Filipino 7

Filipino – Ikapitong Baitang

Ikalawang Markahan – Modyul 9: Dalawang Uri ng Paghahambing
Unang Edisyon, 2020

Isinasaad sa Batas Republika 8293, Seksiyon 176 na: Hindi maaaring magkaroon
ng karapatang-sipi ang sinuman sa anumang akda ng Pamahalaan ng Pilipinas.
Gayunpaman, kailangan na may pahintulot ng ahensiya o tanggapan ng pamahalaan na
naghanda ng akda kung ito ay pagkakakitaan. Kabilang sa mga maaaring gawin ng
nasabing ahensiya o tanggapan ay ang pagtakda ng kaukulang bayad.

Ang mga akda (kuwento, seleksiyon, tula, awit, larawan, ngalan ng produkto o
brand name, tatak o trademark, palabas sa telebisiyon, pelikula, atbp.) na ginamit sa
modyul na ito ay nagtataglay ng karapatang-ari ng mga iyon. Pinagsumikapang malikom
ang mga ito upang makuha ang pahintulot sa paggamit ng materyales. Hindi inaangkin
ng mga tagapaglathala at mga may-akda ang karapatang-aring iyon. Ang anumang gamit
maliban sa modyul na ito ay kinakailangan ng pahintulot mula sa mga orihinal na may-
akda.

Walang anumang bahagi ng nilalaman nito ang maaaring kopyahin o ilimbag sa

anumang paraan nang walang pahintulot sa kagawaran.

Inilathala ng Kagawaran ng Edukasyon Dibisyon ng Lungsod ng Pasig.

Komite sa Pagsulat ng Modyul

Manunulat: Prelyn C. Condolon
Tagasuri: Ruby M. Bacsafra at Nida A. Leaño
Editor: Leda L. Tolentino at Cindy C. Macaso

Tagapamahala: Ma. Evalou Concepcion A. Agustin

OIC-Schools Division Superintendent
Carolina T. Rivera EdD
OIC-Assistant Schools Division Superintendent
Victor M. Javeña EdD
Chief, School Governance and Operations Division and
OIC-Chief, Curriculum Implementation Division

Education Program Supervisors

Librada L. Agon EdD (EPP/TLE/TVL/TVE)

Liza A. Alvarez (Science/STEM/SSP)
Bernard R. Balitao (AP/HUMSS)
Joselito E. Calios (English/SPFL/GAS)
Norlyn D. Conde EdD (MAPEH/SPA/SPS/HOPE/A&D/Sports)
Wilma Q. Del Rosario (LRMS/ADM)
Ma. Teresita E. Herrera EdD (Filipino/GAS/Piling Larang)
Perlita M. Ignacio PhD (EsP)
Dulce O. Santos PhD (Kindergarten/MTB-MLE)
Teresita P. Tagulao EdD (Mathematics/ABM)

Inilimbag sa Pilipinas, Kagawaran ng Edukasyon – Pambansang Punong Rehiyon

Tanggapan ng mga Paaralan ng Sangay-Lungsod Pasig
 Filipino 7
Ikalawang Markahan
Modyul 9 para sa Sariling Pagkatuto
Dalawang Uri ng mga Pang-uring
Pahambing
Manunulat: Prelyn C. Condolon
Tagasuri: Ruby M. Bacsafra at Nida A. Leaño/ Editor: Cindy C. Macaso at Leda L. Tolentino
Paunang Salita
Para sa tagapagdaloy:
Malugod na pagtanggap sa asignaturang Filipino 7 ng Modyul 9 para sa
araling Dalawang Uri ng mga Pang-uring Pahambing!

Ang modyul na ito ay pinagtulungang idinisenyo, nilinang at sinuri ng mga

edukador mula sa Tanggapan ng mga Paaralan ng Sangay-Lungsod Pasig na
pinamumunuan ng Nanunuparang Pinuno-Tanggapan ng Pansangay na
Tagapamanihala, Ma. Evalou Concepcion A. Agustin, sa pakikipag-ugnayan sa Lokal
na Pamahalaan ng lungsod sa pamumuno ng butihing Punong Lungsod, Kgg. Victor
Ma. Regis N. Sotto, upang matulungang makamit ng mag-aaral ang pamantayang
itinakda ng Kurikulum ng K to12 habang kanilang pinanagumpayan ang pansarili,
panlipunan at pang-ekonomikong hamon sa pag-aaral.

Inaasahan na sa pamamagitan ng modyul na ito, ang mga mag-aaral ay

makauugnay sa pamamatnubay at malayang pagkatuto ng mga gawain ayon sa
kanilang kakayahan, bilis at oras. Naglalayon din itong matulungan ang mag-aaral
na makamit ang mga kasanayang pang-ika-21 siglo lalong-lalo na ang 5 Cs
(Communication, Collaboration, Creativity, Critical Thinking and Character) habang
isinasaalang-alang ang kanilang mga pangangailangan at kalagayan.

Bilang karagdagan sa pangunahing teksto, makikita ang pinakakatawan ng

modyul sa loob kahong ito:

Mga Tala para sa Guro

Ito'y naglalaman ng mga paalala at
estratehiyang magagamit sa paggabay sa
mag-aaral.

Bilang tagapagdaloy, inaasahang bibigyan mo ng paunang kaalaman ang

mag-aaral kung paano gamitin ang modyul na ito. Kinakailangan ding subaybayan
at itala ang pag-unlad nila habang hinahayaan silang pamahalaan ang kanilang
sariling pagkatuto. Bukod dito, inaasahan mula sa iyo na higit pang hikayatin at
gabayan ang mag-aaral habang isinasagawa ang mga gawaing nakapaloob sa
modyul.
Para sa mag-aaral:
Malugod na pagtanggap sa Filipino 7 Modyul 9 ukol sa Dalawang Uri ng
Paghahambing!

Ang modyul na ito ay ginawa bilang tugon sa iyong pangangailangan. Layunin

nitong matulungan ka sa iyong pag-aaral habang wala ka sa loob ng silid-aralan.
Hangad din nitong madulutan ka ng mga makabuluhang oportunidad sa pagkatuto.

Ang modyul na ito ay may mga bahagi at icon na dapat mong maunawaan.

MGA INAASAHAN
Sa bahaging ito malalaman mo ang mga dapat mong
matutuhan pagkatapos mong makumpleto ang modyul.

PAUNANG PAGSUBOK
Dito masusukat ang dati mo nang kaalaman at mga dapat mo
pang malaman sa paksa.

BALIK-ARAL
Dito masusukat ang iyong matutuhan at naunawaan sa mga
naunang paksa.

ARALIN
Tatalakayin sa bahaging ito ang aralin batay sa kasanayang
pampagkatuto.

MGA PAGSASANAY
Sa bahaging ito, pagbibigay ng guro ng iba’t ibang pagsasanay
na dapat sagutin ng mga mag-aaral.

PAGLALAHAT
Sa bahaging ito ibunuod ang mahahalagang konsepto na dapat
bigyang-halaga.

PAGPAPAHALAGA
Sa bahaging ito ay titiyakin kung ang mga kasanayang
pampagkatuto ay naiuugnay at nailalapat sa inyong mga
pagpapahalaga.

PANAPOS NA PAGSUSULIT
Dito masusukat ang mga natutuhan ng mga mag-aaral.
 MGA INAASAHAN

Sa pagtatapos ng araling ito, ikaw ay inaasahang

Mga Kasanayang Pampagkatuto:

1. Makagagawa ng mga makabuluhang pangungusap gamit ang Paghahambing.

Mga Inaasahang Layunin:

A. Natutukoy ang dalawang uri ng pahambing

B. Nagagamit nang maayos ang mga pahayag sa paghahambing
( higit/mas, di-gaano, di-gasino, at iba pa) (F7WG-llc-d-8)
C. Napupunan ang patlang nang angkop na pahayag sa paghahambing
upang mabuo ang diwa ng pangungusap

PAUNANG PAGSUBOK

ATING PAG-ISIPAN!!!!

Panuto: Basahin at unawain ang bawat pahayag. Bilugan ang titik ng tamang
kasagutan.
1. Isa itong paraan ng paglalahad.
A. Di- magkatulad B. Magkatulad C. Paghahambing D. Tugma

2. Katangian nito ang paggamit ng mga panlaping gaya ng ( magka-, sing-, sim-
, at iba pa.
A. Pahambing na Di-magkatulad
B. Pahambing na Magkatulad
C. Pahambing
D. Palamang

3. Ang paghahambing na pareho / magkapatas ang uri o katangian.

A. Pahambing na Di- Magkatulad
B. Pahambing na Magkatulad
C. Paghahambing
D. Palamang

4. Ang paghahambing na kulang o hindi patas ang katangian ng dalawang

pinaghahambingan.
A. Pahambing na Di- Magkatulad
B. Pahambing na Magkatulad
 C. Palamang
D. Pasahol

5. Ang pahambing na ito ay ginagamitan ng panlaping di-gaano, di-gasino at

di- masyado.
A. Pahambing na Di-magkatulad
B. Pahambing na Magkatulad
C. Palamang
D. Pasahol

BALIK-ARAL

Panuto: Ibigay ang tinutukoy ng bawat katanungan. Ikahon ang titik ng

tamang kasagutan

1. Siya ang pinuno o hari ng mga taga-Negros.

A.Calderon B. Diyosa C. Kan D. Laon

2. Ilang talampakan ang bundok ng lupa na nagawa ng mga tauhan ng hari?

A. 60 talampakan C. 6,000 talampakan
B. B. 600 talampakan D. wala sa nabanggit

3. Ang kagamitan na iwinagayway ng hari upang magkaroon ng pala ang kanyang

mga tauhan.
A. birang B.baston C. kalasag D. lahat nang nabanggit

4. Sino ang binatang dumating isang umaga sa nayon?

A. Calderon B. Diyosa C. Kan D. Laon

5. Ang ipinangako ng hari sa binata kapag mapatay nito ang ahas na nagbibigay
sindak sa mga tao.
A. Bahay at lupa
B. Gabok ng ginto at ang anak nito
C. Mapapasakanya ang bundok
D. Pamumuno sa kanyang kaharian
 ARALIN
BASAHIN AT SURIIN ANG TULA SA IBABA

Noon at Ngayon

Kwento ni inay
Noong sila’y bata pa
Tingin lang ni Lola
Sila’y tumatahimik na
Respeto sa magulang
Kitang-kita sa kanila

Ngayon daw ay iba na

Ugali ng mga bata
Pagsabihan mo’t sawayin
Sisimangutan ka na
Iba’y magdadabog pa
Paggalang ba’y wala na?

Higit na mabait
Mga bata noon?
Mas Malaya naman
Mga bata ngayon?

Bakit nag-iba?
Dahil ba sa panahon?
Ang sagot diyan?
Ikaw ang tumugon.

Suriin at Pag-isipan

1. Ano ang binabanggit na noon at ngayon sa pamagat ng tula?

2. Naniniwala kaba sa tinuran ng tula? Pangatwiranan ang iyong sagot.

Pansinin ang mga salitang madiin ang pagkakasulat sa tula. Sa iyong palagay, ano
ang gamit ng mga ito?

PAGHAHAMBING

ANO NGA BA ANG PAGHAHAMBING?

 Ang Paghahambing ay isang paraan ng paglalahad. Ito ay makatutulong sa

pagbibigay-linaw sa isang paksa sa pamamagitan ng paglalahad ng
pagkakatulad at pagkakaiba ng dalawang bagay na pinaghahambing
 Dalawang Uri ng Pahambing
 - PAHAMBING NA MAGKATULAD

-Kung ang pinaghahambing ay pareho o magkapatas ang uri I katangian.

Naipapakita ito sa pamamagitan ng paggamit ng mga panlaping ka,
kasing, maging, magkasing, magkasim at iba pa, at sa paggamit ng
mga salitang pampanulad, tulad ng, gaya, tulad, paris, kapwa at iba pa.

Mga halimbawa:

a. Magkasing bait sina Haring Laon at ang binatang si Kan.

b. Gaya ni HaringLaon, ang binatang si Kan ay magaling na mandirigma.

- PAHAMBING NA DI- MAGKATULAD

-Kung ang mga pinaghahambing ay hindi magkapatas ng uri o

katangian. Naipapakita ito sa paggamit ng mga salitang panghambing
tulad ng kaysa, mas, di tulad, di gaya, di gaano, di hamak at iba pa.

Mga halimbawa:

a. Ang epiko’y mahirap na maunawaan di tulad ng mga alamat.

b. Ang bundok Mayon ay kilala ng mga turista kaysa sa bundok Kanlaon.

-Baisa-Julian, Del Rosario, Lontoc , PINAGYAMANG PLUMA 8

-Habijan, Ontangco,Iquin, Carpio, Panitik: Filipino sa
Panahon ng Pagbabago

MGA PAGSASANAY

PAGSASANAY 1

Panuto: Tukuyin ang paghahambing na ginamit sa bawat bilang. Isulat sa

patlang kung anong uri ito ng paghahambing. (2 puntos bawat bilang = 10
puntos)

___________________ 1. Ang buhay noon ay di tulad ng buhay ngayon na

komplikado.

____________________ 2. Di hamak na mahaba ang oras ng pag-aaral ngayon

sa paaralan kumpara sa dati.

____________________ 3. Magkasingganda kami ng aking nanay, sabi ng aking

Lola.

____________________ 4. Di-gaanong marunong magtrabaho sa bahay ang

 kabataan ngayon kung ihahambing sa kabataan

noon.

_____________________5. Tulad ng aking ina ay maganda rin ang aking lola

dahil magkamukha sila.

PAGSASANAY 2
Panuto: Isulat ang angkop na pahambing sa pangungusap gamit ang mga gabay
na salita sa loob ng panaklong. Ilagay ang sagot sa patlang.

1. ______________________(Gusto: di-magkatulad) kong magbasa kaysa manood

ng telebisyon kapag walang ginagawa.
2. _____________________ (Ganda: magkatulad) ang pananaw naming
magkakaibigan sa buhay dahil ito ang turo ng aming mga magulang.
3. Ako ay _____________________ (matanda: di-magkatulad) kaysa sa aking mga
kalaro kaya’t pinipilit kong maging mabuting halimbawa sa kanila.
4. _______________________ (Mahirap: di magkatulad ) ang buhay ng aking
magulang kumpara sa magandang buhay na ibinigay nila sa akin ngayon.
5. Ang aking tatay at nanay ay __________________ (bait: magkatulad )
kayat mahal na mahal ko silang dalawa.

6. ____________________ (Tangkad: magkatulad) ang puno ng manga at puno ng

santol na nsa aming bakuran.
7. Si Laida ay ___________________ (mabilis: di-magkatulad ) tumakbo kaysa sa
kanyang kakambal na si Loida.
8. _________________ (Payat: magkatulad) ang mga batang aking nakasalubong
kanina.
9. ____________________ (Matalino: di-magkatulad) kaming magkakapatid kaysa
sa aming mga pinsan.
10.Ang aming bahay at ang aming bakuran ay ____________ (linis: magkatula ) .

PAGSASANAY 3
Panuto: Gamitin sa pangungusap ang mga piling salita sa ibaba gamit ang
dalawang uri ng Paghahambing. ( 2 puntos kada bilang, 10 puntos)

1. Mataba
Magkatulad:_____________________________________________
Di-Magkatulad: _________________________________________

2. Maliksi
Magkatulad:____________________________________________
Di-Magkatulad: ______________________________________________
 3. Masagana
Magkatulad :_____________________________________________
Di-Magkatulad: ______________________________________________

4. Maitim
Magkatulad: _____________________________________________
Di-Magkatulad: _________________________________________

5. Makapal
Magkatulad: _____________________________________________
Di-Magkatulad: _______________________________________________

PAGLALAHAT

Panuto: Sa pamamagitan ng Venn Diagram ay paghambingin ang

dalawang uri ng Paghahambing.

PAGHAHAMBING

DI-MAGKATULAD MAGKATULAD DI-MAGKATULAD

 PAGPAPAHALAGA

Kung ikaw ay bibigyan ng pagkakataong makapasyal sa iba’t ibang

pook dito sa Pilipinas ( Matapos ang covid 19 ) ano ang dalawang pook
na nais mong marating? Bakit? Bumuo ng isang talatang naglalarawan
ng dalawang pook na iyong napili. Ibigay ang pagkakatulad at
pagkakaiba nito. Gumamit ng hambingang magkatulad at di
magkatulad na pang-uri.

5 HALIMBAWA NG MAGKATULAD ( 5 PUNTOS )

5 HALIMBAWA NG DI MAGKATULAD ( 5 PUNTOS )
 PANAPOS NA PAGSUSULIT

I. Panuto: Lagyan ng tsek () kung wasto ang bahayag at ekis

(x) naman kung hindi.
____ 1. Ang pahambing na magkatulad ay patas o pareho ang katangian ng

pinaghahambing.

_____ 2. Ginagamitan ng panlaping di gaano at di hamak ang paghahambing

na magkatulad.

_____ 3. Sinasabing ang paghahambing ay isang uri ng paglalahad.

_____ 4. Ang panlaping kaysa, di tulad ay panlaping ginagamit sa pahambing

na di-magkatulad.

_____ 5. Kung ang mga pinaghahambingan ay hindi magkapatas ng uri o

katangian, ito ay tinatawag na pahambing na magkatulad.

II. Panuto: Tukuyin ang angkop na uri ng pahambing ng mga salita

sa unang kahon sa ibaba. Lagyan ng tsek kung ito ay ginagamit
sa pahambing na magkatulad at ekis naman kung ito ay
pahambing na di-magkatulad.

Mga salitang PAHAMBING

ginagamit sa pang-
MAGKATULAD DI-MAGKATULAD
uring pahambing

1. di gaano
2. kaysa
3. kapwa
4. paris
5. gaya
 Pagbabago.
2. Habijan, Ontangco,Iquin, Carpio, Panitik: Filipino sa Panahon ng
1. Baisa-Julian, Del Rosario, Lontoc , PINAGYAMANG PLUMA 8
Sanggunian
PAUNANG PAGSUBOK BALIK-ARAL PAGSASANAY I
1.C 1.C 1.di tulad= di magkatulad
2.B 2.C 2. di hamak = di magkatulad
3.B 3.A 3. magsingganda = magkatulad
4.A 4.D 4. di-gaanong = di magkatulad
5.A 5.B 5. tulad = magkatulad
PAGSASANAY II PAGSASANAY III
1.mas gusto 6.magkasingtangkad Ang sagot sa pagsasa-
2. magkasingganda 7. mas mabilis nay na ito ay depende sa
3. mas matanda 8. Magkasimpayat mabubuong pangungu-
4.mas mahirap 9. mas matalino sap ng mag-aaral.
5. magkasimbait 10. magkasinglinis
PANAPOS NA PAGSUSULIT
1. / 1. /=di magkatulad
2. x 2. /= di magkatulad
3. / 3. / =magkatulad
4./ 4. / = magkatulad
5.x 5. / = magkatulad
SUSI SA PAGWAWASTO