmuu manatti galus bifti isaa gurraacha’ee, garmalee gaddee agarraan haati warra isaa Illeeniin ‘maal taate’ jettee gaafatte. Isheen baay’ee yaaddee
eega turte. ‘Dur yoo galtu ni taphatta ture hardha maal taate’ jetteen. Innis danbaliin ka’ee meesha kiyya hunda balleesse akkamiin hin aarin naan jetta
ittiin jedhe sobe . Isheenis dhugaa seetee “Maaloo hin aariin haa badu ati fira 50 yoo qabaatte, anis fira 50 yoon qabaadhe liqeeffanne, daldalle bakka
duraatti deebina” jetteen. Wangeelas waan beektuf ‘Waaqayyoo kan siif kenne yoo sirra fudhate hin aarin’ jetten.
Innis akka hiriyaa isaa wajjin ciifte osoo itti hin himin kan garaa isaa garaatti qabatee, “biyyan kabajametti salphadhee taa’uu hin qabu baduun qaba”
jedhee baduuf ka’e. Isheenis guyyaa gammachuu kee si faana dabarsee guyyaa gaafa gaddaa fi rakkoo kee si biraa hafuu hin qabu jettee wajjin deemuuf
kaate Innis Saanduqa hojjaa isheetiin hojjisiisee gaalatti fe’e gara bishaan galaana jirut cinaatti geese. Achumaanis galaana irratti ishee saanduqa sana
keessa godhee,osoon si amanu na gante nama biraa wajjin ciifte jedheen.Isheenis maaloo akkas hin goone jettuunis dhagahuu dide.” Kunoo kudhaamnin
ani siif kenne kan aniifii ati qofti beeknu akkamiin harka nama biraa bira gale ree ?’ jedhee kudhaamicha itti agarsiise.
Innis “hojii badaa kana hojjette taanan si hin baasisn ,hin hojjene ta’e si haa baasu” jedhee ishee bishaanittrratti gatee jalaa sokke. Yemmuus isheen
Waaqayyotti boossee silatii Waaqayyoof goote. “Yoo bishaan kana keessaa na baafte ani fannoo kee kan bade sana akkuman ta’e ta’ee barbaadeen siif
argamsiisa.” jettee garaa isheetti Waaqayyotti himte. Danbaliin bishaanis ishee fuudhee asii fi achi raasaa oolee biyya mootiin Rooma
Qunisxaa(Konsitaandiyoos) jedhamu bulchutti gate.
Namoonni galaana cinaatti qurxummi qaban saanduqicha arginaan(eegdotas jedha) saanduqni kun maal lata jedhanii itti fiiganii baasan. Yemmuu bananii
ilaalanuu dubartii bareedduu dha. Isaan garuu qarshii daldaltoota jalaa danbaliin fudhate se’anii itti fiigan ture.
IV. Illeeniin Mootiichatti Heerumtee Mootittii Ta’uu Ishee
Isheenis bareeda waan turteef hundumtuu fuudhuuf irratti wal lolanii. Boooda garuu mootii keenyatti geessu qabna jedhanii mootichatti kennan.
Mootichis yemmuu argu bareedina ishee waan jaalateef fudhuuf karoorfate. Baatii 6’f masara keessatti waan gaarii akka nyaatee dhugdu, urgooftuu
gaariis akka dibattu erga godhee booddee fuudhe. Isheenis Dhaloota Kiristoos Booda bara 258 tti Qosxenxinoos deesse. Isheenis ilma ishee waa’ee
kiristaanumma daa’imumma irraan ni barsiifti ture. Waa’ee utubaa Iccitiiwwan shananiis siritti barsiiftee turte. Abban isaa Kiristaana waan hin taaneef.
Erga abbaan Qosxonxinoos du’ee booda mootiin Diiyooqilxiyaanos jedhamu “Manni Xaa’ota(Waaqarkee) yaa banamu manni kiristana yaa cufamu”
jedhee labsii waan baaseef kiristaanonni dhiigni isanii ni lola’e akka qullubbiittii mummuraman, manni kiristanas baay’ee gubate. Kiristaanonnis ni
godaanan. Erga Diyoqilxiyaanos du’ee booda garuu Qosxenxinoos Ilmi Illeenii mootii ni ta’e. Innis samii kessatti mallattoo fannootiin “kanaan ni
moota” kan jedhu waan itti miuldhateef meesha lolaa irratti mallattii fannoo godhe lola ba’ee moo’ee Roomaa akkuma jirtutti of jala galche.
Kanaanis gammadee Ephesqoophoosii Niqoomeediyaa Awusaniyoos harkatti cuuphamee kiristaana cimaas ta’ee, kiristaanonnis gammadanii fannoon
humna keenya fannoon fayyisaa keenya jedhan. Innis Labsii Diyooqilxiyaanoosiin ba’ee ture diigee
“Manni waaqarkee (xaa’otaa) haa cufamu manni kiristaanaa haa banmamu” jedhee labsii kiristaanota addunyaa hundaaf boqonnaa kenne ni baase.
Manni kiristaanaa gadadoo waggaa 300 booda bar Qosxonxinoos haara galfii argatte. Innis mootii gaarii jedhamee yaadatama.Mirgaa fi carraa yeroo
sana manni kiristaana argatte keessaa:
v Bara 315 seera ba’een bataskaanni kaffaltii gibiraa irraa bilisa
v Guyyan Dilbata guyyaa boqonnaa fi ayyana kiristaanota ta’ee kan murtaa’e yeroo sana
v Namni qabeenya isa bataskanaf nan kenna jennan manni kiristaana dhaaluu mirga qabdi.
v Kiristaanummaan amantaa biyyoolessaa ta’e.
Kannaf manni kiristaana yeroo hunda isa yadatti.Wantoota biros waan heddu hojjete. Mootittii Illeniin fannoo gooftaa baasuf bara 327 gara Iyyarusalem
demte. Yemmu achi geessus iddoon fannoon itti awwaalame nama itti himu dhabde.
Boodarra manguddoo Kiraakoos jedhanu tokko argatte inni malaan itti hime. kana booda daamotii hiitee ,ixaana baay’ee itti naqxee kadhaa eegalte. kunis
Fulbana 16 ture. Aaarri damotii fi Ixaanaas xiyyaa hojjetee bakka fannoon gooftaa jirutti sagade.Isaanis bakka xiyaan aaraa itti agarsiise sanatti Fulbaana
17 qotuu eegalanii eegalamee bitootessa 10 ni ba’e.Yoo ba’us kan jara gooftaa waliin fannifamaniis jira ture. Isaan keessaa fannoo gooftaa addaan
baafachuuf nama due irra goonaan kan goftaa du’aa ni kaase,ija ni bane,dhibamaa fayyise.
Achumaan foo gooftaa fuudhanii kabajanii Golgotatti bataskana itti ijaarsiftee fannoo gooftaa itti galchan. Isheenis fanno akkuma baaften waggatti bara
dhalota kiristoos booda bara 328 tti waggaa 80 isheetti ni booqatte. Kanaaf egaa hardhas seenaa sana yaadachuuf daamotiin kan ifuuf malee akkanumaan
miti.Manni Ortodoksii tawaahidoo seenaa osoo hin sheelessin asiin geechee jirti.kan bay;ee nama gammachiisudha.Kanaaf amantaa keenyatti haa
cimtu,haa beeknus.Shakkitoota irras of haa eegnu..
V. Fannoon Gooftaa Gara Itiyoophiyaa Dhufuu Isaa
FannooN gooftaa fudhachuuf biyyoonni Iyyeruusaalem, Qusxunxiniyaa, Anitsookiyaa, Efesoon, Armen, Giriik, Iskindiriyaa irratti wal lolan. Sanumaan
fannicha adda adda baafachii irratti walii galanii Afrikaadhaaf harki mirgaa Misiraadhaf ga’e.
Bara Mootii Daawiit immoo kiristaanota biyya Misraa waan gargaareef isaanis fannoo gooftaa sana mootii Daawitiif ni kennan. Yerro sana gara
Itiyoophiyaa dhufe. Yemmuu dhufus “fannoo koo iddoo qaxxaamura fakkaatu irra teessisaa” sagaleen jedhu samii irraa waan dhagahameef Wallootti
tulluu Gisheen Keessatti galuu danda’eera. Ammas achumatti argama.Kanaaf biyya keenyatti sadarkaa biyyoolessaatti kabajama Masqalli. Waaqayyo
waan baay’isee nu jaalateef maqaan isaa haa ulfaatu.
VI. Masqalaa fi Hawaasa Oromoo
Ayyaanni masqalaa uummata oromoo biratti haala adda ta’eeni fi jaalala guddaadhan kabajama. Hiikkaa heddus qaba..Orommon baga booqa birraatiin
isin ga’e kan waliin jedhan ayyana kana irratti. Gana bacaqii bane ifatti bane,birraan nuuf barites jedhe sirba masqalaa kan sirbus yeruma kana. Guyyaa
masqalaa horiin ille garaa quufee dheeda Oromoo biratti. ‘Kaloon masqalaas’ kan banamu oromoo biratti guyyuma kana. Daamootiin ni ifa. Inumaayyuu
halkan daamotiin horiif qofa ifus jira. Ayyaana masqalaa bariis Oromoon ayyana Irreessaa, yaa Waaqayyo kan irree nuuf kennite galatoomi jedhee
Malkaatti yookaan tabbatti ba’ee tokkummaan Waaqa ni galateeffata. Ega jaarraa 1ffaaKeessatti duuka bu’oota gooftaa keessaa Bartalomiyoosiin
cuuphamanii booda, ayyanicha haala si’ina qabuun kabaju. Iccitii irrattis iccitii dabalataa kan ittiin argateedha.kakaasee kan nu jalqabsiise,nu
jalqabsiisees kan nu xumursiise maqaan Waaqayyoo haa ulfaatu kan hirdhate Inni itti nuuf haa guutu.Ayyaana gaarii nuuf haa ta’u.!
Waan tokko nan godha,wanta na boodatti hafe yaaduu dhiisee, wanta na dura jirutti nan hiixadha" (Fil 3:13)
Barri haaraan dhufaa jira. Yeroo Waqaayyo kenne keessatti bara namatu abdiin haaromfata malee guyyootni addatti qalama dibamanii fi hin dibamne hin
jiran. Namni garuu yericha akka isaaf hiikkaa kennutti addaan qoqqooda. Qoqqoodes itti jiraata. Isa keessatti abdii horata. Isa darbe dagatee isa dhufu
abdii taasifata. Atis hammam iyyuu gadda fi abdii kutannaa keessa jiraattu iyyuu bara haaraan simadha jedhii of qopheessi.
Of duuba deebitee yoo yoo ilaaltu tarii jireenya kee keessatti kan itti gammadde caalaa kan itti gadditetu jira ta’a. Kan itti boqotte caalaa kan itti
dadhabdetu jira ta’a. Wantootni hedduun jireenya kee keessatti abdii si kutachiisan ta’a. Nama heddu wajjin waa meeqa karoorfatte, kaayyoo tokko
qabattee, hardha namoonni sun si bira hin jiran ta’a. Hiriyoota hedduun nama hedduunis marfamte kan turte hardha garuu nama kophaa kee ofitti
haasa’us ta’uu dandeessa. Wanta heddus argatte dhabde ta’a. Nama heddus of biraa dhabde ta’a. Hojii keetinis kufaatii fi mucucaachuu keessummeessite
ta’a.
Hardha garuu of onnachiisi. Gammachuun yaada kee irraa madda. Akka ati itti hiikkatetti hiikama. Amma barri haaraan siif dhufaa jira. Isa dhabde qofa
yaaddee,yookaan bakka waa irri dhabde qofa yaaddee jireenya kee of irratti hin hadheessin. Carraa hedduun akka dhufaa jirus waliin yaadi malee.
Qilleensa haaraatu sitti qilleensa’a.Jireenya haaraa dhufu kana telesooppii adda ta’een ilaalii hiikaa itti kenni, itti kennii itti jiraachuuf tattaafachu.
Garuu tasuma abdii hin kutatin. Waaqayyoof wanti dadhabamu waan hin jirreef. Kan ati hin ta'u jette Waaqayyoof salphaadha. Kan ati kun xumura kooti
jireenyi koo anaaf dhumate jette, Waqaayyo ‘ganaa jireenya eegalta’ siin jedha. Kanaaf abdiidiidhan Waqaayyotti hirkadhu.Dhukkubsachuu miti, du'u
illee hanga boolla keessa nakaasutti nan amana jedhiin laphee keetiin. Alaazaar du'ee guyyaa afur booda boolla keessatti gooftaan isa yaadatee isas
kaaseera waan taheef. Gatame irraanfatame, naman jaaladhuun fira dhiheenyaatiinis darbame jibbame hin jedhin, yoo akka garbaatti gurguramuudhaaf
jibbamte iyyuu Waaqayyo biyya Misraatti akka Yooseef isa obboloota isaatiin gurgurame, hundaa ol ol qabe bulchaa taassie sana, sis ol si qaba waan
taheef. Dhala dhabe Waaqayyo maaf dhala na dhoowwate ani namarraa hin uumamnee laata jettees garmalee hin dhiphatin, Ijoollen kennaa
Waaqayyooti, Waaqayyo inni gadaamessa Haannaa banee Saamu'eel badhaase,'Dhabduun torba deesse' jettee akka galateeffattu si godhaati. Akka
Elisabeetitti namoonni si hamatanis ati ilma biyyaaf namaaf Waaqafis tahu argattaati. Nama hinq abu dhukkubi koo na sakaale, an sichin nama ta’aa?
Hin jedhin. Matsaaguun waggaa 38 booddaa Waqaayyo abdii itti horee isa fayyiseeraati.
Fageessii afuura baafadhu. Baruumsi naaf hin galu ani doofes hin jedhin Waaqayyo akka Qulqulluu Yaareed sammuu kee ifaan ni guutaati.
Hiyyoome,daare dhabe dhibame, horiin koos na dura dhume jettee yeroodhuma hunda hin gumgumin. Yoo obsa qabaatte,Waaqayyo akka Iyyoobitti
mana kee sifaan gammachuufi qabeenyaan guutati.
Kan humna qabu natti taphate, sodaadhe, humna kamiinan diina koo injifadha jettee hin cinqaminis, Waaqayyoon kee jabeesi qabadhu, inni Daawitiif
Gooliyaad jilbiinfachiise,inni Sanaakireem qaanesse,Waaqayyo abbaan keenya kaleessaa sun hardhas nama abdiin eeggatan hundaaf ni dhaqqaba waan
taheef.
Hardharra boru wayya, borurra iftaan wayya jedhi malee jireenya kaleessaa qofa yaadannoodhaan hin jiraatin. Isa caalu jiraachuf gara fuula duraatti
hiixadhu. @nhf

gochuun lubbuu badaa jirtu Oolcha!

Yeroo baayyee Amantaan Ortodoksii Maareyaam nii fayyisti Ergamoonni nii fayyisu Qulqulloonni Nii fayyisu jettee yemmuu
barsiistu Shakkitoonni Deebiin isaan deebisan #HoE_4_12 irratti #Fayyinni kan biraa Eenyuullee dhaaniyyuu hin jiru samii gaditti
akka ittiin fayyinuuf kan nuuf laatame Maqaa iyyeesuus qofa! Isa jedhu fudhatanii Barnoota Ortodoksii kana faallessuu dhaan
Maareyaam hin fayyistu Ergamoonni hin fayyisanu Qulqulloonni hin fayyisanu jedhanii barnoota seexanaa barsiisu!

Dhuguma Caqasni kun Fayyisummaa qulqulloota Hin deeggaruu laata ?? Waliin haa ilaallu

Egaa waan kana hubachuuf #HoE_3 Irraa Eegallee yemmuu dubbisnu Pheexiroosiif yohaannis halkan saatii 9:00 irratti
kadhannaa dhaaf gara mana qulqullummaa yemmuu adeemanitti Namicha Waggaa dheeraa dhaaf dhukkubsatee Adeemuu kan hin
dandeenye tokkotu fuuldura mana qulqullummaa taa'ee kadhataa ture Yemmuu kana pheexiroos faan dhufanii qarshiif warqee hin
qabnu isa qabnu garuu siif laanna #Maqaa_iyyesuusiitiin ka'i deddeebi'i ittiin jedhan sana booda namichi sun ka'ee adeddeebi'e jara
faanas gara mana qulqullummaa seene
#HoE_3_6

➵ Sana booda Ayihudoonni Akkamitti namicha kana fayyisuu dandeessan Humna Eenyuutiin kana raawwattu jedhanii Pheexiroos
faa gaafatan yemmus Phexiroos sagalee isaa ol kaasee
#Fayyinni_kanbiraa_Eenyullee_dhaan_hin_jiru_Akka_ittiin_fayyinuuf_samii_gaditti_dhala_namaaf_kan_laatame_maqaa_iyyesuus
_qofa dha jechuun fayyuun kiristoosiin akka ta'e ragaa bahe

#Gaaffi

Namicha kana kan fayyise Eenyu ? Pheexiroos moo Iyyesuusi dha ?

#Hubadhaa!

➵Namichi kun kan fayye harka pheexiroos irratti Pheexiroos Ammoo kan fayyise Maqaa iyyesuusii tiini

Osoo pheexiroos namicha kana bukkee dhiisee darbeera ta'eetii ykn Namichi kun pheexiroos faa osoo kadhachuu dhabaateera ta'eeti
hin fayyuu ture!

➵Nutis Maareyaamiin nii fayyisti yemmuu jennu Araara ilma ishee biraa kadhattee maqaa ilma isheetiin niifayyistii dha malee Ofii
isheetii maqaa isheetiin fayyisti jechuu keenya miti

➵fkn Wangeela #Yoh_2 irratti Maareyaam hirruu mana dookimaas kan isheen guutte ogummaa isheetiin osoo hin taane Ogummaa
ilma ishee tiif kadhannaa ishee tiini

➵Ergamoonni nii fayyisu yemmuu jennus taayitaa mataa jaraatiin fayyisu jechuu keenya osoo hin taane akkuma Pheexiroos maqaa
iyyesuusiitiin fayyise Ergamoonnis maqaa iyyesuusii tiin fayyisuu nii danda'u

Ergamoonni fayyisuu akka danda'an ammoo macaafni qulqulluun ragaa nuuf baha #Far_34_7
#Ergamaan_waaqayyoo_naannoo_namoota_isa_sodaatanii_niibuufata_Niifayyisaanis jedha Egaa osoo kana dubbisnuu akkamitti
Ergamoonni hin fayyisanu jenna ?

➵Qulqulloonni nii fayyisu yemmuu jennus Qulqulloota keessaa inni tokko pheexiroosii dha Akuma pheexiroos maqaa iyyesuusii
tiin namicha fayyise qulqulloonni kan biroos akkasumatti fayyisuu nii danda'u

Taayitaa kanaa kan jaraaf laate Ammoo kiristoosii dha #Yoh_14_12

#Anatti_kan_amane_wanta_an_raawwadhu_niiraawwata_kana_caallaa_illee_niiraawwata jedha

Qulqulloonni ammo kiristoosiitti wanna amananiif wanta kiristoos raawwatu hundumaa isaa ol illee raawwachuu nii danda'u jechuu
dha

#Guduunfa

➵Osoo maareyaamiin agarree Maqaa Eenyuutiin faayyista jennee osoo gaafanne isheenis akkuma qulqulluu pheexiroos Fayyuun
kan biraa Eenyullee dhaan iyyuu hin jiru akka ittiin fayyamuuf samii gaditti kan laatame maqaa iyyesuus qofadha jettee nuuf
deebisti Ergamootas osoo gaafannee akkasuma jedhu qulqullootas osoo gaafannee akkasuma jedhu sababiin isaa Kan isaan
fayyisanu maqaa iyyesuusii tiin waan ta'eef!

➵Kanaaf iyyesuus Harka pheexiroos irratti namicha akkuma fayyise har'as Harka qulqullootaa irratti nufayyisuu danda'a jechuu
dha!
#Gaaffii_shakkitootaaf

➵Macaafni qulqulluun maqaa iyyesuus qofaan fayyama gatii jedheef

Kanaaf Maqaa Abbaa tiin Maqaa Afuura qulqulluu tiinoo fayyuun hin danda'amuu jechuu dha ?

➵ Hubadhaa macaafa qulqulluu bartee dhaan hin dubbisinaa xiinxalaa ilaalaa kanaan ala Osoo hin beekin lallaba seexanaa lallabaa
jirtu!

<><><><>°°°|\|°°°<><><><>

#Dn_Mintesinoot_Yaadeta

<><><><>°°°|\|°°°<><><><>

All reactions:

159You, Firew Abebe and 157 others

BARUMSAA
WAADAAFI ARAARSUMMAA QULQULLOOTAA
Araarsummaa qulqullootaa erga boqotani boodas ammoo kan itti fufu ta’u isaa
• Mul. 14:13 “Hojiin isaanii isaan faana bu’a jechuun qulqulluun Yohaanis mul’ataa isaa keessatti ibsee jira.
Dabalataanis, qulqullootni erga boqotanii booda araarsummaan isaanii kan itti fufu ta’uusaa, seenawwan kitaaba qulqulluu irraa nu hubachisan keessaa,
muraasa qofa kaasun ni danda’ama. Isaan keessaa tokko. Raaja Eelsaafi seenaa namicha du’eeti. Raajaa Eelsaan yemmuu lubbuun turetti, nama du’e
du’aa akkuma kaase. erga boqotee booda kennaan akkasii sun akka irraa hin fudhatamne, dabalees, nama biraa kan du’e akka kaase, seenaa kanaa gadii
kana irraa ni hubanna.
• Ergasii Elsaan du’ee ni awwaalame,waggaa isatti aanee dhufutti ji’a birrati, saamtonni Mo’aab, biyya sana ni lixan, yeroo sanatti jarreen tokko nama
awwaaluuf dhaqan warra saamtota sana erganii reeffa namicha holqa Elsaa’i itti awwaalametti ni darbatan. reefi namichaa garuu, lafee Elsaa’itti akkuma
bu’en lubbuun isaa itti deebite, kanaaf: namichi ka’ee ni dhaabate (2Mot 13:20).
Akkasumas ammoo, yeroo fooniin turetti namoota gara Waaqayyooti araarsaa kan ture Abirahaam, (Uma. 20:7, Uma 18:25), erga boqote boodas hojii
akkasii kana itti fufuu ta’uu isaa kitaabarraa ni hubanna. Kunis,
• Seenaa Alaazariifi Nawee ilaaluun ni danda’ama (Luq. 16:19). Duuka bu’aa
• Qulqulluu Yihudaan ergaa isaatiin kan ibse, (Yihuudaa 1:14), Heenook kitaaba isaarratti akkas jedha “iji koo bakka ergamootaafi qulqulluuwwan
wajjin jiraatu arge, ilmaa namaafis cimsanii kadhatu” (Henook 9:22) jechuun araarsummaa qulqullootaa Ibseera.
• Gaara Taaboor irrattii Museefi Eeliyaas akka argamanii Iyyesuus wajjin dubbatan dhagahee Pheexroos, maaloo godoo sadii haa ijaarru. tokko Museef.
tokko Eeliyaasiif tokko si’iif akkuma jedhe (Maat 17: l). (Muldhata Yohannis 6:9).
Waaqayyoo qulqulloota hundaaf waadaa galeeraaf.
• Kanan filadhe waliin waadaa seeneera” (Faar 88:3), akkuma jedhu, Waaqayyo namoota isaaf amanaman hundaaf waadaa galeera, jechuudha.
• Waadaan seene hin diigu waanan dubbadhe hin jijiiru. akkuman Dawititti hime yeroo tokko qulqullummaa kootti dubbadheera (Faar 88:34) jedha.
Waadaa qulqullootaa irraa akka fayyadamnu kitaabni:
• “Isaan xixinnaayyoo kana keessaa isa tokkoof maqaa duuka bu’oota kootiin bishaan qahbanaa’aa qofa kan obaasu, yoo jiraate dhugaa isinan jedha,
gatiisaa hin dhabu”(Mat. 10:42).
Kana olittis, Gooftaan duuka bu’ootaaf, gaafa ardii fi samii dabarsuuf dhufu, akka isaan namoota irratti murteessanis aangoo kenneefii jira.
• Dhuguman isinitti hima kan na duuka butan isin dhaloota isa lammaffaatti ilmi namaa teessoo isaa kabajaa irra yemmuu taa’etti, isinis teessoo kudha
lamaan irra ni teessu gosoota Israa’el 12 irrattis ni murteessitu (Maat 19:28)
Qulqullootni waadaa yemmuu lubbuun jiran kennameef sanatu, araarsummaaf gargaara malee erga du’anii booda soomuun, bu’anii ba’uun, dadhabuun
ni jira jechuuf miti. Solomoonis,
• Namni tolaan (qulqulluun) erga du’ee booda, namoota hamoo lubbuun jiraatan irratti ni murteessa (Kitaaba ogummaa 4:16) jedha.
Raajaa Museenis immoo, Waaqayyoon yoo kadhatu.
• Abboota keenya Abrahaam, Yisihaaq Yaaqoob yaadadhu jedhee kadhateera (Ke. De. 13:14).
• Wangeela Luqaas 1:71 irrattis, “waadaa abboota keenyaa yaadate” jedha.
• Hojiin araarsummaa kan jiru garuu, hanga ardiifi samiin kun darbutti malee, sana booda ni dhaabbata (Hiz. 14:20).
Waaqayyoo yeroo nutti lubbuun jiruutti waan gaarii hojjenne gara isaatti deebinne dhaaltu mootummaa isaa hirmaattu maddii isaa kan bara baraa nuu haa
taasisu.
Galanni Waaqayyoof haa ta’u. Ameen!
Sirra Beekuu Baadhus ... +
Kitaaba Jannata Abbootaa (The Paradise of Fathers) keessatti seenaan kun barreeffameera.
Manokseen tokko Ba'aattiisaa (Ba'aattiin maqaa mana monoksootaa ti) keessa taa'ee utuu Kitaaba Qulqulluu dubbisuu jechi tokko isaaf galuu hin
dandeenye. Hubachuutiif daran isaaf gamsiifnaan , "Jechi kunoo akka naaf galuuf gara Waaqayyoo tti kadhannaa dhiyeessuun qaba" jedhee murteeffate.
Akkuma raajonni gochaa turan amma Waaqayyo hiikiinsa jecha isaatii isaaf ibsutti soomuuf kadhachuu jalqabe. Garuu ammoo , gara torbeewwan
torbaatamaaf soomaa haa eegus malee , homtinuu ifa-galuufii hin dandeenye. Xumura xumura torbee sanaattis jechicha irra deebi'ee dubbisus ittuu duraa
gara-dhabaa deeme malee, tasa isaaf galuu hin dandeenye.
Xumura irrattis abdii kutate. Kanaafuu , monoksee isa biraa bira dhaqee waa'ee hiika jecha kanaa gaafachuuf murteeffate. Ba'aattiisaa cufee isumaa
karaarra bu'ee deemuuf naanna'uu garuu , Ergamaan Waaqayyoo fuul-dura isaa ijaajjee arge.
"Jabaadhu hin sodaatin! Hiika jechichaa feetu siif ibsuuf Waaqayyo biraa ergamee dhufeera" isaan jedhe.
Monoksichatti bita galee tu ,
"Yaa Ergamaa Waaqayyo! Guutuu torbeewwan torbaatamaa akka naaf ibsamuuf soomaa kadhataa tureen homaa deebii hin arganne. Amma yommuun
abdii kutadhe tti maaf Waaqayyo naaf ibse?" Jedhe, utuma sodaan jiruu.
"Waaqayyo , sooma ati torbeewwan torbaatama soomte caalaa , obboleessa kee gaafachuuf deemuuf kasoomina sirraa mul'ate fudhateera" isaan jedhe.
Wal'aalaa fakkaannee mul'achuu caalaa wanti nuti sodaannu hin jiru. "Hin beeku ati natti himi" jechuurra , namni baay'een utuu du'ee obbaafatee filata.
Nama xiqqoo baradheera jedhu taanaanoo gaaffii gaafachuun digirii isaa of duraa gubuu isatti ta'a. Kasoominni baay’ee keenyaa kan inni nuuf heeyyamu
sa'aatii gaafachuu qofaafi dha. Himawwan , "Sirra hin beeku ..." jedhanii jalqabani iyyuu , yaadaan qabnee yoo dhaggeeffanneef qabiyyeen isaanii ,
"Anarra hin beektuu" dha.
Murtaa'ina beekumsa keenyaa amanuutiif kan inni nutti ulfaatu hubattuun lubbuu keenyaa yaada garaa keenya keessa jirtu beekumsa foonawaatiin
ofiishee daangessuun waan ishee dhibuufi dha. Akka Qulqulluu Phaawuloosiin , "Amma beekumsa irraa addaan qoodeen beeka" jedhanii muraasina
beekumsaa amanuun garuu , boqonnaa namaaf kenna. 1Qor. 13:12
Addunyaa hafuurawaa keessatti akkas gaafa ta'u ammoo , ittuu dhugaa qabatamaa jiru isa gaddisiisaa ta'a. "Qubeessaa mirgisu" , "Burqaa beekumsaa" ,
"Deebiin afaan irratti" , "Gaafatamaa" kanneen jedhaman utuu bakka kabajaa barbaannuu , dhimma hin beekne irratti warra kaaniin gaafachuu irraa nu
ittisa. Hin beeku , hin dubbifne , hin dhageenye jechuurra , hunda kan beeknu taanee argamuuf jennee muktiileen balas nuti nyaannu baay'ee dha.
"Wantan beeku baay'eetu ture Sa'aatiitu na hin geenyeef malee" jedhee , muraasa beekumsa isaatii galaana gochuutiif kan dhama'uu fi akka namoonni
kan inni dubbatee fi kan inni barreesse caalaatti isa yaadaniif namni yaada nama qabsiisu kan inni dhalatu sodaa wal'aalummaa keessaa ti.
Isa kaaniin gaditti wal'aalaa fakkaannee mul'achuu nii sodaanna. Kanaafis , isa kaaniin gaafachuurraa fi akka Jaandarabichaa , "Namni na qajeelchu utuu
hin jiraatin akkamitti naaf danda'aama?" , "Raajichi kana waa'ee eenyuuf dubbateera?" jennee barachuu caalaa , ofii keenyaa hubachiitiif ittu
muxxunnachuu filanna. Kan denominations'n "amantii" baay'een uumamanis of-tuultota warra kaaniin gaafachuurra du'a filatanii fi yaannaa isaanii ,
"Akka naaf galeef akkan hubadhe tti" jedhuun akka ture seenaan nu hubachiisa.
“Tokkoon tokkoo namaa , gad of deebisuudhaan warra kaaniin of irra caalchisee haa lakkaa'u" Filp. 2:3
Daaqunii Heenook Haayilee
A.L.I Fulbaana , 2016
Lubbuu dhipphatteef sagaleen Waaqayyoo boqonnaa ta'e hundumaa bira akka ga'uuf; anis ergan isinitti lallabeen booda gatamaa akkan hin taaneef
waa'eekoof kadhadhaa!
Bakka Koomentiin itti laatamu jalatti , “Dubbii gargaaru , yeroo barbaachisutti kan cimsu , warra dhaga'uufis ayyaana kan kennu malee , dubbiin hamaan
afaan keessan keessaa hin ba'in!” Efe. 4:29

Dhaloota Mormi Muramee kabajame +

Kitaaba Qulqulluu keessatti kan dhaloota kabajan Fari'oon mootii Gibxii fi Bulcha Yihudaa Heeroodsi dha. Dhugaa dha , dhaloota kabajuun mootota
ormaa biratti kan amalateeffame ta'uus ,waan ceepha'amu miti.

Sababni isaas , "Kitaaba dhaloota seera uumamaa" samiif lafaa seenessuu irraa Kitaabni Qulqulluu waan jalqabuufi dha.

" Seenaan dhaloota waaqaa fi lafaa akka kana ture. Yeroo Waaqayyo lafa , bantiiwwan waaqaas uume tti" (Uma 2: 4)

Dacheen guddoon waggaa torbatti boqochuu ishee agarree , nutis akkuma guyyaa torbaffaatti boqonnu , seeneffamuu dhaloota dachees agarree nutis yoo
dhaloota keenya qabajne hammina hin qabu.

(Akkuma Tiyooloojiin Microcosm/addunyaa xiqqaa jedhu ) ,Dhaloota Qoricha Addunyaa (Medani'alemii) ol qabnee, akkasumas guyyaa dhaloota
Qulqullootaa baay'ee Bataskaana keenyatti kabajuun keenya dhalooti kara ittiin Waaqayyoon galateeffannu keessaa tokko waan ta'eefi dha.

Manneen Kiristaanaa addunyaarra jiran keessaa immoo , warri kaan kaan guyyaa dhalootakoo jedhanii kan isaan kabajan guyyaa Kiristaanummaa itti
ka'aani dha.

Guyyaa har'aa guyyaa Heeroods dhalootaa kabaje garuu , guyyaa baay'ee abaaramaa dha.

Guyyaa itti affeeramtoonni dhiiga nama qulqulluu itti dhugan , guyyaa affeerraa dhalootaa Heroodiyaadaan akka baabiloon guddittiitti , "Dhiiga
Wareegamtootaan machoofte'' oolte ture.

Guyyaa dhalootaa kanatti kan murame Keekii miti. Dhaloota kanatti iff jedhamee kan dhaame Dungoos miti.

Albeen citee waciitiitti kan dhiyaate morma nama qulqulluu namoota dubartiirraa dhalatan keessaa kan isa fakkaatu hin jirree dha.

Kiristoos inni bakka dungoo buufamee bade , " Yohannis akka ibsaa boba'eetti kan ibsu ture ; isin garuu hamma yerootti ifa isaatti gammaduu
barbaaddan. " jedhee ibsaanni dubbate Qulqulluu Yohaannisiif ture.

Dhugaadha! , dhalootatti qabachuun cubbuu baay'eetu hojjetama. Hammeenyi Dhaloota Heeroods irratti ta'e garuu , hammeenya addunyaa rommisiisu
dha. Kan Heerods ajjeese eenyuuni dha? Raajiidhaa ree? Dhuguman isiniin jedha isa raajiirra caalu dha. Dubartiirraa kan dhalatan keessaa kan akka
Yohaannis hin kaane. Waan nama tokko qofaa ajjeese se'eera. Kan inni ajjeese nama kudhani dha. Raajota keessaa raajii isa xumuraa , duuka bu'oota
keessaa duuka bu'aa isa jalqabaas ajjeese. Baay'oliif lallabaa yaada garaa geeddarannaa isaanii , baay'oliif cuuphaa isaaniidha kan inni ajjeese. Cuuphaa
waaqummaa cuuphuun dorgomaa hin qabne ajjeesise.

Isa mormisaa qalamee arguuf , yakkamaa fakkaata ; inni garuu, Baahitaawwii (Gariipha) qofaa isaa lafa onaa keessa jiraate ture. Mannaanyiin Cooma hin
murre, daadhii ofitti hin qabne, uffataan hin miidhagne, namummaan isaa cubbuun hin xuroofne, guyyattii abaaramtuu guyyaa dhalootaa sanatti mormi
isaa waciitiin dhiyaate.

Naabuteen inni kakuu haaraa, seera Waaqayyoo lafa dhaalaa taasiseef, gorsa ajaja Eelsabeelittii Heroodiyaadaatiin ajjeefame.

Ooriyoon kakuu haaraa dhaa , sagalgalummaa Heeroodsiin gara jabeenyaan ajjeefame.

Daawwit gaafa Ooriyoon ajjeesise kallattiin utuu hin ta'iin harka lafa jalaan ture. Boodas kana gochuu isaatti bara jireenya isaa boo'eera. Gaddi Heeroods
garuu narraa ha ba'uuf ture.

Qulqulluun Yaareed , "Utuu nyaate ta'ee wayya ture" kanjedheef , Waadaa isaatti qabatee Raajicha guddaa qale.

Qulqulluun Efireem ,"Seexanni lafee cinaachaa Addaam kan taate hewaaniin kan isa mo'ate, Heeroodsiinis Heroodiyaadaa cinaachasaa taateen
Yohaannis qulqullicha ajjeesise'' jedha. Masaraa mootummaa keessatti kan akka nyaataa mormasaa waciitiitti dhiyeessiftte dubartittiinana ati akkam kan
abaaramtedha? Afaan isaa lafa onaatti iyye, ijasaa hammina hin argine, qajjisasaa aadduun hin tuqne gaafa waciitiitti fuutee dhiyeessitu maaltu sitti
dhaga'aameera laata?

Abbaa cuuphaa sana ajjeesuun cubbuu golguun hin danda'aamu.

Qulqulluun Efireem , ''Mataan Yohaannis ibsaa cubbuu warra isa ajjeesanii ibsee saaxile ture. Yohaannis amma cubbuu isaanii afaaniin dubbaterra isanni
du'ee dubbatetu caale'' jedha. Hammeenya isaanii dhoksuuf akka Heeroodsiin wrra taliila kan hidhan, erga lafa garaa isaanii ga'aanii booda warri ibsa
gaddaa baasan , dhumi isaanii akka Heeroodsiin maraachuu ta'a. Eenyurra iyyuu dhiigni isa dursee kan inni iyyu , sammuu isa ajjeesee keessatti dha.
Yohaannisiin ajjeesisee Heeroods jeeqame. kan Yihuudonni Gooftaan ka'uu isaaf ragaan baay'ee dhiyaateefi hin amanne inni garuu ragaa tokko malee
''Yohaannis cuuphaan ka'eera'' jedhee morgaggaa'uu jalqabe.

Albeen Yohaannisiin qalee , waan lallabasaa dhaabu se'ee ture. Yohaannis garuu gaafa Wareegamaa ta'e laphee isaa keessatti lallaba jalqabe. Nuun
dhaabanne utuu lebebnuu hin dhaggeeffatamnu ; Yohaannis garuu , du'ee illee ajjeesaa isaa dhiphise.

Raajichi Eermiyaas Mootii Phaaskooraa bowwaa keessa isa buuseen:- kanaan booddee maqaan lee Maagormiisaabiibi dha ; siif michootakeef sodaan
taasisa akkumanni jedhe warri Cuuphaa sana ajjeesan ajjeesnee aara galfanne gaafasaan jedhan ofiif maatii isaaniif sodaa ta'aani.

Taliilota ajjeesuufi du'a isaaniitti kolfuun ni danda'aama. Sagalee dhiiga isaanii garuu sammuu ofii keessaa haquun hin danda'aamu.

Ammas in jenna isa du'e caalaa inni ajjeese nama gaddisiisa.

#follow_my_page

F/taa Koo'eel Shawaa

Baga geessan matti waaqayyo guyya qulqlleeti sanbata kiristaana

SANBATA KABAJI
mani kiristana ortodoksii tawahidoo bu,urii ykn hundeen ishe waaqayyoo wan ta,eef wanta waaqayyoon abboome hundaa ni barsistii wan ta,eef sanbata
kabajuu ini barsisees sirnaan ni hubachisti .
Ayyaana kabajee kan asks kabajamu ilmaan name barsisee waaqayyodha farfannaa 117:24 guyyaan waaqayyoon hojjete kanadha , gammachuus ha
rawanuu , isheedhanis nuhaa gamachisuu " guyyaa sanbata akka qulqulleesituf yaadadhu.
Guyya ja,a hojii kee hojedhu jiruu kees hundumaa godhadhu guyyan ini torbafan garuu sanbataa Ana waaqayyoo gooftaa keetidha .
Atti ilmii kee intalli kee hojjetaan kee hojjettuun kee horriin qe,ee kee keessuummaan mana kee hojii Tokko illeen hin hojjetin .
Ani waaqayyoon guyya ja,a keessaati banting waaqaa fi lafa galaana wanta isaan keessa jiru hundumaa uumee, guyya torbaffaati nan boqadhe;kanaaf ani
waaqayyoo guyyaa sanbata nan qulqulleese,nan eebbises .
Sanbata kabajjuun guyyaa waaqayyoon umama umee rawwatee kasee kan turedha.
Isuma ture sana imo seera tasisee museedhaaf keenne .
macaafa sirnaa qiddasee keenyarratin , dhugaa kan rawatuu hundumtuu , sanbatas kan kabaju qulqulluudha "jedha.
Seerota waaqayyoo diguun cubbamaa yoo nama tasissuu ,seerota kabajjun imo qulqulluu name tasisaa .
Hin ajjesiin hin hatin , hin ejjin kan jedhame kan hin kabjnee cubbamaa akkuma ta,u sanbata ksn hin kabjnes cubbammaadha.
Haa ta,u malee , namoonni wallaallumaanis ta,ee bekanii sanbata kabajjuu dhisuun akka cubbuuti hin ilalaan .
Haa ta,u malee , sanbata kabajjuun qulqulluu nama tasisa .Bara kakuu moofa kan sanbata hin kabajne dhagadhan rukutamee ajjeefama (S.lakk 5 :32-36 ),
Raajichii Hisqi'eel yommuu dubatu isaan garuu anarratiin fincilan ,seerota koos hin eegne sanbata koos ni xureessan ; anis dheekmsaa koo isaan irraatin
naan dhangalaase (his 20:21) jechuun sanbata kabajjuu dhisuun dheekamsa waaqayyoo akka namati fiduu dubbata .
Waaqayyoonis hojii hojjeete guyyaa 7ffaa xumuure.
Guyyaa 7ffaatti hojii hojjete hundumaa irraa ni boqote .
Waaqayyoonis 7ffaa kana ni eebbise...... seera um 2:2-3
Akkuma kitaabni qulqulluun nutti himutti waaqayyoo guyyaa jalqabaa kan taate dilbata umama uumuu jalqabee guyyaa 7ffa kan tate sanbata xiqqaa kana
waaqayyoo waan kabajeef ni kabajna .
Isay.56:6 warra sanbattan koo osoohin xureessin eegan , kakuu kottittis jabaatan hundumaa immoo, ani gara tuulluu koo isa qulqulla,aatti ol nan baasa
mana kadhaa isa kan koo keessati isaan nan gammachisa .kanarraa wanti nuti qalbeeffannu,
Sanbattan yoo jedhu 2 jiraachuu isbsuufi.
Innis sanbanni kakuu moofa keessati tokko qofa turte .
Waaqayyoon immoo kakkuu haara keessati sanbaanni kiristaanaa ykn dilbannii akka itti dabalamtu wan beekuf sanbattan jechuun ibse.
Sanbattan koo oso hin xureessin jechun sanbata kabajuun waan gaarii hojjechuun dabrsuu akka qabnu nu barsisuu isaati.
Sanbattan yoo kabajnee eebba guddaa mana waaqayyoo keessa akka argannuu . Dhumni keenya bara baraan gammachuun waaqayyoo wajjin jiraachuu
akka dandeenyu nuhubachiisa.
Kitaba nama ta,ii irraa kan fudhatamee
Galani waaqayyoof ha tau ameen

Sirbi maali?
jechi sirba jedhu jecha gi'iizi yoo ta'u hiikan isaas galateffachuu jechuudha.
kan galateffanuus waaqayyo Umaa keenyadha.asirratti akka gaaffii isinitti hin taanef sirbuu fi galanni garaagarummaa guddaa qaba.
Shalaqaa kidane weld Kiflee karaa biraatin yeroo sirba ibsan akkas jedhu sirba jechuun Utaalu ykn asiif achi jechuudha jedhu.kitaaba qulqulluu keessatti
waa'een sirbaa yeroo 50 ol nuuf ka'amee jira isaan keessa kitaaba qalameenxoos 32÷7,Ser. Uma.15÷20,Ser. Uma.31÷27Faarsaa
Daawit.149÷3,150÷4.sirba kan Uume seexana/ diyaabiloos/ Azazi'eel kan jedhamuudha.isa kanas kan argannu
kitaaba Heenook Boqonnaa2ffaa
lakk.18,20,21,22,26,35,38,
Boqonnaa 3ffaa Lakki.1-16jiru yaa dubbisnu.akka mana amantaa ortodoksiitti sirbi akkamiin ilallama yoo jenne sirbi akka cubbuu guddaatti ilallaama
sababni isaas sirbuun akka Ejjaatti ilallama harmee keenyaafuu sirbuun hin danda'amu manni amantaan keenyaa sirba ni balaaleffatti waan ta'eef kan
amantaa caalu immoo hin jiru.yeroo baay'ee namonni tokko tokko sirbuun cubbuu ta'uu isaa beekaniis ta'e osoo hin beekiin ni sirbu,sirbaa duukas ni bu'u
hunda miti tokko tokko immoo guyyaa sirba dhageeffachaa olee/sirbaa/ olee galgala Faarfachuutti ka'a.kana booda ani diyaaqoonidha,ani
faarfataadha,ani farfattuudha dursa Of qulqulleessu barbaachisaadha.miila lama waan qabnuuf muka lama kooruun hin danda'amu tokko yaa filannu
jannata gallee jireenya hin dhumne jiraachu, si'oolitti gallee abiddaan gubachuu.kanaafuu wamama maqaasattif galanni fi ulfinni yaa ta'uti gooftaa
keenya iyyasuus kiristoos sami samirraa gad bu'ee nuuf jecha gidiraa meeqa kan dabarseef yaa Faarfannu yaa galateffannu.sagada waaqumaas yaa
sagannuuf haadha keenya qulqulleetti dubroo maariyaam kennaa fannoo jalatti nuuf kennamteef yaa farfannu yaa galatessinu.sagada kabajaas yaa
sagadnuuf.akkuma walii galaatti sirbuun tokko cubbuudha lama dhuganii maacha'un gara Ejjaatti nama geessa.
isa darbeef abbaa gaabbii keenya waliin dubannee gaabbii galuu
qabna.

Kadhannaan jireenya Kiristaanaa tokkoo keessatti bakka gudaa qabaachuu isaa ibsuuf abbootiin jecha kitaaba qulqulluu "Osoo addaan hin kutiin
kadhadhaa" [Luq 18:1] jedhu ka'umsa godhachuun fakkeenya tokko fayyadamu! Kunis kadhannaa #hargansuutti fakkeessu. Kana jechuun namni yoo
sekoondii muraasaaf hargansuu dhaabe lubbuun darba. Sababa kanaaf barnootuma damee fayyaa keessatti illee nama balaan muudate tokko gargaaruuf
tarkaanfiin jalqabaa namni sun harganuu fi harganuu dhiisuu isaa adda baasuudha.

➠Akkuma kanaa kiristaanni tokkos kadhannaa addaan kute jennaam afuurummaadhaan du'aa fi dadhabaa ta'a. Kanaafuu kiristaanni tokko afuurummaa
isaatiin jiraataa ykn du'aa ta'uusaa adda baasanii gargaarsa barbaachisu isaaf taasisuuf tarkaanfiin jalqabaa jireenyi kadhannaa isaa maal akka fakkaatu
adda baafachuudha. Kiristaanni tokkos kadhannaa adda kuteera taanaan hammam illee mana kiristaanatti yoo deddeebi'e afuurummaan isaa akka du'eeru
beekuu qaba jechuudha.

Abbootiin #gatii kadhannaa yoo ibsan:-

►"Nama kadhannaa hin jaalanne yoo argite, waan gaariin tokkollee akka isa keessa hin jirre ni hubatta. Gara Waaqayyootti hin kadhatu taanaan
afuurummaan isaa du'eera...jireenyas hin qabu!" Q. Yohaannis Afaan Warqee

►"Namni kadhannaa salphisee ilaalu; kadhannaa malee karaa biraan gara gaabbiitti nama geessu jira jedhee kan yaadu yoo ta'e, diyaabiloosiin
moo'atameera" Q. Maar Yisihaaq

►"Kadhannaan sammuu (Yaada) ofii gara waaqayyootti dhiyeessuudha!" Q. Maar Ysihaaq

►"Kadhannaan kennaa ni eega; dheekkamsas ni moo'a; miira oftuulummaa irraa of eeguus namatti hora!" Q. Maar Efreem

►"Kadhannaa malee Firiiwwan Afuuraa kan keenya taasifachuu hin dandeenyu!" Q. Yohaannis Afaan Warqee

►"Kadhannaan, meeshaa waraanaa guddaa obsa hin moofofne itti argannudha!" Q. Yohaannis Afaan Warqee

►"Yeroo kadhannaa Waaqayyoo waliin dubbachaa jirta mitii?! Itti yaaddee beektaa? mirga akkamiiti kun! Q.Yohaannis Afaan Warqee

►"Kadhannaa godhachuuf hin dhibaa'iin, foon nyaata irrraa ture akkuma dadhabu, lubbuunis kadhannaa irraa adda baanaan dadhabduu taati!" Abbaa
Maatiyaas (isa Gibtsi)

►Kadhannaa yammuu eegaltu gaaffiidhaan hin eegaliin. Dursa oolmaa Waaqayyo siif ooleef galata dhiyeessi. Itti aansuun rakkoo laphee kee keessa jiru
Abbaa keetti himadhu! Q. Baasliyoos

➠"Kadhannaaf yeroo hin qabu jechuun baay'ee hamaa fi cubbuu guddaadha. Tajaajilaan tokko ykn uumamni tokko gooftaa koo dubbisuuf yeroo hin
qabu jechuun oftuulummaa akkamiiti? Uumamni Uumaa wajjin dubbachuuf yeroo hin qabu jechuun akkam nama haa dinqu? Wantoota gatii hin qabne
baay'eesaaf yeroo ni argata; nyaata dhabanii osoo hin beela'iin akka nama waan nyaatu dhabee mana keessaa wal aarsuuf yeroo humnaa olii qabu. Egaa
maaliif yeroo Waaqayyo wajjin dubbattu qusatta, wantoota gadheettuu yeroo kee gubdaatii! Kanaaf kun fedhii dhabuu kee malee yeroo dhabuu kee hin
mul'isu! Abbaa Shinoodaa-III

#Kadhannaaf_ol_ka'aa" kitaaba Qiddaasee!

Tajaajilichi yeroo hundaa akka isin qaqqabuuf Godoliyaas follow gochuu hin dagatiinaa!

Waan tokko nan godha,wanta na boodatti hafe yaaduu dhiisee, wanta na dura jirutti nan hiixadha" (Fil 3:13)
Barri haaraan dhufaa jira. Yeroo Waqaayyo kenne keessatti bara namatu abdiin haaromfata malee guyyootni addatti qalama dibamanii fi hin dibamne hin
jiran. Namni garuu yericha akka isaaf hiikkaa kennutti addaan qoqqooda. Qoqqoodes itti jiraata. Isa keessatti abdii horata. Isa darbe dagatee isa dhufu
abdii taasifata. Atis hammam iyyuu gadda fi abdii kutannaa keessa jiraattu iyyuu bara haaraan simadha jedhii of qopheessi.
Of duuba deebitee yoo yoo ilaaltu tarii jireenya kee keessatti kan itti gammadde caalaa kan itti gadditetu jira ta’a. Kan itti boqotte caalaa kan itti
dadhabdetu jira ta’a. Wantootni hedduun jireenya kee keessatti abdii si kutachiisan ta’a. Nama heddu wajjin waa meeqa karoorfatte, kaayyoo tokko
qabattee, hardha namoonni sun si bira hin jiran ta’a. Hiriyoota hedduun nama hedduunis marfamte kan turte hardha garuu nama kophaa kee ofitti
haasa’us ta’uu dandeessa. Wanta heddus argatte dhabde ta’a. Nama heddus of biraa dhabde ta’a. Hojii keetinis kufaatii fi mucucaachuu keessummeessite
ta’a.
Hardha garuu of onnachiisi. Gammachuun yaada kee irraa madda. Akka ati itti hiikkatetti hiikama. Amma barri haaraan siif dhufaa jira. Isa dhabde qofa
yaaddee,yookaan bakka waa irri dhabde qofa yaaddee jireenya kee of irratti hin hadheessin. Carraa hedduun akka dhufaa jirus waliin yaadi malee.
Qilleensa haaraatu sitti qilleensa’a.Jireenya haaraa dhufu kana telesooppii adda ta’een ilaalii hiikaa itti kenni, itti kennii itti jiraachuuf tattaafachu.
Garuu tasuma abdii hin kutatin. Waaqayyoof wanti dadhabamu waan hin jirreef. Kan ati hin ta'u jette Waaqayyoof salphaadha. Kan ati kun xumura kooti
jireenyi koo anaaf dhumate jette, Waqaayyo ‘ganaa jireenya eegalta’ siin jedha. Kanaaf abdiidiidhan Waqaayyotti hirkadhu.Dhukkubsachuu miti, du'u
illee hanga boolla keessa nakaasutti nan amana jedhiin laphee keetiin. Alaazaar du'ee guyyaa afur booda boolla keessatti gooftaan isa yaadatee isas
kaaseera waan taheef. Gatame irraanfatame, naman jaaladhuun fira dhiheenyaatiinis darbame jibbame hin jedhin, yoo akka garbaatti gurguramuudhaaf
jibbamte iyyuu Waaqayyo biyya Misraatti akka Yooseef isa obboloota isaatiin gurgurame, hundaa ol ol qabe bulchaa taassie sana, sis ol si qaba waan
taheef. Dhala dhabe Waaqayyo maaf dhala na dhoowwate ani namarraa hin uumamnee laata jettees garmalee hin dhiphatin, Ijoollen kennaa
Waaqayyooti, Waaqayyo inni gadaamessa Haannaa banee Saamu'eel badhaase,'Dhabduun torba deesse' jettee akka galateeffattu si godhaati. Akka
Elisabeetitti namoonni si hamatanis ati ilma biyyaaf namaaf Waaqafis tahu argattaati. Nama hinq abu dhukkubi koo na sakaale, an sichin nama ta’aa?
Hin jedhin. Matsaaguun waggaa 38 booddaa Waqaayyo abdii itti horee isa fayyiseeraati.
Fageessii afuura baafadhu. Baruumsi naaf hin galu ani doofes hin jedhin Waaqayyo akka Qulqulluu Yaareed sammuu kee ifaan ni guutaati.
Hiyyoome,daare dhabe dhibame, horiin koos na dura dhume jettee yeroodhuma hunda hin gumgumin. Yoo obsa qabaatte,Waaqayyo akka Iyyoobitti
mana kee sifaan gammachuufi qabeenyaan guutati.
Kan humna qabu natti taphate, sodaadhe, humna kamiinan diina koo injifadha jettee hin cinqaminis, Waaqayyoon kee jabeesi qabadhu, inni Daawitiif
Gooliyaad jilbiinfachiise,inni Sanaakireem qaanesse,Waaqayyo abbaan keenya kaleessaa sun hardhas nama abdiin eeggatan hundaaf ni dhaqqaba waan
taheef.
Hardharra boru wayya, borurra iftaan wayya jedhi malee jireenya kaleessaa qofa yaadannoodhaan hin jiraatin. Isa caalu jiraachuf gara fuula duraatti
hiixadhu.

Qorumsaan Akkamitti Eebbifamuu

Mee namoonni Qorumsi natti baayyate
jettanii Dubbisaa
“Namni qoramsa isatti dhufu obsaan
danda'e,Eebbifamaadha .”
"❝በፈተና የሚጸና ሰው የተባረከ ነው።❞
"Yaq 1÷12*
Waaqayyoo abban keenyaa yoo nuugargaree matadure kana kan baranu tahaa._
* Namni qoramsa isatti dhufu obsaan danda'e, haa gammadu! Qoramee erga ilaalamee booddee, jireenya isa Waaqayyo warra isa jaallatan abdachiise
akka gonfootti argachuuf jirati (በፈተና የሚጸና ሰው የተባረከ ነው፤ ከተፈተነ በኋላ ለሚወዱት ተስፋ ስለ እርሱ የሰጣቸውን የሕይወትን አክሊል ይቀበላልና። ማንም
ሲፈተን: በእግዚአብሔር እፈተናለሁ አይበል፤ እግዚአብሔር በክፉ አይፈተንምና፤ እርሱ ራሱስ ማንንም አይፈትንም። ነገር ግን እያንዳንዱ በራሱ ምኞት ሲሳብና ሲታለል
ይፈተናል።) Waaqayyoo goftaan keenyaa iyaasuus ulfin qaba isaatif haatahuti dubisakana Kan dhageesisu maqaan isaa haa ulfaatu_
 = _Namni bayeen caqaasa kana walii ergaan, caqaasoonu kunillee beekamoodha. Namooni bayee yeroo abdii kutaan caqaasa kanani walii
jabeessanidha._
= _Namni qorumsaa obsuu jechu malii jechudha? isaa kana dursine beekun nuurraa egama. Namni kamiyuu jiruu isaa keessati waaqayyoo ni amana,
keessatu maqaa kiristoosn kirstana jedhame guyyaa 40 fi 80tamati cuphaame ijjollumaa sillaasee ergaa fudhatee boodaa, akka namoota adunyaa kan irraa
jiraatan kamitu jirachun isaaf hin tahuu. Kanafi Qorumsii itti jalqaba, kana jechun akkuma namoota kawan wani adunyaa kana keessati rawwatamu
rawaachu hin dandahuu. Namni adunyaa kana wani barbadu hundaa akka barbadeti ni rawwata,akka fedhuti ni nyaata,, akka fedhuti ni dhugaa,kana
jechun tsomuni isaa bira jiraachu bachuus dandahaa, kadhachuun isaa bira jiraachu dhisuu dandaha. Jiru isaa keessati gara waaqayyooti dhiyaachu
waaqayyoof ililchuu galateeffachu waaqayyoo farfachuu dubbi waaqayyoo dhagahuu galatoo gageesuu sirna galatoo qodachunisaa bira jirachu bachuu
dandahaa.Akkasumati akka belaada nyaatani dhugaan hojaatani bahaan galani jiraachu jechudha namoota adunyaa keessaa jiraatani._
= _Namooni waaqayyoo wamamee garuu ykn kirstoos kirstana Kan jedhame Tsomi yoo gahee ni tsoma kophaa isaati ni tsoma, tsomaa labsii ni
tsoma, ni kadhata alkaan ni kadhata ,yeroowan kadhana torbaan hundumayuu ni kadhata, isaan alaatis yeroo hundumayuu kadhacha ni jiraata ,kana
booda moo yeroo hundaa dubbii waaqayyoo keessati ofii ilala,kuni sirridha kuni sirri miti ,namni tokko oluma tahe yoo nama arbse inni nama hin arbsuu,
namni tokko yoo nama qequu inni nama hin qequu ,kanafi k.k. yoo rawwatu qorumsii itti dhufaa sini keenyaa dabiloos itti fudha akka inni waaqayyoo
irraati gumgumu akka inni wani bada rawwatu, karaa cuphuuti akka deebiyuu ni godha._
= _Kan hunda dandahee qorumsaa adunyaa kana keessa darbee Namni qorumsaa obsan darbee Kan eebbifame.kan arbase Kan deebise arbase miti
eebbifama Kan jedhame, Kan isaa qeqee Kan debisee qeqee miti eebbifama kana jedhame, isaa hamatu debise kana hamate miti Kan eebbifama kan
jedhame, *isaa qeqee,isaa arbsee, isaa hamate, isaa maqaa baleesse sani kan calisse obsetu eebbifama jedhama* yaa obbolloota koo qorumsaa gargaraa
isiintu dhufuu gammachu guttuni fudhadha nuu jedha_
= _Namooni Adunyaa karaa kami qorumsaa isanit fudhuu Kan obsaan ? Isaa isanitu dhufuu hundaa ni rawwatu.kan arbsee nu arbsuu ,Kan ejee walin
ni ejuu, Kan sobe walin ni sobu, Kan hate walin ni hatuu,Kan ajeesse waliin ni ajjesuu, Kan fakkeessite waliin ni fakkeesuu. *isiin garuu ijjollee
waaqayyootahuu keessanif kana gotani jirtuu kanafi namoota kanarraa adda wani batanif eebbifamoodha jechudha, qorumsaa hundaa ilalamu keesaniti
gammada jedhamne*_
_Abban tokko akkasi jedhuu guyyaa tokko abban kuni yeroo hunda ni dhukkubsate dhibeen isanirraa adda cite hin beku, yeroo tokko wagga tokko
osoo hin dhukkabsiti jiratani . Yoguu kanagara waaqayyooti deebihaan imiman isaan garii malee archasani sirriti waaqayyooti miririi jedhan
bohaani,kadhatani maliijedhan kadhatani yaa waaqayyoo wagga tokko guttuti na iraafate osoo nadhukkubsii jedhan dhukkubsachu dhisuu isan akka
waaqayyoo isan dagateti , giddira dani keessati obsuu isani , rakko isanirraa gahuu keessati obsuu isaan akka waaqayyoo isaan wajji jiruti ilalani, akka
waaqayyooisaan gargara jirti ilalani ,akka waaqayyoo harkaa isaan qabneti ilalani. Waaqayyoo tokko fayya tanani akka waaqayyoo isaan iraafteti itti
fakkate. *Nuti qorumsii yoo nuti dhufee waaqayyoo irraati gumguman.*_
= _Seraa umama 22÷1 Kun erga ta'ee booddee, Waaqayyo qoree isa ilaaluudhaaf "Abrahaam!" jedhee waame; Abrahaamis, "Kunoo asan jira!" jedhee
deebise. Waaqayyoo Abrhaami qoree ilalu ilmaa isaa wagga meeqati argate naqalii jedhen ,nuti malaqa keenyaa waaqayyofi kenu ni sasana miti .garuu
abraham ilma isaa tokkichuma arsaa naf godhii nakeni jedhen abrhamis ergaa jete keni jedhen jedha_
= _Abban tokkof akkati eebbifami, Hatton mana isaan senani yeroo kana abban kuni yaa ijjollekoo wanta barbadan dafati fudhadhati bahaa, anis dafe
akka eyaama waaqayyoo koo rawwadhuu akka na tursiisne yeroos akka najala hin fudhane. Dadafa fudha dema jedhen.nama akkanati qorumsaa kana
eebbifamuu *Osoo nutahee uledhan ,rasasan,rebna*_
= _Isaa liqesitef ,isaa gotef kana godheef jetee hin asahin jedha kitabni qulqullu. Nuti garuu wanta gone ni dubana_
= _*Ergaa yaaqoob 5÷11* irraati akkas jedha Warra obsa-qabeeyyii turan sana, nuyi akka warra gammachuu qabaniitti isaan in ilaalla. Iyoob attam
akka obse dhageessaniittu; wanta gooftaan ittiin raawwates argitaniittu. Kunis gooftichi gara-laafessa, oo'a-qabeessas ta'uu isaa in argisiisa. Iyoob wani
hunda dhabee garuu hundaa ni obse_
= _*1ffaa phexros 3÷14* irraati Wanta qajeelaadhaaf utuu dhiphattanii iyyuu immoo attam gammaddu laata! Sodaachisa warra isin sodaachisanii hin
sodaatinaa! Hin raafaminaas! Jedha_
= _Icciti hafuraatin fudhatame Garaa samiti Kan olii fudhatame qulqullu phaawulos, 1ffaa qorontos 9÷25 irraati Namni dogongoreedhaf qophahuu
wan warrii walidorgomani gonfo balaa irraa hojatame cologee baduu argachudhaf akkana godhuu, nuhii garuu isaa hin bane argachudhaf ni dhaamana
jedha isaa kanadha qorumsaa Kan eebbifamuu malee isaa itti dhufee hundaan ka gumgumu miti jedha_
= _*Seraa bahuu 20÷6* irraati akkasi jedha Dhaloota warra na jaallatanii abboommii koo eeganiitti garuu, kumaatama isaaniitti gaarummaa koo nan
argisiisa jedha warra waaqayyoo jalatani dhaloota amma dhalootati gaarumsaa waaqayyoo ni argina.nuti akkuma dhiphina kirstoosqodani jajabina
kirstoos qodaan, akkanuma biyyaa lafa qosani kan sanis qodana._
= _*1ffaa qorontos 8÷ 3* irraatis akkasi jedha namni waaqayyoon jaallatu garuu, isa biratti beekamaa in ta'a.kanafi nama akkanati qoumsaa kan
eebbifamu, malee amuma qoramu Kan dubati debihu miti jedha_
_Galannii Abbaf Ilmaf Afura Qulqulluufi Waaqayyoo tokkof Ameen
Daani'eel Caalaa
Tulluu Qarmelos Jalaa
Kuni ajaja duukaa bu'oota abboota keenyaati! Namni garaa isaa keessatti haaloo, inaaffaa fi lola hiriyyaa isaarratti, eenyurrattis yoo ta'e hin qabatiin!"
#Kitaaba Qiddaasee

#Dhiifama waliif gochuun laphee dhugaan waljaalachuu irraa madda. Jaalalli immoo gudunfaa abboommii hundaati. Kanaaf Kitaabni Qulqulluu
waa'ee dhiifamaa baay'ee ni dubbata. Muraasni isaanii:-

"Namootaaf irra-daddarbaa isaanii yoo #dhiiftaniif, abbaan keessan inni waaqa irraa immoo isiniif in #dhiisa. Garuu isin namootaaf yoo dhiisuufii
baattan, abbaan keessan immoo irra daddarbaa keessan isiniif hin #dhiisu" jedhe. (Maat 6:14-15)

"Isinis tokkon tokkon keessan garaa keessaniin obboleessa keessaniif yoo #dhiisuu dhaabaattan, abbaan koo inni waaqa irraa akkas isin in godha"
jedhe." (Maat 18: 35)

"Kadhachuuf yommuu dhaabatt usean, abbaan keessan inni waaqa irraa yakka keessan akka isiniif #dhiisutti, namni tokko waa isinitti yakkee yaada
keessan miidheera yoo ta'e #dhiisaaf! Isin yoo dhiisuu dhaabaattan garuu abbaan keessan inni waaqa irraas yakka keessan isiniif hin #dhiisu]" jedhe.
(Marq 11:15-16)

" Iyyesuus itti fufee, "Namatti hin murteessiinaa isinittis hin murtaa'u; yakka hin murinaa yakki isinitti hin muramu; haa #hafu jedhaa, Waaqayyos
isiniif haa #hafu in jedha."

(Luq 6: 37)

"Ofii keessanii of eeggadhaa; obboleessi kee yoo si yakke, jabeessi isa gorsi, inni yoo yaada garaa isaa geddarate #dhiisiif. Guyyaattis si'a torba si
yakke, si'a torbanuu immoo gara keetti deebi'ee, 'Nan gaabbe anaaf dhiisi!' yoo siin jedhe dhiisuufiitu siif ta'a" jedhe. (Luq 17:3-4)

" Namichi gadda baay'ee guddaadhaan liqimfamuu isaa irra isin yakka isaa #dhiiftaniifii isa jajjbeessuun isiniif ta'a." (2 Qor 2: 7)

" Nama isin yakka isaa #dhiiftaniif anis immoo nan #dhiisaaf; wanti ani namaaf dhiisu jira yoo ta'e, sababii keessaniif jedhee fuula Kiristoos duratti
dhiiseeraaf. " (2 Qor 2: 10

Obboleettii manii waaqa keetii yoom sii simaati kootaa ijoollee koo mana kootii ol seenaa badii hojjetaniif hamma gabii seenaa cubbuun keessan hunduu
isiniif dhifama jedhetu dubata Abbaan dhifama
Baay'ee na gaddisiisa hojiin koo kaleessa waqaa qofa miti namniyyu na dhesaa Gooftaan Iyyaasuu natti araram badiin koo hunduu naaf hin
dhifama
Warreen darban keessa fakeenyan kasaa anii Maariyaam maddalawwit hojjetu jedhanii namoonni baay'een kan jibba turan Waaqayyoo dhiseef
isheen gabiinani Kanaaf amaani attis hin sodaatin
Yeroon koo dheraa kan dedeebi'ii bara koo hundumaa namaaf gufuu ta’e seera isaa cabsee addunyaa fakkadhe kan gooftaatti hin tole badiis yoon
hojedhe manii Qulqulluummaa anan na fudhati yoo akkas ta’e immaa na fudhu demii atti
Cubbamtudha jette tasaa hin sodaatin Gooftaan sii simata yoo debite gabiin kan cubbuu hin hojenee hin jiruu hin gowwummin gabiindhan debii
hamma hin belamini
Tole ka kaheraa mudhii jabefaadhe gala immala koo laphee kootii hidhadhe isaa dubaani bu,a tasaa dubba hin ilaluu murtefadhen jira Yerusaalem
galuu
Siif galeera yoo ta’e dubiin sagalee isaa jijiramuu qabda hin ta,i akka kaleessa guyyaan fayyina har'a har’a keessa hamma Kanaaf kootu hin demna
nuto kinoo hamumaa wangeela baranaa galatafi farsaa
Tole obboleettii koo nan demaa oolee hin bulu laphee koo banaadhe dhaga’uf wangeela Qulqulluu kayyoo koo bareraa hamma hin rafamuu harka
dinaa bu,e gongumaa hin nyaatamu
Egaa kana booda ati kan gooftaatti mana isaatti hin bahiin hanga dhumaatti cimiiti dhabadhu akka Abbota durii busiiti argamii attis fiirii gaarii
Natti himuu dandeessa wan sii gaafadha wa'ee isaa baruf kahen tatafadha kayyoo waldaa kana hedduu isaa beettaa natti himuudhaan karaa naa
akeeta
Tole Ishoo sittan hima gurra kee naaf ergisii yadaa kee sasabadhu gara kootii debisii kayyoon waldaa kana akka Abbota darbanii wangeela
walabuuf dubaati hin jedhanii buha bahii hedduu ciminaan darbanii tajaajila afaan oromo kan babalisaani holota Waaqayyoo kan barsisanii yeruma
hundumaa tokkummaan tani sa'aatii 24 asirraa hin dhabamanii kana gababiini senaa isaan
 Ishoo obboleettii koo sii yaa dhageessisuu haga Dandii badii irra na deebisee waan na qabsiseef karaa nagaa osoo jedhu garuu hammas gaaffiin sii
gafa gaaffii koo xumuruuf wan xiqqootu na hafaa guyyaa kam tajaajiluu yeroo kan tajaajiluu sa'aatii meeqaatti seenanii sa'aatii meeqaatti bahuu sa'aatii
meeqatti galuu
Ishoo sitan himaa
Kanaf hin dhiphatin
Kiristanii tookkoo
Guyyatti yeroo torba
Kadhanan waqasa
Nii galateffata
Guyyota ayuanaraa
Addatti kan ta, ee
Kadhana yeroo hunda
Widdasee mariyaam
AFan gargaran
Wal qo, achisanii
Akasumas farfana
Walin shakalannii
Tajajila lubbuu
Hundaayu hin dhisanii
Anayuu bayyuma
Naa dinqisiisanii
Anuu bagan dhufe waldaa hadhaa kootti addunyaa cubbamtu lafa badiinsa irra sagalee Waaqayyoo lapheetti qabadhee galana abidda nan ce'ee
tarkafadhe gammaddan fulaa ibsa har'ee senaan koo madii Waaqayyootti dhiyaate lubbuun koo
Ishoo galata isaa
Inni nuu filatee
Hamma du, aa isaatii
Goftan nuu jalattee
Amantii jalala
Nuu yaa jabeffatuu
Motumaa isaatif
Nuu yaa qophefattuu
Galanii Waaqayyoof yaa ta’u
Fannoo Isaan Fayyineerra +
"Fannoon humna keenya , humni keenya Fannoo dha , kan nu jabeessu Fannoo dha , Fannoon furaa keenya dha , Fannoon fayyina lubbuu keenyaa ti ,
Yihuudonni nii ganu nuti nii amanna nuti warri amannes Fannoosaan nii fayyina; fayyineerras" dhuga ba'iinsi jedhu kadhannaa durina qabu miidhagaa
kan mana kiristaanaa ti. Kadhannaa irratti wantoonni ga'ashahina qaban Fannootiin ilaalamaniiru.
Jalqabarratti , Fannootiin fayyineerraa? Yommuu jedhamu, kan nu fayyise fannoodhaa ree? kan jedhu irraa adda fo'anii beekuutu barbaachisa. Fannootiin
fayyineerraa fi fannoonimti nu fayyiseera kan jedhu gidduu garaagarummaa guddaatu jira. Fannoon, itti yaadee , itti karoorsee ilmaan namootaa gidiraa
irra jiruutii yoon isaan fayyise wayya jedhee yaadeeti akka nuti hin jenne eenyumtuu beeka.
Fannoo isaatiin fayyineerra yommuu jedhamu garuu, Fannoo isaa meeshaa taasisee dubbii fayyinaa kan raawwate , fayyina dhala namaa kan raawwate
Waaqa keenya Qoricha keenya Iyyasuus Kiristoosi dha.
Maarree Kiristoosiin erga fayyineetii Fannootiin fayyineerra amma jedhamu Kiristoosiin fayyineerra maaliif hin jedhamu yoo jedhame, Kiristoosuma
dha fayyisummaadhaaf Fannoo kan gargaarame.
Ibsamni akkasii kun kan biroo seenaalee Kitaaba Qulqulluu keessatti mul'inatti barreeffamee dha kan nuti argannu.
Fakkeenyaaf , yommuu addunyaan bishaan badiisaan baddetti Nohii fi maatii isaa fayyisuutiif yommuu jaal'atetti akka isaan Doonii hojjetaniif isaan
ajajee ture. Doonii guddaa sana erga hojjetanii booda , Nohii fi maatiin isaa bishaan badiisaa irraa fayyanii addunyaa haaraa jireenya haaraa jalqabani.
Amma utuu Nohii fi maatiin isaa maaliin fayyan jennee utuu wal gaafanneetii , Dooniidhaa dha kan nuti jennu. Kana jechuun garii, Doonichi , Nohii fi
maatiin isaa utuu isaan badanii callisee ilaaluu hin qabu jedhee ofuma isaatii dhufee isaan fayyise jechuu miti. Doonichi hindhaga'u , hin qaljisu ofiisaatii
kan yaadu mirga bilisaa kan qabu kan dubbatu miti. Waaqayyo dha kan Doonii sanaan isaan fayyise. Doonii kqmuu jala yoo da'aatte dhahicha sana jalaa
hafuu hindandeessu. Doonicha akka fayyiftuu tti kan itti gargaarame Waaqayyo dha. Qulqulluun Pheexiroosis ergaasaa irratti , "Dooniin erga fayyanii
booda" jedhee , "Namoonni saddeet Dooniin fayyani" jedhee dubbateera. Kanaafuu , fannoon yaadee nu fayyise jechuu keenya miti. Fannoo sanatti
gargaaramee , Kiristoos Fannoo isaatiin nu fayyise jechuu keenya dha.
Kanumaa'uu ammoo wal-fakkaataa dha. Nuun kan inni ittiin fayyise Qorichi keenya Iyyasuus Kiristoos akka Nohiin Dooniin miti garuu , akka Doonii
muka irraa kan tolfame Fannoo isaani dha kan inni nu fayyise. Nohi kan inni fayyise maatii isaa dha ; Kiristoos kan inni fayyise garuu addunyaa dha.
Nohi erga fayyina argatee booda aarsaa dha kan inni dhiyeesse ; Kiristoos garuu , ofiisaa aarsaa taasisee dha kan inni nu fayyise.
Qulqulluun Efireem inni Sooriyaan , Mucaa muka sooftichaa jedhanii kan Yihuudonni isa arrabsanitti yommuu ibsa laatu , hiiku , kan mucaa muka
sooftichaa jedhu fudhateetu , Fannoo Doonii taasisee ittiin addunyaa badiisarraa fayyise jedheera. Kanaafuu , Fannoo isaatiin fayyine jechuun , Kiristoos
Fannoo isaa gargaaramee nu fayyise jechuu dha. Kanaafuu , Fannootu nu fayyise ; Fannoon fayyisaa keenya dha , Fannoon fayyineerra yommuu jennu ,
akkamitti nama jedhu jechuun , Nohii fi maatiisaa qaamaan argee gaafa inni Dooniin fayyineerra jedhu Waaqayyo dha kan isin fayyise akkamitti Doonii
dha jettu akka jechuu ta'a.
Fakkeenya biraa kana fakkaatus dabaluu dandeenya. Fakkeenyaaf , uffata Kiristoosiin xuqxee dubartiin fayyite tokko jirti. "Yoon xiyyoo uffata isaatii
xuqeef nan fayya jette" jedha. Dubartiin kun uffata isaa qaqqabde ; dhiigni ishee battalumatti iddootti dhaabate fayyite ; Kiristoos , humni na keessaa
ba'eera jedhe. Dubartittiinis , yaa dubartittiinana amantiin kee si fayyiseera jedhee ishee jaje. Maarq. 5:25 Amma dubartiin kun kan isheen fayyite
maaliini dha? Utuu jedhameetii , kan isheen fayyite uffata Kiristoosiini dha. Uffata Kiristoosiin xuqxee dha.
Isheenis jalqabuma'uu yommuu gara isaa dhufte yoon xiyyoo uffata isaatii xuqe nan fayya jettee dha kan isheen dhufte. Amma dubartiin kun maaliin
fayyite akkamitti fayyite utuu jedhamtee tii , xiyyoo uffata Kiristoosiini dhaa dha kan isheen jettu. Lakkii! Kiristoosiin dhiiftee uffatasaadhaa kan ati
waaqessitu? , kan ati kabajju? Isheen jechuu hin dandeenyu.
Kanaafuu , Fannoon , fayyisuutiif kan inni itti gargaarame dha. Fannootiin fayyineerra jechuun waan haaraa miti.
Fakkeenyaaf , kan biraas dabaluun yoo barbaachise , Waaqayyo yommuu Isiraa'eelota Gibxii bilisa baasee booda Galaana Eertiraa ce'uutiif yommuu
isaan qarqarra ga'aan , loltuun Fari'oon dheekkamsootiin dhufe. Isaanitti marse. Fuula isaanii duraan Galaana Eertiraatu jira. Galaanicha addaan hiruutiif
Musee ajaje. Galaanicha Uleetiin dhahi isaan jedhe. Galaanichi addaan qoodame jedha. Amma , Galaanni Eertiraa kan inni addaan qoodame maaliini
dha? Yoo jedhame , deebiin keenya Uleedhaa ta'a. Lakki! Waaqayyo dha malee kan isaan fayyise akkamitti dha kan Ulee jedhamu hin jedhamu.
Jechuinis , meeshaa inni ittiin addaan hiruuf gargaarame Ulee dha. Ulee sanaan rukute. Uleen biraa biyya guute jiraam! Garuu , waan Waaqayyo humna
isaa irra bulcheef , Galaanicha bakka lamatti hire. Kanaafuu , amma Galaanni Eertiraa maaliin addaan hirame yoo jedhame , Uleenidhaa dha kan ati jettu.
Lakki! Waaqayyoofan quuqama jettee akkamitti Ulee jedhama Waaqayyooni dha malee hin jedhamu.
Kanaafuu , Fannoo isaatiin fayyineerra jechuun , ibsama akkasii kan of keessaa qabu dha. Fannoo isaa gargaaramee , Waaqni keenya Galaana Eertiraa
miti kan inni addaan hire. Galaana cubbuu dhala namaa dha kan inni addaan hire. Kan inni ceesise Gibxii gara Kana'aanitti baasuuf jedhee miti ; gara
Mootummaa Waaqayyoo tti gara Jannataatti ce'uudha Museen keenya Kiristoos kan inni nu ceesise. Akkuma Museen Uleesaa qabatee Galaanicha
addaan qoode; Museen keenya inni Kakuu Haaraa Waaqni keenya Iyyasuus Kiristoos kan inni Galaana cubbuu keenyaa addaan hire Fannoosaatiini dha.
Kanaafuu , Fannoo isaatiin fayyineerraan infayyinas jennee kan nuti ittiin dhugaa baaanu sababni isaa kanaafi dha. Uleen Musee dhaa Bofa taatee tti.
Deebitee Bofoota warra kaaniin liqimsitee tti. Falfaltoonni warri kaanis ammoo Ulee qabu turani. Uleen Musee garuu, Bofti isaa , Bofa taatee jijjiiramtee
Bofa warra kaaniin liqimsitee tti jedha. Sanaan booda deebitee Ulee taate jedha. Museen inni Kakuu Haaraa Iyyasuus Kiristoos Uleen isaa Fannoon isaa
Bofa ta'ee miti kan inni jijjiirame. Bofichuma'uu kan Kiristoos bubburuqse Fannoo isaatiini dha.
Kanaafuu , kana akkasitti hubachuun dubbanna.
Kan biraan , Fannoo isaatti nii amanna nii jedhama moo ree? Kan jedhu dha. Eeyyee! Nii amanna. Utuma jennuu garuu , in amanna jechuun in
waaqessina jechuu miti. Wantoonni nuti amannu baay'ee waan baay'eetu jiru. Namoonni amma barreeffama kana dubbisaa jiran 'seera harkisa lafaatti' nii
amanu. Garuu , seera harkisa lafaa nii waaqessu jechuu miti. Kana mitii tii addunyaama irrayyuu jiraachuutiif amanuutu si barbaachisa. Dacheema irra
ejjattu iyyuu akkanni lafaan si hin dhoofne amantee ti mitii ree kan ati irra ejjettu? Taaksii seentee yommuu imaltu konkolaachisaan akka inni heeyyama
konkaalchistummaa qabu amantee ti. Na galagalcha jettee yaaddee jennaan hin geejibamtu. Mana nyaataa seentee yommuu nyaata siif dhiyeessan kan ati
nyaattu akka isaan summii itti hin daballe amantee ti. Amantii malee Waaqayyoon gammachiisuun hin danda'aamu jedha ; addunyaama irrayyuu amantii
malee jiraachuun hin danda'aamu. Waan baay'ee irra amanannaa ka'aannee ti kan nuti jiraannu. Mana barumsaa seennee barsiisonni nu barsiisan akka
isaan baratanii eebbifaman amanneeti kan nuti barannu. Hooggantoonni akka isaan nu hoogganan amanneetu ; akkasitti dha kan nuti sosochoonu.
Kitaaba Qulqulluu irratti , amaneera kan jedhamu dirqama uumaa amanuu qofaa miti kan inni agarsiisu.
Fakkeenyaaf , Isiraa'eelonni Waaqayyo Gibxiitii isaan baasee eega Galaana Eertiraa addaan hiree isaan ceesisee booda , reeffa Fari'oonii fi loltoota isaa ,
isaa Galaana Eertiraa irra bololi'uu yommuu arganitti , "Waaqayyoon, garbicha isaa Museettis amanan" jedha. SeB. 14:31 Waaqayyoon, garbicha isaa
Museettis amanan jedha. Kana jechuun , Waaqayyo faana Musee waaqessan jechuu miti. Waaqina Waaqayyoo tti ; tajaajilummaa Museetti amanan
jechuu dha.
Kanaafuu , Fannoo isaatti in amanna yommuu jedhamu , Fannoo isaa irratti hojii hojjetametti nii amanna ; dhiiga Fannoo irratti dhangala'e , hojii
fayyinaa irratti raawwatametti nii amanna jechuu dha malee , Fannoo nii waaqessina jechuu miti.
Haasawiinsi , "Fannoon furaa keenya dha" jedhu , walumaa galatti , jechi furiinsa jedhu uumamtootaaf indubbatamaa ree yoo jedhame eeyyee
indubbatamaa ta'a. Kan kana nu barsiisu egaa barsiisaan keenya Kitaaba Quqlulluu dha. Jecha furaa (beenyaa) jedhu bakka baay'eetti uumamaaf
dubbatamee arganna. Jalqabarratti , akkuma furiinsa (beenyummaa) Gooftaa keenyaa Qulqulluun Phaawuloos ifatti dubbate , "Furiinsa dhiiga isaatiin
taasifame dha" Furiinsi (beenyummaan) Kiristoos. Kanaan alatti , uumamtoonni kaanis furoo (beenyaa) jedhamanii akka isaan waamamuu danda'aan
Kitaaba Hojii Duuka Bu'ootaa irratti mul'inatti barreeffameera. Fakkeenyaaf waa'ee Musee yommuu dubbatu. "Musee , Isiraa'eeliif furaa taasisee mude"
jedha. HoD. 14:31 Kan nama dhibu! Kan Isiraa'eelota biyya Gibxii isaan baaseef isaan fure Waaqayyo ta'uunsaa beekamaa dha. Garuu , Waaqayyo hojii
fayyisuudhaa yommuu Isiraa'eelotaaf raawwatu kan inni akka meeshaa tti itti gargaarame Musee ture. Kanaafuu , hojii fayyisuu sana keessatti Museen
waan qooda qabaatee tureef , Waaqayyomti akka inni furaa jedhamee waamamuuf heeyyameera. Kanaafuu , sana jechuun garuu , Waaqayyo hin
fayyisne Musee dha kan isaan fure jechuu miti ; akkuma kanaa , Fannoon , Giiftiin keenya hojii fayyisuu Kiristoos keessatti , jalqabaa amma xumuraatti
kan turte Giiftiin keenya ; guyyaa xumuraas ammoo , kan inni ittiin fannifame hangafummaanis gatiittii isaarra dha jedhamee kan dubbatameef Fannoon
isaa , akka mana kiristaanaa keenyaatti hangafummaasaa kan jedhame Fannoo isaa ti. "Mucaan nuuf dhalateera , Ilmi dhiiraas nuuf kennameera ,
hangafummaanis gatiittii isaarra dha" jedha. Hangafummaa kan jedhame Fannoon , agarsiiftuu humnasaa , taayitaasaatii Fannoo waan ta'eef , sanaan
waan nu fayyiseef , Fannoon furaa keenya dha , humna keenyadha jenna. Eeyyee! Fannoon humna keenya dha. Sababnisaas, Fannoo irratti Waaqni
keenya Iyyasuus Kiristoos kan inni mo'ate du'a dha , kan inni ajjeese du'a ; seexana dha. Kanaafuu , Yihuudonni salphisuutiif dadhabbiif jedhanii
meeshaa isaan itti gargaaraman Fannoon , nuti garuu kan nuti ittiin argine du'anii ka'uu dha , injifannoo dha , daabiloosiin dhiituu dha kan nuti ilaallu
waan ta'eef , nuuf humna keenya dha nu'i warra amannuutiif. Yihuudotaaf gowwummaa fakkaachuu danda'a. Nu'i warra fayyinuuf garuu , humna
Waaqayyoo ti akkuma jedhe Qulqulluun Phaawuloos. Kanaafuu , Fannoon humna keenya jechuun , Waaqayyo humna isaa kan inni ittiin mul'ise dha
jechuufi dha.
Daaqunii Heenook Haayilee

Maqaa Abbaa kan Ilmaa kan Hafuura Qulqulluu waaqa tokko Ameen!
Jaalatamtoota maatii waaqayyoo Nageenyii Waaqayyoo bakka jirtanitti siniif haa baay'aatu. Baga guyyaa kabaja Ayyaana Fannoo (Masqalaa)
geessan.
Dubbiin_Fannoo_warra_badaniif_gowwummaa_nuwarra_fayyinuuf_garuu_humna_Waaqayyooti”1Qor.1÷18
Fannoon osoo Gooftaan keenya Iyyaasuus kiristoos irratti hin fannifamiin dura yakkamtootni kan irratti fannifamaan ture. dhaloota Kiristoosiin dura
uummanni Faarsii (Iraan) namoota adabuuf jecha yakkkitoota mukarratti fannisanii ajjeesuu aadeffataniiru ture. Isaaniis waaqa hark-tolchee (waaqa
tolfamaa) " Ormuzed" (ኦርሙዝድ) jedhamu waaqessu ture. Waaqa tolfamaa kanas waaqa lafaa jedhani amanuu. Kanaaf jecha namni yakkamaadha
jedhamee itti murtaa'e tokko kan adabamu du'aan yoo ta'e akka waaqasaanii lafaa (Ormuzed) kanaa hin xureessineef jecha lafarraa ol-kaasanii mukarratti
fannisanii ajjeesu ture. Aadaan kunis suuta suuta biyyoota bittaa Roomaa jala jiran hundumaa biratti beekamaa deeme. Israa'elis yommuu sanatti bittaa
Roomaa jala waan turteef aadaan kun uummata Israa'el biratti ni beekama ture. Haaluma kanaan namoota yakka hojjatnii adabbiin du'aa itti murtaa'e
fannisanii ajjeesu ture. Fannoonis seenaa akkasii qaba ture.
Gooftaan keenya erga irratti fannifamee booda garuu fannoon Gooftaa kan yakkamtootni ittiin adabaman osoo hin taane kan ittiin fayyanidha.
Qulqulluun Phaawuloos ergaa gara efesoon 2:10-16 “Lamaan isaanii qaama tokkoon Waaqayyo wajjin isaan araarsuuf lola fannoorratti ajjeese” akkuma
jedhe, nuti Waaqayyo wajjin kan ittiin araaramne,human,obsa,jaalala,nageenya kan ittiin arganne chaappaa jireenya kiristanummaa keenyattidha.
Gooftaan keenya Iyyasuus kiristoos “Fannoo koo baatee kan na duuka hin buune kan koo ta’uu hin danda’u” Mat.10:38 jedha. Fannoo Gooftaa baachuu
jechuun jiraachuu Waaqayyoo cimsanii hubachuun rakkina nutti dhufu hunda obsuudhaan lubbuu ofii hanga kennanitti gahuu jechuu dha. “Jechi fannoo
Gooftaa warra badaniif gowwummaa dha nuyi warra fayyinuuf garuu human Waaqayyooti” (1 Qor. 1÷16-25) Fannoo yeroo jedhu fannoorratti Isa
fannifame Ilma Waaqayyoo Iyyasuus Kiristoos dura jecha waan tureef isa ibsuu fi dha. Sagalee Isaa warra hin dhageenyeef fannoon isaaniif gowwumma
dha. Nuyi warra itti amannuuf garuu human Waaqayyooti. Luqas 1:35 karaa biraatiinis jecha fannoo jedhu yeroo ibsu: Waa’ee fannoo Waaqayyoo waan
dubbatamu warra itti hin amanneef gowwummaa dha jechuu dha. Waaqayyoo Gooftaan dhala namaa karaa adda addaa fayyisa.
Fannoon Gooftaa foonii fi dhiigni Isaa kan irratti kutamee fi lola’e waan ta’eef Gooftaan erga samiitti ol ba’ee boodas ifaan addunyaa kana ni guute.
Dhukkubsatoota ni fayyise,warra du’an du’aa kaase. Seexanni yeroo Gooftaan dhalatee kaasee hanga du’a satti dhala namaarra buluun gooftaarratti
yeroo hedduu ka’e, garuu mo’achuu hin dandeenye, Akka ajjeefamus laphee yihudootaa keessa bulee hammeenya akka hojjetan taassise. Gooftaan garuu
gaafa guyyaan Isaa gahu fedha Isaatiin dabarsee of kenne. Amma immoo fannoon Gooftaa waan raajii gurguddaa hojjeteef fannoo sana balleessuudhaaf
mala adda addaa mijeessaa jira. Diini fannoo Gooftaa cimsee nimorma. Kanuma irraa ka’uunis waggaa dhibba sadii (300) oliif boolla keessatti gatamee
akka turuuf taasisani. Hundarrayyuu seexanaaf waan hin galleef malee bakki awwaala fanno Gooftaa laphee uummataa keessa malee lafa keessa miti.
Fannoon Gooftaa qaraaniyootti bakka dhaabamuun isaa boodarra fannoon Gooftaa sammuu ijoollee addaam keessa malee bakka biraa akka hin taane
nutti mul’isa. Kanaafis ragaa kan nuuf ta’u fannoon Gooftaa awwaalamee yeroo turetti jaalalli fannoo sammuu dhala namaa keessaa hin banne. Fannoon
Gooftaa humna keenya, fannoon Gooftaa fayyisaa keenya, Fannoon qoricha lubbuu keenyaati.
Diinni fayyina dhala namaa waan hin barbaanneef ayihuudonni goomiidhaan fayyisaa addunyaa kan ta’e Kiristoosiin fannisuun isaanii itti xiqqaatee
fannoo Gooftaa awwaalanii bakka namni hin geenye waggaa dhibba sadiif dhokasamee ture.Boodarra garuu Illeenii kan jedhamtu mootiin kiristaanotaa
yaada eebbifaamaadhaan kaatee gara Iyyerusaaleem deemtee fannoo Gooftaa bakka awwaalamee jiruu baasuu dandeesseetti. Innis akkana ture. Illeeniin
akka lakkoofsa Awurooppaatti bara 250 Biitaaniyaa magaalaa Helenapolisitti dhalatte. Maatiin ishees qabeenya waan hin qabneef hojii hunda osoo hin
tuffatiin hojjechaa guddatte. Erga guddattee boodas nama Tarbinoos jedhamutti heerumtee waliin amanamummaadhaan erga jiraachaa turanii diinni
gaafa isaan addaan baasu abbaan manaa ishee sanduuqa keessa kaahee galaanatti ishee gate. Qurxummiinis sanduuqa kana liqimsee gara biya
Qusxinxiiniyaa geesse. Qunisxaan garboota isaa waliin gara qarqara galaanaa deemee qurxummii sana qabsiisee gaafa qalan sanduqni garaa qurxummii
keessaa bahe. Gaafa bananii ilaalanis kan baay’ ee miidhagdu Illeeniin osoo homaa hin ta’iin sanduuqa keessaa bate. Achuma mana moototaattis
guddatte. Qulqulleettiin Illeenii cubbamoota gidduutti mana mootiitti yoo guddattellee hordoftoota isaanii osoo hin ta’iin qulqullummaan jiraachaa turte
boodarras Qunisxaatti heerumuun firii gaarii Qosxenxiiniiyoos mucaa jedhamu argatani.
Waggaa muraasa erga waliin jiraatanii booda Qunisxaan angoo barbaacha nama biraa fuudhee ishee hiike. Illeeniinis mucaa ishee Qosxenxiiniyoosiin
waa’ee kiristaanummaa barumsa hedduu barsiisa isa guddiste. Gara jabina warri Roomaa kiristaanotarratti raawwatan ilaalaa waan guddateef yeroo
hunda ilma isheen kiristaanotaaf akka laafuuf gorsiti ture. Kana irraa kan ka’eenis sanyii gaarii isheen oomishte firii gaarii waan kenneef akka duuka
bu’ootaa maqaan ishee yeroo hunda akka ka’u taasifame. Gara fuulduraati mana mootummaa abbaa isaa keessatti qorumsa seexanaa dhiyaatu
mo’uudhaan Waaqa tolfamaaf osoo hin jilbeeffatiin gara Waaqa dhugaa akka beeku barumsi isheen barsiiste jireenya isaa guutuu akka itti fayyadamuu fi
kaaniinis akka fayyadu isa taasiseera. Qosxenxiniwoos gara mana mootummaa abbaasaa deemuun akka baratetti hojii gaarii hojjechuu fi murtoo haqaa
fudhachuun mana mootumaa keessatti maqaa guddaa argate. Kadhaan ishees mucaashee irra bulee jireenya isaa kessatti bakka guddaa akka ga’u taasise.
Qosxenxiinoos biyya Ingiliziitti duulee osoo jiruu abbaan isaa waan du’eef yerooma sanatti duultonni bakka abbaasaa teessoo abbaa isaarra isa kaa’an
aangootti fidan. Yeroo sanattis haadha isaa bakka jirtuu ishee waamsisee cinaa isaa keessisuun kabaja mootittiif ta’u hunda akka ta’uuf taasise. Barumsa
haadha isaa irraa barate hunda yaadachuun, kiristaanota bitta jala jiran hundaaf bilisummaa labse. Roomitti kan argamu Meksimiyaanosiif kiristaanotaaf
bilisummaa akka labsu xalayaa barreesseef . Meeksiimiyaanos garuu Waaqa tolfametti kan bulu waan ta’eef faallaa isaa kiristanota irratti gidiraa baayise.
Kana gaafa dhagahu Qosxenxiiniwoos Meksimiyaanosiin balleessuuf duulaaf gaafa ka’u guyyaa sa’a 6:00 samii irrati ol je’ee gaafa ilaalu fannoo heddu
ifu arge. Isa faana warri turanis hundi argani. Samiirratti afaan yoonaaniin “Mallattoo kanan ni moota” kan jedhu barreefamee ture. Injifannoo samii
irrtatti arge kana huccuu loltoota isaa irratti goonfoo gonfoo isaanii irratti akka hojjetamu taasise. Humna fannoo sanaanis mo’icha argate. Kana booda
haadha isaa waamee waan isa qunname hunda isheetti hime. Inni humna itti moo’e,nama fayyisuu kan danda’u fannoo gooftaa akkamitti argachuu akka
danda’an wal mari’atan. Qulqulleettin Illeeniis dursitee Qosxenxiniwoos kiristaanummatti amanee cuuphamee fannoo gooftaa awwaalame akka
barbaaduufi bataskaana Iyyerusalem akka ijaaru kadhannaan waaqayyoo gaafattee turte. Illeeniin fannoo gooftaa argachuuf umurii ishee waggaa 80tti
waggaa tokko deemuun humna Waaqayyoon Iyyesusalem geese. Akkuma achi geessen bakka fannoon gooftaa itti awwalame gaafachuu jalqabde.
Dursitee Eephisqophosii Iyyerusalem kan ta’an abbaa maqarisiin gaafatte. Isaanis beekuu danda’u namoota jedhan gara jaarsolii umuri dheeraa
qabanitti ishee ergani. Jaarsa umurii dheeraa kiraakosiin gara ishee fidanii bakka fannoo Gooftaa awwalame natti himi jette. Innis dura sodaatee boodarra
garuu abbootiin keenya fannoon Gooftaa gaara kana jalatti awwaalame yeroo jedhan dhagaheen ture jedhe. Bakki sunis dursee goolgootaa bakka
jedhamuu namootni naannoo sanaa waggaa 300 kosii itti gataa waan turaniif gaara fakkatee ture. Illeeninis gaara gidduu jiru keessaa bakka kamitti akka
awwalame beekuu waan hin dandeenyeef osoo yaadaa jirtuu eergaman waaqayyoo Mikaa’el mul’ataan iddoo fannoon jiru aarri ixaanaa akka isheetti
agarsiisu itti hime. Kana booda Waaqayyoof galata erga dhiyeesitee booda damaraa hojjetee ixaana gaafa itti dabaltu aarri ixaana olba’ee fannoon
Gooftaa bakka itti awwalame deebi’ee agarsiise.
Qulqulleettin Illenii bakka aarri ixaanaa deebi’ee sagaduun agarsiise sana akka qofforamu ajajje. Bakichis ji’a ja’a erga qofforamee booda Bitootessa
10 fannoowwan sadii argaman. Fannoowwan argaman kana keessaa kamtu fannoo gooftaa akka ta’e adda baafachuuf nama du’e fidanii gaafa sadan
isaanii irra godhan fannoo sadan keessaa fannoon gooftaa du’aa kaase. Dhukkubstaas fayyise. Fannoon Gooftaa osoo hin awwalamiin dura nama
fayyisaa ture; awwalcha keessa taa’es laphee namaa keessaa hin badne, awwaala keessa erga argame boodas kunoo du’aa fayyise.
Egaa walumaa galatti qulqulleettin Illeenii gaafa Fulbaana 16 damaraa hojjechuun bakka fannoon jiru argatte. Gaafa guyyaa fulbbana 17, lafti kun
qofforamuu jalqabe. Bitootessa 10 Fannoon Gooftaa keenya iddoo awwaalame ba'e. Walumaagalatti fannoon boqonnaan jireenya hafuuraa haaraa
kiristaanotaaf kan ittiin baname faajjii nageenyaati. Faajjiin yKn alaabaan immoo mallattoo biliisummaa ykn birmaduu ba’uu waan ta’eef ol kaafamee
muldhifama. Nutis kanarraa kan ka’e Fannoo ni jaalanna,ittiin of jajna,ni kabajna. Diinni keenya seexanni fannoo Gooftaatiin waan leeyya’eef fannoo
arguu jibba. Warreen fannoo jibban, waa’ee isaa dhaga’uu hin feenes hafuura hamaa akkamiitiin hoogganamaa akka jiran hubatanii akka gara
Waaqayyootti, jaalala Fannoo Kiristoositti deebi’aniif hubannaa haa kennuuf jenna. Eeyyeen akkuma Phaawuloos jedhe “Dubbiin Fannoo warra badaniif
gowwummaa, nu warra fayyinuuf garuu human Waaqayyooti” (1Qor.1:18).
Galanni waaqayyoof haa ta’u.
Eebbi fannoo isaa hunda keenyarra haa bulu! Ameen!
Daani'eel Caalaa Dhugoo
Tulluu Qarmelos Jalaa
16-1-2015 B.A Finfinnnee

𝐀𝐦𝐚𝐧𝐭𝐢𝐢 𝐣𝐞𝐜𝐡𝐮𝐮𝐧== “waan abdatan dhuguma ni ta’a jedhanii fudhachuudha; waan ijaan hin argines akka jirutti kan mirkaneessu dha. Addunyaan jecha
Waaqayyootiin akka uumaman wanti mul’atan wanta ijaan hin mul’atne irraa akka ta’e baranna”, (Ibr 11:1-3). Fakkeenyaaf, mootummaa samii (jireenya
bara baraa) abdii godhanna; amantiin abdii kana nuuf mirkaneessa. Mootummaa Waaqayyoo kan samii nuti hin agarre, garuu amantiin waan nuti hin
argin kana nuuf ibsa. Saayinsiin kana gochuu hin danda’u. Amantiin dhugaa sirrii (Absolute truth) irratti hundaa’a malee akka saayinsii dhugaa
madaalawaa (relative truth) irratti miti.
Amantaa jechuun immoo amantii fi waaqeffannaa bakka tokkotti kan qabate ta’ee seera amantii fi waaqeffannaa jechuu dha. Waaqayyootti amannee
seerri (system) ittiin waaqeffannu amantaa jedhama. Barumsi seera amantii fi waaqeffannaa kuni barumsa amantaa jedhama. Waaqayyo maal jennee
akka amannuu fi akkamiin akka waaqeffannu kan nutti ibsu barumsa amantaati jechuu dha. Kanaafuu, amantiin keenya amantaadhaan ibsama.
𝐀𝐦𝐚𝐧𝐭𝐚𝐚/ 𝐀𝐦𝐚𝐧𝐭𝐢𝐢 𝐭𝐚𝐤𝐤𝐚 𝐣𝐞𝐜𝐡𝐮𝐮𝐧 𝐦𝐚𝐥 𝐣𝐞𝐜𝐡𝐮𝐮𝐝𝐡𝐚 ? 𝐄𝐟𝐞 4:5
Ka’umsi barumsa kanaa jecha qul. Phaawuloos “Gooftaa tokko, amantaa tokko, cuuphaa takka” jechuun barsiise dha, (Efe 4:4-5). Kun kan
barreefameef tokkummaan jireenya afuurawaa akka eegamuu fi gidduu Kiristaanotaatti garaa garummaan akka hin uumamne waltti hidhuuf dha. Haala
ibsa barreefama kanaatiin “amantaa takka” jechuun hiikaalee armaan gadii kana akka qabaatu beektonni ni mirkaneessu:
1𝒇𝒇𝒂𝒂 𝐀𝐦𝐚𝐧𝐭𝐚𝐚𝐧 𝐭𝐚𝐤𝐤𝐚 𝐣𝐞𝐜𝐡𝐮𝐮𝐧 𝐰𝐚𝐚𝐪𝐚𝐲𝐲𝐨𝐨 𝐭𝐨𝐤𝐤𝐨𝐭𝐭𝐢 𝐚𝐦𝐚𝐧𝐮𝐮𝐝𝐡𝐚
Waaqni Addaam Waaqa Abrahaami. Waaqni Abrahaam Waaqa Yisihaaq, kan Yaaqoob, kan Daawiit, kan Pheexiroos fi Waaqa hunduma keenyati.
Waaqa qul. Pheexiroos amane fi inni waaqeffate nutis yoo amanne fi yoo waaqeffanne qul. Pheexiroos waliin amantaadhaan tokko. Ilmaan keenya yoo
akkasitti amanan fi waaqeffatan, amantaa takkittiin tuni eegamtee jiraatti jechuu dha. Kanaaf, amantaa takkittii jechuun Waaqayyo tokkotti
(lakkoofsaanis ta’ee amalaan tokko jechuun) amanuu fi seera waaqeffannaa tokko hordofuu dha. Kakuu moofaas ta’ee haaraa kessatti kan waaqeffatamu
Waaqayyo tokko. Kanaaf, “amantaa takka” kan jedheef Waaqayyo tokko isa kakuu moofaa keessa ture kan lallabu fi amantaan Kiristaanaa isa duraa irraa
kan itti fufe fi kan duraan ture kan itti ifa bahe malee amantaa haraa dhufe akka hin ta’in mirkaneessuf dha.
2𝒇𝒇𝒂𝒂 𝐀𝐦𝐚𝐧𝐭𝐚𝐚 𝐭𝐚𝐤𝐤𝐚 𝐣𝐞𝐜𝐡𝐮𝐮𝐧 𝐜𝐮𝐩𝐡𝐚𝐚 𝐭𝐚𝐤𝐤𝐚𝐚𝐧 𝐝𝐡𝐚𝐥𝐚𝐜𝐡𝐮𝐮𝐝𝐡𝐚
Balballi amantaa Waaqayyo tokkotti amananii cuuphamuu dha. Cuuphaanis bishaan fi Afuura Qulqulluu irraa dhalachuu fi maatii Kiristoositti
makamuu dha. Tokkoon tokkoon keenya kan cuuphamnu yeroo tokko qofa. Cuuphaan hin lammeefamu. Ilmaan Waaqayyoo erga jedhamne, akkasumas,
erga hammatamnee booda maqaa lammataa fi ilmummaan lammataa waan hin jirreef cuuphaan takkitti dha jennee amanna. Cuuphaan hundi keenya
cuuphamne kaayyoon isaa tokko; innis ilmummaa argachuu dha. Cuuphamuu keenyaan Iyyasuus Kiristoos waliin tokkummaa uumanna; du’aa fi du’aa
ka’uu Isaatti hirmaanna; ilmummaa afuurawaa arganna. Siimboon ilmummaa sunif tokkuma. Kanaaf, namni cuuphaa takkaan tana cuuphamee ilmummaa
argatee maatii Kiristoositti makame amantaadhaan tokko jechuuf “amantaa takka” jedhe.
3𝒇𝒇𝒂𝒂 𝐀𝐦𝐚𝐧𝐭𝐚𝐚 𝐭𝐚𝐤𝐤𝐚 𝐣𝐞𝐜𝐡𝐮𝐮𝐧 𝐀𝐛𝐝𝐢𝐢 𝐭𝐨𝐤𝐤𝐨𝐟 𝐟𝐢 𝐚𝐛𝐝𝐢𝐢 𝐭𝐨𝐤𝐤𝐨𝐨𝐧 𝐰𝐚𝐚𝐦𝐚𝐦𝐮𝐮𝐝𝐡𝐚
Namni Waaqayyo tokkotti amanee cuuphame abdiin inni eegatu tokko. Innis Mootummaa samii (jireenya bara baraa) ti. Isa tokkoof abdii tokko isa
biraaf abdiin biraa hin jiru; abdii takka malee. Abdii takkaaf kan waamame amantaa garaa garaa irra jiraachuu hin danda’u. Qul. Phaawuloos fi qul.
Pheexiroosiin lallabni waa’ee abdii isa tokkoo kuni ibsameefii kan turan kiristaanonni amantaa tokko qaban turan. Pheexiroos warra dhagna qabataniif,
Pheexiroos immoo uummatoota biraa yaa barsiisanuyyuu malee amantaan isaanii garuu tokko dha. Sababa kanaf “amantaa takka” jedhe.
4𝒇𝒇𝒂𝒂 𝐀𝐦𝐚𝐧𝐭𝐚𝐚 𝐭𝐚𝐤𝐤𝐚 𝐣𝐞𝐜𝐡𝐮𝐮𝐧 𝐪𝐚𝐦𝐚 𝐭𝐨𝐤𝐤𝐨 𝐭𝐚'𝐮 𝐣𝐞𝐜𝐡𝐮𝐮 𝐝𝐡𝐚.
Amantaa takka jechuun qaama tokko afuura tokko ta’uu jechuu dha. Duuka bu’ichi qul. Phaawuloos yeroo ibsu “Qaamni tokko akka ta’e, dhaqna
adda addaa akka qabaatu, haata’u malee dhaqni garaa garaa walitti qaama tokko akka ta’an, Kiristoosis akkasuma. Yihuudiis ta’u Giriik, garbas ta’uu
walaba, hundi keenya afuura tokkoon qaama tokko akka taanu cuuphamnee jirra … qaamni dhaqna baay’ee kan qabu malee dhaqna takka akka hin taane
… isinis qaama Kiristoos taatanii dhaqnaa garaa garaati”, (1 Qor 12:27). Gooftaanis “Ani muka wayiiniti isin immoo dameewwan isaati”, (Yoh 15:5)
akkuma jedhe muka tokkicha irratti kan hundoofne dha; kennaa garaa garaa qabaannus qaama Kiristoos isa tokkichaa waan taaneef amantaa tokko malee
amantaalee adda addaa kan qabaannu miti.
5𝒇𝒇𝒂𝒂 𝐀𝐦𝐚𝐧𝐭𝐚𝐚 𝐭𝐚𝐤𝐤𝐚 𝐣𝐞𝐜𝐡𝐮𝐮𝐧 𝐀𝐟𝐮𝐮𝐫𝐚 𝐐𝐮𝐥𝐪𝐮𝐥𝐥𝐮𝐮 𝐭𝐨𝐤𝐤𝐨𝐨𝐧 𝐪𝐚𝐣𝐞𝐞𝐥𝐟𝐚𝐦𝐮𝐮.
Ega Kiristoos ol bahee booda manni kiristaanaa kan qajeelfamte Afuura Qulqulluu duuka bu’oota irra bule sanaani, (HoE 2:1). Har’as mana
kiristaanaa kan qajeelchu karaa qul. Siinoodoosiitiin Afuura Qulqulluu dha. “Hundi keenya Afuura Qulqulluu tokkicha dhugneerra”, (1Qor 12:27)
akkuma jedhu. Afuura Qulqulluu tokkoon kan qajeelfamu amantii fi amantaa tokko malee kan adda addaa ta’uu hindanda’u. Kanaaf amantaa takkittii
jechuun kan Afuura Qulqulluu tokkoon hooganamu jechuu dha.
6𝒇𝒇𝒂𝒂 𝐀𝐦𝐚𝐧𝐭𝐚𝐚 𝐭𝐚𝐤𝐤𝐚 𝐣𝐞𝐜𝐡𝐮𝐮𝐧 𝐚𝐥-𝐭𝐚𝐤𝐤𝐚 𝐤𝐚𝐧 𝐤𝐞𝐧𝐧𝐚𝐦𝐭𝐞 𝐣𝐞𝐜𝐡𝐮𝐮 𝐝𝐡𝐚.
Amantaan al-tokko kan kennamte fi takkittii dha. Kanas “Michoota koo! Waa’ee fayyina walii wajjin qabnuuf durumaan isiiniif barreessudhaaf
dhama’ee otoon jiruu, qulqullootaaf al-takka amantaa kenname sanaaf akka loltaniif gorsa isiniif barreessuun dirqii natti ta’e”, (Yih 1:3) jedha. Amantaan
tuni Iyyasuus Kiristoos dhagaa bu’uraa kan ta’eef fi Isa irratti kan hundoofte dha, (Mat 16:16). Amantaan yeroo garaa garaa deddeebitee kan kennamtu
miti. Kanuma yeroo duka bu’ootaa turte sanatu har’as jiraachu qaba. Bu’ura kanaan amantaan kan eegamtu (conservative) malee kan fooyyoftu
(progressive) miti. Kanaaf amantaan takkitti dha.
7𝒇𝒇𝒂𝒂 𝐀𝐦𝐚𝐧𝐭𝐚𝐚 𝐭𝐚𝐤𝐤𝐚 𝐣𝐞𝐜𝐡𝐮𝐮𝐧 𝐤𝐢𝐫𝐢𝐬𝐭𝐨𝐨𝐬 𝐢𝐬𝐚 𝐭𝐨𝐤𝐤𝐢𝐜𝐡𝐚 𝐟𝐚𝐤𝐣𝐚𝐚𝐜𝐡𝐮𝐮 𝐣𝐞𝐜𝐡𝐮𝐮 𝐝𝐡𝐚.
Wanti Kiristoos irraa baranne isuma Kiristoos fakkaachuu waan ta’eef amantaan takkittii ta’uu qabdi. Waa’ee kanaa irratti qul. Phaawuloos “Iyyasuus
Kiristoo waliin akka tokko taanu kan cuuphamne hundi keenya du’a Isaa waliinis akka tokko taanu akka cuuphamne hin beektanii? … du’a Isaa kan
fakkaatu du’aan akkuma waliin jirru du’aa ka’uu Isaa kan fakkaatu ka’umsaanis akkasuma Isa waliin taana” (Rom 6:4-5) jedha. Gooftaanis “barsiisaan
keessan, hayyuun keessan, abbaan kessan tokko”, (Mat 23:8) jedhee barsiisera. Nuti Kiristoos akka fakkaannu qul. Phaawuloos yeroo ibsu “Ani akkuman
Kiristoos fakkaadhu isin immoo ana fakkaadhaa”, (1Qor 11:1) jedha. Gooftaan keenyas “Ana irraa baradhaa”, (Mat 11:29); “Ani qulqulluu akkuman ta’e
isinis qulqulloota ta’aa”, (1 Phe 1:16), jedha. Egaa amantaan Kiristoos isa tokkicha fakkaachuu yoo ta’e amantaa tokko jechuu dha.
𝐀𝐦𝐚𝐧𝐭𝐢𝐢 𝐦𝐨𝐨 𝐀𝐦𝐚𝐧𝐭𝐚𝐚 𝐭𝐚𝐤𝐤𝐚??
Kitaaba Qulqulluu tokko tokko keessatti “amantaa”n fi “amantii”n waan waljala jijjiiramee barreefameef namootni tokko tokko amantii tokko kan
qabaatan amantaan adda addaa jiraachuu danda’a jedhu. Haaluma olitti caqafameen qul. Phaawuloos waliin amantiin qofa otoo hin taane seera
waaqeffannaatiin illee tokko ta’uun, jechuunis, akka inni amanetti amanuu fi akka inni waaqeffatetti waaqeffachuutu sirrii nama taasisa. Amantiin tokko
kan ibsamu amantaa tokkooni. Amantii adda adaa yoo ta’ee malee amantiin tokko amantaalee bay’ee kessatti mul’achuu hin danda’u. Amantiin takka
amantaa tokkoon ibsamti. Kunis Waaqayyo tokko waaqeffachuu, cuuphaa takkaan cuuphamuu fi abdii tokkoof waamamuu dha. Kanaaf amantiinis ta’ee
amantaan tokko qofa.
Kuni amantii dhugaa fi amantaa isa sirrii kan nuuf galee fi kan beeknu kan ilaallatuu dha. Amantaa isa sirrii ta’e kanaan ala garuu amantiiwwan garaa
garaa akka turan fi fuuldurattis akka jiraatan yeroo duuka-bu’ootaa sana iyyuu kan barameedha, (1 Yoh 4:1-3)
Galatni Waaqayoof haa ta’u!

Maqaa Abbaa kan Ilmaa kan Afuura Qulqulluu Waaqa Tokkoon.Ameen!

Qulqulluu Aabboo
Abbaa fi haati isaanii Simi’oonii fi Aqleesiyaa jedhamu. Biyyi dhaloota isaanis, Gibxi (Misiraa) dha. Isaanis, erga wal fuudhanii booda, ijoollee
dhabnaan, waggaa 30 guutuu boo’ichaa fi gaddaan jiraataa turan. Waaqayyos ilmoo akka kennuuf jabeessanii kadhatu ture. Guyyaa tokko Aqleesiyaan
gara bataskaanaa dhaqxee fakkii Sillaasee fuuldura dhaabattee, “Maaloo yaa Waaqayyo ilma si gammachiisu, kan abboommii kee eeguu fi qulqullina
jaalatu naaf kenni” jettee kadhatte. Yeroo sanas fakkicha irraa sagaleen “Ilma maqaansaa guddate, qulqullinni isaas akka ergamoota Mikaa’eelaa fi
Gabr’eelii kan ta’e, lubummaan isaas, akka Melketseediq kan ta’e, akka Yohaannis cuuphaa fi akka raajii Eeliyaas kan ta’e, ni deessa” jedheen.
Kana booda, Aqleesiyaan muddee, 29 ilma deesse. Maqaan daa’ima dhalatees, ergamaa Waaqayyoo Gabr’eeliin mogga’e, Garbicha (tajaajilaa) Afuura
Qulqulluu (Gabre-Menfes Qiddus) jedhamee mogga’e. Wanti dinqii ta’e immoo, guyyuma dhalatetti “Abbaaf galatni haa ta’u Ilmaaf galatni haa ta’u,
Afuura Qulqulluuf galatni haa ta’u” jedhanii yeroo sadi sagadan, ammas, dukkana keessaa gara ifaatti kan na fidde galatni siif haa ta’u jedhan.
Guyyaa dhalatan irraa eegalee haati isaanii hin hammanne, harmas hin hoosifne, yeroo kana dinqii ta’erraa kan ka’e, haati isaaniifi warri achi jiran hundi
baay’ee dinqisifatan. Waggaa sadi erga guutanii boodaas, ergamaa Gabri’eeliin Waaqayyoon ajajamee, daa’imicha harka haadhaatii fuudhee gara
Kawaalatti (Kawaalaatti) geesse. Hoogganaa gadaamichaanis, waan daa’imni kun nyaatuu fi dhuguufis hin yaadda’iin; inni sagalee Waqayyoo qofaan
jiraata jedhee itti hime.
Ergamaan qulqulluu Gabri’eeliinis, gara samiitti ol fudhatee iddoo baay’ee daawwachiise. Kana boodaas, Diyaaqonii ta’ee akka Isxifaanositti,
qulqullummaan Waaqayyoon tajaajilaa ture. Boodas immoo, askeema kaawwatee, ni monokkose. Aangoo lubummaas fudhatee, soomaa fi kadhata
baay’isaa ture. Kana booda, nama irraa adda ba’ee kawaala keessa kophaa jiraate. Akka duuka bu’ootaa, dinqii fi kennaan fayyisuu ni kennameef. Nama
seexanni irra bule, seexana irraa baasaa, kan dhibame fayyisaa, kadhaa isaatiinis, dhukkubsattoonni dhukkuba irraa ni fayyu ture. Egramaa Gabr’eeliin
gara samiitti ol fudhatee, Gooftaa Iyyasuusis erga eebbisee booda, akkas jedheen “ kadhannaa keetiin lubbuun ati ibidda keessaa baaftu baay’eedha,
namarraa adda ba’ii jiraadhu, kadhata keetiin kan ijaan hin agarre ni fayya, qaama miidhamaan dhabatanii sirraa’anii adeemu” jedheen”. Waaqayyos,
leencaa fi qeerransa waliin akka jiraatan, qeerransa jaatamaa fi leenca jaaatama ni kenneef. “Kana hunda maalan nyaachisa?” jedhanii yemmuu
gaafannaanis, lafa ati dhaabatte arrabanii jiraatu; ni quufus jedheen.
Ergamootnis, waan kana yoo dhagahan, baay’ee gammadan. Yommuu iddoo dura jirutti deebi’us, mataa irraa eegalee hanga lukaatti rifeensi ni biqileef.
Dheerinni rifeensa isaaniitis, ciqilee tokkoof walakkaa ture. Abune Gebremenfes Qiddus/Abboon/, nafa isaatiinis “Jabaadhu Waaqayyo fuldura qullaa
kee dhaabattaa cimi” jedhaanin ture. Halkanis guyyaas, Waqayyoon kadhachuurraa hin hafu ture. Foon isaanii hanga goguutti, gogaan isaanis akka
lafeetti maxxanutti, halkanii-guyya ni sagadu malee, waa hin nyaatu ture. Ergamoonnis yeroo hunda ni jajjabeessu ture.
Waaqayyo raajicha Ermiyaasiin osoo gadaamessa haadha kee keessa jirtuun si filadhee akkuma jedhe, Abboonis akkasuma filataman. Kadhannaa
isaanitinis, lubbuun namoota hedduu araara argatan. Gooftaanis “waadaa wanta ati na kadhatte siifan kenna; maqaa kee kan waamaniifii yaadannoo kee
kan godhaniif nan araarama” jedheen. Abboon dhalatee hanga waadaa Waaqayyo irraa argatetti, waggoota 300 ta’ee ture. Waada sanaanis, namoota
baay’etu ibiddaa ba’e.
Abune Gebremenfes Qiddus, gara Itiyoophiyaa qerransoota fi leencota isaa wajjiin saragallaa qillensaa irra taa’anii dhufan. Qulqulluu Gabreelinis, gara
iddoo Midra Kebdiitti geesse (iddoon kun kibbatti argamti). Sana boodas, gara Tulluu Cuqqaallaa fidee, hora tulluu Cuqqaallaa cinaa dhaabbatanii, biyya
keenya kallattii afraniinuu eebbisan. Maqaan Abboo(Aabboo) jedhus Oromootuma naannoo sanaatu kenneefi. Abboonis, hora sana keessa waggaa 100‘f
dhaabatanii kadhatan. Lafeen isaaniitis akka cabbii ta’ee muldhate. Foonsaanis ni dhume, dhiigni isaanis bishaaniin wal make.
Seexannis, kaabaa, kibbaa dhufanii guyyuma guyyaan ni rakkisu ture; ni waraanus ture. Kana booda, gooftaan gara isaa dhufe, ba’i namoota
Itiyoophiyaatiif ararameeraaf jedheen. Yommuu waggaa torbaaf biyya Midre- kebditti dhaabatanii kadhatanis, seexanni arraagessa fakkaatee ija isaanii
lamaanuu keessaa fudhate, isaan garuu, kadhaa isaanii addaan hin kunne turan, hamma kana kadhaadhan kan hawwatame ture. Sana booda garuu,
Mikaa’eela fi Gabri’eeliin dhufanii fuldura isaa dhabatanii, ija irratti ‘if’ itti jedhan, kanaanis ijji isaanii deebi’e. Yommuu gara tulluu Cuqqaallaatti
deebi’anis, Sillaaseen akka Abrahaamitti muldhatanitti ,Abboottis muka tokko jala dhaabatanii itti muldhataniiru.
Gooftaanis, ‘gara tulluu Cuqqaalaatti deebi’iitii seexannan waggaa dhibba tokkof si qoraa turan sana dhabamsiisi, ergamoota koo siifan erga” jedheen.
Yeroo sana, Abboon bakkakkaa fi ergamootaan seexanannan sana ni fixan, ni ari’an. Dinqii Abboon raawwatan keessaa, yeroo Abuna Samu’eel fa’a
isaan gaafachuu dhufanitti, leencota Abuna Saamu’eel, leenconni Abboo jalaa nyaannan, leencota isaaniitiin “koottaa tufaa waan isiniif hin
heeyyamamne; gootan” jedhaniin. Sana booda, “leencota nyaataman sanaan, maqaa gooftaa Iyyasusiin ka’aa” jedhanii yemmuu ajajan, leenconni
nyaataman sun ni ka’an. Waggaa 300 biyya Masrii keessa, waggaa 262 Itoophiyaa keessa, walumatti, Waggaa 562 jiraatan. Erga waadaa hedduu
fudhatanii booda, Bitootessa, 5 haala nama ajaa’ibsiisuun booqatan. Waggaa keessattis, guyyaan kun biyya keenyatti haala ho’aadhan kabajama.
Keessumattuu ammoo, Midre kebdiifi Tulluu Cuqqaalaatti (ShawaaBahaa) keessatti. Onkoloolessa, 5 haaluma wal fakkaatun ni kabajama. Galanni
Waaqayyoof haa ta’u; sugni abbaa keenyas nu waliin haa ta’u.hanga bara baraatti. Ameen!
Naahimii

Q): Taabonnii museef kennamee tokko isiin garuu taabota 44 jechuun ni waamtu kun maaliif ta’u danda’ee?
Q): Moggaasni Maqaa Taabota kakuu haaraa maaliif baay’ate?
A): – Duraan dursee wanti hubachuu qabnu taabota 44 kan jedhu mana amantaa keenya keesa hin jiru.
Taabonni Bataskaana keenyaa tokko dha. Seenaan Taabota 44 jedhu kan eegale, taabota 44n naanawaa magaalaa Gondar keessatti bara 1277-1284
keessatti argaman irraa ka’eeti.Kunis Maqaa Yaadannoo Qulqullootaan taabonni moggaafame lakkoofsa Qulqullootaan baay’achuu agarsiisa. (Isaay.
56:3-8).
Egaa Waaqayyo, “Xu’aashota Sanbata koo eeganiif, wanta na gammachiisu godhaniif, kakuu koo jabeessanii eeganiifis, ani mana qulqullummaa koo
keessatti, kellaa isaa keessattis, ijoollee dhiiraafi durba qabaachuu irra kan caalu, maqaa bara baraan hin badneefi seenaa isaan ittin yaadataman nan
kennaaf. (Isa. 56:4-5)
Seenaan qulqullootaa eebbaaf, seenaan nama jal’aa immoo abaarsaaf ni ta’a. (Fakk. 10:7(8))
Macaafaa qulqulluu irraatti hoo lama qofadha kan museef kennamee Har’a essaa dhufee akkas baay’atee kan jedhuuf immoo Akkuma Macaafa qulqulluu
akkasumaas akkuma mana qulqulluummaa duraan tokkoo qofa kan turee innis mana sagadaa mootichi Solomoon ijaarsisee qofaa ture dur yeroo kakuu
moofaa, ammas garuu tajaajilaa akka toluuf bakkee hundaatti mani qulqulluumaa ijaaramee jira.
Taabonnis tokkoodha garuu maqaa qulqulluuttan moga’ee tajaajila waaqeffanaaf akka toluutti ta’ee jira. kunis kan ta’ee macaafa qulqulluu irraatti
hunda’uun akkuma raajichii Isaayas dubbattee (Isa. 56:4-5)
Haa ta’u malee kennaa, hojji fi kaayyoon taabota bakka hundatu tokkodha. Akkuma macaafni qulqulluun tajaajilaaf baay’ate hojii irra oola jiru taabonnis
tajaajilaaf jecha akkuma raajichi Isaayaas jedhe maqaa qulqullootaan baay’atani.
Manni Qulqullummaa yoo baay’ateyyuu, Taabonni garuu bakka hundumattuu tokko dha. Manni qulqullummaa kakuu moofaa keessaa Mana
Qulqullummaa Solomoon jedhamuun akkuma waamame kakuu haaraa keessatti Mana Qulqullummaa Taklehaymaanot, Aabboo, Aarsemaa, Mikaa’elii,
Gabri’eelii’ … jedhamuun yaadannoo Qulqullootaarraa Eebba argachuuf yoo baay’ateyyuu kan keessatti Waaqeffatamu Waaqayyoo dha; Fooniif Dhiiga
Waaqayyootu keessatti fudhatama.
Wanta dhuunfaa saba lafa irraa ta’e isaaniif kennuudhaan, hojii aangoo isaa namoota isaatti mul’iseera. (Far. 111:6)
Akkasumas qulqulluun Phawulos Maqaa Aqiilaa fi Phiriiqilaatiin Manni Qulqullummaa akka moggaafame kiristaanota achi keessa jiraniif nagaa
dhiyeesseen ibsee jira. (1Qor. 16:19)
Q): – Taaboota fulduratti jilbeefachuun maaliif barbaachise?
A): – Manni Kiristaanaa keenya Waaqayyoon kan Waaqessitu yoo ta’u jecha Qulqullichi Phaawuloos
Kan kabajni Ulfinni ta’uuf ulfina kenni (Rom.13:7)
Jedhe bu’uura Godhachuun kan Waaqayyo kabaje, Taabota, Qulqullootaa fi Meeshaalee mana Qulqullummaa kan Waaqayyoon ittiin Waaqessinu
hundumaaf kabaja ni kennina. Sagada Ulfinaa dabalatee fuuldura Taabotaa, suuraa Qulqullootaatti Ifaa(shaamaa) bobeessuun Waaqayyorraa Eebba ni
arganna.
Waaqayyoos waa’ee meeshalee qulqulluufi ibsaan museetti himeerra akka inni hojjetufi maal irraa hojeechuu akka qabus.(Bau. 25:31-39)
Egaa Taabonni ergaa humni Waaqayyoo kan itti mul’atu eeba kan argamsiisu jechaa rakkina irraa kan nama oolchuu eega jenne sagadni nuti Fuuldura
Taabotaatti sagadnus Abbaa Taabotaa kan ta’e waaqayyoof akka ta’ee ifaadha.
Fakkeenya kanaaf kan nu ta’u sababii balleessa Aakaniin dheekkamsi Waaqayyoo israa’eloota irratti in boba’e, sabootaa Aayin jedhamaniin dhuman.
Sababii kanaaf Iyyaasuu fi manguddoonni israa’eel guyyaa gutuu taabota fulduratti gad gombifamuun Waaqayyoon kadhachuun injifannoo argatani jiru (
Iyyaasuu 7:6-11).
Taabota yeroo yaadnus kan nutti Yaadatamu Abbaa taabotaa kan ta’e Waaqayyo dha. Qulqullichi Daawwit bakkeewwan gara garaatti, Waaqayyoof
bakka Qulqullaa’aa Mana qulqullummaa isaatti sagadaafii kan jedhes Mana Qulqullummaa san keessa Taabonni akka jiru Wallaalee osoo hin taane
sagadni nuti Fuul-dura Taabotaatti taasifnu Waaqayyoof akka ta’e waan beekuufi
Ani garuu gaarrummaa kee isa baay’eedhaan gara mana keetti ol galuun anaaf kennameera; ulfinaan si sodaachuudhaanis, gara mana qulqullummaa
keetti garagalee kufee siif nan sagada. (Far. 5:7)
Harka koo mana qulqulluummaa kee keessaa gara iddoo isa hundumaa irra caalaa qulqulluutti, yeroon ol kaafadhu sagalee himata koo isa ani gargarsaaf
sitti iyyadhu, anaaf dhaga’i. (Far. 28:2)
Ammas taanan kan Waaqessinuu nutti Waaqayyoon malee taabotas miti qulqullootaas miti. Kan Waaqessinuu Waaqayyoodha. Abbaa Ilma Afuura
qulqulluu qaamaan sadii Waaqummaan waaqa tokkoo jenne amana. Kan amanees beekna waan ta’eef har’as hin yeellanu, boor yeella’un keenya hin jiru.
Kanafi qulqulluun Phaawuloos
Ani garuu kanan amane waanan beekuuf hin yeella’u (2Xim. 1:12) kan jedheef.
Kanaaf Yeroo har’aa fuul-dura Taabotaatti jilbeenfannee Rakkoo keenya yoo Waaqayyootti himanne dogoggora hin qabu.
Namni waa’ee kabaja taabotaaf ta’u irraa yaada mamaa kasuu hin qabu, kunis dheekamsa waaqayyoo nama ni baarrara. Yoo tuffi agarsiise garuu
dheekamsa waaqayyoo argachuu ni dandaa’a (2sam 6:16-21 Far 5:7).
Galanni Waaqayyoof haa ta’u!

Warreen junuunfatani kadhataniif-

Dursa #SHER gochuun lubbuu Oolchaa!

➢ Gara ijoo dubbii kootiitti yemmuun seenu Akka seera Amantaa ortodoksii qofatti osoo hin taanee akka macaafa qulqulluuttis #Muganii_kadhachuun
dhorkaa ta'uu irra darbee cubbu guddaadha!

➛ Namoonni heedduun maalif mugdanii kadhattu yemmuu jedhaman deebiin jarri deebisanu Qalbii keenya sassaabbachuufi jedhu

Kun garuu dogongora guddaadha qalbiin ofii kan sassaabamu ija ofii mugsaniif osoo hin taane Kadhannaaf yemmuu of qopheessanuu,dha!

Kana kanan jedhe immoo ofii kootii Uumee osoo hin taane macaafa qulqulluu irra dhaabbadheeni!
Kanammoo akka armaan gadiitti ilaalla

#Macaafni_qulqulluun_waayee_junuunfachuu_maal_jedha

-----#Isa_33_15

➢ Kan junuunfate Araara kan hin jaallanneef kan hin hubannee dha!

-----#isa_44_18

➢ Hin beekanu hin yaadanu akka hin agarreef #ija_isaanii_junuunfataniiru!

-----#Fak_16_30

➢ Namni ija isaa #junuunfatu jal'ina yaada!

-----#HoE_28_27

➢ Lapheen saba kanaa jabaateera gurri jaraas duudeera #ijji_jaraas_junuunfateera

-----#Mat_13_15

➢ Ijji jaraa junuunfateera!

➢ Akkuma gararraatti ilaalle muganii kadhachuun macaafa qulqulluu dhaan kan dhorkameefii Hojii seexanaa deeggaruu akka ta'e ifatti dubbata

➛ Dabalataan Muguun(Dukkanni) hojii seexanaatiin ykn Si'ooliin akka fakkeeffamu ➢ #Mat_8_12 barreefamewra

#Kadhannaan_inni_sirriin_akkamiin_kadhatama

➢ Macaafni qulqulluun akkamitti kadhachuu akka qabnu yeroo kam kadhachuu akka qabnu fi bifa kamiin kadhachuu akka qabnu Gaaffii keenya
hundumaaf deebii gahaa nuuf kaa'eera!

-----#Far_120_1

➢ Ija koo gara tabbaatti ol nan kaasa jedha Q/daawit

➛ Kan jechuun ijakoo gara mootummaa waaqayyoo gara samii gubbaatti ol kaasee waaqayyoon nan kadhadha jechuu akka ta'e Eenyuyyuu hin mormu!

➛ Dabalataan kiristoos buddeen shaniif qurxummii lama yemmuu Eebbise sana ija isaa gara samiitti ol kaasee akka kadhate barreeffameera

-----#Mar_6_41

➢ #ija_isaa gara samiitti ol kaasee Eebbisee jaraaf laate jedha!

➛ Kun kan nuhubachiisu nyaata nyaachuuf yemmuu dhiyaannu mognee osoo hin taanee Ija keenya gara samiitti ol qabnee kadhachuu akka qabnu nu
barsiisa!

➛ Dabalataan kiristoos nama isa dhukkubsate fayyisuuf yemmuu jedhu gara samiitti ol ilaalee akka fayyise nii agarra

-----#Mar_7_34

➢ Gara samiitti ol ilaalee kadhatee Hiikami jedhe! yemmus nii hiikame!

-----#Yoh_11_41

➢ Iyyesuusis ija isaa gara samiitti ol kaasee yaa abbaa waan na dhageesseef galatoomi jedhe!

-----#Yoh_17_1.....irras akkasuma

Dbalataan #Mat_6 irratti yemmuu kadhattan yaa abbaa keenya #samiirra kan jiraattu..........jedha kadha dhaa jedha kanaaf Samii irra kan jiraattu yemmuu
jennu sana gara samii ilaa ta'uu qaba! Junuunfatanii waa'ee ifaa Lafa ilaalaa waa'ee samii dubbachuun maraatu ta'uu dha! ijji keenya gara wanni nuti
barbaannu jiru ilaaluu qaba!

➛ Caqasoonni an armaan olitti katabe kun hundumtii kiristoos nama fayyisuufis ta'ee nyaata Eebbisuuf akka mitti kadhachaa akka ture sirriitti
nuhubachiisa!

➛ Nutis kana Gatii beeknuuf ija keenya mugsinee hin kadhannu sababiin isaas nuti abdii kan godhannu dukkana osoo hin taanee ifa dha!

kanaafi kiristoos #Mat_5_14 irratti #isin_ifa_addunyaati kan jedheef!

➢ Tarii #Muganii kadhachuun sirrii dha namni jedhu yoo jiraate macaafa qulqulluu keessa Dukabu'aa isa kamtu mugee akka kadhate naaf ibsuu
danda'uu qaba sanaan ala filsifinnaa mataa isaatiin Yaada akka hin laanne gamanumaan beeksisuun barbaada!

➛ Kanaaf Namni mugee kadhachaa ture yoo jiraate dogongora akka ta'e ana osoo hin taane macaafni qulqulluum jabeessee dhorka!

➛ Beektaniis ta'ee wallaalumaan Warreen mugdanii kadhachaa turtan yoo jiraattan Yeroo ammaa kana irraa Eegaltanii gaabbina galuu qabdu!

➛ Ta'uu dhaabaannaan Hundi keessaniyyuu nii baddu jedha macaafni qulqulluun!

#Luq_13_13

#HUBACHIISA

Poostii kana dubbisee Eenyuyyuu akka mufatu hin fedhu namni poostii kana mormu yoo jiraate macaafa qulqulluu akka mormaa jiru haabeeku!

#Bagan_Ortodoksii_ta'e!

--------~~~~~~~~--------

#Dn_Mintesinot_yadeta

Barri hamaan utuu hin dhufin, waggoonni ati, "Anatti hin tolan" ittiin jettus utuu hin dhi'aatin, bara dargagummaa keetti uumaa kee yaadadhu!
Aduun, ifni, jiini, urjiinis utuu hin dukkanaa'in, bokkaa booddeedhaanis duumessi utuu hin dhufin, uumaa kee yaadadhu Yaa ilma ko, kana irrattis gorsa
kanatti aanee jiru fudhadhu! Macaafota caafuu baay'isuun dhuma hin qabu, macaafa qoruu baay'isuunis nama in dadhabsiisa.Waaqayyoon sodaadhu,
abboommii isaas eegi! Kun nama hundumaa irraa in barbaadama; xumurri dubbii dhageenye kana hundumaas isa kana Waaqayyo hojii hundumaa, gaarii
ta'us hamaa ta'us wanta dhoksaatti hojjetamu hundumaaf firdii in kenna.Isin, Waaqayyoon yoo sodaattan, isaaf yoo hojjettan, dubbii isaa yoo
dhaggeeffattanis, diddanii sagalee isaa irratti yoo ka'uu dhabaattan, isin, mootiin isin irratti moosifames duuka-buutuu Waaqayyo gooftaa keessanii in
taatu.”
— 1Sam. 12:14
Fak. 4 Yaa ilmaan ko, gorsa abbootaa dhaga'aa, akka hubattanitti yaadaan duukaa bu'aatii dhaggeeffadhaa!
Ani barsiisa gaarii isiniif nan kenna, isin seera koo hin dhiisinaa!
Ani mana abbaa kootti mucaa qanani'aa, haadha kootiifis ilma tokkicha yommuun ture,
abbaan koo kanatti fufee kan jiru na barsiise; ''Waanan sitti dubbadhu cimsii yaadatti qabadhu, in jiraattaatii abboommota koo eegi!
Ogummaa argadhu, hubataas ta'i! Dubbii afaan kootii hin irraanfatin, irraas hin jal'atin!
Ogummaan si golgitii ishee hin dhiisin, si eegdiitii ishee jaalladhu!
Ogummaan hundumaa irra in caaltiitii ishee argadhu! Wanta qabdu hundumaanis, hubannaa bitadhu Ol ishee fuudhi, isheenis ol si qabdi, ofitti ishee
qabi, isheenis ulfina siif in kenniti; Dhaga'i yaa ilma ko, dubbii koo fudhadhu! Barri jireenya kees in baay'ata.Ani karaa ogummaa si barsiiseera, daandii
qajeelaa irras si geggeesseera.Yommuu adeemtu karaan sitti hin dhiphatu, yommuu fiigdus hin gufattu; gorsa siif kennamtetti jabaadhu, gad ishee hin
dhiisin! Isheen jireenya kee waan taateef, ba'eessa godhii eeggadhu! Daandii namoota jal'ootaa irra hin bu'in, karaa namoota hamootaa irras hin
deddeebi'in! Irraa fagaadhu! Isa irras hin adeemin, irraa gori karaa kee irra adeemi Daandiin qajeelotaa akka ifa barii ganamaa, isa yeroo biiftuun baatee
ol adeemtu, ittumaa ifaa ol adeemuu ti.
Daandiin jal'ootaa garuu akka dukkana limixii ti, jal'oonni wanta isaan gufachiisu hin beekan.

Q𝙪𝙡𝙦𝙪𝙡𝙡𝙚𝙚𝙩𝙩𝙞𝙞 A𝙧𝙨𝙚𝙚𝙢𝙖𝙖

ati hamma du'aatti amanamaa ta'i!

Mul. 2:10

Kiristaanni tokko jireenya Afuuraa isaatiin cimaa fi guddachaa adeemuun barbaachisaadha. bara darbe irra barana , kaleessa irra
har'a cimanii dhaabbachuun ni mala. “Dammaqaa, amantiitti cimaatii dhaabadhaa! Ija-jabeeyyiidhaa fi jajjaboo ta'aa!” kan
jedhameefis kanumaafidha. haala miijataa keessattis ta'ee haala hin miijanne keessatti Amantaan cimuunii fi Afuuraan guddachuun
barbaachisaadha.

1Qor. 16:13

kanaafis biyya lafaa irraa adda ba'uun gidiraa (qorumsa) nama qunnamuun cimuudha. qulqulloonni Amantaa al tokko kennamteef
hamma dhumaatti gidiraa arganiiru. kaan seefiin mormi isaanii cite, warri kaanis gara Labooba Abiddaatti darbataman, kaanis gara
Afaan Leencaatti gataman.

Ibir 11:32-38 Yihu 1:3

Qulqulloota kanneen keessaas mee yericha waliin kan deemu seenaa Qulqulleettii Arseemaa waliin haa ilaallu.

Haala dhaloota ishee

Haati keenya Qulqulleettii Arseemaan Abbaa ishee Tewdiroosii fi Haadha ishee Qulqulleettii Atinaasiyaa irraa biyya Armenitti
wareegaan dhalatte. Arseemaa jechuunis "bareedduu, Miidhagduu" jechuudha. maatiin ishees qajeelummaadhaan waaqayyoon kan
tajaajilanii fi gosa lubootaa irraa akka turan #qabsuurri ishee ni dubbata. Maatii ishee irraas kitaaba qulqulluu kan barattee fi isa
barattes hojiitti kan hiikte, jireenyi ishee Soomaa fi kadhannaan kan murtoofteedha.

Qabsuura ishee....

Bara ishee kanattis Mootii waaqayyoon hin beekne #Dirxaadis jedhamutu Armeniin bulchaa ture. Mootiin kun waaqayyo
gooftaan maccaa isa raajaa Musee irra bulee Waaqa tolfamaa hin waaqeffatin jedhe irra darbee waaqa tolfamaa kan waaqeffatu ture.

Waaqayyolii wanta baqfame irraa tolfaman hin godhatin! akkuma jedhu.

Bau. 34:17
 Mootiin kun kiristaanota bara sana turaniin Waaqa tolfamaa an waaqessu yoo waaqessuu, (sagaduufii) dhabaattan ajaja koo
diddaniittu waan ta'eef gidiraan isinitti baay'isa jechuun #labsii baasee #hiraarsaanii ture.

ajaja Mootichaas diduu jaraatiin kiristaanonni inni #hiraarsaa ture lakkoofsi jaraa 27 ture.

Ergasii Yesus bartoota isaatiin, namni tokko illee ana duukaa bu'uu yoo barbaade, waa'ee ofii isaa dhiisee, fannoo isaa [isa anaaf
jedhee baatu] of irra ka'aate, ana duukaas haa bu'u" isa jedhu Kiristaanota hojii irra Olchanii waaqa tolfamaa keetiif hin sagadnu
jedhan reebaa fi gidiraa irraan ga'aa ture. Haati keenya Qulqulleettii Arseemaanis Qabsuura jara kanaa fkn godhachuun gidiraa
arguu akka eegalte Seenaa jireenya ishee kitaabni qabee jiru nu hubachiisa.

Mat. 16:24

Qulqulleettii Arseemaanis waggaa 20'ffaa isheetti sagalee waaqayyoo isa “Yaa'iitti dabarsanii isinin kennu, manneen sagadaa
isaanii keessattis isin in reebu" jedhu yaadachaa gochaa Mooticha kanaa mormuun garee warra kiristoosiif dhugaa ba'anii
#hiraarfamanuutti dabalamte.

Kunoo

Namoota irraa garuu of eeggadhaa! Yaa'iitti dabarsanii isinin kennu, manneen sagadaa isaanii keessattis isin in reebu. Isaanitti
warra saba Waaqayyoo hin ta'inittis dhugaa ba'uudhaaf, anaaf jettanii fuula warra biyya bulchanii fi fuula moototaatti in geeffamtu.
Yommuu dabarsanii isin kennan immoo akka itti dubbattan yookiis maal akka jettan hin yaadda'inaa; wanti isin dubbachuuf jirtan
yeroo sanatti isiniifin kennama. Hafuura abbaa keessaniitu isin keessaa dubbata malee, isintu dubbata miti.

Mat 10:16-20

Tajaajilaan mootichaas miidhaginaa fi haasaa bilchaataa isheen dubbatu ajaa'ibsiifatee fedhii isheetiin wareegamuuf si'a jettu
homaa irratti gochuu waan hin barbaadneef Kiristaanota warra 27 wajjin gara mooticha Dirxaadisitti geesse.

Mootichis miidhaginaa fi haasaa isheetiin booji'amee fedhii fi gammachuu fooniitiif ishee hawwe. akka isheen haadha warraa isaa
taatuufis baay'ee kadhateen. #galfataa warqii fi Qarishii heedduus dhiyeesseef. Qulqulleettii Arseemaan garuu miidhaginnii fi
Qabeenyi biyya lafaa akka darbuu waan beektuuf kaayyoo isheetti cichite. mootichaanis "ani misiroo Mooticha kiristooti! fedhii fi
faayidaa biyya lafaa darbuun hin gowwoomu jetteen.

Simboon nama irraa in darbiti miidhaginnis nama in gowwoomsiti akkuma jedhu.

Fak. 31:30

Mootichis kana ishee irraa yeroo dhaga'etti heedduu dheekkame, waaqa ishee #amanachuu isheettis ni aare, akka leencota
hidhaattii itti gadhiisanuufis garboota isaa ajaje. Leenconni sun garuu fuula jaraa gara mootichaatii fi tajaajiltoota isaatti
naannessuun ariyatani. Qabsuura Qulqulleettii Arseemaa irra seenaan jiru kunis bifa walfakkaataan raajii Daani'eel irratti
barreeffamee agarra.

kunoo
 Raajichi Daani'eel badii isaatiin alatti gorsa namoota hamootaatiin gara boolla Leencaatti si'a darbatamu Leenconni sun miidhaa
tokkollee irraan hin geenye, miti nyaachuunii qeensa miilla isaa arraabaa Abboomamaafii turan.

Ganama akkuma lafti bari'een mootichi ka'ee ariitiidhaan gara boolla leencotaa dhaqe; gara boollicha isa Daani'el keessa turetti
yommuu dhi'aate immoo, sagalee yaaddootiin, "Yaa Daani'el, hojjetaa Waaqayyo jiraataa, Waaqayyo kee inni ati ittuma fuftee
waaqessitu, afaan leencotaa keessaa si oolchuu danda'eeraa?" jedhee guddisee gaafate. Daani'el immoo deebisee mootichaan, "Yaa
mootii, bara baraan jiraadhu! Waaqayyo koo ergamaa isaa ergee afaan leencotaa cufsiise, kanaaf isaan ana hin miine; anoo isa
duratti mudaa malee nan argame, si durattis yaa mootii, dabaa hin hojjennee jedheen.

Dan 6:19-23

warra Daani'eeliin balleessaa isaa malee himataniin garuu “Mootichi abboomnaan dubartoota isaanii fi ijoollee isaanii wajjin
boolla leencotaa keessa bubbuusan; garuu utuma isaan boollicha keessaa lafa hin ga'in leenconni qolatanii lafee isaanii caccabsan.

Dan. 6:24

Mootichis kiristaanonni 27'n wareegamummaaf cichanii waan dhaabbataniif hidhamanii beelaan akka dhuman ajaje. waaqayyo
jarri amanatan garuu mana jarri itti hidhaman ifaan guutee, waan nyaatanii fi dhugan xoofootti samii irraa buuseef. mootichis kana
argee hidhaadhaa baasee akka abiddaan gubatanuuf gara abiddaatti darbachiise. waaqayyo inni ergamaa qulqulluu Gebri'eeliin ergee
ijoollee sadan abiddaa baase jara kanas Oolcheera.

Haala Boqonnaa ishee ...

Cichoominni kiristaanonni 27'n kun Amantaa jaraatiin qaban kan nama dinqu waan ta'eef mootichi gorsitoota isaa waamee maal
gochuu wayya? jedhee gaafateen. gorsitoonni kunis hundumti jaraayyuu #seefiidhaan mormi jaraa irraa ha #citu jedhanii sagalee
tokkoon walii galan. warri 27'n yeroo tokko tokkoon mormi jaraa citus #goonfoon #injifannoo samii irraa utuu bu'uufii waan
agarteef Qulqulleettii Arseemaan darabee ishee hawwiin eeggachaa turte.

Wareegamummaattis waaqayyo akka ishee cimsuuf kadhachaa warri kaanis akka cimanuuf jabaadhaa gidiraan biyya lafaa
cimaadhaa jettee jajjabeessaa turte. mootichis warra kaan morma jaraa kuchisiisee erga fixeen booda gara Qulqulleettii Arseemaatti
gara galuun si'i akka warra kaanii salphaatti si hin ajjeesu #gidiraan sitti baay'isa jedheen. tajaajiltoota isaatiinis akka ija ishee
keessaa baasanii harka isheetiin qabsiisan , harma ishees akka kutan taasisee, xumura irrattis mormi ishee citee fulbaana 29
wareegamummaan boqotteetti.

Kakuu isheedhaaf galame ...

Qulqulluun Daawit faarsaa isaa irratti warran foo'adhee wajjin waadaa nan gale akkuma jedhe Faar 88/89/:3 Gooftaan keenya
Iyyesuus kiristoos maqaa kootti Amantee gammachuun biyya lafaa osoo si hin bitin morma kee seefiif kennitee wareegamteetta
maqaa kee kan waame, Ayyaana kee kan kabaje, maqaa keetiin beela'aa nyaachisee dheebotaa kan obaase, qabsuura kee kan
barreessee, kan dhaga'ee fi dhageessise hanga dhaloota 12'tti cubbuu isaa nan dhiisaaf jedhee kakuu galeeraaf.

kadhannaa, araarsummaan, sugni Qulqulleettii Arseemaa hunduma keenyaa wajjin ha ta'u!

Ayyaanni gooftaa Iyyesuus Kiristoos, jaalalli Waaqayyoo, tokkummaan Afuura qulqulluus hunduma keenyaa wajjin haa ta'u!

2Qor. 13:13
 Ayyaana Gaarii!!!

eebbaaf ta'aa!

Samuel T'n

27/01/2015

28/01/

Dursa #SHER gochuu hin dagatina!

Akkuma beekamu Manni Amantaa Ortodoksii ajaja M/qulqulluu Tuqaa tokkoyyuu isoo irraa hin irrisin Osoo itti hin dabalin Kan Eegduuf kan
Eegsistuudha!

➢ Bu'uuruma kanaan Manni Amantaa Keenya #Araarsummaa_Ergamootaaf #Sagadni_Ergamootaaf_Akka_barbaachisu Beektee kan beeksisaa jirtuu
dha!

➢ Akkuma beekamu Poostii koo kanneen kanaan duraa keessatti Araarsummaa Ergamootaa tiif Dabalataanis Gosoota sagadaa fi sagada qulqullootaaf
kan jedhu Bal'inaan ilaalleerra Warree hin Aggarre #Profile koo galaa daawwa dhaa!

➢ Har'ammoo #Sagada_Ergamootaaf kan jedhu ilaalla!

Beekaniis haata'u wal'aalumaan Nammoonni Heedduun Sagadni Ergamootaaf hin malu jedhanii jecha macaafa qulqulluu faallessuun Lallaba seexanaa
kan lallaban Lakkoofsi jaraa Ammana kan jedhamu miti!

Garuu macaafni qulqulluun Waa'ee sagada Ergamootaa maal jedha isa jedhu Akka armaan gadiitti ilaalla!

➢~~~#Um_19_1~~~➢

Loox Ergamoota waaqayyoof nii sagade

➢~~~#Iyas_5_13~~~➢

Iyyaasuun Ergamaa waaqayyoof nii sagade!

➢~~#1ffaa_ዜና_21_16

Daawit Ergamaa Waaqayyoof nii sagade

➢~~~#Dan_8_15~~~➢

Daani'eel Ergamaa waaqayyoof nii sagade!

➢~~#መሳፍ_13_12 ~~➢

Maanuheen Ergamaa waaqayyoof nii sagade!

Caqasootni nuti gara Oliitti ilaalle kun waarreen jiran keessaa muraasa dha Kan jarri dubbatanis Daawitiin dabalatee Qulqulloonni nuti macaafa
qulqulluu keessatti Beeknu Heedduun isaanii Ergamootaaf sagadaa akka turan nuhubachiisa!
 Caqasicha akkuma dubbistanu Qulqulloonni kun yemmuu Ergamaa waaqayyoof sagadanitti Ergamaan waaqayyoo #Naaf_hin_sagadinaa hin jenneenii
ture! Maalif jennaan sagadni Ulfinaa Ergamootaaf akka malu Ergamoonnis beeku Warreen sagadanis sirriitti beeku waan ta'eef!

Nutis Akkuma #Ibr_13_7 irratti Abboota keessan warreen isin dura turan ilaalaa Amantaa dhaanis jara fakkaadha!

Akkuma jedhame nutis sana bu'uura godhannee Akkuma jarri Ergamoota waaqayyoof sagadan Nutis nii sagadna!

Ergamootaaf Sagadni hin malu jechuu dhaaf Shakkitootni Kan jarti mataduree falmii godhatan #Mul_19_10 irratti Ergamaan waaqayyoo yohaannisii
dhaan naaf hin sagadin jedheera isa jedhudha!

#Ergamaan_waaqayyoo_Maalif_naaf_hin_sagadin_jedhe

1ffaa #Kasoomina ትህትና dhaafi

Kunis Saaxnaa'el Ulfina isaa irraa kan gadi darbatameef Of tuulummaa (Naaf sagadaa) jechuu isaatiini!

Macaafni Qulqulluun ammoo Kan Gad of qaban Ol qabamu kan ol of qaban gadi qabamu jedha! Kanaaf Ergamaan waaqayyoo Kasoomina isaa ibsuuf
Yohaannisiin naaf hin sagadin jedheera!

2ffaa #Yohaannis_luba_waanta'eef!

Akkuma beekamu Yohaannis jireenyi isaa akka Ergamaa waaqayyootti Kan jiraatedh durbummaa dhaan kan jabaatedha! Qulqullummaa keessa ba'ee
Amma iccitii sillaasee qorachuutti kan dhaqqabee dha!

itti Aansiin Ammoo Qulqulluun phaawuloos

➢~~~ #1ffaa_Qor_6_2

irratti #Ergamoota_irrattillee_murteessuu_nii_dandeenya jedheera

Kana jechuun isaas #Luboonni_taayitaan_jaraa_taayitaa_ergamootaa akka caalu agarsiisa!

Kanaaf Ergamaan waaqayyoo taayitaa Yohaannisiif qulqullummaa yohananis waan beekuuf Kasoomina isaa ibsuuf jecha naaf hin sagadin ittiin jedheera!

➢Bu'uuruma irraa iccitii sillaasee samii gubbaatti kan arge waaqummaa waaqayyoo saba hundumaaf kan lallabe yohaannis Sagada waaqayyoof
sagadamuuf Ergamaaf sagadamu gargar baasee wallaale Ergamaan itti hima jechuun jaraayyuu cubbuu guddaadha!

Yohaannisis Ergamaan waaqayyoo isa kabajuuf ykn kasoominaaf Akka naaf hin sagadin jedhe waan beekuuf #Mul_22 irrattis irra deebii dhaan
sagadeeraaf!

Hunduma irra caalaa yeroo hundumaa kan na'ajaa'ibsiistu garuu #Harree_Belaa'amiiti!

#S_Lak_22

irratti Guyyaatokko Bela'aam Harree isaa yaabbatee Osoo adeemuu Ergamaan Waaqayyoo seefii qabatee Daandii walakkaa dhaabbatee ture Yemmus
#Harreen Bela'aam isa sila deemaa turte Dhiiste Fuuldura ergamaa waaqayyootti #Jilbeenfatte Wanti nama ajaa'ibu garuu Bala'aam Ergamicha arguu
dhiisuu isaati

Yemmus bela'aam Kammaal jilbeenfatta jedhee harree isaa reebuu Eegale Sana booda waaqayyo Afaan harretti bane Harrettiinis Afaan namaatiin
dubbattee Maalif nareebda ? Ergamaa waaqayyootu fuuldurakoo dhaabbatee jiraam ittiin jette!

#S_Lak_22_31

Yemmus waaqayyo ija bela'aam nii bane bela'aamis ergamaa waaqayyoo yemmuu argu jilbeenfatee isaaf sagade!
#Hubadhaa

Waaqayyo ija bela'aam bane kan jedhame ija isaa kan foonii hin turre Sababni isaas ijji isaa foonii ilaalaa ture kan jaamee ture ija isaa Afuuraa kan
ergamaa waaqayyoo ilaalu ture

Har'a osoo hin fayyin fayyineerra kan jedhan Ergamaa waaqayyootiif sagadni hin malu kan jedhan Akka bela'aam ijji jaraa Afuuraa ergamaa
waaqayyoo ittiin ilaalan jaamee waan jiruufidha!

Akka Ergamaa waaqayyoo ilaalee isaaf sagaduuf Waaqni ija laphee bela'aam bane warreen bara kana tiif akka ergamaa waaqayyootiif ilaalanii sagadan
ija laphee jaraa jaraaf haabanu!