Filipino 10

1
Filipino – Ikasampung Baitang
Unang Markahan – Modyul 5: Ang Tusong Katiwala
Unang Edisyon, 2020
Isinasaad sa Batas Republika 8293, Seksiyon 176 na: Hindi maaaring
magkaroon ng karapatang-sipi ang sinuman sa anumang akda ng Pamahalaan ng
Pilipinas. Gayunpaman, kailangan na may pahintulot ng ahensiya o tanggapan ng
pamahalaan na naghanda ng akda kung ito ay pagkakakitaan. Kabilang sa mga
maaaring gawin ng nasabing ahensiya o tanggapan ay ang pagtakda ng kaukulang
bayad.

Ang mga akda (kuwento, seleksiyon, tula, awit, larawan, ngalan ng produkto o
brand name, tatak o trademark, palabas sa telebisiyon, pelikula, atbp.) na ginamit sa
modyul na ito ay nagtataglay ng karapatang-ari ng mga iyon. Pinagsumikapang
malikom ang mga ito upang makuha ang pahintulot sa paggamit ng materyales. Hindi
inaangkin ng mga tagapaglathala at mga may-akda ang karapatang-aring iyon. Ang
anumang gamit maliban sa modyul na ito ay kinakailangan ng pahintulot mula sa mga
orihinal na may-akda.

Walang anumang bahagi ng nilalaman nito ang maaaring kopyahin o ilimbag sa

anumang paraan nang walang pahintulot sa kagawaran.

Inilathala ng Kagawaran ng Edukasyon Dibisyon ng Lungsod ng Pasig.

Komite sa Pagsulat ng Modyul

Manunulat: Ana Mae F. Santos, Girlie Julaton , Juliet Losala, Irene Mogol, Apple
Salazar, Nadea Simat
Editor: Albert C. Nerveza at Melinda P. Iquin
Tagasuri: Mellanie M. Bawa, Zerine Fabian at Carina S. Javier
Tagaguhit: Edison P. Clet
Tagalapat:
Tagapamahala: Ma. Evalou Concepcion A. Agustin
OIC-Schools Division Superintendent
Aurelio G. Alfonso EdD
OIC-Assistant Schools Division Superintendent
Victor M. Javeña EdD
Chief, School Governance and Operations Division and
OIC-Chief, Curriculum Implementation Division

Education Program Supervisors

Librada L. Agon EdD (EPP/TLE/TVL/TVE)

Liza A. Alvarez (Science/STEM/SSP)
Bernard R. Balitao (AP/HUMSS)
Joselito E. Calios (English/SPFL/GAS)
Norlyn D. Conde EdD (MAPEH/SPA/SPS/HOPE/A&D/Sports)
Wilma Q. Del Rosario (LRMS/ADM)
Ma. Teresita E. Herrera EdD (Filipino/GAS/Piling Larang)
Perlita M. Ignacio PhD (EsP)
Dulce O. Santos PhD (Kindergarten/MTB-MLE)
Teresita P.ngTagulao
Inilimbag sa Pilipinas, Kagawaran EdD– (Mathematics/ABM)
Edukasyon Pambansang Punong Rehiyon
Tanggapan ng mga Paaralan ng Sangay-Lungsod Pasig
2
 Filipino 10
Unang Markahan
Modyul para sa Sariling Pagkatuto
Ang Tusong Katiwala

3
Paunang Salita

Para sa tagapagdaloy:
Malugod na pagtanggap sa asignaturang Filipino 10 ng Modyul para sa
araling Ang Tusong Katiwala!

Ang modyul na ito ay pinagtulungang idinisenyo, nilinang at sinuri ng mga

edukador mula sa Tanggapan ng mga Paaralan ng Sangay-Lungsod Pasig na
pinamumunuan ng Nanunuparang Pinuno-Tanggapan ng Pansangay na
Tagapamanihala, Ma. Evalou Concepcion A. Agustin, sa pakikipag-ugnayan sa
Lokal na Pamahalaan ng lungsod sa pamumuno ng butihing Punong Lungsod, Kgg.
Victor Ma. Regis N. Sotto, upang matulungang makamit ng mag-aaral ang
pamantayang itinakda ng Kurikulum ng K to12 habang kanilang pinanagumpayan
ang pansarili, panlipunan at pang-ekonomikong hamon sa pag-aaral.

Inaasahan na sa pamamagitan ng modyul na ito, ang mga mag-aaral ay

makauugnay sa pamamatnubay at malayang pagkatuto ng mga gawain ayon sa
kanilang kakayahan, bilis at oras. Naglalayon din itong matulungan ang mag-aaral
na makamit ang mga kasanayang pang-ika-21 siglo lalong-lalo na ang 5 Cs
(Communication, Collaboration, Creativity, Critical Thinking and Character) habang
isinasaalang-alang ang kanilang mga pangangailangan at kalagayan.

Bilang karagdagan sa pangunahing teksto, makikita ang pinakakatawan ng

modyul sa loob kahong ito:

Mga Tala para sa Guro

Ito'y naglalaman ng mga paalala at
estratehiyang magagamit sa paggabay sa
mag-aaral.

Bilang tagapagdaloy, inaasahang bibigyan mo ng paunang kaalaman ang

mag-aaral kung paano gamitin ang modyul na ito. Kinakailangan ding subaybayan
at itala ang pag-unlad nila habang hinahayaan silang pamahalaan ang kanilang
sariling pagkatuto. Bukod dito, inaasahan mula sa iyo na higit pang hikayatin at
gabayan ang mag-aaral habang isinasagawa ang mga gawaing nakapaloob sa
modyul.

4
Para sa mag-aaral:

Malugod na pagtanggap sa Filipino 10 Modyul ukol Ang Tusong

Katiwala !

Ang modyul na ito ay ginawa bilang tugon sa iyong pangangailangan.

Layunin nitong matulungan ka sa iyong pag-aaral habang wala ka sa loob ng silid-
aralan. Hangad din nitong madulutan ka ng mga makabuluhang oportunidad sa
pagkatuto.

Ang modyul na ito ay may mga bahagi at icon na dapat mong maunawaan.

MGA INAASAHAN
Sa bahaging ito malalaman mo ang mga dapat mong
matutuhan pagkatapos mong makumpleto ang modyul.

PAUNANG PAGSUBOK
Dito masusukat ang dati mo nang kaalaman at mga dapat mo
pang malaman sa paksa.

BALIK-ARAL
Dito masusukat ang iyong matutuhan at naunawaan sa mga
naunang paksa.

ARALIN
Tatalakayin sa bahaging ito ang aralin batay sa kasanayang
pampagkatuto. 

MGA PAGSASANAY
Sa bahaging ito, pagbibigay ng guro ng iba’t ibang pagsasanay
na dapat sagutin ng mga mag-aaral.

PAGLALAHAT
Sa bahaging ito ibunuod ang mahahalagang konsepto na dapat
bigyang-halaga.

PAGPAPAHALAGA
Sa bahaging ito ay titiyakin kung ang mga kasanayang
pampagkatuto ay naiuugnay at nailalapat sa inyong mga
pagpapahalaga.

PANAPOS NA PAGSUSULIT
Dito masusukat ang mga natutuhan ng mga mag-aaral.

5
 MGA INAASAHAN
Pagkatapos ng aralin na ito, ang mga mag-aaral ay inaasahang:

MGA KASANAYANG PAMPAGKATUTO:

1. Nasusuri ang tiyak na bahagi ng napakinggang parabula na naglalahad ng

katotohanan, kabutihan at kagandahang-asal.
2. Nabibigyang-puna ang estilo ng may-akda batay sa mga salita at
ekspresyong ginamit sa akda, at ang bisa ng paggamit ng mga salitang
nagpapahayag ng matinding damdamin.

MGA LAYUNIN SA PAGKATUTO:

a. Malinaw na nailalahad ang pag-unawa sa parabulang binasa.

b. Naipahahayag ang mensaheng nais iparating ng akda.
c. Natutukoy ang mga tiyak na pangyayari na naglalahad ng
katotohanan, kabutihan o kagandahang-asal.

PAUNANG PAGSUBOK

Bago tayo magpatuloy sa gawain ngayong araw, subukin muna natin

ang iyong nalalaman sa araling ating tatalakayin.

A.PANUTO: Suriing mabuti ang pahayag. Alamin ang damdaming

nangingibabaw rito. Isulat sa patlang ang letra ng tamang sagot.

_____ 1. “Kanina may mga pinakita na sila sa amin na mga modules para sa
"distance learning". Nakatutuwa yung mga video lessons na gawa rin ng
mga guro ng Pasig!” (Mayor Vico Sotto).

A. galit B. malungkot C. masaya D. nasasabik

_____ 2. “Sa ngayon pa lang, marami nang business ang nagsara at dahil dito,
marami na ring Pilipino ang nawalan ng trabaho,” dagdag ng senador.

A. galit B. malungkot C. masaya D. nasasabik

B. Panuto: Tukuyin ang ideya kung ito ay nagpapahayag ng katotohanan,

kabutihan o kagandahang-asal. Isulat ang K kung ito ay ng katotohanan,
KB naman kung ito ay nagpapahayag ng kabutihan at KA naman kung
kagandahang-asal.

_____ 3. Isang Ale, binigyan ng bisikleta ang isang street vendor na lumapit sa
kanilang tindahan upang bumili nito, ngunit sa halip na tanggapin ang
bayad, ibinigay na lamang niya ito nang libre.
6
_____ 4. Masama ang loob ni Jun dahil hindi naisama ang pangalan niya o ng
kanyang asawa sa bibigyan ng SAP noong Abril kahit na nawalan siya ng
trabaho at mayroon silang dalawang anak. Marami na siyang nakikitang
nagpo-post ng mga kagayang pangyayari sa social media ngunit mas pinili
niyang manahimik at hindi na dumagdag pa.

_____ 5. Mayaman man o mahirap, naramdaman ang epektong dulot ng

pandemiyang COVID- 19.

BALIK-ARAL

Ngayon naman, balikan natin ang tinalakay nating aralin sa

nakaraang talakayan.
PANUTO: Sa tulong ng larawan sa ibaba magbigay ng tatlong natutuhan mo sa
tinalakay na aralin sa modyul 1 ng Aralin 1.2

Larawan
mula sa
1. ___________________________________________________________________________
___________________________________________________________________________
2. ___________________________________________________________________________
___________________________________________________________________________
3. ___________________________________________________________________________
___________________________________________________________________________

ARALIN

A. Panimulang Gawain
“Magandang araw! Noong nakaraan, tinalakay natin ang tungkol sa
bansang Syria. Nalaman natin na mataas ang pagpapahalaga ng mga tao
roon sa disiplina, respeto at katapatan. Ngayon naman, tatalakayin natin
ang parabulang “Ang Tusong Katiwala” mula sa Lucas 16:1 – 15.” Isang
parabula na pinahahalagahan sa Syria.
7
Alam ba News?
Ang parabula ay maikling salaysay na nagtuturo ng kinikilalang
pamantayang moral na karaniwang batayan ng mga kuwento mula Banal na
Kasulatan. Realistiko ang banghay at ang mga tauhan ay tao. Ang parabula ay may
tonong mapagmungkahi at maaaring may sangkap ng misteryo.
-Mula sa Elements of Literature nina Holt et .al. 2008. Texas, USA
B. Pagganyak/Pagbuhay ng Dating Kaalaman:

 Ang larawang ito ay tungkol sa mga taong

sa kabila ng kahirapan o pandemya ay
nagpakita pa rin ng katapatan at malasakit
sa kapwa. Kahit na nangangailangan din
sila, naisip nila na may higit na
nangangailangan kaysa sa kanila.
 Kung ikaw ang nasa kalagayan nila, ano
ang iyong gagawin?
___________________________________________
___________________________________________
___________________________________________
___________________________________________
___________________________________________
___________________________________________
___________________________________________
___________________________________________
___________________________________________
___________________________________________
___________________________________________

Larawan mula sa GMA News

B. Paglalahad ng Teksto

Sa bahaging ito, basahin at unawain natin ang parabulang “Ang Tusong

Katiwala” Lukas 16:1 – 15. Alamin natin kung ano ang mensaheng nais nito
iparating sa atin.
Ang Tusong Katiwala
(Lukas 16:1-15)
Philippine Bible Society

1) Nagsalita uli si Hesus sa kaniyang mga alagad, “May taong mayaman na

may isang katiwala. May nagsumbong sa kaniyang nilulustay nito ang kaniyang
ari-arian.  2) Kaya’t ipinatawag niya ang katiwala at tinanong, ‘Ano ba itong
naririnig ko tungkol sa iyo? Ihanda mo ang ulat ng iyong pangangasiwa sapagkat
tatanggalin na kita sa iyong tungkulin.’ 3) Sinabi ng katiwala sa kanyang sarili,
‘Ano ang gagawin ko? Aalisin na ako ng aking amo sa pangangasiwa. Hindi ko
kayang magbungkal ng lupa; nahihiya naman akong magpalimos. 4) Alam ko na
ang aking gagawin! Maalis man ako sa pangangasiwa ay may tatanggap naman sa
akin sa kanilang tahanan. 5) Isa-isa niyang tinawag ang mga may utang sa
kaniyang amo. Tinanong niya ang una, ‘Magkano ang utang mo sa aking amo?’ 6)
Sumagot ito, ‘Isandaang tapayang langis po.’ ‘Heto ang kasulatan ng iyong
8
 pagkakautang. Dali! Maupo ka’t palitan mo, gawin mong limampu,’ sabi ng
katiwala. 7) At tinanong naman niya ang isa, ‘Ikaw, gaano ang utang mo?’ Sumagot
ito, ‘Isandaang kabang trigo po.’ ‘Heto ang kasulatan ng iyong pagkakautang,’ sabi
niya. ‘Isulat mo, walumpu.’ 8) Pinuri ng amo ang tusong katiwala dahil sa
katalinuhang ipinamalas nito. Sapagkat ang mga makasanlibutan ay mas
mahusay gumawa ng paraan kaysa mga maka-Diyos sa paggamit ng mga bagay ng
mundong ito.
  9) At nagpatuloy si Hesus sa pagsasalita, “Kaya’t sinasabi ko sa inyo,
gamitin ninyo ang kayamanan ng mundong ito sa paggawa ng mabuti sa inyong
mga kapwa upang kung maubos na iyon ay tanggapin naman kayo sa tahanang
walang hanggan. 10)  Ang mapagkakatiwalaan sa maliit na bagay ay
mapagkakatiwalaan din sa malaking bagay; ang mandaraya sa maliit na bagay ay
mandaraya rin sa malaking bagay. 11) Kaya kung hindi kayo mapagkakatiwalaan
sa mga kayamanan ng mundong ito, sino ang magtitiwala sa inyo ng tunay na
kayamanan? 12) At kung hindi kayo mapagkakatiwalaan sa kayamanan ng iba,
sino ang magbibigay sa inyo ng talagang para sa inyo?
13) “Walang aliping maaaring maglingkod nang sabay sa dalawang
panginoon sapagkat kamumuhian niya ang isa at iibigin ang ikalawa,
paglilingkuran nang tapat ang isa at hahamakin ang ikalawa. Hindi kayo maaaring
maglingkod ng sabay sa Diyos at sa kayamanan.” 14) Nang marinig ito ng mga
Pariseo, kinutya nila si Jesus sapagkat sakim sila sa salapi.  15) Kaya’t sinabi niya
sa kanila, “Nagpapanggap kayong matuwid sa harap ng mga tao, ngunit alam ng
Diyos ang nilalaman ng inyong mga puso. Sapagkat ang itinuturing na mahalaga
ng mga tao ay kasuklam-suklam sa paningin ng Diyos.
D. Paglinang ng Talasalitaan
PANUTO: Bigyang-reaksiyon ang estilo ng may-akda batay sa mga salita at
ekspresyong ginamit sa pagpapahayag ng damdamin. Tukuyin ang damdaming
nangingibabaw sa pahayag. Piliin ang emojis na naglalarawan ng damdamin sa
bawat pahayag. Isulat ang letra sa patlang bago ang bilang.

🤔 😡 ☹️ 😍 😲   😮
A. nag-aalinlangan B. galit C. malungkot D. umiibig E. nagulat F. humahanga

_____ 1. May taong mayaman na may isang katiwala. May nagsumbong sa

kaniyang nilulustay nito ang kaniyang ari-arian.
_____ 2. “Ano ba itong naririnig ko tungkol sa iyo? Ihanda mo ang ulat ng iyong
pangangasiwa sapagkat tatanggalin na kita sa iyong tungkulin.”
_____ 3. “Hindi ko kayang magbungkal ng lupa; nahihiya naman akong
magpalimos.”
_____ 4. Pinuri ng panginoon ang mandarayang katiwala dahil sa katalinuhang
ipinamalas nito.
_____ 5. Kaya’t sinabi niya sa kanila, “Nagpapanggap kayong matuwid sa harap ng
mga tao, ngunit alam ng Diyos ang nilalaman ng inyong mga puso”.

9
E. Pagtalakay sa Akda
PANUTO: Sagutin ang mga sumusunod na tanong batay sa iyong pag-unawa sa
binasang akda.
1. Bakit nagalit ang amo sa kanyang katiwala?
__________________________________________________________________________________
__________________________________________________________________________________
__________________________________________________________________________________
2. Ano ang ginawa ng katiwala sa mga taong nagkautang sa kanyang dating amo?
__________________________________________________________________________________
__________________________________________________________________________________
__________________________________________________________________________________
3. Kung ikaw ang nasa kalagayan ng katiwala, ano ang iyong gagawin?
__________________________________________________________________________________
__________________________________________________________________________________
__________________________________________________________________________________
4. Magsalaysay ng pangyayari sa kasalukuyan na maihahalintulad sa pangyayari
ito.
__________________________________________________________________________________
__________________________________________________________________________________
__________________________________________________________________________________
5. Ano ang mensahe ng parabulang ito para sa iyo?
__________________________________________________________________________________
__________________________________________________________________________________
__________________________________________________________________________________
Nakita mo sa parabulang ito ang kahalagahan ng katapatan na isa
sa mataas na pinahahalagahang kaugalian ng mga taga-Syria. Ngayon
naman, alamin mo ang kaibahan ng katotohanan, kabutihan at ng
kagandahang-asal. Tatawagin natin itong KKK.
Alam ba News?
Ang katotohanan ay mga pangyayari na nagaganap sa realidad o tunay na buhay.
Halimbawa: “Ihanda mo ang ulat ng iyong pangangasiwa sapagkat tatanggalin na
kita sa iyong tungkulin.”
Paliwanag: Ito ay nagpapakita ng katotohanan lamang na ang isang amo ay
tinatanggal ang tauhan na nanloko sa kanya.
Ang kabutihan ay kilos o gawi na nagdudulot ng maganda o mabuti sa ibang tao.
Halimbawa: “May isang mayaman na may isang katiwala. Isinumbong sa kanya na
nilulustay nito ang kanyang ari-arian.
Paliwanag: Ito ay nagpapakita ng kabutihan, sapagkat nararapat lamang malaman
ng isang tao na siya ay niloloko na taong kanyang pinagkakatiwalaan.
Ang kagandahang-asal, dito nasasalamin ang wastong pag-uugali.
Halimbawa: Tinanong niya ang una, “Gaano ang utang mo sa aking panginoon?”
10
Paliwanag: Ito ay nagpapakita ng kagandahang-asal, ang paggalang. Tinawag niya
pa ring panginoon ang kanyang amo kahit na tinanggal na siya nito sa kanyang
trabaho. Sapagkat kahit na hindi na maganda ang naging samahan ninyo ng isang
tao, marapat lamang na igalang mo pa rin siya.

MGA PAGSASANAY
PAGSASANAY BLG.1
PANUTO: Kilalanin ang damdaming nangingibabaw sa mga pahayag. Isulat sa
patlang ang letra ng tamang sagot.

A. galit B. pagmamahal C. nag-aalala

D. masaya E. malasakit F. takot

_____ 1. "Nangangamba po ako na kung tatapusin na agad ng DepEd ang

enrollment sa June 30, milyung-milyong mga bata ang magda-drop out o
titigil sa pag-aaral sa darating na school year”. (Representative Jocelyn
Tulfo)
_____ 2. “Kaya nagulat ako nung sinabi ng anak ko na ang daming magdo-donate
sa amin! Maya’t maya raw may gustong tumulong. Hindi ko inakala na
may nagdo-donate sa aking nang hindi naman nila ako kilala.”Mang Lauro,
tsuper.
_____ 3. “Magpahinga ka na! Baka masira na ang mata mo katititig sa gadgets”.
_____ 4. “Ang tao gusto magbayad. Gusto lang nila maintindihan ano binabayaran
nila… explain niyo sa tao paano niyo na-compute ‘yun. Sagutin niyo agad.”
(Sen. Gatchalian)
_____ 5. “Naisip ko na mamamatay ako. Nando’n yung takot. Syempre nababasa ko
may mga nawawala. Hindi ko nakakayanan ang Covid-19. Hindi ko alam
kung hanggang kalian na lang ako”. (Zack Allen)
PAGSASANAY BLG.2
PANUTO: Tukuyin ang ideya sa bawat bilang kung ito ay nagpapahayag ng
katotohanan, kabutihan o kagandahang-asal. Isulat ang sagot sa patlang bago
ang bilang.
_____ 1. Sa panahon ng pandemiya, nawalan ng halaga ang mamahaling damit,
sasakyan at iba pang materyal na bagay.
_____ 2. Taos-pusong nagpasalamat ang mga tsuper ng traysikel nang matanggap
nila ang tulong mula sa pamahalaang lungsod.
_____ 3. Nakasama si Aling Maria sa mga nakatanggap ng SAP, kaya naman bumili
siya ng bigas at de lata upang maibahagi sa mga kapitbahay niya.
_____ 4. Mga katutubong Aeta mula sa Zambales, namahagi ng inaning kamote sa
mga piling lugar sa Metro Manila.
_____ 5. Pumila nang maayos ang mga mamimili sa grocery store kaya naiwasan
singitan.
11
PAGSASANAY BLG.3
PANUTO: Isulat ang letrang A kung ito ay katotohanan, B kung kabutihan, at
C kung kagandahang-asal.

____1. Maraming Pilipino ang nawalan ng hanapbuhay dahil sa pandemiyang

kinakaharap ng bansa.

____2. Sa kabila ng problema kinakaharap ng bawat Pilipino, di pa rin mawawala

ang pagbibigay pag-asa at pagtutulungan sa bawat kapwa Pilipino.

____3. May mga Pilipinong kusang-loob na nagbalik ng mga dobleng natanggap na

ayuda mula sa pamahalaan.

____4. Karamihan sa mga frontliners ay nakararanas ng hindi patas na pagtanggap

(discriminasyon) sa iba’t ibang lugar.

____5. Kinakailangan ng ibayong pag-iingat sa ating kalusugan at pagsunod sa

mga bagong patakaran ng gobyerno, upang masugpo ang nakamamatay na
sakit.

PAGLALAHAT

Batay sa ating naging talakayan, ipaliwanag ang iyong pagkakaunawa sa

katotohanan, kabutihan at kagandahang asal.

Katotohanan_____________________________________________________________________
__________________________________________________________________________________

Kabutihan _______________________________________________________________________
__________________________________________________________________________________

Kagandahang-asal _______________________________________________________________
__________________________________________________________________________________

PAGPAPAHALAGA

PANUTO: Punan ng angkop na salita ang patlang.

“Walang aliping maaaring maglingkod nang sabay sa ________________

panginoon sapagkat kamumuhian niya ang isa at _______________ ang ikalawa,
paglilingkuran nang tapat ang isa at _______________ ang ikalawa.”

12
 PANAPOS NA PAGSUSULIT

PANUTO: Basahin ang sumusunod na pahayag. Isulat sa patlang ang letra ng

tamang sagot.

_____ 1. Ang mensaheng nais iparating ng tekstong “Ang Tusong Katiwala” ay…

A. Maging maparaan sa paggamit ng ating kakayahan.

B. Mahalin natin ang Diyos higit kanino o sa ano pa man.
C. Tumulong tayo sa ating kapwa sapagkat ito ay may naghihintay
na kapalit sa langit.
D. Tulungan natin ang ating kapwa upang tulungan din nila tayo
kapag tayo ay nangangailangan.
_____ 2. “Palagi kang mag-iingat, kumain ka sa tamang oras, at palagi mong
alagaan ang iyong sarili”. Ang damdaming nangingibabaw sa pahayag
ay ...

A. galit B. lungkot C. pagmamahal D. pangungulila

_____ 3. “Tiniis namin ang pagod at hirap upang mailigtas kayo sa ano mang
kapahamakang dulot ng Covid 19, ngunit ilang buwan na ang nakalipas
patuloy pa rin ang pagtaas ng bilang ng kaso sakit na ito”. Ang
damdaming nangingibabaw sa pahayag ay...

A. galit B. lungkot C. pagmamahal D. pangungulila

_____ 4. Ibinigay ng Ale na nagtitinda ng gulay ang kalahati ng kanyang kinita sa
kababayang higit na nangangailangan. Ang pangyayari ay nagpapakita ng
…

A. kababang-loob C. kagandahang-asal
B. kabutihan D. katotohanan
_____ 5. Nang nagkaroon ng pandemiya, nalimitahan ang paglabas ng bahay ng
mga tao ngunit nagkaroon ng mahabang oras sa pamilya. Ang pangyayari
ay nagpapakita ng …

A. kababang-loob C. kagandahang-asal
B. kabutihan D. katotohanan

13
 SUSI SA PAGWAWASTO

MODYUL 5
ARALIN 1.2 (Parabula)

Paunang Pagsusulit

1. C
2. B
3. KB
4. KA
5. K
Talasalitaan

1. C
2. B
3. A
4. F
5. C
Pagsasanay blg. 1

1. C
2. D
3. E
4. A
5. F
Pagsasanay blg. 2

1. Katotohanan
2. Kagandahang-asal
3. Kabutihan
4. Kabutihan
5. Kagandahang-asal

Pagsasanay blg. 3

1. A
2. C
3. B
4. A
5. C
Panapos na Pagsusulit

14
 Sanggunian

https://www.youtube.com/watch?
v=9kiBgesOBsA&feature=youtu.be&fbclid=IwAR1EzuSED0CwREKaIsLoJyNK9TBlF
WwS-XiXlsDalqUKf0AhGkkQm-xijKA

file:///C:/Users/DEPED/Downloads/1.3-Parabula%20(2).pdf

https://www.wattpad.com/146160290-grade-10-filipino-module-ang-tusong-
katiwala

Mga Ginamit na Larawan

https://www.google.com/search?
q=larawan+ng+ramadan&tbm=isch&ved=2ahUKEwicsKTb14_qAhXLzIsBHQxnCpo
Q2-
cCegQIABAA&oq=larawan+ng+ramadan&gs_lcp=CgNpbWcQAzICCAA6BAgAEEM6B
AgAEB46BggAEAUQHjoECAAQGDoFCAAQsQM6BwgAELEDEEM6BggAEAgQHlC0D
VjLRmDrSWgAcAB4BIAB9gGIAY0ZkgEGMTcuOS4ymAEAoAEBqgELZ3dzLXdpei1p
bWewAQA&sclient=img&ei=4qHtXpy3GcuZr7wPjM6p0Ak&bih=657&biw=1349&hl=
en&hl=en#imgrc=wfI5wtGWoKWIAM

https://www.google.com/search?
q=nagbalik+ng+sap+gma+news&tbm=isch&ved=2ahUKEwjHu47r2Y_qAhUTx4sBHZ
sbBQAQ2-
cCegQIABAA&oq=nagbalik+ng+sap+gma+news&gs_lcp=CgNpbWcQAzoCCAA6BQgA
ELEDOgcIABCxAxBDOgQIABBDOgYIABAFEB46BAgAEBg6BggAEAoQGFDOkwZYz
40HYPCOB2gDcAB4A4ABqAGIAcYokgEFMzYuMTeYAQCgAQGqAQtnd3Mtd2l6LWlt
Z7ABAA&sclient=img&ei=HKTtXse9HZOOr7wPm7cU&bih=657&biw=1366#imgrc=9
NSX-QsNAaFogM

https://www.google.com/search?
q=nagbalik+ng+sap+gma+news&tbm=isch&ved=2ahUKEwjHu47r2Y_qAhUTx4sBHZ
sbBQAQ2-
cCegQIABAA&oq=nagbalik+ng+sap+gma+news&gs_lcp=CgNpbWcQAzoCCAA6BQgA
ELEDOgcIABCxAxBDOgQIABBDOgYIABAFEB46BAgAEBg6BggAEAoQGFDOkwZYz
40HYPCOB2gDcAB4A4ABqAGIAcYokgEFMzYuMTeYAQCgAQGqAQtnd3Mtd2l6LWlt
Z7ABAA&sclient=img&ei=HKTtXse9HZOOr7wPm7cU&bih=657&biw=1366#imgrc=9
NSX-QsNAaFogM&imgdii=s6Pm1tcmWs3ZnM

https://www.facebook.com/photo.php?
fbid=243218650374439&set=p.243218650374439&type=1&theater

15
https://www.facebook.com/search/str/gma+public+affairs+facebook+page/
keywords_search?
f=AbqwPYgZT36l4N8NTd7W36rAyeLrs1LLOFIo1BcGyEfhAk6CSdzu2yq0SRADIk1jE
PN5-
UWWT8SUNg5z1PkCj1OHfm1aXtpMseXEjFSwcyFhSY8Xwi9mn0bV7VIg15_3dCqJR
4qh0mXtPo5fGE3NFDzv&epa=RELATED_SEARCHES

16