1|P a g e IKALAWANG LINGGO- IKATLONG MARKAHAN

ARALIN 2: Pagsasaling-Wika

PAGLALARAWAN SA SABJEK

Ang sabjek na ito ay naglalayong mapunan ng kaalaman, pag-unawa at mahalagang

pangkatauhan ang bawat mag-aaral. Ito rin ay magiging daluyan ng pagpapalitan ng karunungan
sa pagpapaunlad ng kamalayan sa gramatika at panitikan ng mga mag-aaral sa pamamagitan ng
interaktibong pamamaraan upang mahubog ang kanilang kakayahan sa kasanayang
pangkomunikatibo.

PAGLALARAWAN SA PAKSA

Ang pagsasaling-wika ay ang pagtatangkang halinhan ang isang nakasulat na mensahe o

pahayag mula sa unang wika tungo sa ikalawang wika. Ilan sa mga layunin ng pagsasaling-wika
ay pagpapalaganap ng kaalaman o kaisipang ipinaabot ng awtor mula sa teksto.

PANGKALAHATANG PAMPAGKATUTO

Pamantayang Pangnilalaman:

Naipamamalas ang pag-unawa at pagpapahalaga sa mga akdang pampanitikan ng Africa at

Persia.

Pamantayang Pagganap:

Ang mag-aaral ay nakapanghihikayat tungkol sa kagandahan ng alinmang bansa batay sa

binasang akdang pampanitikan.

Most Essential Learning Competencies:

Nagagamit nang angkop ang mga pamantayan sa pagsasaling-wika.

Mga Layunin:

1. Naibibigay ang kahulugan ng pagsasaling-wika.

2. Naisasalin sa Filipino ang mga salita at pahayag na nasa wikang Ingles
3. Nagagamit nang maayos ang mga pamantayan sa pagsasaling-wika

PAGSASALING-WIKA

ALAMIN MO!

FILIPINO 10 Guro: Bb. Maraia S. Vanzuela

2|P a g e IKALAWANG LINGGO- IKATLONG MARKAHAN

PAGSASALING-WIKA
Ang pagsasaling-wika ay ang pagsasalin o sa pinakamalapit na katumbas na mensahe ng
tekstong isinasalin sa wika o diyalektong pinagsasalinan.

Ingles Filipino
Halimbawa: old house – lumang bahay

Sa pagsasaling-wika kailangang maipabatid nang tama ang mensahe ng isinasalin kaya

naman mahalagang isaisip ng isang tagapagsalin ang sumusunod na paalala o pamantayan sa
pagsasaling-wika

Mga Pamantayan sa Pagsasaling-Wika

1. Alamin ang paksa ng isinasalin. Magbasa o magsaliksik upang mapag-aralan ito at

magkaroon nang malawak na kaalaman sa paksa ng tekstong isasalin.

2. Basahin nang ilang beses ang tekstong isasalin . Tiyaking nauunawaan mo ang nilalaman ng
teksto sa lebel na halos kakayanin mo nang ipaliwanag o muling isalaysay kahit pa wala ang
orihinal sa iyong harapan. Gayunpama’y tandaang hindi ka basta-basta magpapaparaphrase
kung magsasalin kaya hindi mo dapat baguhin, palitan o bawasan ang ideya o mensahe ng
iyong isinasalin.

3. Tandaang ang isinasalin ay ang kahulugan o mensahe at hindi lang mga salita. Makatutulong
ang malawak na kaalaman ng isang tagapagsalin sa wikang isasalin at sa wikang
pagsasalinan. Hindi kasi sapat na basta tumbasan lang ng salita mula sa pinagmulang teksto
ng isa ring salita sa pagsasalinang wika dahil literal lang ang kalalabasan ng pagsasalin at
maaaring hindi mapalabas ang tunay na diwa ng isinasalin.
Halimbawa:
a taste of reading
panlasa sa pagbasa – mali
hilig sa pagbasa – tama
b. fall in line
mahulog ka sa linya – mali
pumila/pumila ka – tama

4. Piliin ang mga salita at pariralang madaling maunawaan ng mambabasa. Mainam kung ang
mga salitang gagamitin ay lubos mong nauunawaan ang kahulugan at tiyak na mauunawaan
di ng mga mambabasa upang higit na maging natural o malapit ang orihinal na salin.

5. Ipabasa sa isang eksperto o sa isang katutubong nagsasalita ng wika ang iyong isinalin.
Makatutulong nang malaki ang pagpapabasa ng isinalin sa isang taong eksperto o katutubong
nagsasalita ng wikang ito upang mabigyang-puna niya ang paraan ng pagkakasalin at masabi
kung ito ba’y naaangkop na sa konteksto ng isang taong likas gumamit ng wika.

6. Isaalang-alang ang iyong kaalaman sa genre ng akdang isasalin. Nakatutulong sa epektibong

pagsasalin ang kaalaman ng tagapagsalin sa genre na kinabibilangan ng isasalin. Halimbawa,
hindi basta makapagsasalin ng isang tula ang isang taong walang gaanong alam sa
matatalinghagang salita at mga tayutay na karaniwang ginagamit sa isang tula. Idagdag pa
rito ang kaalaman ukol sa magkakatugmang salita lalo na kung may sukat at tugma ang
tulang isasalin. Kung tula ang isasalin, kailangang lumabas pa rin itong isang tula at hindi
prosa. Kung ito ay may sukat at tugma, kailangang pagsikapan ng tagapagsaling mapanatili
rin ito.

7. Isaalang-alang ang kultura at konteksto ng wikang isasalin at ng pagsasalinan. May mga

pagkakataon kasing ang paraan ng pagsasaayos ng dokumento sa isang wika ay depende sa

FILIPINO 10 Guro: Bb. Maraia S. Vanzuela

3|P a g e IKALAWANG LINGGO- IKATLONG MARKAHAN

kanilang nakasanayan ay naiiba sa wikang pagsasalinan kaya’t dapat din itong bigyang-
pansin ng magsasalin.

8. Ang pagiging mahusay na tagapagsalin ay nalilinang sa pagdaan ng panahon at napagbubuti

ng karanasan. Kung sakaling sa unang pagtatangka ay hindi mo agad magawang
makapagsalin nang halos kahimig ng orihinal ay huwag kang mag-alala dahil habang
tumatagal ka sa gawaing ito ay nagkakaron ka ng mas malawak na karanasan ay lalo kang
gagaling at magkakaroon ng kahusayan sa gawaing ito.

Halimbawa:
Orihinal:
‘’Earth provides enough to satisfy every man’s needs, but not every man’s greed.’’
Pagsasalin:
‘’Ang mundo ay nakapagbibigay nang sapat upang matugunan ang pangangailangan ng bawat
tao, ngunit hindi ang kasakiman ng tao.’’
Orihinal:
‘’ If you really think that the environment is less important than the economy; try holding your
breath while you count your money.’’

Pagsasalin:
‘’Kung sa tingin mo talaga na ang kapaligiran ay di masyadong mahalaga kaysa sa ekonomiya,
subukan mong pigilan ang iyong hininga habang binibilang mo ang iyong pera.’’

Mga Pamamaraan sa Pagsasalin

1. Pagsasaling Salita sa Salita- Tinatawag din itong literal na salin.

Halimbawa:
Ingles: A beautiful garden
Filipino: Isang magandang hardin

2. Naturalisasyon- May pagkakahawig sa transference ngunit dito ay sinusunod muna ang

normal na pagbigkas at pagkatapos ang normal na morpolohiya sa target na wika.
Halimbawa:
television – telebisyon

3. Leksikal na kasingkahulugan- Ibinibigay ang malapit na katumbas o angkop na

kasingkahulugan sa target na wika ng pinagmulang wika.
Halimbawa:
old man – matandang lalaki

4. Kultural na Katumbas
Itinuturing itong malapit o halos walang salin
Halimbawa:
tea break – meryenda

5. Adaptasyon
Ang ibang katumbas nito ay adapsyon o salitang hiram na ibig sabihin ay ang paglilipat o
panghihiram ng mga kultural na salita mula sa simulang wika patungo sa tunguhang wika.
Halimbawa:
Ingles: hotdog
Filipino: hotdog
Ingles: pizza
Filipino: pizza

6. Malaya

FILIPINO 10 Guro: Bb. Maraia S. Vanzuela

4|P a g e IKALAWANG LINGGO- IKATLONG MARKAHAN

Ito ay malaya at walang kontrol at parang hindi na salin.

Halimbawa:
Ingles: Tone down your voice.
Filipino: Hinaan mo ang iyong boses.

7. Idyomatiko
Kung ang pahayag ay indyomatiko, marapat na tumbasan din ito ng pahayag na idyomatiko.
Halimbawa:
Ingles: head of the family
Filipino: haligi ng tahanan

GAWAIN
GAWAIN

Pangalan: _______________________ Baitang at Seksyon: ________________

Guro: Bb. Maraia S. Vanzuela Skor:

SAGUTIN MO!

I. Panuto: Piliin ang tamang salin sa Filipino ng mga sumusunod na pangungusap.

Isulat ang titik ng tamang sagot sa patlang.

_______1. Sleep soundly.

A. matulog nang mahimbing
B. matulog nang matunog
_______2. Sing softly.
A. umawit nang malambot
B. kumanta nang mabilis
_______3. Take a bath.
A. kumuha ng paliguan
B. kunin doon sa banyo
_______4. Sleep tight.
A. matulog nang mabuti
B. matulog sa masikip
_______5. How do you do?
A. Ano ang ginagawa mo?
B. Ano ba ang gagawin mo?
_______6. Where are you going?
A. Ikaw ay saan pupunta?
B. Pupunta ka saan?
_______7. I’m glad to meet you.
C. matulog nang maingay
D. matulog na may musika
C. umawit nang mahina
D. umawit nang madalas
C. maligo
D. huwag maligo
C. matulog nang mahimbing
D. matulog nang mahimbing
C. Kumusta Ka?
D. Paano mo gagawin?
C. Saan ba ikaw pupunta?
D. Saan ka pupunta?

FILIPINO 10 Guro: Bb. Maraia S. Vanzuela

5|P a g e IKALAWANG LINGGO- IKATLONG MARKAHAN

A. Akin ang katuwaang magtagpo kita.

B. Ako ay nagagalak na makatagpo ka.
C. Ikinagagalak kitang makilala.
D. Nagagalak ako na makapulong kayo.
_______8. We must patrionalize our own product.
A. Ang kailangang magtaguyod ng ating produkto ay tayo.
B. Kailangang tayo ang gumamit ng sariling atin.
C. Dapat nating tangkilikin ang ating sariling produkto.
D. Tayo ang dapat bumili ng ating produkto.
_______9. I read the newspaper every day.
A. Ako ay nagbabasa araw-araw.
B. Araw-araw may binabasa ako.
C. Binabasa ko ang balita araw-araw.
D. Nagbabasa ako ng diyaryo araw-araw.
_______10. The independence of countries such as ours cannot be complete until the last traces
of colonialism have been eradicated.
A. Ang kalayaan ng mga bansa ay hindi ganap kung may kolonyalismo.
B. Ang independensya ng mga bansang gaya ng atin ay hindi kumpleto kung may huling
bakas ng kolonyalismo.
C. Hindi ganap na malaya ang bansang may tatak na kolonyalismo.
D. Hindi magiging ganap ang kalayaan ng mga bansang tulad ng atin hanggang hindi
napapawi pati ang kahuli-hulihang tatak ng kolonyalismo.
II. Panuto: Masubukan naman ang iyong husay sa pagsasalin mula sa ating wikang
Filipino patungo sa wikang Ingles. Isalin mo ang bahagi ng awiting ‘’Kapaligiran’’
ng grupong Asin. Isulat ang iyong pagsasalin sa loob ng kahon. (50 PUNTOS)

Masdan Mo Ang Kapaligiran

Asin

Wala ka bang napapansin sa iyong mga kapaligiran?

Kay dumi na ng hangin, pati na ang mga ilog natin.

Refrain 1: Hindi nga masama ang pag-unlad at malayo-layo na rin ang ating narating ngunit
masdan mo ang tubig sa dagat dati'y kulay asul ngayo'y naging itim ang mga duming ating
ikinalat sa hangin sa langit huwag na nating paabutin upang kung tayo'y pumanaw man,
sariwang hangin sa langit natin matitikman.

Refrain 2: Mayron lang akong hinihiling sa aking pagpanaw sana ay tag-ulan gitara ko ay aking
dadalhin upang sa ulap na lang tayo magkantahan

Refrain 3: Mga batang ngayon lang isinilang may hangin pa kayang matitikman? may mga puno
pa kaya silang aakyatin may mga ilog pa kayang lalanguyan?

Refrain 4: Bakit di natin pag-isipan ang nangyayari sa ating kapaligiran hindi na masama ang
pag-unlad kung hindi nakakasira ng kalikasan darating ang panahon mga ibong gala ay wala
nang madadapuan masdan mo ang mga punong dati ay kay tatag ngayo'y namamatay dahil sa
'ting kalokohan

Refrain 5: Lahat ng bagay na narito sa lupa biyayang galing sa Diyos kahit nong ika'y wala pa
ingatan natin at huwag nang sirain pa ‘pagkat kapag Kanyang binawi, tayo'y mawawala na.

FILIPINO 10 Guro: Bb. Maraia S. Vanzuela